Top Stories

'ఔనా... నిజమేనా!? పిడుగుపాటును ముందే కనిపెడుతున్నారా? ఇది ఎలా సాధ్యమవుతోంది?'... అనేక రాష్ట్రాలు ఆసక్తిగా సంధిస్తున్న ప్రశ్నలివి. ఏపీలో అందుబాటులోకి వచ్చిన ఈ పరిజ్ఞానంపై అనేక రాష్ట్రాల్లో ఆశ్చర్యం వ్యక్తమవుతోంది.

రాష్ట్రంలో పిడుగుపాటు విషయాన్ని ముందే చెప్పే విధానం పై దేశవ్యాప్తంగా చర్చ జరుగుతోంది. ఇతర రాష్ట్రాల ప్రభుత్వాలు పిడుగుపాటు అంశం పై ఏపీని సంప్రదిస్తున్నాయి. దీంతో ఇక్కడ ఉపయోగిస్తున్న టెక్నాలజీ పై దేశవ్యాప్తంగా విస్తృత చర్చ నడుస్తోంది. దాదాపు గంట ముందే పిడుగు ఎక్కడ పడుతుందో హెచ్చరించడం అనేది ఎంతో ఆశ్చర్యకరంగా ఉందని ఇతర రాష్ట్రాల ప్రభుత్వ ప్రతినిధులు అభిప్రాయపడుతున్నారు.

రాష్ట్రంలో గత కొన్ని రోజులుగా విపత్తుల నిర్వహణ శాఖ హెచ్చరిస్తున్నట్లు అనేక చోట్ల పిడుగులు పడుతున్నాయి. ముందే ఆ ప్రాంతంలో పిడుగుపడుతుందని చెప్పడంతో అక్కడి ప్రజలను అధికారులు అప్రమత్తం చేస్తున్నారు. దీంతో ఆ ప్రాంతంలో జరిగే ప్రాణ నష్టాన్ని నివారించేందుకు వీలుకలుగుతోంది. వేసవి కాలంలో ఆకస్మికంగా పడే వర్గాల సమయంలో ఉరుములు, మెరుపులు పడుతుంటాయి. ఇదే సందర్భంలో పిడుగులు పడి రైతులు, జీవాలు చనిపోయిన సందర్భాలు కోకొల్లలు.

దీంతో పిడుగుపడే సమాచారం ఏలా ఉపయోగిస్తున్నారన్న దాని పై ఇతర రాష్ట్రాలు అధ్యయనం చేస్తున్నాయి. ఇప్పటికే పలు రాష్టాలు రాష్ట విపత్తుల నిర్వహణశాఖను దీని పై సంప్రదించాయి. దీంతో ఆయా రాష్ట్రాలు అడుగుతున్న సమాచారం ఇచ్చేందు కు విపత్తుల నిర్వహణశాఖ సిద్ధమవుతుంది.

ప్రతీ రోజు ఏ ఏ జిల్లాల్లో ఎక్కడెక్కడ పిడుగులు పడే ప్రమాదం ఉందో 40 నిముషాల ముందే ఆ శాఖ హెచ్చరిస్తోంది. కొద్ది రోజుల్లోనే ఆ శాఖ ఇస్తున్న ప్రకటనల పై ప్రజల్లో నమ్మకం ఏర్పడింది. ఇది సోషల్ మీడియా లోనూ విస్తృతంగా చర్చ జరుగుతోంది. ఇలా ఇతర రాష్ట్రాలకు వెళ్లిన సమాచారంతో ఆయారాష్ట్రాలు ఇక్కడ చేపడుతున్నఆవిష్కరణలపై ఆరా తీస్తున్నాయి. దీనికి ఎంత ఖర్చుఅవతుంది, ఏలా చేపడుతుంది అనే అంశాలను తెలుసుకుంటున్నారు. ఇప్పటికే రాష్ట్రంలోని కొన్ని ప్రాంతాలకే పరిమితం అయిన ఈ టెక్నాలజీ రానున్న రోజుల్లో ఇతర ప్రాంతాలకు విస్తరించేందుకు విపత్తుల నిర్వహణ శాఖ ప్రయత్నిస్తోంది.

అంతర్జాతీయ హంగులతో విశాఖ విమానాశ్రయం ముస్తాబైంది. అంతర్జాతీయ ప్రమాణాలకు అనుగుణంగా విమానయానానికి అవకాశాలు ఉండడంతో ఎయిర్‌పోర్టు అధారిటీ ఆఫ్‌ ఇండియా సర్వీసులు నడిపేందుకు పచ్చజెండా ఊపింది. రాష్ట్రం నుంచి వివిధ ప్రాంతాలకు, విదేశాలకు కనెక్టివిటీ పెంచాలన్న ఉద్దేశ్యంతో విశాఖ విమానాశ్రయాన్ని అభివృద్ధి చేశారు. నూతన రాష్ట్రంగా అవతరించాక ప్రయాణికుల రాకపోకలు విశాఖ, గన్నవరంలో విపరీతంగా పెరిగాయి. విదేశీ పర్యాటకుల సంఖ్య కూడా గణనీయంగా పెరిగింది. సింగపూర్‌, రష్యా, చైనా, అమెరికా, బ్రిటన్‌, జపాన్‌ తదితర ప్రాంతాల నుంచి వివిధ పారిశ్రామికవేత్తలు, ఐటీ కంపెనీలు, వారి ప్రతినిధులు తరుచుగా విశాఖకు రాకపోకలు సాగిస్తున్నారు. ఇప్పటికే ఫిన్‌టెక్‌ సీటిగా గుర్తింపు పొందిన విశాఖ ఈ అంతర్జాతీయ విమాన సర్వీసులతో మరింత అభివృద్ధి చెందే అవకాశాలు ఉన్నాయి.

విశాఖ, విజయవాడ విమానాశ్రయాలను అంతర్జాతీయ స్థాయి కల్పించాలని రాష్ట్ర ప్రభుత్వం చేసిన విజ్ఞప్తికి ఎయిర్‌పోర్టు అథారిటీ ఆఫ్‌ ఇండియా గ్రీన్‌ సిగ్నల్‌ ఇచ్చింది. జూలై 8వ తేదీ నుంచి విశాఖకు విమానాశ్రయం నుంచి అంతర్జాతీయ సర్వీసులు నడిపేందుకు అనుమతిచ్చింది. దీనిలో భాగంగా శ్రీలకంలోని కొలంబో నుంచి విశాఖకు శ్రీలంక ఎయిర్‌లైన్స్‌ సర్వీసులు నడపనుంది. జూలై 8 నుంచి ఏపీలో అంతర్జాతీయ విమాన సర్వీసులు నడిపేందుకు కేంద్ర ప్రభుత్వం గ్రీన్‌ సిగ్నల్‌ ఇచ్చింది. కొలంబో నుంచి విశాఖకు శ్రీలంక ఎయిర్‌లైన్స్‌ విమానం సోమ, బుధ, శుక్ర, శనివారాల్లో సర్వీసులు నడపపనుంది.

కర్నూలు జిల్లాకు మహర్థశ పట్టింది. నిన్నదేశంలోనే అతి పెద్ద సోలార్ ప్రాజెక్టు ప్రారంభంకాగా, నేడు ఆసియా ఖండంలోనే అతిపెద్ద విత్తనాభివృద్ధి కేంద్రం ఏర్పాటుకు సన్నాహాలు జరుగుతున్నాయి. ముఖ్యమంత్రి చంద్రబాబు నాయుడు అమెరికా ఐయోవా సంస్థతో కుదుర్చుకున్న ఒప్పందం మేరకు ఈ భారీ ప్రాజెక్టును రాయలసీమలోని కర్నూలు ప్రాంతంలో ఏర్పాటు చేయాలని నిర్ణయించారు.

ఈ ప్రాజెక్టు నిర్మాణం 500 ఎకరాల్లో రూ.3.5 లక్షల కోట్లతో ఏర్పాటు చేయనున్నారు. శనివారం గుంటూరులోని వ్యవసాయ శాఖ కమిషనర్ కార్యాలయంలో వ్యవసాయ శాఖ, ఉద్యానవన శాఖ అధికారులు, అదే విధంగా యూనివర్సిటీల శాస్త్రవేత్తలు, విశ్రాంత ప్రొఫెసర్లు, విత్తన సరఫరా సంస్థ అధికారులు, ప్రైవేటు విత్తన సంస్థల ప్రతినిధులు, రైతులతో వర్క్ షాప్ నిర్వహించారు. కర్నూలులో ఏర్పాటు చేయబోయే మెగా సీడ్ ప్రాజెక్టు గురించి ఉదయం నుంచి సాయంత్రం వరకు వివిధ అంశాల పై సుదీర్ఘంగా చర్చించారు. దీని పై అమెరికాలోని ఐయోవా వర్సిటీ ప్రతినిధులు పాల్గుని ప్రాజెక్టుకు సంబంధించిన పలు అంశాల పై సలహాలు, సూచనలు ఇచ్చారు.

రైతులకు నాణ్యమైన విత్తనాలను సకాలంలో తక్కువ ధరలకు అందించాలనే లక్ష్యంతో సీఎం అమెరికాలోని ఐయోవా వర్సిటీ చేసుకున్న ఒప్పందం మేరకు మెగా సీడ్ ప్రాజెక్టును నెలకొల్పడం జరుగుతుంది. ఏపీ ప్రభుత్వం పబ్లిక్ ప్రైవేటు భాగస్వామ్యంతో ఐయోవా వర్సిటీ సహకారంతో కర్నూలు జిల్లాలోని తంగడచ్చ వద్ద 500 ఎకరాల్లో విత్తనాల పై పరిశోధన వినూత్న పద్ధతులు అవలంభించడం, విత్తన విధానాలు, నియంత్రణ, నైపుణ్యాభివృద్ధి, అంతర్జాతీయ కార్యక్రమూల నిర్వహణ, విత్తనాభివృద్ధి జరుగుతాయి.

సింగిల్ విండో విధానంలో రైతులకు విత్తనాలకు సంబంధించి అన్ని అంశాలను ఒకే చోట లభ్యమయ్యేట్లు చేయడమే పార్కు లక్ష్యం. విత్తన సరఫరాలోని వ్యత్యాసాన్ని అధిగమించేందుకు నాణ్యమైన కల్తీ లేని ఆరోగ్యకరమైన విత్తనాలను రైతులకు అందించేందుకు ఉపయోగపడుతుంది. వర్క్ షాప్లో చర్చించిన విషయాల పై సీఎంకు నివేదిక అందించనున్నట్లు వ్యవసాయ శాఖ ముఖ్య కార్యదర్శి రాజశేఖర్ పేర్కొన్నారు. ఈ ప్రాజెక్టుకు జూన్ నెలలో ముఖ్యమంత్రి శంకుస్థాపన చేయనున్నట్లు తెలుస్తోంది.

ప్రతిష్ఠాత్మక పోలవరం ప్రాజెక్టు పనులను ముఖ్యమంత్రి నారా చంద్రబాబునాయుడు ప్రత్యక్షంగా పరిశిలించారు. ఎండ్ మండిపోతున్న లెక్కచేయకుండా పోలవరం సందర్సించడం ఆయన చిత్తశుద్ధిని తెలుపుతొంది. పోలవరం ప్రాజెక్ట్ గేట్స్ నిర్మాణ పనులు,స్పిల్వే పనులు పరిశీలించారు ముఖ్యమంత్రి. కొండ ప్రాంతం కావడంతో ప్రాజెక్టు నిర్మాణ ప్రాంతం వద్ద నెల రోజులుగా 40 నుంచి 45 డిగ్రీల ఉష్ణోగ్రతలు నమోదవుతున్నాయి. అయినా పనుల్లో మాత్రం వేగం తగ్గడం లేదు. ముఖ్యంగా గేట్లు, డయాప్రమ్‌ వాల్‌ నిర్మాణంలో ప్లాస్టిక్‌ కాంక్రీట్‌ పనులు, స్పిల్‌వేలో కాంక్రీట్‌ పనులు చురుగ్గా సాగుతున్నాయి. పోలవరం ప్రాజెక్టు రాక్ ఫిల్ డాం, కాపర్ డయాఫ్రొం వాల్ నిర్మాణ పనులు పరిశీలించి, పలు సూచనలు అధికారులకు సూచించారు ముఖ్యమంత్రి నారా చంద్రబాబునాయుడు.

ఇప్పటి వరక ఎంత పని జరిగింది అంటే...
పోలవరం ప్రాజెక్టు పనులు అత్యంత వేగంగా జరుగుతున్నాయి. తెలుగు ప్రజల దశాబ్దాల కలను సాకారం చేసే దిశగా చురుగ్గా అడుగులు పడుతున్నాయి. ప్రాజెక్టు తొలి దశను 2018కి పూర్తి చేయాలని సీఎం చంద్రబాబు కృతనిశ్చయంతో ఉన్నారు.

ప్రాజెక్ట్ కు మొత్తం 48గేట్లు, ఇందులో 14 గేట్లను ప్రస్తుత సీజన్లో పూర్తి చేయాలన్నది లక్ష్యం... ఇందులో 12ఇప్పటికే పూర్తయ్యాయి. లక్ష్యానికి మించి మరో నాలుగు గేట్లను ఈ సీజన్లోగానే పూర్తిచేయనున్నారు.

నిర్మాణంలో వినియోగించే అంతర్జాతీయ అధునాత పరికరాలు ఇప్పటికే ముంబయ్ పోర్టుకు చేరుకున్నాయి. మరికొన్ని సముద్రం పై రవాణాలో ఉన్నాయి. ఇవి కూడా ప్రాజెక్ట్ ప్రాంతానికి చేరుకున్న అనంతరం పనుల్ని మరింత సమర్థవంతంగా ప్రాధాన్యతాక్రమంలో పూర్తి చేసే వీలుంటుంది.

గతంతో పోలిస్తే కాంక్రీట్ పనులు వేగం పుంజుకున్నాయి. లక్ష క్యూబిక్ మీటర్ల మొత్తం పనులకు గాను ఇంతవరకు 18,327 క్యూబిక్ మీటర్ల పనులు పూర్తయ్యాయి

419.667 మీటర్ల డయూఫ్రమ్ వాల్ పనులకు గాను 294 మీటర్ల పనులు పూర్తయ్యూయి. ప్రస్తుత సీజన్లో 40 మీటర్ల నిర్మాణం లక్ష్యం కాగా 46 మీటర్ల పనులు పూర్తిచేయగలిగారు

స్ప్రిల్ వేకు సంబంధించి ఫీడ్ ఛానల్లో 356మీటర్ల నుండి 900 మీటర్ల వరకు పనుల్ని జూన్ నెలాఖరు నాటికి పూర్తిచేయనున్నారు.

పవర్ హౌస్ నిర్మాణానికి సంబంధించి 12లక్షల క్యూబిక్ మీటర్ల పనులు జూన్ నెలాఖరుకు పూర్తవుతాయి.

మొత్తం ప్రాజెక్ట్కు సంబంధించి 10.55 కోట్ల క్యూబిక్ మీటర్ల మట్టిపనికి గాను ఇంతవరకు 9.84కోట్ల క్యూబిక్ మీటర్ల పనులు పూర్తయ్యాయి. మొత్తం ప్రాజెక్ట్ వ్యయంలో 40 శాతం వరకు భూసేకరణ, నిర్వాసితుల, సహాయ, పనరావాసాలకే ఖర్చవుతున్నాయి.

గ్రావిటీ ద్వారా నీరందించే సమయానికి భూసేకరణ, పునరావాస కార్యక్రమాల నిమిత్తం 5వేల కోట్ల వ్యయమౌతుంది. నిర్మాణానికి సంబంధించి 4700 కోట్ల వ్యయం జరుగుతుంది.

గేట్ల వెల్డింగ్ పనుల్ని అధిక ఉష్ణోగ్రతల కారణంగా మధ్యాహ్నం 11 నుంచి 3 గంటల వరకు నిలిపేస్తున్నారు. అలాగే పనుల్లో వేగం మందగించకుండా రాత్రిపూట కూడా పనులు నిర్వహిస్తున్నారు.

నిర్మాణంలో 1589 మంది సాంకేతిక నిపుణులు, 2232 మంది పనివారు పాలుపంచుకుంటున్నారు.

నవ్యాంధ్ర రాజధాని అమరావతిలో 900 ఎకరాల విస్తీర్ణంలో ఏర్పాటయ్యే పరిపాలనా నగరి ‘మాస్టర్‌ ప్లాన్‌’ ఖరారైంది. అసెంబ్లీ, సచివాలయం, రాజ్‌భవన్‌, హైకోర్టు, అధికారుల నివాస భవనాలు... ఇలాంటి కీలక నిర్మాణాలు ఏవి ఎక్కడుండాలో తెలిపే మాస్టర్‌ప్లాన్‌కు ప్రభుత్వ ఆమోద ముద్ర పడింది. అంతేకాదు... ‘ఐకానిక్‌’ బిల్డింగ్‌లా నిర్మించాలని తలపెట్టిన అసెంబ్లీ డిజైన్‌ కూడా దాదాపుగా ఖరారైంది.

అమరావతి పరిపాలనా నగర రూపకల్పనపై ముఖ్యమంత్రి నారా చంద్రబాబు నాయుడు సహా, అధికారులు, నార్మన్ ఫోస్టర్ ప్రతినిధులు దాదాపు ఏకాభిప్రాయానికి, ఒక అవగాహనకు వచ్చారు. సోమవారం ఉండవల్లిలోని తన నివాసంలో నార్మన్ ఫోస్టర్ ప్రతినిధులు రూపొందించిన పలు డిజైన్లను ముఖ్యమంత్రి పరిశీలించారు. దీనిపై నార్మన్ ఫోస్టర్స్ ప్రతినిధులతో సుదీర్ఘంగా చర్చించి పలు మార్పులు, చేర్పులు సూచించారు. అసెంబ్లీ, హైకోర్టు, సచివాలయం సహా వివిధ నిర్మాణాలు రాజధానికి తలమానికంగా వుండాలని ముఖ్యమంత్రి స్పష్టం చేశారు. నార్మన్ ఫోస్టర్ సంస్థ రూపొందించిన హైకోర్టు భవనం అంతగా ఆకట్టుకోవడం లేదని దానిని మరింత శోభాయమానంగా తీర్చిదిద్దాలని చెప్పారు. పరిపాలనా నగరానికి ఉత్తరం వైపు ఎన్టీఆర్ విగ్రహం, దక్షిణాన అంబేద్కర్ విగ్రహం వుండేలా చూడాలని నిర్దేశించారు. వీటికి నడుమ అమరావతి నగరమంతా వీక్షించేలా అత్యంత ఎత్తులో ప్రత్యేకంగా టవర్ నిర్మించాలని నిర్ణయించారు. రాజధానిలో ఐనవోలు వద్ద 125 అడుగుల ఎత్తైన అంబేడ్కర్‌ విగ్రహం ఏర్పాటు చేస్తున్నారు. ఇది పరిపాలనా నగరం మధ్యలో ఏర్పాటు చేసే టవర్‌కి అభిముఖంగా దక్షిణ దిశలో ఏడు కి.మీ. దూరంలో ఉంటుంది. టవర్‌కి అభిముఖంగానే ఉత్తరం పక్కన పరిపాలనా నగరంలో, కృష్ణా నది ఒడ్డున ఎత్తైన ఎన్టీఆర్‌ విగ్రహం ఏర్పాటు చేస్తారు. ఈ విగ్రహం ఎత్తు నిర్ణయించాల్సి ఉంది.

సచివాలయం, హెచ్ఓడీల కార్యాలయాలు పక్కపక్కనే వుండాలని, వాటికి అభిముఖంగా నివాస సముదాయాలు రావాలని ముఖ్యమంత్రి అన్నారు. పరిపాలన నగరంలో పూర్తిగా ప్రభుత్వ సొత్తు అని, ప్రైవేటు ఆస్తులకు ఎక్కడా చోటులేదని చెప్పారు. అన్నిరకాల సాంస్కృతిక ప్రదర్శనలకు వీలుగా అత్యంత అద్భుతంగా ఒక భవనాన్ని ప్రస్తుతం నిర్ణయించిన కన్వెన్షన్ సెంటర్ సమీపంలోనే నిర్మించాలని ముఖ్యమంత్రి చెప్పారు. శాసనసభ, శాసనమండలికి మధ్యలో సెంట్రల్ హాల్ వుండాలని అన్నారు. నగరానికి రెండు వైపులా అతి పెద్ద పార్కులను ఏర్పాటు చేయాలని సూచించారు. బీఆర్టీ, ఎమ్మార్టీ, ఈ బస్ వేల గురించి ముఖ్యమంత్రికి నార్మన్ ఫోస్టర్ ప్రతినిధులు వివరించారు.

ఓవైపు పరిపాలనా భవంతులు, మరోవైపు సాధారణ ప్రజానీకం సందర్శించేలా కన్వెన్షన్ సెంటర్, సాంస్కృతిక భవనం, ఎగ్జిబిషన్ సెంటర్, వాణిజ్య కూడలి, పార్కులు వుండాలంటూ తన ఆలోచనలను నార్మన్ ఫోస్టర్ ప్రతినిధులకు ముఖ్యమంత్రి వివరించారు. పరిపాలనా నగరంలో నిరంతరం నీటి ప్రవాహం వుండేలా చర్యలు తీసుకోవాలని, జస్టిస్ సిటీకి పక్కనే మరో నగరానికి చోటు కల్పించాలని చెప్పారు. ప్రజాప్రతినిధులకు, న్యాయమూర్తులకు నివాస సముదాయాలపైనా చర్చ జరిగింది. రాజ్ భవన్‌కు సమీపంలోనే ముఖ్యమంత్రి నివాస భవనం రానుంది.

900 ఎకరాల పరిపాలనా నగరాన్ని నాలుగు బ్లాకులుగా విభజించారు. ఒక్కో బ్లాకు ఒక కి.మీ. పొడవు, కిలో మీటరు వెడల్పు ఉంటుంది. దక్షిణం పక్కన ఉన్న మొదటి బ్లాకు మధ్య నుంచి పాలవాగు వెళుతుంది. ఈ బ్లాకులో దక్షిణం పక్కన మధ్యలో శాసనసభ భవనం వస్తుంది. ఎదురుగా పెరేడ్‌ గ్రౌండ్‌ ఉంటుంది. మంత్రులు, కార్యదర్శులు, విభాగాధిపతులు, ఎమ్మెల్యేల నివాస భవనాలు రెండో బ్లాకులో వస్తాయి. అఖిల భారత సర్వీసుల అధికారులు, గెజిటెడ్‌ అధికారుల నివాసాలు కూడా ఇక్కడే ఉంటాయి. దీని మధ్యలో అర్బన్‌ పార్కు ఉంటుంది. మూడో బ్లాక్‌లో సెంట్రల్‌ పార్కు వంటివి ఉంటాయి. నాలుగో బ్లాకులో రాజ్‌భవన్‌, ముఖ్యమంత్రి నివాసాలతో పాటు స్పోర్ట్స్‌ అరెనా, కన్వెన్షన్‌ సెంటర్‌ వంటివి వస్తాయి. పరిపాలనా నగరానికి కొనసాగింపుగా దక్షిణం వైపు న్యాయ నగరం ఉంటుంది. దీన్ని రెండు బ్లాకులుగా డిజైన్‌ చేశారు. దీనిలో మొదటి బ్లాకులో హైకోర్టు భవనం, న్యాయమూర్తుల నివాసాలు, ట్రైబ్యునల్‌ భవనాలు ఉంటాయి. రెండో బ్లాకులో వాణిజ్య, నివాస సముదాయాలుంటాయి.

హైకోర్టు డిజైన్లపై సీఎం సూచించిన మార్పుచేర్పులను చేసి, తుది ఆకృతులను వచ్చే నెలాఖరుకల్లా సమర్పించనున్నారు. ఫైనల్‌ డిజైన్లు సిద్ధమైన వెంటనే టెండర్లను పిలిచి, 2 నెలల్లోగా నిర్మాణ పనులు ప్రారంభించాలని చంద్రబాబు ఆదేశించారు. సచివాలయం, శాఖాధిపతుల కార్యాలయాల నిర్మాణంపై ఆసక్తి ఉన్నవారి కోసం ఇప్పటికే ‘రిక్వెస్ట్‌ ఫర్‌ ప్రపోజల్స్‌’ను పిలిచారు. వాటి డిజైన్లు ఖరారైన వెంటనే టెండర్ల ప్రకియ్ర ప్రారంభిస్తారు.

amaravati design 23052017 1

amaravati design 23052017 2

amaravati design 23052017 3

amaravati design 23052017 4

ఆంధ్రప్రదేశ్‌ ముఖ్యమంత్రి నారా చంద్రబాబు ఆదివారం తిరుమల శ్రీ వేంకటేశ్వర స్వామి వారిని కుటుంబసమేతంగా దర్శించుకున్నారు. తిరుమల శ్రీవారి సన్నిధిలో పద్మావతి విశ్రాంత సముదాయంలో మనవడు దేవాన్ష్‌ తో సీఎం చంద్రబాబు అక్షరాభ్యాసం చేయించారు. మూడు రోజుల పర్యటనలో భాగంగా చిత్తూరు జిల్లాకు వచ్చిన చంద్రబాబు కుటుంబసమేతంగా శనివారం రాత్రి తిరుమల చేరుకున్నారు. వెంకటేశ్వరస్వామి సీఎం కుటుంబానికి కులదైవం కావడంతో వారి ఇంట ఏ శుభకార్యమైన ఆక్కడే జరుపుతారు. అంతకుముందు అన్నప్రాసన, పుట్టు వెంట్రుకలు కూడా స్వామి సన్నిధిలోనే తీశారు. ఇవాళ శ్రీవారి చెంతనే తమ వారసుడికి అక్షరాభ్యాసం చేయించారు. నారా కుటుంబం మొత్తం వేడుకలో పాల్గొంది.

దేవాన్ష్‌ చేత నూతన సంప్రదాయానికి అంకురార్పణ చేయించాం. అ... అంటే అమ్మ, ఆ... అంటే ఆంధ్రప్రదేశ్‌... అ... అంటే అమరావతి, ఆ... అంటే ఆనందం, ఆరోగ్యం, ఆదాయం అని... దేవాన్ష్‌తో రాయించాం’’ అని సీఎం చంద్రబాబు తెలిపారు. త్వరలోనే టీటీడీ పాలకమండలి నియామకం జరుగుతుందని, తిరుపతిని ప్రపంచంలోనే నెంబర్‌వన్‌ సిటీగా అభివృద్ధి చేస్తామని చంద్రబాబు చెప్పారు.

అక్షరాభ్యాసం అనంతరం కుటుంబ సమేతంగా వైకుంఠం-1 మీదుగా క్యూలైన్‌ మార్గంలో ఆలయంలోకి ప్రవేశించి స్వామివారిని దర్శించుకున్నారు. అనంతరం రంగనాయకుని మండపంలో పండితులు వారికి వేదాశీస్సులు అందించారు. తితిదే ఈవో అనిల్‌కుమార్‌ సింఘాల్‌, తిరుమల జేఈవో శ్రీనివాసరాజు వారికి ప్రసాదం అందజేసి సత్కరించారు.

అమరావతి రాజధాని ప్రాంతంలో తలమానికంగా ఉన్న విజయవాడ ఎయిర్‌పోర్టు నుంచి మరో దిగ్గజ ప్రైవేటు విమానయాన సంస్థ, సర్వీసులు నడపటానికి సిద్ధమైంది. దీని కోసం అధ్యయనం చెయ్యటానికి, ‘ఇండిగో’, తన బృందాన్ని ఇక్కడకు పంపనుంది. విజయవాడ ఎయిర్‌పోర్టు నుంచి దేశంలో పలు ప్రాంతాలకు విమాన సర్వీసులు నడపటానికి ఫీజుబిలిటీను ఈ బృందం అధ్యయనం చెయ్యనుంది. ఇందుకోసం, విజయవాడ ఎయిర్‌పోర్టు డైరెక్టర్‌ మధుసూదనరావును, ‘ఇండిగో’అపాయింట్‌మెంట్‌ కావాలని కోరింది. ఎయిర్‌పోర్టు డైరెక్టర్‌ సూచన మేరకు, జూన్ 15, 16 తేదీలలో ‘ఇండిగో’ విమానయా న సంస్థ టెక్నికల్‌ బృందం విజయవాడ రాబోతోంది.

ఇండిగో ఎయిర్‌లైన్స ప్రధానంగా ఎయిర్‌బస్‌ 320, ఎయిర్‌బస్‌ 321, ఏటీఆర్‌ 72 శ్రేణి విమానాలను నడపటానికి వీలుగా ఉన్న పరిస్థితులను అధ్యయనం చేయనున్నది. ప్రధానంగా రన్‌వే, టాక్సీ వే, ఆఫ్రాన్స, పా ర్కింగ్‌ బేలు, అగ్నిమాపక విభాగం అందిస్తున్న సేవలు, నైట్‌ల్యాండింగ్‌, ఐఎల్‌ఎస్‌ తదితర సాంకేతిక వ్యవస్థల అందుబాటు పై అధ్యయనం చేయటంతోపాటు ఇతర విమానయాన సంస్థలు అందించే సేవలు, వివిధ ప్రాంతాలకు రాకపోకలు సాగించే ప్రయాణికుల వివరాలు, విమాన ఆపరేషన్స నిర్వహణ వంటి వాటికి సంబంధించి సమగ్ర అధ్యయనం జరపనున్నది.

ఇండిగో వస్తే.. దశ తిరిగినట్టే :
ఇప్పటివరకు విజయవాడ ఎయిర్‌పోర్టు నుంచి నడిచిన విమానయాన సంస్థలన్నీ ఒక ఎత్తయితే.. ఇండిగో ఎయిర్‌లైన్స ఒక్కటే మరో ఎత్తు. దేశంలోని అతిపెద్ద ప్రైవేటు విమానయాన సంస్థ అయిన ఇండిగో ప్రణాళికా బద్ధంగా సర్వీసులు నడుపుతుంటుంది. ఇండిగో విమానయాన సంస్థ ఏదైనా ఎయిర్‌పోర్టు నుంచి కార్యకలాపాలు ప్రారంభించాలంటే ఆషా మాషీగా అడుగు పెట్టదు. ఎంతో అధ్యయనం చేస్తుంది. ఫలానా ఎయిర్‌పోర్టు నుంచి సర్వీసులు నడపాలనుకుంటే ఒకటి, రెండు సర్వీసులతో ప్రారంభించదు. పెద్దమొత్తంలో సర్వీసుల ను నడుపుతుంది. దేశంలోని నలుమూలలకు కనెక్టివిటీ అయ్యేలా సర్వీసులు ప్రవేశపెడుతుంది. దీనిని దృష్టిలో ఉంచుకుని ఎయిర్‌పోర్టుకు ఇండిగో ఎయిర్‌లైన్సను తీసుకు రావాలన్న ప్రయత్నాలను ఎయిర్‌పోర్టు అధికారులు పట్టువిడవకుండా చేస్తున్నారు.

భవానీ ఐలాండ్ సరికొత్త హంగులను సంతరించుకోనుంది.... భవానీ ఐలాండ్ ఇమేజ్ మరింగ పెంచేందుకు రంగం సిద్ధమైంది... అమరావతి రాజధానికి ఆభరణం లాంటి భవానీ ఐలాండ్ సమగ్ర అభివృద్దికి తొలి అడుగు పడింది. ద్వీపాన్ని పూర్తి స్థాయిలో అభివృద్ధి చేసేందుకు ఏర్పాటు చేసిన భవానీ ఐలాండ్ టూరిజం కార్పొరేషన్(బి. ఐ.టి.సి)కు తొలి విడతగా రూ.6 కోట్ల నిధులను సర్కారు గురువారం విడుదల చేసూ జీవో జారీ చేసింది. ఈ నిధులతో భవానీద్వీపంలో మల్టీమీడియా లేజర్ షో, దీనికి అనుబంధంగా మ్యూజికల్ డాన్సింగ్ ఫాంటైన్స్ వాటర్ స్కీన్లు ఏర్పాటు చేయనున్నారు.

దేశంలోనే మరెక్కడా లేనంత అద్భుత ద్వీపం.. భవానీ ఐలాండ్ 132 ఎకరాల్లో స్వచ్చమైన కృష్ణా మంచినీటి జలాల మధ్యలో ఏర్పడిన ప్రకృతి ప్రసాదితం. దీనిలో 15 ఎకరాలు అభివృద్ధి చేసి ప్రస్తుతం పర్యటకుల కోసం అందుబా టులో ఉంచారు. అయితే. ఈ 15 ఎకరాల్లోనూ పర్యాటకుల కోసం చేసిన ఏర్పాట్ల నామమాత్రమే. దీంతో వెళ్లినవాళ్లు వెళ్లినట్టే వెనక్కి వచ్చేస్తున్నారు. అందుకే, భవానీ ద్వీపాన్ని పూర్తి స్తాయిలో అభివృద్ధి చేయాలని ప్రభుత్వం నిర్ణయించింది. దీనికి అవసరమైన బృహత్తర ప్రణాళికను సైతం సిద్ధం చేశారు. ఈ ప్రణాళికను అమలు చేసేందుకు. ప్రత్యేకంగా బీఐటీసీని ఏర్పాటు చేసింది. తొలిదశలో భాగంగా అత్యాధునిక లేజర్ షోను ఏర్పాటు చేయనున్నారు. విదేశాల్లో ఎంతో ప్రాచుర్యంలో ఉన్న మల్టీమీడియా లేజర్ షో సందర్శకులను ఎంతగానో ఆకట్టుకుంటుంది.

మల్లీమీడియా లేజర్ షో అన్నది ప్రపంచంలోనే అత్యుత్తమమైనది. ఇందులో విజువలైజేషన్ కూడా ఉంటుంది. ఇక మ్యూజికల్ డాన్సింగ్ పౌంటెయిన్ అన్నది ప్రత్యేకమైనది. ఒక వేదిక మీద సంగీత కచేరీ జరుగుతుంటే దానికి అనుగుణంగా చుట్టూ ఉన్న పౌంటెయిన్స్ నృత్యాలు చేస్తుంటాయి. విద్యుత్ లైటింగ్ నడుమ దేదీప్య మానంగా వెలిగిపోతుంటుంది. అటు మల్లీమీడియా లేజర్ షోను, ఇటు మ్యూజిక్ అండ్ డ్యాన్స్ పౌంటెయిన్ను అనుసంధానం చేసారు. దీనివల్ల సంగీతానికి అనుగుణంగా పౌంటెయిన్లు నృత్యం చేస్తున్నట్లు కనిపిస్తుంది.

హైదరాబాద్ గోల్గొండ కోటలో ఏర్పాటు చేసిన లేజర్ షో ఇలాంటిదే. అయితే. ఇక్కడ కృష్ణా జలాలు సైతం అదనపు ఆకర్షణ కావడంతో. లేజర్ షోకు అనుబంధంగా మ్యూజికల్ పౌంటైన్లు, వాటర్ స్క్రీన్, సైతం ఏర్పాటు చేయనున్నారు. అద్భుతమైన వెలుగు కిరణాల విన్యాసాల మధ్య, చెవులకు ఇంపుగా ఉండే సంగీతానికి తగ్గట్టుగా, నీరు గాలిలోనికి లేచి, నాట్యం చేస్తున్నట్టుగా ఉండే. ఈ దృశ్యాలు అత్యద్బుతంగా ఉంటాయి.

ప్రస్తుతం భవానీ ద్వీపంలో ఎలాంటి ఆకట్టే అంశాలు లేకపోవడంతో నిత్యం 500 మంది లోపే వస్తున్నారు. ఆదివారాలు, సెలవుదినాల్లో ఎక్కువ మంది ఉంటారు. నెలకు 15 వేల లోపు, ఏటా రెండు లక్షల మంది వరకూ వస్తున్నారు. వీరంతా కేవలం పడవ ప్రయాణం పై ఆసక్తితోనే వస్తున్నారు.

నవ్యాంధ్ర రాజధాని ఆమరావతి పరిధిలో ఆంఫీబీయోస్‌ బస్సులు (బోటు కం బస్సు) అందుబాటులోకి వచ్చేసాయి... ఈ వాహనం చూడడానికి బస్సు మాదిరిగా ఉంటుంది. రోడ్డు మీద టైర్ల సహకారంతో ఇతర వాహనాల మాదిరిగా ఉంటుంది. నీటిలో దిగిన తర్వాత లాంచి మాదిరిగా తేలుతూ పయనిస్తున్నాయి. విదేశాల్లో మాత్రమే కనిపించే ఇలాంటి ప్రత్యేక బస్సులను తొలిసారి అమరావతిలో ప్రవేశపెట్టిన పర్యాటక శాఖ అధికారులు, నిన్న ట్రయిల్ రన్ నిర్వచించారు..

బస్సును పది రోజుల క్రితమే విజయవాడకు తీసుకొచ్చారు. అనంతరం రహదారి పై పరీక్షించారు. నదిలోకి దింపేందుకు పన్నమి ఘాట్ సమీపంలో నిర్మించిన ర్యాంప్ అనువుగా లేకపోవడంతో ట్రయల్ రన్ నిలిపివేశారు. ర్యాంప్ సరిచేసి, నిన్న ట్రయిల్ రన్ నిర్వచించారు.. ట్రయిల్ సక్సెస్ అవ్వటంతో, త్వరలోనే ఈ బోటును పర్యాటకులకు అందుబాటులోకి తీసుకురానున్నారు. ఈ మేరకు పర్యాటకశాఖ ఏర్పాట్ల చేస్తోంది. ముఖ్యమంత్రి చంద్రబాబు వీటిని ప్రారంభించనున్నారు.

బస్సులో సుమారు 32 సీట్లు ఉంటాయి. ఇవి రోడ్డుపై గంటకు గరిష్టంగా 94 కిలోమీటర్ల వేగంతో ప్రయాణిస్తాయి. నీటిలో ఎనిమిది నాట్స్‌ వేగంతో వెళ్లగలవు.

వెలగపూడి సచివాలయం చేరుకోవటానికి చాలా ఉపయోగం:
విజయవాడ నుంచి వెలగపూడి మధ్య 25 కిలోమీటర్ల ప్రయాణం. అంతదూరం వెళ్లాలంటే సుమారు 45 నిముషాల సమయం పడుతుంది. ఆంఫీబీయోస్‌ బస్సులను ప్రవేశపెడితే ఈ దూరం 5-6 కిలోమీటర్లకు తగ్గుతుంది. పవిత్రసంగమం వద్ద ఆంఫీబీయోస్‌ బస్సు ఎక్కితే కేవలం 15 నిమిషాల్లో తాళ్లాయపాలెం చేరుకుని అక్కడి నుంచి 10 నిమిషాల్లో వెలగపూడికి వెళ్లే ఆవకాశం ఉంటుంది. గుంటూరు నుంచి బెజవాడ కనకదుర్గమ్మ దర్శనానికి వచ్చేవారు కూడా తాళ్లాయపాలెం నుంచి ఆంఫీబీయోలలో నేరుగా దుర్గా ఘాట్ కు చేరుకోవచ్చు. వీటివల్ల ప్రయాణ సమయం తగ్గడంతో పాటు ట్రాఫిక్ సమస్యల నుంచి బయటపడే అవకాశం ఉంటుంది.

పర్యాటకంగా కూడా:
ఆంఫీబీయోల వల్ల ప్రజలకు సేవ చేయడంతో పాటు ఆమరావతి ప్రాంతం పర్యాటకంగా అభివృధి చెందుతుంది. వీటిని పర్యాటకంగా ఉపయోగించటం కోసం, ఒక రూట్ ప్లాన్ చేసారు. భవానీపురం ఘాట్‌ నుంచి నదిలో బయలుదేరి భవానీ ద్వీపం మీదుగా లోటస్‌ హోటల్‌కు చేరుకుంటుంది. అక్కడి నుంచి రోడ్డు మార్గంలో ఉండవల్లి గుహలు, మంగళగిరి లక్ష్మీనర్సింహ స్వామి దేవాలయం, అమరావతి సచివాలయం, ఉద్దండరాయపాలెం, శ్రీశివక్షేత్రం ప్రాంతాల్లో పర్యటిస్తుంది. తిరుగు ప్రయాణంలో శ్రీదుర్గామల్లేశ్వరస్వామి దేవాలయ దర్శనం, మ్యూజియం, తదితరాలు ఉంటాయి.

గన్నవరం ఎయిర్‌పోర్టుకు అంతర్జాతీయ హోదా కల్పిస్తూ కేంద్ర కేబినెట్‌ నిర్ణయం తీసుకోవటంతో, ప్రపంచ దేశాలకు విమాన సర్వీసులను నడిపేందుకు విమానయాన సంస్థలు ముందుకు వస్తున్నాయి. ఎయిర్‌ ఇండియా, ఇండిగో, ఎయిర్‌ ఏషియా సంస్థలు అంతర్జాతీయ విమానా సర్వీసులు నడపటానికి సిద్ధంగా ఉన్నాయి. అధికారికంగా త్వరలోనే దీని పై ఒక ప్రకటన వచ్చే అవకాసం ఉంది.

కృష్ణా, గుంటూరు, ప్రకాశం, పశ్చిమగోదావరి జిల్లాల నుంచి ఏటా లక్షల మంది దేశ, విదేశాలకు వెళ్తుంటారు. వీరంతా హైదరాబాద్‌, చెన్నై, ముంబయి వంటి నగరాలకు వెళ్లి అక్కడి విమానాశ్రయాల నుంచి వెళ్లాల్సి వస్తోంది. కేవలం హైదరాబాద్‌ విమానాశ్రయం నుంచి విదేశాలకు వెళ్తున్న వాళ్లలో 25శాతం ఈ నాలుగు జిల్లాలకు చెందిన వారే. ఇక విదేశాలకు నేరుగా ఇక్కడి నుంచి వెళ్లిపోవచ్చు. పర్యటకంగా కూడా ఎంతో మేలు జరగబోతోంది.

జాతీయ, అంతర్జాతీయ విమానయాన సంస్థలు ఇక్కడి నుంచి విమాన సర్వీసులు ప్రారంభించడంవల్ల పోటీ పెరిగి తక్కువ ధరకే సేవలు అందుబాటులోకి వచ్చే అవకాశం ఉంది. జాతీయ, అంతర్జాతీయ పర్యాటకం వృద్ధి చెందనుంది. అంతర్జాతీయ ప్రయాణికులు, కార్గో ట్రాఫిక్‌ పెరగడం ఆంధ్రప్రదేశ్‌ సామాజిక, ఆర్థికాభివృద్ధికి బాటలు పరుస్తుంది.

ఇప్పటికే, పాత టెర్మినల్‌ను ఆధునీకరించి అందుబాటులోకి తీసుకు రావటానికి టెండర్లు పిలిచారు. కస్టమ్స్‌ , ఇమ్మిగ్రేషన్‌ శాఖల కోసం కూడా ఏర్పాట్లు చేస్తున్నారు. మరో పక్క, రన్‌వే విస్తరణ పనులు వేగంగా జరుగుతున్నాయి.

విభజన చట్టంలోని మరో హామీని కేంద్రం నెరవేర్చింది. కృష్ణా జిల్లాలోని గన్నవరం ఎయిర్‌పోర్టుకు అంతర్జాతీయ హోదా కల్పిస్తూ కేంద్ర కేబినెట్‌ బుధవారం ఆమోదం తెలిపింది. రాష్ట్ర విభజన నేపథ్యంలో ఏపీకు ఇచ్చిన హామీ మేరకు కేంద్రం ఈ నిర్ణయం తీసుకుంది. కేంద్ర కేబినెట్ నిర్ణయంపై సీఎం చంద్రబాబు హర్షం వ్యక్తం చేశారు.

కేంద్ర పౌర విమానయాన శాఖ మంత్రి అశోక్ గజపతి రాజు విజయవాడ ఎయిర్ పోర్ట్ కు తప్పకుండా అంతర్జాతీయ హోదా వస్తుందని గతంలో పలుమారు పేర్కొన్నారు. అన్నింటి కంటే ముఖ్యంగా కేంద్ర పట్టణాభివృద్ధి శాఖ మంత్రి వెంకయ్యనాయుడు ఇక్కడి ఎయిర్ పోర్ట్ కు ప్రాధాన్యం ఇస్తుండడంతో కేబినెట్ లో సానుకూల నిర్ణయం వచ్చింది. రాష్ట్ర విభజనకు ముందు ఉమ్మడి ఆంధ్రప్రదేశ్ లో హైదరాబాద్ లోని విమానాశ్రయమే అంతర్జాతీయ స్థాయి కలిగి ఉండేది. శంషాబాద్ ఎయిర్ పోర్ట్ దేశానికే ఆదర్శంగా నిలుస్తోంది. విభజన తర్వాత నవ్యాంధ్రలో ఈ స్థాయి ఎయిర్ పోర్ట్ లేదు.

రాష్ట్ర ప్రభుత్వం విశాఖపట్నం, విజయవాడ, తిరుపతి విమానాశ్రయాలను అంతర్జాతీయ ప్రమాణాలకనుగుణంగా విస్తరిస్తోంది. రన్వే, మౌలిక సదుపాయాలు, టెర్మినల్ బిల్లింగ్ సాంకేతిక పరిజ్ఞానం, పార్కింగ్ బే, ఇలా అన్నింట్లోనూ విజయవాడ ఎయిర్ పోర్ట్ రాష్ట్రంలోనే అగ్ర స్థానంలో ఉంది. దేశంలోని ఏ మెట్రోపాలిటన్ ఎయిర్ పోర్ట్ సాధించని వృద్ధిని విజయవాడ ఎయిర్ పోర్ట్ మూడేళ్లుగా సాధిస్తోంది. ఈ ఆర్ధిక సంవత్సరంలో మిలియన్ ప్రయాణికుల లక్ష్యాన్ని నిర్దేశించుకుంది. ఈ క్రమంలో కేంద్ర కేబినెట్లో ఎయిర్పోరుకు అంతర్జాతీయ హోదా కల్పించటం సంతోషించాల్సిన విషయం.

పిబి సిద్దార్ధ కళాశాల శిక్షణ ఉపాధి విభాగం ఆధ్వర్యంలో ఈ నెల 5న జాతీయ సాఫ్ట్ వేర్ సంస్థ క్యాప్ జెమినీ క్యాంపస్ ఇంటర్వ్యూలు నిర్వహిస్తున్నట్లు కళాశాల ప్రిన్సిపాల్ డా. ఎం రమేష్ తెలిపారు.

2016, 2017 సంవత్సరాల్లో డిగ్రీ ఉత్తీర్ణులైన విద్యార్థులంతా పల్గునవచ్చు అన్నారు. బిఎస్సీ, బికాం, బిసిఎ, బిబిఎలలో ఉత్తీర్ణులైన పదో తరగతి, ఇంటర్మీడియట్, డిగ్రీల్లో కనీసం 55శాతం మార్కులు వచ్చిన విద్యారులు 5న ఉదయం పిబి సిద్దార్ధ కళాశాల ఉపాధి అధికారి శ్రీధర్ ను సంప్రదించాలని సూచిం చారు.

ఆసక్తి కలిగిన విద్యారులు బయో డేటా, ఫోటో, సర్టిఫికెట్ల, ప్రభుత్వం జారీ చేసిన ఏదైనా గుర్తింపు కార్డుతో హాజరుకావాలని తెలిపారు.

హాజరైన విద్యారులకు ఆన్లైన్ పరీక్ష నిర్వహిస్తామని, ఎంపికైన విద్యారులకు దేశవ్యాప్తంగా ఉన్న క్యాప్ జెమినీ సంస్థలో నియామకం జరుగుతుంది అని తెలిపారు.

2016 సంవత్సరానికి దాదాసాహెబ్ ఫాల్కే పురస్కారాన్ని దక్కించుకున్న కళాతపస్వి కె. విశ్వనాథ్‌కు ముఖ్యమంత్రి నారా చంద్రబాబు నాయుడు శుభాకాంక్షలు చెప్పారు. కె. విశ్వనాథ్‌కు దాదాసాహెబ్ ఫాల్కే వరించడంతో తెలుగువారి కీర్తి మరోసారి జాతీయస్థాయిలో మార్మోగిందని సంతోషం వ్యక్తం చేసారు ముఖ్యమంత్రి.

శంకరాభరణం, శృతిలయలు, సిరివెన్నెల, సాగరసంగమం, స్వర్ణకమలం, స్వాతికిరణం, స్వాతిముత్యం వంటి మనసుకు హత్తుకునే అపురూప, చరిత్రలో నిలిచిపోయే చిత్రాలు ఎన్నో తెలుగువారికి అందించారు అని ముఖ్యమంత్రి చెప్పారు. ఆ రోజుల్లోనే ఒక తెలుగు సినిమాను ఆస్కార్ అవార్డుకు నామినేట్ అయ్యేలా రూపొందించిన ఘనత కె. విశ్వనాథ్‌దే అని అన్నారు.

1957లో సినిమారంగంలో ప్రవేశించి నేటికి కూడా వెండితెరతో అనుబంధాన్ని కొనసాగిస్తూ కె. విశ్వనాథ్ భారతీయ చలన చిత్ర రంగానికి ఎంతో సేవ చేస్తున్నారు అన్నారు. సినీ ప్రపంచంలో అడుగుపెట్టే భావితరాలకు కె. విశ్వనాథ్ స్ఫూర్తిగా, మార్గదర్శిగా నిలుస్తారు అని ముఖ్యమంత్రి అన్నారు.

కోట్లాది అభిమానుల ఆరాధ్య క్రికెటర్‌ సచిన్‌ తెందూల్కర్‌ జీవితం ఆధారంగా తెరకెక్కించిన ‘సచిన్‌: ఎ బిలియన్‌ డ్రీమ్స్‌’ సినిమా ట్రైలర్‌ విడుదలైంది. ‘అజహర్‌’, ‘ఎమ్‌.ఎస్‌. ధోని: ది అన్‌టోల్డ్‌ స్టోరీ’ల తర్వాత భారత క్రికెటర్‌ జీవితం ఆధారంగా రూపొందించిన మూడో చిత్రమిది.

అయితే టీజర్‌లో, 1.12 సెకండ్స్ దగ్గర, 2014లో, సచిన్ PVP మాల్ ఓపెనింగ్ కి, విజయవాడ వచ్చినప్పుడు, బందర్ రోడ్డు పై అభిమానుల కోలాహలం, వారికి సచిన్ అభివాదం చెయ్యటం, ఈ ట్రైలర్ లో చూపించారు.

ఈ వీడియోలో 1.12 సెకండ్స్ దగ్గర, మీరు చూడండి

తెలుగు సినిమా స్టామినాను ప్రపంచవ్యాప్తంగా పరిచయం చేసిన చిత్రం ‘బాహుబలి’. ఈ సినిమా రెండో భాగం త్వరలో ప్రేక్షకుల ముందుకు రానుంది. గురువారంనాడు ఈ సినిమా ట్రైలర్‌ విడుదల అయ్యింది.

సాధారణంగా తెలుగు సినిమా ట్రైలర్‌ మహా అయితే నిమిషం, ఒకటిన్నర నిమిషం మాత్రమే ఉంటుంది. కానీ, ‘బాహుబలి:ది కంక్లూజన్‌’ ట్రైలర్‌ను మాత్రం హాలీవుడ్‌ సినిమాల తరహాలో రెండు నిమిషాల 20 సెకెన్ల పాటు ఉండేలా కట్‌ చేశారు.

తెలుగు సినిమా చరిత్రకు 85 వసంతాలు... తొలి తెలుగు టాకీ ‘భక్త ప్రహ్లాద’విడుదలై నేటికి 85 సంవత్సరాలు.. 1932 ఫిబ్రవరి 6న, భక్త ప్రహ్లాద విడుదల అయ్యింది. అందుకే, తెలుగు సినిమా పుట్టిన రోజుని, ఈ రోజుగా జరుపుకుంటారు. HM రెడ్డి గారు తొలిసారిగా "భక్త ప్రహ్లాద" సినిమాను నిర్మించారు. 5 - 2 - 1932 నాడు ఆ సినిమా విడుదల అయింది. మన ఈ తొలి పూర్తి తెలుగు సినిమా కేవలం 18 వేల రూపాయల పెట్టుబడితో, 18 రోజుల్లో నిర్మాణమైంది. మొత్తం 9,762 అడుగుల నిడివిగల 10 రీళ్ళ సినిమా ఇది. అప్పట్లో తెలుగువారు పెద్ద సంఖ్యలో ఉన్న బొంబాయిలోనే, చిత్ర నిర్మాతల సొంత థియేటరైన కృష్ణా సినిమా థియేటర్‌లో ముందుగా ఈ చిత్రం విడుదలైంది. అక్కడ రెండు వారాలాడాక, తెలుగు నేల మీదకు వచ్చింది. విజయవాడ (శ్రీమారుతి సినిమా హాలు), రాజమండ్రి (శ్రీకృష్ణా సినిమాహాలు)ల్లో ప్రదర్శితమైంది.

ఆనాటి నుంచి నేటి వరకు సినిమా రంగం రోజురోజుకు కొత్తపుంతలు తొక్కుతూ ఇవాళ విశ్వవ్యాపితం అయింది. మొన్నమొన్నటి వరకు రాష్ట్ర సరిహద్దులు దాటని తెలుగు సినిమా ఇవాళ ప్రపంచవ్యాప్తంగా విడుదల అవుతూ అభిమానులను అలరిస్తుంది. ఎనభై అయిదేళ్ల సుదీర్ఘ కాలంలో వేలాదిమంది నటీనటులు, దర్శకులు, రచయితలు, సంగీత దర్శకులు, సాంకేతిక నిపుణులు, కార్మికులు తమ జీవితాలతో పాటు తెలుగు సినిమాకు కళాసేవ చేశారు.

బెజవాడ మారుతి థియేటర్లో తోలి సినిమా: ఇండియాలోనే తొలి టాకీ సినిమా ‘ఆలం ఆరా’ మారుతి థియేటర్లో ప్రదర్శించారు. ఈ సినిమాను ప్రదర్శించడానికి బెంగుళూరు నుంచి ప్రత్యేకంగా ప్రొజెక్టర్లను తెప్పించారు. తరువాత తొలి తెలుగు టాకీ సినిమా "భక్త ప్రహ్లద" ఇదే ధియేటర్లో ఆడింది.

తెలుగు సినిమా విజయవంతంలో విజయవాడదే అగ్రస్తానం. ఇక్కడ సినిమా పరిశ్రమ వేళ్ళూనుకుంది. తెలుగు సినిమాకు 85 సంవత్సరాలు నిండితే, ఆంధ్రప్రదేశ్ లో, తోలి సినిమా హాలు మారుతి ధియేటర్ విజయవాడలో నిర్మించి, 95 ఏళ్ళు అయ్యింది.

విజయవాడలో ప్రఖ్యాత సినిమాహాళ్లు అప్పట్లో చాలానే ఉండేవి. 1921లో మారుతీ ధియేటర్, 1928లో దుర్గా కళా మందిరం, 1929 లక్ష్మీ టాకీస్, 1939లో రామాటాకీస్, 1940లో సరస్వతీ టాకీస్, 1944లో లీలామహల్ (ఆంద్రాలో ప్రత్యేకంగా ఇంగ్లీషు సినిమాలను ప్రదర్శించడానికి ఈ సినిమా హాల్ నిర్మించారు), 1948లో జైహింద్ టాకీస్, 1949లో జవహర్ థియేటర్ (విజయా టాకీస్), 1950లో శేష్ మహల్, 1951లో రాజస్తాన్ థియేటర్( వినోదా టాకీస్), 1952లో ఈశ్వర మహల్, ఆ తరువాత షహన్షా మహల్ (ఇప్పటి నవరంగ్ థియేటర్), శ్రీనివాస మహల్ ఇలా పలు థియేటరులు వచ్చాయి. ఇప్పుడు వీటిలో రెండు, మూడు మినహా అన్ని థియేటర్లు కనుమరుగు అయిపోయాయి. 1954లో ఆంద్రా ఫిలిం ఛాంబర్ వచ్చింది.

విశాఖపట్నంలో క్వాలిటీ పిక్చర్స్ అనే సంస్థను స్థాపించిన కె.మంగరాజు, ఆ తర్వాత పేరు మార్చి విజయవాడలో పూర్గా పిక్చర్స్ను ఏర్పాటు చేసి ప్రథమ సినిమా పంపిణీదారుడుగా ప్రసిద్ధి పొందారు. అప్పట్లోనే 11 పంపిణీ సంస్థలు విజయవాడలో ఉండేవి. సినిమాలకు కావాల్సిన ప్రచారం కోసం అవసరమైన లిధో ప్రెస్సులు, పబ్లిసిటీ సంస్థలు, వంటివి చాలా వెలిసాయి. అప్పట్లో సినిమా, అనుబంధ పరిశ్రమల ద్వారా ఉపాధి బాగా ఉండేది.

గౌతమిపుత్ర శాతకర్ణి - ఇది ఒక సినిమా మాత్రమే కాదు.. ఒక చరిత్ర... ఇది బాలకృష్ణ సినిమా కాదు, ఒక తెలుగు వీరుడి వీరోచిత గాథ... ఇది తెలుగుజాతి ఖ్యాతిని నేల నలుచెరుగులా విస్తరించి దేశం మీసం తిప్పిన ఒక అమ్మ కొడుకు చరిత్ర... వివిధ రాజ్యాల,ఘణాలుగా విడివడి ఒకరికొకరు కొట్టుకు చస్తున్న వారందరినీ ఓడించి ఒకే ఛత్రం కిందకి తీసుకువచ్చి అఖండ భారతావనిని సృష్టించిన ఒక తెలుగు వీరుని చరిత్ర... రాజసూయ యాగం నిర్వహించి.. ఒక కొత్త శఖానికి ఆద్యం పోసి ఉగాది అంటూ మనమందరం జరుపుకునే పండుగకి నాంది పలికిన ఒక తెలుగు సార్వభౌముడి చరిత్ర....నిజం ఇది సినిమా కాదు మన చరిత్ర... ప్రతి తెలుగువాడు చూసి తెలుసుకోవాల్సిన చరిత్ర... మన మూలాలు ఎంత బలమో.. మన నెత్తురుకి ఎంత సత్తువ వుందో మనకి తెలిపే చరిత్ర....

తెలుగు జాతి వైభవాన్ని విశ్వవ్యాప్తం చేసిన మహారాజులు, చక్రవర్తులు ఎంతో మంది ఉన్నారు. ప్రపంచంలో ఏ జాతికీ తీసిపోని ఖ్యాతి తెలుగువారి సొంతం. మౌర్య సామ్రాజ్యం పతనం తర్వాత.. మళ్లీ అంతటి అఖండ భూభాగాన్ని ఒకే ఏలుబడిలోకి తెచ్చిన పరాక్రమం శాతవాహనులది. ఆ వంశంలో 23వ చక్రవర్తి... భారతదేశచరిత్రలో నిలిచిపోయి వీరాధివీరుడు.. గౌతమీపుత్ర శాతకర్ణి. ఇప్పుడు ఆ శిఖరసమానుడి ఘనత వెండితెరపై నందమూరి బాలకృష్ణ 100వ చిత్రంగా, క్రిష్ అధ్బుతంగా మన చరిత్రను మన కళ్ళ ముందు ఉంచాడు.

శాతకర్ణి పాత్రలో బాలయ్య నటన అద్భతం.... నిజం గా శాతకర్ణి బాలయ్యకు పున్నాడేమో అన్నట్టు ఉంటుంది కొన్ని సన్నివేశాల్లో.. తరతరాలుగా తెలుగుజాతి మీద జరుతున్న ప్రతి కుట్రను ... ప్రతి అవమానాన్ని ... గౌరవ మర్యాదల కట్టుబాట్ల మద్య నిశ్శబ్దంగా భరిస్తూ , సహిస్తూ, ఎన్ని కుట్రలు పన్ని తొక్కాలని చూసినా ఎగిరొచ్చి, ఆకాశాన్ని తాకాలన్ని పొగరుగా ముందుకురికే తెలుగోడి కసితో రగిలిపోతున్న తెలుగోడి ఆత్మగౌరవ సమర శంఖారావం అయిన ఈ గౌతమిపుత్ర శాతకర్ణి పాత్రలో బాలకృష్ణ అద్భుతంగా నటించారు.

మాటాల రచయత బుర్రా సాయి మాధవ్ గారి గురించి ఎంత చెప్పినా తక్కువే... ఆ మాటల్లో తెలుగువాడి పౌరుషం ఏంటో తెలుస్తుంది... ఒక డైలాగ్ ఇక్కడ ప్రస్తావించాలి... ఆ హీరో, ఈ హీరో అని... ఆ కులం, ఈ కులం అని.... ఆ ప్రాంతం, ఈ ప్రాంతం అని కొట్టుకునే మన అందరం తెలుసుకోవాల్సింది, నేర్చుకోవాల్సింది....
"వెళ్ళి ఈ ప్రపంచానికి నా మాటగా చెప్పు. నా దేశం ఉమ్మడి కుటుంబం, గది కి గది కి గోడలుంటాయ్ గొడవలుంటాయ్. ఈ ఇళ్ళు నాదంటే నాదని కొట్టుకుంటాం కానీ ఎవడో వచ్చి ఈ ఇళ్ళు నాదంటే ఎగరేసి నరుకుతాం.. సరిహద్దుల్లోనే మీకు స్మశానం నిర్మిస్తాం,మీ మొండేలా మీదే మా జెండా ఎగరేస్తాం...."

ముఖ్యంగా ఈ సినిమాలో, తెలుగుజాతి ఖ్యాతి, గౌర‌వం గురించి, ఉగాది ప్రాముఖ్య‌త గురించి, మరీ ముఖ్యంగా మన అమరావతి ప్రస్తావన వచ్చినప్పుడ్డు ప్రతి సారి, అణచుకోలేని భావోద్వేగం, నిక్కబొడుచుకున్న రోమాలు, ఇదా మన వీరోచిత గాథ అని ఉప్పొంగిపోయే భావన, గర్వంగా ఎగరేసిన తల వంటి అనుభూతులు కలగని ప్రేక్షకుడు ఉండడు.. బాలయ్య ను కళ్ళలోకి చూడాలంటే నే కొన్ని సందర్భాలలో భయం వేసింది ... నిజం గా శాతకర్ణి బాలయ్యకు పున్నాడేమో అన్నట్టు ..

చూసే ప్రతి కంటికీ కన్నుల పండుగ "గౌతమీ పుత్ర శాతకర్ణి ".. ప్రతి గుండెనీ మండే కాగడాలా మార్చేసిన "గౌతమీ పుత్ర శాతకర్ణి ".. పడమటి గాలి వెర్రిగా వీస్తున్న వేళ జాతి జవసత్వాలకి ప్రాణం పోసి నెత్తురు మరిగించిన పౌరుష జ్వాల "గౌతమీ పుత్ర శాతకర్ణి ".. ఖండాలుగా విడివడి ఉన్న అఖండ భారతావనిని ఏకం చేస్తూ యుద్ధాలకి ముగింపు పలికేందుకు యుద్ధానికి నాంది చెప్పి, తెలుగువాడి వాడి, వేడి చాటిన ఒక మహనీయుని చరిత్ర - మనమెరుగని చరిత్రని మనసుకి హత్తుకునేలా చూపి, తెలుగు చిత్రసీమ మకుటాన దర్శకుడు క్రిష్ పొదిగిన వజ్రం....

సమయం లేదు మిత్రమా... అమరావతి రాజధానిగా సమస్త భూమండలానికి నాడు గౌతమిపుత్రుడు పంపిన సందేశం మనకి స్ఫూర్తి కావాలి..ఆ స్పూర్తితో ప్రతి రంగంలోనూ తెలుగువాడు సత్తా చాటాలి..నేడు అదే అమరావతి నుండి మన నవ్యాంధ్ర ప్రయాణం మొదలైంది... ఇప్పుడు కుడా, సమస్త భూమండలానికి అదే సందేశాన్ని తిరిగి పంపుదాం.. జయహో అమరావతి.... జయహో శాతకర్ణి

నందమూరి బాలకృష్ణ నటిస్తున్న 100వ సినిమా గౌతమీపుత్ర శాతకర్ణి ఆడియో రిలీజ్ వేడుకకు రెడీ అవుతున్న సందర్భంలో, ఇంకోక ఆశ్చర్యాన్ని కలిగించే వార్తా. గౌతమీపుత్ర శాతకర్ణిలో టీడీపీ మహిళా నేత నటించారన్న వార్త ఇప్పుడు హాట్ టాపిక్ అయ్యింది.

అనంతపురం జిల్లాకు చెందిన టీడీపీ మహిళా ఎమ్మెల్సీ శమంతకమణి, బాలయ్య 100వ చిత్రం గౌతమీపుత్ర శాతకర్ణి చిత్రంలో రెండు నిమిషాల సన్నివేశంలో నటించారు. చిత్రంలో ఓ మార్కెట్‌లో వ్యాపారురాలి పాత్రను శమంతకమణి పోషించారు.

బాలకృష్ణ కూడా, అనంతపురం జిల్లా నుంచి, హిందూపురం ఎమ్మెల్యేగా పని చేస్తున్న విషయం తెలిసిందే

ఏ నగరాన్నయినా రోడ్ల మీద తిరుగుతూ చూడటం కన్నా విహంగ వీక్షణంలో చూడాలనే కోరిక చాలామందికి ఉంటుంది... అలాంటి అనుభూతి స్వయంగా పొందకపోయినా, ఈ వీడియో చూడండి, బెజవాడ ఎంత అందంగా ఉందో... హెలికాప్టర్ లో ప్రయాణిస్తూ, నగర అందాలు కెమెరాలో రికార్డు చేశారు...హెలికాప్టర్ నుంచి ఈ సీన్ చూస్తుంటే, ఆస్వాదించే మనసుండాలేగాని బెజవాడలో ప్రతి ప్రాంతం సోయగాల బృందావనమే...

ఆకాశం నుంచి బెజవాడ ఎంత అందంగా ఉందో చూడండి... కృష్ణా తీరం, పచ్చని కొండలు, నగరంలో నుంచి ప్రవహించే కాలువలు, కృష్ణా నదిలో ద్వీపాలు, బందర్ రోడ్డు, ఏలూరు రోడ్డు, లయలా కాలేజి, సిద్ధర్దా కాలేజీ, స్టేడియం, ఇలా విజయవాడ నగర విహంగ వీక్షణం అద్భుతం...

విశాఖ నగరంలో రుషికొండ సాగర తీరంలో రూ.300 కోట్ల వ్యయంతో ఓషనేరియం ఏర్పాటు కాబోతోంది. ప్రభుత్వ, ప్రైవేటు భాగస్వామ్యంతో ఏర్పాటుకానున్న ఈ ప్రాజెక్టుకు రుషికొండ వెనక భాగంలో సాగరతీరానికి ఆనుకుని 10 ఎకరాల స్థలాన్ని అధికారులు ఇప్పటికే సిద్ధం చేశారు.

గత జనవరిలో విశాఖలో జరిగిన భాగస్వామ్య సదస్సులో ఆనందా ఎంటర్‌ప్రైజెస్‌ ఇండియా ప్రైవేటు లిమిటెడ్‌ సంస్థ ఈ భారీ ప్రాజెక్టు ఏర్పాటుకు ముఖ్యమంత్రి చంద్రబాబునాయుడు సమక్షంలో ఒప్పందం కుదుర్చుకుంది.

ఈ క్రమంలో సాంకేతిక సర్వే నిర్వహించడానికి మే మొదటి వారంలో జర్మనీ, చైనా దేశాలకు చెందిన ప్రత్యేక నిపుణుల బృందం ఓషనేరియం ఏర్పాటుకు నిర్దేశించిన ప్రాంతాన్ని సందర్శించనుంది.

ఏమిటి ఈ ఓషనేరియం
సింపుల్ గా చెప్పాలి అంటే, సముద్రంలో ఉండే ఆక్వేరియం లాంటిది... మనం మధ్యలో నుంచి నడుచుకుంటే వెళ్తుంటే, అద్దంలో సముద్రపు జీవరాశులుని చూస్తూ, ఎంజాయ్ చెయ్యవచ్చు... ఈ ప్రాజెక్ట్ పర్యటకంగా విశాఖకు ఎంతో మేలు చేయ్యనుంది.

చిన్న తిరుపతి అనగానే తెలుగువాళ్లందరికీ పశ్చిమగోదావరి జిల్లాలోని ద్వారకా తిరుమలే గుర్తుకొస్తుంది. పశ్చిమ గోదావరి జిల్లా, ఏలూరు 41 కి.మి . దూరం లో శ్రీలక్ష్మీనివాసుడైన వేంకటేశ్వరుడు స్వయంభువు గా వెలసిన దివ్యక్షేత్రం ఈ ద్వారకా తిరుమల . ఒకే విమాన శిఖరం క్రింద రెండు విగ్రహాలు ఉండటం ఇక్కడి విశేషం. ఒక విగ్రహం సంపూర్ణమైనదిగా, రెండవది స్వామివారి పై భాగం మాత్రమే కనిపించేటట్లుగా ఉండే అర్థవిగ్రహంగా ఉంటుంది.

ద్వారక మహర్షి తపస్సు ఫలితంగా ఆవిర్భవించిన విగ్రహమూ, తిరుమల నుంచి తెచ్చిన విగ్రహమూ ఉండడం వలన రెండు పేర్లతో ఈ క్షేత్రం ద్వారకాతిరుమలగా ప్రసిద్ధి చెందింది. స్థానికులు ఈ క్షేత్రాన్ని చిన్న తిరుపతి అనీ పిలుస్తారు. ఏ కారణం వల్లైనా తిరుపతి వెళ్లలేని స్థానిక భక్తులు అక్కడి స్వామివారికి మొక్కుకున్న మొక్కుబడులనూ కానుకల్నీ ఇక్కడి స్వామికి సమర్పించడం కూడా అనాదిగా వస్తోంది.

దక్షిణ ముఖంగా స్వామి వారు
దేవాలయాల్లో దేవతామూర్తుల విగ్రహాలు తూర్పు ముఖంగా లేదా పశ్చిమ ముఖంగా ఉంటాయి. కానీ స్వామి వారు దక్షిణ ముఖంగా ఉండడం ద్వారకా తిరుమల ఆలయానికున్న మరో ప్రత్యేకత.

సామాన్యంగా దేవాలయాల్లో నిత్యం అభిషేకం చేస్తారు. కానీ ద్వారకాతిరుమల క్షేత్రంలో మూల విరాట్టులకు ఎప్పుడూ అభిషేకం చేయరు. ‘స్వామివారి విగ్రహం కింద ద్వారక మహర్షి తపస్సు చేసిన పుట్ట ఇప్పటికీ ఉందట. అందుకే, అనుకోకుండా విగ్రహం దగ్గర నీటి చుక్క పడితే స్థానికంగా కొణుజులు అని పిలిచే తేనె రంగు చీమలు విపరీతంగా బయటకు వచ్చేస్తాయి. ఈ కారణంతోనే ఇక్కడి స్వామివారికి అభిషేకం నిషేధించారు.

ప్రస్తుతం ఉన్న ఆలయంతో పాటు ఇతర నిర్మాణాలన్నీ నూజివీడు జమీందారు ధర్మాప్పారావు కట్టించారు. ఆయనే ఆలయ విమానం, గోపురాలు, ప్రాకారాలు, మండపాలు పునఃనిర్మాణం చేసినట్లుగా చెబుతారు.

ద్వారకా తిరుమల డ్రోన్ వ్యూ, ఈ క్రింది వీడియోలో చూడండి ఎంత బాగుందో...

అరకు అందాలను పర్యాటకులు మరింత ఆస్వాదించేందుకు రైల్వేశాఖ మరో అధునాతన రైలును అందుబాటులోకి తెచ్చింది. పర్యాటకులకు సరికొత్త అనుభూతిని అందించేందుకు విస్టాడోమ్‌ కోచ్‌ అద్దాల రైలును ఈరోజు ప్రారంభించింది. రైల్వేశాఖ మంత్రి సురేశ్‌ ప్రభు ఒడిశా రాజధాని భువనేశ్వర్‌ నుంచి వీడియో కాన్ఫరెన్స్‌ ద్వారా రైలును ప్రారంభించారు.

    • మొత్తం బోగీలు - 2
    • ఒక్కో బోగీ సామర్థ్యం - 40 మంది
  • మొత్తం రైలు సామర్థ్యం - 80 మంది
  • ఈ రెండు బోగీలకు అయిన ఖర్చు - రూ.2 కోట్లు
  • బోగీలు పూర్తిగా ఎల్‌ఈడీ లైట్ల‌తో అలంకరించారు
  • రైలును పూర్తిస్థాయి ఎయిర్‌ కండిషన్‌గా మార్చారు
  • ఎండలో ప్రయాణించాల్సి వచ్చినప్పుడు ఇందుకు తగ్గ ఏర్పాట్లూ ఇందులో ఉన్నాయి
  • రెండే బోగీల‌తో ఈ రైలు విశాఖ‌ప‌ట్నం-అర‌కు మ‌ధ్య రాక‌పోక‌లు సాగిస్తుంటుంది. ఈ రెండింటి మ‌ధ్య దూరం 116 కిలోమీట‌ర్లు.

భారత చరిత్రలోనే తొలిసారి
ఈ ప్రత్యేక రైలుకు రెండే బోగీలుంటాయి. ముందు ఇంజిన్‌.. ఆ తర్వాత వరసగా రెండు బోగీలు.. ప్రయాణికులు కూర్చోవడంతో పాటు.. లోయలు, అందాలు వచ్చినప్పుడు లేచి బోగీలోని ఓ పక్కగా వచ్చి నుంచుని చూసేందుకు వీలుగా అమరికలు ఏర్పాటుచేశారు. ఇందుకోసం రైలులో ఓ చివర ప్రత్యేక లాంజ్‌ను డిజైన్‌ చేశారు. ఇలాంటి ఎన్నో ప్రత్యేకతలకు అరకు అద్దాల రైలు వేదిక కాబోతోంది.

ఈ క్రింది వీడియోల్లో చూడండి, ఒకటి బయట నుంచి రైలు ప్రయాణం చూడవచ్చు, ఇంకో వీడియోలో లోపల నుంచి రైలు ప్రయాణం చూడవచ్చు...

వేసవి సెలవుల్లో ఉల్లాసంతో పాటు ఆధ్యాత్మిక భావన పెంచుకునేందుకు దుర్గగుడి దేవస్థానం ప్రత్యేక టూర్ ప్యాకేజీలను ప్రకటించింది. రాష్ట్ర నలుమూలల నుంచి అమ్మవారి దర్శనానికి వచ్చే భక్తులు జిల్లాలోని పలు ఆధ్యాత్మిక ఆలయాలను సందర్శించేలా ఈ టూర్ ప్రణాలిక రూపొందించారు. ఇబ్రహీంపట్నంలోని పవిత్ర సంగమం వద్ద రోజూ జరిగే పంచహారతులకు మరింత ప్రాచుర్యం కలిగించేలా సంగమ దర్శనం కూడా కల్పించారు. ఈ టూర్ ప్యాకేజీలలో టికెట్ కొన్న భక్తులకు దుర్గగుడి దేవస్థానంలో రూ.300 టికెట్ క్యూలైన్లో అమ్మవారి దర్శనానికి అనుమతిస్తారు. ఇంద్రకీలాద్రికి వచ్చే భక్తులకు ఎలాంటి ఇబ్బందులు కలగకుండా ఏర్పాట్ల చేస్తున్నారు. దుర్గమ్మ దర్శనంతో పాటు అమ్మవారి ఆలయానికి చుట్టుపక్కల ఉన్న ఆలయాలను కలుపుతూ ఈ ప్యాకేజీలను సిద్దంచేశారు. ప్రముఖ ఆలయాలతోపాటు నదీతీర ప్రాంతాలు, సముద్ర తీర ప్రాంతాల్లో ఆహ్లాదంగా గడిపేందుకు వీలు కలుగుతుంది. టూర్ ప్యాకేజీల కింద కెనాల్ రోడ్డులోని రథం సెంటర్, ఆర్టీసీ బస్టాండ్, రైల్వేస్టేషన్ల నుంచి బస్సులు బయలుదేరుతాయి. కొన్ని ప్యాకేజీలలో దేవస్థానమే ఉచిత అన్నదాన ప్రసాదాలను అందిస్తుంది.

ప్యాకేజి 1:
బస్సు బయలుదేరు సమయం: ఉదయం 9 గంటలకు
యాత్ర ముగిసే సమయం: మధ్యానం 12 గంటలకు
టికెట్ ధర: రూ:500
దర్శించుకునే క్షేత్రాలు: దుర్గగుడి దేవస్థానంలో రూ.300 టికెట్ తో అంతరాలయ దర్శనం, పోలకంపాడు రామలింగేశ్వర స్వామి ఆలయం, నులకపేట తపోవనం మాతాశ్రీ ఆశ్రమం, మంగళగిరి లక్ష్మి నరసింహ స్వామి దేవస్థానం, ఖాజా శ్రీ నారాయణం తీర్ధం

ప్యాకేజి 2:
బస్సు బయలుదేరు సమయం: మధ్యానం 3 గంటలకు
యాత్ర ముగిసే సమయం: సాయంత్రం 7 గంటలకు
టికెట్ ధర: రూ:1200
దర్శించుకునే క్షేత్రాలు: దుర్గగుడి దేవస్థానంలో రూ.300 టికెట్ తో అంతరాలయ దర్శనం, తాడేపల్లిలోని శ్రీ దుర్గా మల్లేశ్వర స్వామీ వార్ల ఉద్యానవనం, గొల్లపూడి వేణుగోపాల స్వామి ఆలయం, ఇబ్రహీంపట్నంలోని పవిత్ర సంగమం నవ హారతులు

ప్యాకేజి 3:
బస్సు బయలుదేరు సమయం: ఉదయం 10 గంటలకు
యాత్ర ముగిసే సమయం: సాయంత్రం 7 గంటలకు
టికెట్ ధర: రూ:1200
దర్శించుకునే క్షేత్రాలు: దుర్గగుడి దేవస్థానంలో రూ.300 టికెట్ తో అంతరాలయ దర్శనం, యనమలకుదురు రామలింగేశ్వర స్వామి దేవస్థానం, మోపిదేవి దేవస్థానం, మధ్యానం భోజనం, మొవ్వ వేణు గోపాల స్వామి ఆలయం, హంసలదీవి వేణు గోపాల స్వామీ వారి ఆలయం, డాల్ఫిన్ దర్శనం

ప్యాకేజి 4:
బస్సు బయలుదేరు సమయం: ఉదయం 10 గంటలకు
యాత్ర ముగిసే సమయం: సాయంత్రం 7 గంటలకు
టికెట్ ధర: రూ:1200
దర్శించుకునే క్షేత్రాలు: దుర్గగుడి దేవస్థానంలో రూ.300 టికెట్ తో అంతరాలయ దర్శనం, యనమలకుదురు రామలింగేశ్వర స్వామి దేవస్థానం, పెదపులిపాక శ్రీ రాజ రాజేశ్వరి స్వామి ఆలయం, మోపిదేవి దేవస్థానం, మధ్యానం భోజనం, మొవ్వ వేణు గోపాల స్వామి ఆలయం, సాయంత్రం ఇబ్రహీంపట్నంలోని పవిత్ర సంగమం నవ హారతులు

కృష్ణా జిల్లా కంచికచర్ల మండలం పరిటాల గ్రామం విజయవాడ –హైదరాబాద్ జాతీయ రహదారి పై ఎత్తయిన ఆంజనేయ విగ్రహం ఉంది. రామ పాద క్షేత్రంగా పేరున్న ఇక్కడ, వీర అభయ ఆంజనేయ విగ్రహాన్ని 15 అడుగుల పీఠ భవనం పై, 135 అడుగుల ఎత్తుతో నిర్మించారు. తెల్లని కాంతితో మెరిసే ఈ భారీ శ్రీ వీరాంజనేయ స్వామి విగ్రహం, చుట్టుప్రక్కల అయిదుకిలో మీటర్ల దూరానికి కూడా దర్శనమిస్తుంది. పొరుగున ఉన్న గుంటూరు జిల్లాలోని అమరావతి నుంచి కూడా కనిపిస్తుందంటారు. స్వామి కుడి చేయి అభయమిస్తూ కన్పించి భక్తులకు తానూ అండగా ఉన్నాననే భావన కల్పిస్తారు. ఇదంతా ఒక ఆలయ సముదాయం, ఇందులో రేణుకా దేవికి, సీతారాములకు ఉపాలయాలున్నాయి.

సాయిబాబా భక్తుడైన బోమిడిపాటి వెంకటేశ్వరరావు గారు ఈ స్థలాన్ని విరాళంగా అందజేసి, శ్రీ రామక్షేత్ర టెంపుల్ కాంప్లెక్స్ నిర్మాణానికి సహాయం చేశారు. ఆలయం ప్రాంగణంలో మలయ స్వామి వేద పాఠశాలను నెలకొల్పి, వేద విద్యనూ నేర్పుతున్నారు.

28-4-2001న శ్రీ పరిపూర్నానంద స్వామి శంకుస్థాపన చేశారు. 22-6-2003 సద్గురు శ్రీ శివానందమూర్తి గారు ఆలయ సముదాయాన్ని ఆవిష్కరించారు. కోటిన్నర రూపాయల వ్యయం తో నిర్మించిన భారీ ప్రాజెక్ట్ ఇది. ఆవిష్కరణకు ముందు 2000 సంవత్సరం మే నెల 28న, శ్రీ హనుమాన్ చాలీసా పారాయణం ప్రారంభించి, ఆపకుండా, లక్షా ముప్ఫై అయిదు వేల సార్లు పారాయణం చేసి చక్కని ఆధ్యాత్మిక వాతావరణాన్ని భక్తులు కలిగించారు. ఒక్కో అడుగు ఎత్తుకు వెయ్యి చొప్పున పారాయణ జరిగింది అన్నమాట.

ఇక్కడి విగ్రహం బరువు 2,500 టన్నులు... నిర్మాణ కాలం 25 నెలలు.... నిర్మాణానికి వాడిన సిమెంటు 14 వేల టన్నులు... ఇనుము 150 టన్నులు... ఇసుక వెయ్యి లారీలు... విగ్రహం పాదమే ఆరడుగుల ఎత్తులో ఉంది.. విగ్రహం చేతిలోని గద చుట్టుకొలత 20 అడుగులు.

ఈ క్రింది వీడియో చూడండి, ఎంత అద్భుతంగా, ఆలయం ఉందో...

ఆంధ్రప్రదేశ్ ఆటోమొబైల్ రంగంలో, మొదటి అడుగు పడింది, జపాన్‌కు చెందిన దిగ్గజ వాహన తయారీ సంస్థ ఇసుజు మోటార్స్ తో.. తరువాత కియా మోటార్స్, హీరో మోటార్స్, అపోలో టైర్స్ ఇలా దిగ్గజ కంపెనీలు, రాష్ట్రంలో పెట్టుబడులు పెట్టటానికి, ముందుకు వచ్చాయి...

జపాన్‌కు చెందిన దిగ్గజ వాహన తయారీ సంస్థ ఇసుజు మోటార్స్ చిత్తూరు జిల్లాలోని శ్రీ సిటీలో 107 ఎకరాల విస్తీర్ణంలో రూ.3వేల కోట్లతో ఏర్పాటు చేసిన ఇసుజు మోటార్స్ ప్లాంట్ 2016లో ఆంధ్రప్రదేశ్‌ ముఖ్యమంత్రి చంద్రబాబు నాయుడు ప్రారంభించారు. ప్రొడక్షన్ ప్రారంభించిన కంపనీ, ఏడు సీట్లతో కూడిన ఎస్‌యువి ఎంయు-ఎక్స్‌ అనే మోడల్ చారు ఆంధ్రప్రదేశ్ లో తయారు చేసి, మే 2017లో దేశీ మార్కెట్లోకి తీసుకువచ్చింది.

ఈ పరిశ్రమ ద్వారా ప్రత్యక్షంగా 400 మందికి, పరోక్షంగా 600 మందికి ఉపాధి లభించనుంది. అత్యంత ఆధునిక పరిజ్ఞానం, రోబోటిక్‌ సహాయంతో ఈ పరిశ్రమలో వాహనాలను తయారు చేస్తున్నారు. ప్రస్తుతం శ్రీసిటీ ప్లాంట్‌ సామర్థ్యం ఏటా 50 వేల యూనిట్లుండగా దీన్ని 1.2 లక్షల యూనిట్లకు పెంచేందుకు కంపెనీ సన్నాహాలు చేస్తుంది.

భారత నుంచి 15-20 దేశాలకు ఇసుజు వాహనాలను ఎగుమతి చేయాలని ఇసుజు మోటార్స్ లక్ష్యంగా పెట్టుకుంది. శ్రీసిటీలో ఏర్పాటు చేసిన ప్లాంట్‌ నుంచి ఇప్పటికే నేపాల్‌కు ఎగుమతులను ఇసుజు ఇండియా ప్రారంభించింది.

ఈ వీడియో చూడండి, శ్రీసిటీలోని 107 ఎకరాల ఇసుజు ప్లాంట్, కార్లు ఎలా తయారు చేస్తుందో... ఇది మేడ్ ఇన్ ఆంధ్రా కార్... ఆ సౌండ్ ఇంటుంటే, వచ్చే ఫీలింగే వేరు కదా...

చంద్రబాబు హైటెక్ సిటీ కట్టింది నేనే అంటే, ఇంకా పురిటి వాసన కూడా పోని కొంత మంది పిల్లకాయలు సోషల్ మీడియాలో వెటకారం చేస్తున్నారు... అక్కడి పాలకులు, ఈ రోజు IT అంటే హైదరాబాద్... హైదరాబాద్ అంటే IT అని చెప్పుకుని తిరుగుతున్నారు అంటే, అది ఆ రోజు హైటెక్ ముఖ్యమంత్రిగా పేరు పొందిన చంద్రబాబు వేసిన పునాది... సాఫ్ట్‌వేర్‌ రంగంలో హైదరాబాద్‌ను మేటిగా చేసి, సైబరాబాద్‌ లాంటి కొత్త నగరాన్ని నిర్మించిన, చరిత్ర మన చంద్రబాబుది ...

ఏమిటి ఈ హైటెక్ సిటీ గొప్పతనం ?
హైదరాబాద్ లో ఉన్న హైటెక్ సిటీ లేదా "హైదరాబాద్ ఇన్ఫర్మేషన్ టెక్నాలజీ ఇంజనీరింగ్ కన్సల్టెన్సీ" ఒక టౌన్షిప్ ప్రాంతం... మాదాపూర్ మరియు గచ్చిబౌలి శివార్లకి ఈ టౌన్ షిప్ ప్రాంతం అత్యంత సమీపంలో ఉంది. ఈ మిలీనియం ప్రారంభంలో భారత దేశపు ఐటి కేంద్రంగా బెంగళూర్ ఉద్భవించిన తరువాత అప్పటి ముఖ్యమంత్రి చంద్రబాబు నాయుడు ఆంధ్రప్రదేశ్ కే ప్రధాన ఐటి కేంద్రంగా హైదరాబాద్ నగరాన్నితీర్చిదిద్దాలనుకున్నారు. అత్యుత్తమ మౌలిక సదుపాయాలని కలిగిస్తూ ఎన్నో ఐటి కంపెనీలని హైదరాబాద్ నగరానికి ఆహ్వానించారు. సైబర్ టవర్స్ ఈ హైటెక్ సిటీ ప్రాజెక్ట్ లో మొదటి దశ, అలాగే సైబర్ గేట్ వే రెండవ దశ. జి ఇ కాపిటల్ ఇంకా ఒరాకిల్ కార్పొరేషన్ వంటి ఎన్నో బహుళ జాతి సంస్థల ఆఫీసులు ఈ సైబర్ టవర్స్ లో ఉన్నాయి. సత్యం కంప్యూటర్స్, విప్రో, టాటా కన్సల్టెన్సీ సర్వీసెస్, మైండ్ స్పేస్, మరియు ఎల్ అండ్ టి, ఇన్ఫోసిస్, ఎపిఐఐసి, ఐబియం, గూగుల్ వంటి ఎన్నో కంపెనీ లు ఈ హైటెక్ సిటీ లేదా సైబర్ సిటీ లో ఉన్నాయి. ఇన్ఫోసిస్ వంటి ఎన్నో ప్రముఖమైన కంపెనీ లు వాటి యొక్క రోజు వారి అవసారాలకు తగినట్టుగా సెల్ఫ్ సఫిషియంట్ కాంపస్ లని ఏర్పాటు చేసుకున్నాయి.

వాజ్‌పేయిచే హైటెక్‌సిటీ ప్రారంభోత్సవం.
సుమారు 200 ఎకరాల్లో విస్తరించి ఉన్న ఈ హైటెక్ సిటీ, గచ్చిబౌలి, మాదాపూర్, మణికొండ, నానక్రాంగూడా ప్రాంతాలలో అప్పటి ప్రధాన మంత్రి వాజ్‌పేయిచే హైటెక్‌ సిటీ ప్రారంబించబడింది... ఈ సిటీలో ప్రధాన నిర్మాణాలు ఎల్ అండ్ టీ కంపెనీ ఆంధ్రప్రదేశ్ ప్రభుత్వం సంయుక్తంగా అభివృద్ధి చేసాయి... హైటెక్ సిటీ నిర్మాణం కోసం దేశంలోని నిపుణులందరినీ పిలిపించారు. చివరకు ఎల్అండ్‌టీ సంస్థతో 15 నెలలకు ఒప్పందం కుదుర్చుకుని నిర్మాణం చేశారు... ఎల్అండ్‌టీ కంపెనీ 24 నెలల సమయం కావాలంటే, చంద్రబాబు పట్టుబట్టి, రొజూ ఫాలో అప్ చేసి 15 నెలల్లో కట్టించారు.

చంద్రబాబు సీఎం అయ్యాక కొన్ని వందల గంటలపాటు మేధో మథనం చేసి విజ్ఞాన ఆధారిత కంపెనీలు తెస్తేనే ఉద్యోగాలు, అభివృద్ధి వస్తాయని నిర్ధారణకు వచ్చారు. ఆ సమయంలోనే మైక్రోసాఫ్ట్‌ కంపెనీ అధినేత బిల్‌ గేట్స్‌ ఢిల్లీ వస్తుంటే ఆయనను కలవాలని అపాయింట్‌మెంట్‌ అడిగారు చంద్రబాబు. తనకు రాజకీయ నాయకులతో పనిలే దని, కలిసే ఉద్దేశం లేదని బిల్‌ గేట్స్‌ బదులిచ్చారు. ఎంతో ప్రయత్నం చేస్తే చివరకు ఐదు నిమిషాలు మాత్రం ఇచ్చారు. కానీ ఆయన చంద్రబాబుతో 45 నిమషాలు మాట్లాడారు. విజ్ఞాన ఆధారిత సమాజం పై చంద్రబాబు ఆలోచనలు, భారతకు ఆ విషయంలో ఉన్న బలాలను ఆయనకు వివరించారు. బిల్‌ గేట్స్‌ ఆశ్చర్యపోయి ఏం కావాలని చంద్రబాబుని అడిగారు. హైదరాబాద్‌లో మైక్రోసాఫ్ట్‌ కార్యా లయం పెట్టాలని చంద్రబాబు కోరారు. అమెరికా దాటి బయటకు రాదల్చుకొంటే హైదరాబాద్‌ వస్తామని ఆయన చెప్పారు. తర్వాత అమెరికా లోని ఆయన కార్యాలయానికి వెళ్ళారు చంద్రబాబు. దావోస్‌లో కలిసి మాట్లాడారు. ఇన్నిసార్లు తిరిగితే బిల్‌ గేట్స్‌ అమెరికా బయట తన మొదటి కార్యాలయాన్ని హైదరాబాద్‌లో పెట్టారు. మైక్రోసాఫ్ట్‌ వచ్చిన తర్వాత ఒరాకిల్‌, సన, ఇన్ఫోసిస్‌... ఇలా వరుసగా అనేక కంపెనీలు ఇక్కడకు తరలి వచ్చాయి. ఇందుకోసం న్యూయార్కులో 18 రోజులుండి ఫైళ్లు మోసుకుంటూ తిరిగారు చంద్రబాబు. హైదరాబాద్ ఎందుకు రావాలి, ఆంధ్రప్రదేశ్‌కు వస్తే కలిగే ప్రయోజనం ఏమిటో చెబుతూ ఒక విధంగా మార్కెటింగ్ చేశారు. అంత శ్రమ వల్లే నేడు హైదరాబాద్ ఐటీ హబ్‌గా మారింది. ఒక ఐటీ జాబ్ వచ్చిందంటే దానికి అనుబంధంగా ఇతర రంగాల్లో ఐదు ఉద్యోగాలు వస్తున్నాయి.

ఐఎస్‌బీని ముంబై, బెంగళూరు, చెన్నైలో పెట్టాలని ఆలోచన చేస్తే.. దేశంలోని పారిశ్రామికవేత్తలను చంద్రబాబు స్వయంగా ఇంటికి తీసుకెళ్లి వాళ్లకు టిఫిన్లు వడ్డించి ఇక్కడ ఏర్పాటు చేసేందుకు ఒప్పించారు. ఐటీ కంపెనీలు రావడానికి అన్ని సదుపాయాలు ఉన్న ఆవరణలు కావాలని ముంబైలోని రహేజా కార్యాలయానికి చంద్రబాబు వెళ్ళి మాట్లాడారు. ప్రతి వెయ్యి ఉద్యోగాలకు ఒక ఎకరం చొప్పున లక్ష ఉద్యోగాలకు వంద ఎకరాలు ఇచ్చారు. మైండ్‌ స్పేస్‌ పేరుతో ఒక అందమైన ఆవరణను వారు హైదరాబాద్ లో నిర్మించారు. ఇప్పుడు అందులోనే లక్షన్నర మంది పనిచేస్తున్నారు. బేగంపేట విమానా శ్రయం చాలదని దేశంలో మొదటిసారి ప్రైవేట్‌ రంగంలో గ్రీన్ ఫీల్డ్‌ విమానాశ్రయాన్ని శంషాబాద్‌లో ప్రతిపాదించి కట్టించారు చంద్రబాబు.

ఇది ఉమ్మడి ఆంధ్రప్రదేశ్ లో చంద్రబాబు వేసిన ఐటి ముద్ర... ఇది చేరిపేస్తే చెరిగిపోయేది కాదు... అమలాపురం నుంచి, ఆదిలాబాద్ దాకా, ఆ రోజుల్లో డిగ్రీ పూర్తి చేసుకుని, చేతిలో సర్టిఫికేట్ లు పట్టుకుని, హైదరాబాద్ లో గౌరవంగా ఉద్యోగాలు చేసిన వారని అడిగితే చెప్తారు... గ్రామాల్లో వ్యవసాయం చేసుకోవాల్సిన వాళ్ళు, చంద్రబాబు పుణ్యమా అని ఇంజనీరింగ్ కాలేజీల్లో చేరి, నెలకు నాలుగు అంకెల జీతం తీసుకున్న వాళ్ళు చెప్తారు, వారికి చంద్రబాబు ఏ విధమైన భవిషత్తు ఇచ్చారో... చంద్రబాబు ప్రోత్సాహంతో, అమెరికాలో ఉద్యోగాలు చేసిన వారు చెప్తారు... వాళ్ళకి ఆ విశ్వాసం ఇప్పటికీ ఉంది... దానికి ఉదాహరణే మొన్నటి చంద్రబాబు అమెరికా పర్యటన... అమెరికాలో, ఏ సిటీలో దిగినా, అక్కడ తెలుగువారు ఆయనకు ఆహ్వానం పలికిన తీరే నిదర్శనం.

హైటెక్ సిటీకి చంద్రబాబుకి ఉన్న సంబంధం ఏంటో, చంద్రబాబుకి సమ ఉజ్జీ అయిన, ఆయన ప్రత్యర్ధి రాజశేఖర్ రెడ్డి మాటల్లోనే తెలుస్తుంది. రాజశేఖర్ రెడ్డి ముఖ్యమంత్రిగా ఉన్న టైంలో, ఒకసారి హైటెక్ సిటీ ముందు నుంచి వెళుతూ మనం చంద్రబాబును ఎన్ని తిట్టినా ఇవన్నీ బాగా కట్టాడు అని సన్నిహితులకు చెప్పిన సంస్కారి రాజశేఖర్ రెడ్డి. YS కి అపార అనుభవం, రాష్ట్రం గురించి తపన ఉన్నాయి. మరి ఇవాళ ఆయన అభిమానులం అని చెప్పుకు తిరిగుతూ, అధికారం కోసం, రాష్ట్ర వినాసకానికి కూడా వెనుకాడని సైకో లని ఏమి అనాలి ?

1998 లో కొండల్లో, గుట్టలో హైటెక్ సిటీ అని బిల్దింగ్స్ కడితే ఎవడు వెల్తాడు అని ప్రతిపక్షాల హేళన, ఇప్పుడు తెలంగాణాకి 46,000 కోట్ల ఆదాయం ఒక్క హైటెక్ సిటీ నుండే వస్తుంది... e-seva పెడితే దాని వల్ల ప్రజలకి ఎమైనా ఉపయోగమా అని బాబు పైన సేటైర్లు, జోకులు. రెండు రాష్ట్రాల్లో e-seva సేవ మీద 2 లక్షల మందికి ఉపాది, ఇంకా e-seva ఉపయోగం ఏంటో అందరికీ తెలుసు ఇప్పుడు. విమర్సలు తాత్కాలికం.... భవిష్యత్తు ముఖ్యం... అది చంద్రబాబు గారికి ఎవరూ చెప్పనవసరం లేదు... ఇన్ని మంచి పనులు చేస్తూ, వాటి ఫలాలు పొందుతూ, వారే ఆయన్ను విమర్శించటం, బహుశా ఈ ప్రపంచంలోనే ఇలాంటి వింత లేదేమో... మనం విచెక్షణ కోల్పోయి, మనకు కులం, మతం, ప్రాంతం ఎక్కువైనప్పుడు, మనల్ని అన్ని విధాలుగా పైకి తీసుకువచ్చిన వారే, శత్రువులుగా కనిపిస్తారు...

హైటెక్ సిటీ, ఐటి, రోడ్లు, ఫ్లైఓవర్లూ, రింగ్ రోడ్లూ, స్టేడియంలూ, స్పోర్ట్స్ విలేజ్ లూ, ఇంటర్నేషనల్ కన్వెన్షన్ సెంటర్లూ, ప్రణాళికా బద్దంగా పెంచిన స్కూళ్ళూ, కాలేజీలూ, నేషనల్ గేమ్స్, టైం తప్పకుండా రైతులకు విద్యుత్తూ, హైద్రాబాద్ కు ఇరవై నాలుగ్గంటలూ నిరంతరాయ విద్యుత్తూ, విజన్ 2020, ఇంటర్నేషనల్ ఎయిర్పోర్టూ, ఎంఎంటిఎస్, తొలిసారి అత్యంత వైభవంగా పుష్కరాలూ, పట్టిసీమ, సుందరీకరించిన బీచ్ లూ, పరిశుభ్రమైన నగరాలూ, తాగు సాగు నీరూ, అమరావతి, నూతన సచివాలయ నిర్మాణం, కాపు కార్పొరేషన్, బ్రాహ్మణ కార్పొరేషన్, విద్యుత్ ఆదా, అటవీ సంపద పరిరక్షణ, పరిశ్రమలూ, పెట్టుబడులూ, కొత్త ఒప్పందాలూ,ఇంకా ఎన్నెన్నో... అసలు రెండు రాష్ట్రాలకీ తలెత్తుకొని చూపించుకోగలిగిన రాజధానులు ఉన్నా... వస్తున్నా అది ఆయన పడ్డ కృషి, తపన ఫలితమే.... తెలుగు రాష్ట్రాలకి ఇందులో కనీసం మూడో వంతు పనిచేసిన వాడిని ఎవడినన్నా చూపించి అప్పుడు చంద్రబాబుని విమర్శించండి... మేము ఎదురు చెప్పం... చూపించలేకపోతే మాత్రం...మూసుకుని కూర్చోండి ప్లీజ్..

హైటెక్ సిటీ కట్టే సమయంలోని లాగుల బ్యాచ్ కి, ఇంకా కొంత మంది అమ్మ ఒడిలో పురిటి వాసన కూడా పోని పిల్ల కాకులకి, చంద్రబాబు బిల్ గేట్స్ ని బ్రతిమాలి మైక్రోసాఫ్ట్ పట్టుకొచ్చారని చెప్పినా, హైదరాబాద్ బిర్యానీ వాసనకొచ్చారని వాదిస్తారు.. ఇప్పటి లాగుల బ్యాచ్, రేపు అమరావతికి ఆవకాయ వాసన కోసం, నుజివీడు మామిడి పళ్ళ కోసం, ఉలవచారు కోసం, నెల్లూరు చేపల పులుసు కోసం, వచ్చారు అనే, వాదన తెస్తారేమోనని, ఈ వీడియో పెడుతున్నాం సాక్ష్యం గా... హైటెక్ సిటీ కట్టింది చంద్రబాబే... దాన్ని ప్రారంభించింది చంద్రబాబే... ఉమ్మడి ఆంధ్రప్రదేశ్ లో ఐటి అభివృద్ధి చేసింది చంద్రబాబే... హైదరాబాద్ ని నెంబర్ 1 చేసింది చంద్రబాబే... ఇప్పుడు నవ్యాంధ్రను నెంబర్ 1 చేస్తుంది చంద్రబాబే.... రేపు అమరావతిని ప్రపంచ ప్రఖ్యాత నగరం చేసేది ముమ్మాటికి చంద్రబాబే...

హైదరాబాద్‌లోని జూబ్లీహిల్స్‌ రోడ్‌ నెంబర్‌ 36లో ఓ బెంజ్‌ కారు మెట్రో స్తంభాన్ని ఢీ కొట్టింది. ఈ ప్రమాదంలో ఇద్దరు మృతి చెందారు. మృతుల్లో ఆంధ్రప్రదేశ్‌ మంత్రి నారాయణ కుమారుడు విజిత్‌ నారాయణ, అతని స్నేహితుడు రాజారావు వున్నట్లు సమాచారం.

మంత్రి కుమారుడు ప్రయాణిస్తున్న బెంజ్ కారు వేగంగా వచ్చి మెట్రో పిల్లర్‌ను ఢీకొట్టింది. దీంతో కారులో ఉన్న ఇద్దరికీ తీవ్ర గాయాలయ్యాయి. గాయపడిన ఇద్దరిని స్థానికులు అపోలో ఆస్పత్రికి తరలించారు. అయితే వారు అప్పటికే మృతి చెందినట్లు వైద్యులు తెలిపారు. నారాయణ కుమారుడు నిషిత్ ప్రస్తుతం నారాయణ విద్యాసంస్థలకు డైరెక్టర్‌గా పనిచేస్తున్నాడు.

ప్రమాదానికి అతి వేగం కారణమా, లేక మద్యం సేవించారా అనేది కూడా తెలియాల్సి ఉంది. అదీ కాక, నిన్న హైదరాబాద్ లో వర్షం పడటం, కరెంటు లేకపోవటం, రోడ్డు సరిగ్గా లేకపోవటం కూడా కారణాలుగా చెప్తున్నారు. పూర్తి వివరాలు తెలియాల్సి ఉంది.

మంత్రి నారయణ, అమవారతి డిజైన్స్ మీద, లండన్ పర్యటనలో ఉన్నట్టు సమాచారం..

ఎప్పుడూ పని పని అని కాళ్ళకి బలపం కట్టుకుని తిరిగే చంద్రబాబులో ఈ మధ్య చాలా మార్పులు కనిపిస్తున్నాయి. ఎప్పుడూ గుంభనంగా ఉంటూ, ఆయన పని ఆయన చేసుకుంటూ వెళ్ళిపోవటం తప్ప, తనలోని ఎమోషన్స్ అంత తేలికగా బయటకి చూపించారు. కాని ఈ ధోరణిలో ఈ మధ్య చాలా మార్పు కనిపిస్తుంది.

ఆరు పదుల వయసులో, ఎవరైనా హాయిగా పిల్లలతో టైం గడుపుతూ ఉంటారు... కాని, చంద్రబాబుకి తన మనవడితో ఆడుకునే తీరిక లేదు... అందుకేనేమో, ఈ పిల్లడు కనిపించగానే, ఎత్తుకుని మరీ ముద్దాడారు... ఎంత ముఖ్యమంత్రి అయినా, వయసుతో పాటు వచ్చే ఎమోషన్స్ ఆపుకోలేరు కదా...

విషయంలోకి వెళ్తే, ప‌శ్చిమ‌గోదావ‌రి జిల్లా పోతవరం గ్రామ సర్పంచ్ పసుమర్తి రతీష్, స్వప్న దంపతుల కుమారుడు పసుమర్తి ప్రతీత్‌ను రాష్ట్ర ముఖ్యమంత్రి నారా చంద్రబాబునాయుడు ఎత్తుకుని ముద్దాడారు. నల్లజర్ల మండలం పోతవరం గ్రామంలో రూ.25 లక్షలతో నిర్మించిన రెండంతస్థుల పంచాయతీ భవనాన్ని శనివారం ముఖ్యమంత్రి చంద్ర‌బాబు ప్రారంభించారు. ఈ సందర్భంగా కార్యక్రమానికి చిన్నారి ప్రతీక్‌తో హాజరైన సర్పంచ్ దంపతుల నుండి ముఖ్యమంత్రి చంద్రబాబు ప్రతీక్‌ను ఎత్తుకుని ముద్దాడారు. పసుమర్తి రతీష్ తాత మాజీ సర్పంచ్ పసుమర్తి వెంకన్న పేరుతో పై అంతస్థు భవనాన్ని నిర్మించడం ప‌ట్ల సీఎం చంద్రబాబు వారిని ప్రత్యేకంగా అభినందించారు.

ఈ సందర్భంగా రతీష్ కుటుంబ సభ్యులతో కలిసి ముఖ్యమంత్రి ఫొటో దిగి వారందరినీ పేరుపేరునా ఆప్యాయంగా పలకరించారు. డబ్బు సంపాదన ఎంత ముఖ్యమో సమాజంలో సామాజిక కార్యక్రమాల కోసం ధనం వెచ్చించడం గొప్ప విషయమని ముఖ్యమంత్రి పేర్కొన్నారు. రతీష్ తండ్రి ప్రభాకరరావు కూడా సమాజాభివృద్ధి కోసం లక్షలాది రూపాయలు విరాళంగా ఇవ్వడం పసుమర్తి కుటుంబం దాతృత్వానికి నిదర్శనంగా ఉంద‌ని ముఖ్యమంత్రి చంద్ర‌బాబు ఈ సంద‌ర్భంగా కొనియాడారు.

మే2 వ తేదీన స్పీకర్ కోడెల జన్మదినం సందర్బంగా, ఒక మంచి కార్యక్రమానికి శ్రీకరం చుట్టారు. ప్రతి సంవత్సరం తన పుట్టినరోజు సందర్భంగా, వేడుకలు జరుపుకోకుండా, ఎదో ఒక సామాజిక సేవ చెయ్యటం కోడెల ఆనవాయితీ. క్రిందటి ఏడాది, పుట్టినరోజు సందర్భంగా 50 వేల ఇంకుడు గుంతలు తవ్వించి అప్పుడుకూడా ఒక చరిత్ర సృష్టించారు.

అయితే, ఈ సంవత్సరం కూడా, తన పుట్టినరోజు సందర్భంగా, మరణానంతరం అవయవదానం చేసే అంశంపై ప్రజల్లో చైతన్యం పెరిగే విధంగా, నరసరావుపేటలో మే 2న పదివేల మంది అవయవదాన పత్రాలు సమర్పించే సేవా కార్యక్రమం నిర్వహించనున్నారు. ఇక్కడ జరిగే అవయవ దాన పత్రాల సమర్పణ కార్యక్రమం గిన్నీస్‌బుక్‌ రికార్డులో నమోదు కాబోతుంది. లండన్‌ నుంచి సంబంధిత ప్రతినిధులు హాజరవుతున్నారు.

కోడెల మాట్లాడుతూ, ప్రతి వ్యక్తి మరణించిన అనంతరం వారి అవయవాలను దానం చేయటం వలన మరణించి కూడా వేరొకరిలో జీవించే అవకాశం లభిస్తుందని తెలిపారు. ప్రతి ఒక్కరు అవయవదాన పత్రాలను సమర్పించేందుకు స్వచ్ఛందంగా ముందుకు రావాలన్నారు. అవయవాలు దానం చేసే వారికి ప్రభుత్వం ప్రోత్సాహాలు అందించాలన్నారు. చనిపోయిన వ్యక్తి అవయవాలు దానం చేయటం వలన ఏడుగురు వ్యక్తుల్లో జీవించ వచ్చన్నారు.

గతంలో గంట వ్యవధిలో 6,900 అవయవదాన పత్రాల సమర్పణ గిన్నీస్‌ బుక్‌ రికార్డు కోయంబత్తూరులో నమోదైందని చెప్పారు. దీనిని అధిగమించి పదివేలకు పైగా పత్రాలు సమర్పించి గిన్నీస్‌ రికార్డు సాధించే ప్రయత్నం జరుగుతున్నదని వివరించారు.

ప్రాచీన చరిత్ర, సంపదలకు నిలువెత్తు సాక్ష్యం కొండవీడు కోట.... కొండవీడు కోట పర్యాటక కేంద్రంగానే కాదు, త్వరలో పరిశోధన కేంద్రంగా కూడా ఆవిర్భించనుంది. ఉద్యానవన కళాశాల, ఉద్యాన పరిశోధనా కేంద్రాన్ని ఏర్పాటు చెయ్యటానికి ప్రభుత్వం చేస్తున్న ప్రతిపాదనలు ఇప్పటికి కార్యరూపం దాల్చాయి. గుంటూరు జిల్లాలో మిర్చి పరిశోధనా కేంద్రం ఉంది. దీనికి సరైన స్థలం లేకపోవడంతో పరిశోధనలు నామమాత్రంగానే జరుగుతున్నాయి. వీటన్నింటిని దృష్టిలో ఉంచుకుని కొండవీడులో ఉద్యాన పరిశోధనా కేంద్రాన్ని ఏర్పాటు చేయడం సముచితంగా ఉంటుందని డాక్టర్‌ వైఎస్సార్‌ విశ్వవిద్యాలయ పాలకవర్గం నిర్ణయించింది.

కొండవీడులో ఏర్పాటు చేసే కళాశాల, పరిశోధనా కేంద్రాల వలన ఉద్యానపంటల ఎగుమతులు, మార్కెటింగ్‌ వ్యవస్థలను స్పైసెస్‌ పార్కుకు అనుసంధానం చేస్తారు. దీంతో జిల్లాలో ఉద్యాన పంటల్లో సాగు ఊపందుకోనుంది. కొండవీడులో ఏర్పాటు చేసే ఉద్యానవన కళాశాల, పరిశోధనా కేంద్రం రాజధాని అమరావతి ప్రాంతం కూడా అభివృద్ధి చెందడానికి దోహదపడుతుంది.

కొండవీడు కోటకు పూర్వ వైభవం..
ప్రాచీన చరిత్ర, సంపదలకు నిలువెత్తు సాక్ష్యం కొండవీడు కోట. 1700 అడుగుల ఈ గిరిదుర్గం శత్రు దుర్భేద్యంగా ప్రసిద్ధి చెందింది. కొండవీడును శతృ దుర్బేధ్యమైన రాజ్యంగా తీర్చిదిద్దడమేగాకుండా, ప్రజాకాంక్ష పాలనను కొనసాగించిన ఘనత రెడ్డిరాజులది. వారు కొండవీడుకోటను రాజధానిగా చేసుకుని క్రీ.శ. 1325 నుంచి 1420 వరకు పరిపాలించారు. రాజ్యాన్ని ఉదయగిరి నుంచి కటక్‌ వరకు విస్తరింపజేసిన పరాక్రమ ధీరులు. రెడ్డిరాజుల పాలనాకాలం వ్యాపార, సంగీత, సాహిత్య, నాట్యాలకు సువర్ణయుగంగా భాసిల్లింది. ప్రపంచ పర్యాటక కేంద్రంగా కొండవీడు కోటను తీర్చిదిద్దేందుకు ప్రభుత్వం కృషి చేస్తోంది. మరికొద్ది నెలల్లో కొండపైకి ఘాట్‌ రోడ్డు నిర్మాణం పూర్తి కానుంది. దీంతో ఈ ఏడాదే కొండవీడు ఉత్సవాలు నిర్వహించనున్నట్లు అధికారులు ప్రకటించారు.