నవ్యాంధ్ర రాజధాని, గన్నవరం ఇంటర్నేషనల్ ఎయిర్ పోర్ట్ పై, భారీ స్థాయిలో కుట్ర జరుగుతుందా ? కొన్ని అదృశ్య శక్తులు, దీని వెనుక ఉన్నారా ? ఇక్కడ ఎయిర్ పోర్ట్ డెవలప్ అయితే, వారికి బిజినెస్ పోతుంది అని, ఢిల్లీ పెద్దలతో కలిసి, హైదరాబాద్ లో కుట్ర చేస్తున్నారా ? గత మూడు సంవత్సరాలుగా దేశంలోని మెట్రోపాలిటన్‌ నగరాల ఎయిర్‌పోర్టుల కంటే వృద్ధి రేటులో అగ్రస్థానంలో ఉన్న గన్నవరం ఎయిర్ పోర్ట్, ఎదగనియ్యకుండా ఎవరు తొక్కి పెడుతున్నారు ? జరుగుతున్న పరిణామాలు చూస్తుంటే, ఎదో జరుగుతుంది అనే అనుమానాలు కలుగుతున్నాయి...
గన్నవరం ఎయిర్ పోర్ట్ కు ప్రైవేటు విమానయాన సంస్థలు రాకుండా, భారీ కుట్ర జరుగుతుంది అనే ఆరోపణలు వస్తున్నాయి... కొద్ది రోజుల క్రిందట విజయవాడ నుంచి కాశీకి విమానం నడిపింది స్పైస్‌జెట్‌... ఈ రూట్ సూపర్ హిట్ అయ్యింది... ప్రతి రోజు 70 - 80 శాతం ఆక్యుపెన్సీ ఉండేది... ఏమైందో ఏమో, కారణం చెప్పా పెట్టకుండా అర్ధంతరంగా స్పైస్‌ జెట్‌ సంస్థ తన సర్వీసును రద్దుచేసుకుంది. అలాగే పోయిన ఏడాది, ముంబైకి చెందిన జూమ్‌ ఎయిర్‌లైన్స్‌, గన్నవరం నుంచి ముంబై, జైపూర్‌లకు ఫ్లైట్ లు నడుపుతుంది అని ప్రచారం జరిగింది... ఈ దిశగా చాలా ప్రయత్నాలు జరిగాయి కూడా, మరో 15 రోజుల్లో మొదలు పెడతాం అని చెప్పారో లేదో, మరుసటి రోజే, జూమ్‌ ఎయిర్‌లైన్స్‌ మేము నడపటం లేదు అని వెనక్కు తగ్గింది...
ఈ సంస్థలు అర్ధంతరంగా తమ ప్రతిపాదనలు విరమించుకున్నాయి. దీని వెనుక కూడా అదృశ్య శక్తులు ఉన్నాయన్న ప్రచారం ఉంది. అయితే, ప్రైవేటు విమానయాన సంస్థలు ఈ అదృశ్య శక్తులకు తలొగ్గి వెనక్కు తగ్గుతున్నా, కేంద్ర ప్రభుత్వ విమానయాన సంస్థ ‘ఎయిర్ ఇండియా’ మాత్రం, సర్వీసులు పెంచుకుంటూ పోతుంది... హైదరాబాద్, ఢిల్లీ, రేపటి నుంచి ముంబై కూడా ధైర్యంగా ఫ్లైట్ లు నడుపుతుంది... ప్రయాణీకులు కూడా ఎప్పుడూ ఫుల్ అవుతూనే ఉన్నారు... ప్రస్తుతం ఇండిగో అనే ప్రైవేటు సంస్థ ముందుకు వచ్చింది... విచిత్రంగా తిరుపతి, రాజమండ్రి నుంచి సర్వీసులు ప్రారంభించింది కాని, ఇప్పటి వరకు గన్నవరం నుంచి సర్వీసులు మొదలు పెట్టలేదు.. అమరావతి రోజు రోజుకీ అభివృద్ధి చెందుతూ, ఎక్కువ ఆక్టివిటీ జరుగుతుంటే, దానికి తగ్గట్టు ప్రైవేటు విమాన సంస్థలు ఆపరేషన్స్‌ లేవు... ఇక్కడ కనుక ఆక్టివిటీ పెరిగితే, తమకి నష్టం అని కొంత మంది పవర్ఫుల్ అదృశ్య శక్తులు భావించి, ఈ కధ నడిపిస్తున్నారని సమాచారం... మరి ఈ విషయం చంద్రబాబు ఎలా డీల్ చేస్తారో చూడాలి...