news

ఎవరి కులం వారికి గొప్ప, ఎవరి మతం వారికి గొప్ప.. మన మతం గురించో, కులం గురించో గొప్పగా చెప్పటంలో తప్పు లేదు, కాని ఎదుటి వాడి కులాన్ని, మతాన్ని తక్కువ చేస్తే, ఇలాంటి వారు సమాజానికి చాలా ప్రమాదకరం. అలాంటిది జాతీయ పార్టీలు లాంటివే, మతం పేరుతో రాజకీయాలు చేస్తుంటే, ఇక ఎవరికి చెప్పుకోవాలి. బీజేపీ పార్టీ హిందుత్వ అజెండా ఉన్న పార్టీ. ఎవరికీ ఇబ్బంది లేదు. అలా అని, హిందులు ఒక్కరే మనుషులు, మానవత్వం ఉన్న వాళ్ళు, దేశభక్తులు అని చెప్పి, మిగతా మతాల వారిని కించపరచటం ఎంత తప్పు. చివరకు ఈ ఉన్మాదం ప్రకృతి వైపరిత్యల పై కూడా పడింది. కేరళలో వరదలు వచ్చి అతలాకుతలం అవుతున్న సంగతి తెలిసిందే. దీని పై కూడా రాజకీయం చేస్తుంది బీజేపీ పార్టీ.

కేరళ వరదల్లో మునిగిపోవడానికి శబరిమల వ్యవహారంలో సుప్రీంకోర్టు జోక్యమే కారణమంటూ పలువురు బీజేపీ సానుభూతిపరులు, శనివారం చేసిన ట్వీట్లు వివాదాస్పదం అయ్యాయి. ఆ ట్వీట్లపై పలువురు నెటిజన్లు తీవ్ర ఆగ్రహం వ్యక్తం చేశారు. కేరళ వరదలకు, శబరిమలలో మహిళల ప్రవేశానికి ముడిపెట్టి ట్వీట్‌ చేసిన వారిలో ఆర్‌బీఐ బోర్డు సభ్యుడితో పాటు ఆర్‌ఎ్‌సఎస్‌ ప్రముఖుడూ ఉండటంతో నెటిజన్లు మరింత రెచ్చిపోయారు. వరుస ట్వీట్లతో దాడి చేశారు. ‘‘వరదలను మతపరమైన విషయాలతో ముడిపెట్టొద్దు. మీరు ఏదైనా చేయగలిగితే వరదల్లో చిక్కుకున్న వారికి సహాయం చేయండి’’ అని నెటిజన్‌ మణికందన్‌ ఆగ్రహం వెలిబుచ్చారు.

ఈ సంఘటన చూస్తున్న వారికి, వైజాగ్ కి హూద్ హూద్ వచ్చిన టైంలో, వైసిపీ పార్టీ చేసిన ఉన్మాదం గుర్తుకు వస్తుంది. మా విజయమ్మను ఓడించిన వారికి దేవుడు విధించిన శిక్షే హూద్ హూద్ అంటూ, జగన్ ఉన్మాద అభిమానులు సోషల్ మీడియాలో పోస్ట్ చేసిన విషయాన్ని గుర్తుకు తెచ్చుకుంటున్నారు. అప్పట్లో వీరు చేసిన పైశాచిక పోస్ట్ లు అన్నీ అన్నీ కావు. ఒక పక్క ప్రచండమైన తుఫాలు, వైజాగ్ లాంటి సిటీని అతలాకుతలం చేస్తే, ఇలా ఆనంద పడ్డారు జగన్ అభిమానులు. ఈ రోజు, కొంత మంది బీజేపీ ఉన్మాదులు పెట్టిన పోస్ట్ లు చూస్తుంటే, ఇలాంటి పార్టీలకు తమ పైశాచిక ఆనందమే కాని, నష్టపోతున్న ప్రజలకు వీళ్ళ వల్ల ఉపయోగం ఏమి ఉంటుంది ?

రౌడీ పార్టీ, మరోసారి రెచ్చిపోయింది. ఐఏఎస్ , ఐపిఎస్ లకు వార్నింగ్లు చూసాం, సియం అయిన గంటలో చంపేస్తా అని చెప్పింది చూసాం, ఇప్పుడు ఏకంగా మీడియా దగ్గర కెమెరాలు లాక్కుని, చిత్రీకరించిన ఫూటేజ్ ధ్వంసం చేసారు. జగన్‌ పర్యటన ఏర్పాట్లపై చర్చించేందుకు ఏర్పాటుచేసిన పాయకరావుపేట నియోజకవర్గ పార్టీ కార్యకర్తల సమావేశంలో ఇరు వర్గాల మధ్య వివాదం తలెత్తింది. సాక్షాత్తూ వైసీపీ జాతీయ కార్యదర్శి, రాజ్యసభ సభ్యుడు విజయసాయిరెడ్డి సమక్షంలో జరిగిన ఈ గొడవను చిత్రీకరించిన విలేకరుల వద్ద కెమెరాలు లాక్కుని, ఆయన మనుషులు బలవంతంగా లాక్కొని ఫొటోలను డిలీట్‌ చేశారు.

ప్రజా సంకల్పయాత్రలో భాగంగా ఈనెల 20వ తేదీన కోటవురట్ల జంక్షన్‌లో వైసీపీ అధినేత జగన్మోహనరెడ్డి బహిరంగ సభ జరగనున్నది. ఈ సభను విజయవంతం చేసేందుకు నియోజకవర్గ పరిధిలోని కోటవురట్ల మండలం తంగేడులో మాజీ ఎమ్మెల్సీ డీవీ సూర్యనారాయణరాజు ఇంట్లో విజయసాయిరెడ్డి ఆధ్వర్యంలో శనివారం ఉదయం 11 గంటలకు ముఖ్య కార్యకర్తల సమావేశం ఏర్పాటుచేశారు. ఈ సమావేశానికి పాయకరావుపేట నియోజకవర్గ ఇన్‌చార్జి, మాజీ ఎమ్మెల్యే గొల్ల బాబూరావు అధ్యక్షత వహించారు. ఆ సమయంలో, పార్టీలో సీనియారిటీపై తంగేడు రాజులకు, మండల పార్టీ అధ్యక్షుడికి మధ్య వాగ్వాదం జరిగింది.

ఈ రగడ అంతా వైసీపీ జాతీయ ప్రధాన కార్యదర్శి విజయసాయిరెడ్డి సమక్షంలోనే జరిగింది. అయితే సభలో జరిగిన గొడవను విలేకరులు ఫొటోలు, వీడియోలు తీయగా...విజయసాయిరెడ్డి వెనుక ఉన్న కొంతమంది సభ్యులు సెల్‌ను లాక్కొని ఫొటోలను దౌర్జన్యంగా తొలగించారు. దీని పై విలేకరులు భగ్గు మంటున్నారు. విజయసాయిరెడ్డి ఉండగానే, ఇంత జరిగినా, ఆయన ఏమాత్రం వాళ్ళని ఆపలేదని అంటున్నారు. రాజ్యసభ సభ్యుడు సమక్షంలో , మీడియా పై దాడి చేసి, ఫూటేజ్ ధ్వంసం చేస్తే, కనీసం విజయసాయి వాళ్ళని ఆపలేదని విలేకరులు బాధపడుతున్నారు. దీని పై చర్చించి, తగు నిర్ణయం తీసుకుంటాం అంటున్నారు.

నీళ్లలో సర్‌.. ర్‌.. ర్‌ మంటూ దూసుకుపోయే ఎఫ్‌1 హెచ్‌2 పవర్‌ బోట్‌ రేసింగ్‌ వరల్డ్‌ ఛాంపియన్‌ షిప్‌ కృష్ణాతీరంలో నవంబరు 17, 18 తేదీల్లో జరగనున్నాయి. రాష్ట్ర ప్రభుత్వం ఎంతో ప్రతిష్ఠాత్మకంగా పర్యాటక శాఖ ద్వారా నిర్వహించటానికి సన్నాహాలు చేస్తోంది. రోజుకు లక్ష మందికి పైగా స్వదేశీయులు, రెండు వేల మందికి పైగా విదేశీయులు మూడు రోజుల పాటు వీక్షించేలా ఏర్పాట్లు చేపట్టబోతున్నారు. ఎఫ్‌ 1 హెచ్‌ 2.. ఓ అంతర్జాతీయంగా హైస్పీడ్‌ బోటింగ్‌ రేస్‌లు నిర్వహించే సంస్థ. ఈ సంస్థ పవర్‌ బోట్‌, ఆక్వా రేసింగ్‌, వరల్డ్‌ నేషన్స్‌ కప్‌ పోటీలను నిర్వహిస్తుంటుంది.

ప్రపంచ వ్యాప్తంగా ఏటా ఈ సంస్థ నేతృత్వంలో వరల్డ్‌ చాంపియన్‌ సిరీస్‌లు జరుగుతాయి. ఈ ఏడాది మొత్తం ఈ సంస్థ పది వరల్డ్‌ చాంపియన్‌ సిరీస్‌లను నిర్వహిస్తోంది. ఇందులో భాగంగా ఇప్పటికే పోర్చుగల్‌ (మే 18), లండన్‌(జూన్‌ 15 - 16 ), ఫ్రాన్స్‌(జూన్‌ 29 - జూలై 1 ) తేదీల్లో పోటీలను నిర్వహించారు. ఈ చాంపియన్‌షి్‌పలో భాగంగా పోర్చుగల్‌ గ్రాండ్‌ప్రీ, లండన్‌ గ్రాండ్‌ప్రీ, ఫ్రాన్స్‌ గ్రాండ్‌ప్రీ పూర్తయ్యాయి. చైనా గ్రాండ్‌ప్రీ సెప్టెంబరు 22, 23 తేదీల్లో జరుగుతుంది. ఆ తర్వాత అమరావతి వేదికగా ఇండియన్‌ గ్రాండ్‌ప్రీ నవంబరు 17, 18 తేదీల్లో జరుగనుంది. విజయవాడ భవానీ ఐల్యాండ్‌లో ఈ పోటీలు నిర్వహిస్తారు. ఐల్యాండ్‌ చుట్టూ 30 కిలోమీటర్ల పరిధిలో వాటర్‌ స్టోరేజీ ఉండటం కలిసొచ్చింది. ఈ నీటిపై పవర్‌ బోట్లు నిమిషాల వ్యవధిలోనే దూసుకెళ్తాయి.

ఎఫ్‌1హెచ్‌2వోను విజయవంతం చేసేందుకు పర్యాటక శాఖ వినూత్న కార్యక్రమాలు చేపడుతోంది. అంతర్జాతీయ పర్యాటకులను ఏపీకి రప్పించేలా అనేక ఆఫర్లు ప్రకటించేందుకు సిద్ధమవుతోంది. మరోవైపు స్థానికంగా ఉన్న యువతను ఆకర్షించేందుకు కూడా ప్రణాళికలు సిద్ధం చేసింది. రాష్ట్రంలోని అన్ని యూనివర్సిటీల్లో అవగాహన సదస్సులు నిర్వహించేందుకు ఏర్పాట్లు చేస్తోంది. ఇప్పటికే గుంటూరు, కృష్ణా జిల్లాల్లోని ప్రభుత్వ, ప్రయివేటు వర్సిటీలు, కాలేజీల్లో అవగాహన సదస్సులు ప్రారంభించింది. ముఖ్యంగా ఇంజనీరింగ్‌ కాలేజీల విద్యార్థులే టార్గెట్‌గా ఈ సదస్సులు నిర్వహిస్తున్నారు. కొత్తగా ఏర్పడిన రాష్ట్రం... పైగా వరల్డ్‌ చాంపియన్‌షిప్‌ కావడంతో ఈ అవకాశాన్ని చక్కగా సద్వినియోగం చేసుకొని ప్రపంచం దృష్టిని ఆకర్షించాలని ఏపీ భావిస్తోంది. ఏర్పాట్ల విషయంలో ప్రభుత్వం ఎక్కడా రాజీ పడడం లేదు. ఈ పోటీల నిమిత్తం విదేశీ పర్యాటకులు ఇక్కడికొస్తారు. కాబట్టి పర్యాటక శాఖ దీన్ని ప్రతిష్ఠాత్మకంగా తీసుకుంది. మరోవైపు ఈ చాంపియన్‌షి్‌పను అమరావతిలో నిర్వహించడానికి సీఎం చంద్రబాబు కీలకపాత్ర పోషించారు. ఒకవైపు ఎఫ్‌1హెచ్‌2వో ప్రపంచ చాంపియన్‌షిప్‌ ను నిర్వహిస్తూనే.. మరోవైపు అమరావతి బ్రాండ్‌ ఇమేజ్‌ను చాటేందుకు పర్యాటకశాఖ ప్రణాళికలు రచిస్తోంది.