ఎన్టీఆర్ కాంప్లెక్స్.. విజయవాడ నగరంలో ఎలక్ర్టానిక్‌ పరికరాల వ్యాపారానికి కేంద్రం.... కాని ఎన్టీఆర్ కాంప్లెక్స్ లో త్వరలో "హార్డ్ వేర్ బజార్"ను ఏర్పాటు కానుంది. ఈ విషయాన్ని స్వయంగా ముఖ్యమంత్రి చంద్రబాబునాయుడు ప్రకటించారు. నగరంలోని ఆటోనగర్లో జరిగిన 8 ఐటీ కంపెనీల ప్రారంభోత్సవానికి వచ్చిన ముఖ్యమంత్రి ఈ విషయం తెలిపారు.
సర్కిల్-2 పరిధిలోని ఎన్టీఆర్ కాంప్లెక్సులో అదనంగా పై అంతస్తు నిర్మాణం జరుగుతున్న విషయం తెలిసిందే. రూ. 9కోట్ల 90లక్షల వ్యయంతో నిర్మిస్తున్న అదనపు అంతస్తులో దాదాపు 128 షాపులు నిర్మిస్తున్నారు. ఇందులోనే "హార్డ్ వేర్ బజార్"ను ఏర్పాటు చేయనున్నారు. 2017 జూన్ నెలలో ఈ హార్డ్ వేర్ బజార్ ప్రారంభిస్తున్నట్లుగా ప్రకటించారు.
హార్డ్ వేర్ రంగానికి సంబంధించిన ఏ చిన్న వస్తువయినా ఇక్కడ లబిస్తుందని ముఖ్యమంత్రి తెలిపారు. హార్డ్ వేర్ రంగానికి సంబంధించి చిన్న చిప్ దగ్గరి నుంచి భారీ హార్డ్ వేర్ వస్తువులు ఇక్కడ లభించే అవకాశమున్నట్లుగా తెలుస్తోంది.
ప్రస్తుతం, ఎన్టీఆర్ షాపింగ్‌ కాంప్లెక్స్‌లో మొత్తం 119 షాపులు ఉన్నాయి.