news

పోలవరం విషయంలో వచ్చే సంవత్సర కాలం, ఎంతో కీలకమైనది... ఇప్పటికే కేంద్ర అనాలోచిత నిర్ణయం వల్ల, మూడు నెలలు అమూల్యమైన సమయం వేస్ట్ అయిపొయింది... చంద్రబాబు ఎలాగోలా సాధించి, నవయుగని తీసుకువచ్చి, కాఫర్ డ్యాంకి పర్మిషన్ లు తీసుకువచ్చి, పనులు ఆగకుండా చేసారు... అయితే, నిధులు విడుదలలో మాత్రం, కేంద్రం తీవ్ర జాప్యం చేస్తుంది... ఇప్పటికే మనం పెట్టిన ఖర్చు, 4 వేల కోట్లు పైన మనకు కేంద్రం ఇవ్వాల్సి ఉంది.. ఇలాంటి పరిస్థితుల్లో, రాష్ట్ర, కేంద్ర ప్రభుత్వాల మధ్య రాజకీయ వైరం ఏర్పడే ప్రమాదం ఉంది..

కేంద్రం, రాష్ట్రానికి అన్యాయం చేస్తుంది అని, మిత్రపక్షంగా ఉన్న తెలుగుదేశం, బీజేపీతో పోరాడటం చూస్తున్నాం.. మరో పక్క కేంద్రం, ఏ మాత్రం మన ఆందోళన పట్టించుకోవటం లేదు... దీంతో, ఏ నిమషం అయినా, చంద్రబాబు ఎన్డీయేలో నుంచి బయటకు వచ్చే వాతావరణం ఉంది... మిత్రపక్షంగా ఉంటేనే, అరాకోరా నిధులతో కేంద్రం విదిలిస్తుంది... అలాంటింది, చంద్రబాబు బయటకు వచ్చేస్తే, పరిస్థితి ఊహించుకోవచ్చు... పోలవరం జాతీయ ప్రాజెక్ట్... కేంద్రం డబ్బులు ఇవ్వాలి అది మన హక్కు... కాని కేంద్రం కావాలని లేట్ చేసిన కొద్దీ, ప్రాజెక్ట్ లేట్ అయిపోతూ ఉంటుంది.. ఎందుకుంటే ఇదే కీలక సమయం.. జూన్ లోపు సాధ్యమైనంత ఎక్కువ పని చెయ్యాలి... వర్షాలు పడటం మొదలైతే, పని సాగదు...

అందుకే, ఎటు పోయి, ఎటు వస్తుందో అనే ఉద్దేశంతో, చంద్రబాబు పోలవరం విషయంలో, మొత్తం కేంద్రం పై ఆధార పడకుండా, ప్రాజెక్ట్ పుర్తవటం కోసం, ఒక సంచలన నిర్ణయం తీసుకున్నారు.. ఆంధ్రప్రదేశ్‌ రాష్ట్ర బడ్జెట్‌(2018-19)లో సాగునీటి రంగానికి, దాదాపు రూ.24 వేల కోట్లు ఇవ్వనున్నారు. ఇందులో ఒక్క పోలవరం ప్రాజెక్టుకే అత్యధికంగా రూ.13 వేల కోట్లు కేటాయించే అవకాశం ఉందని అధికారిక వర్గాలు చెబుతున్నాయి... అంటే, ఒక వేళ కేంద్రం సరైన సమయంలో స్పందించకపోయినా, రాష్ట్రం ముందు ఖర్చు చేసి, తరువాత మన హక్కుగా రావల్సిన డబ్బులు తీసుకుంటుంది... భూపరిహారం, ఎలాగూ 33 వేల కోట్లు కేంద్రమే ఇవ్వాలి... అందుకే ముందుగా ప్రాజెక్ట్ అయినా పూర్తి చెయ్యాలనే సంకల్పంతో చంద్రబాబు ఉన్నారు... ఇప్పుడు కనుక ట్రాక్ తప్పితే, ఇక పోలవరం ఎప్పటికి అవుతుందో చెప్పలేము.. అందుకే, చంద్రబాబు కేంద్రంతో వైరం వచ్చినా, ముందు ప్రాజెక్ట్ ఆగిపోకుండా, ఇబ్బంది లేకుండా ఉండటానికి, ముందు చూపుతో ఆలోచించి, రాష్ట్ర బడ్జెట్ లోనే, పోలవరం ప్రాజెక్ట్ కు 13 వేల కోట్లు కేటాయిస్తున్నారు...

ఎదో ఒక చిన్న ఊరట.. ఈ నిర్ణయం వల్ల, ప్రజలకు పెద్దగా ఒరిగేది ఏమి లేకపోయినా, మన రాష్ట్రానికి హక్కుగా రావాల్సిన ఒక చిన్న విభజన హామీ నెరవేర్చింది కేంద్రం... రూ.219 కోట్లతో ఆంధ్రప్రదేశ్‌లో గ్రేహౌండ్స్‌ యూనిట్‌ ఏర్పాటుకు కేంద్ర ప్రభుత్వం ఆమోదం తెలిపింది. గురువారం కేంద్ర హోంశాఖ ఉన్నతాధికారులు నిర్ణయం తీసుకున్నారు. రాష్ట్ర విభజన నేపథ్యంలో హైదరాబాద్‌లో ఉన్న గ్రేహౌండ్స్‌ శిక్షణ కేంద్రం తెలంగాణకు చెందిన క్రమం లో ఏపీలో కొత్తగా గ్రేహౌండ్స్‌ శిక్షణ కేంద్రాన్ని ఏర్పాటు చేయాలని రాష్ట్ర విభజన చట్టంలోని సెక్షన్‌ 9(3)లో ఉంది. కేంద్ర, రాష్ట్ర ప్రభుత్వాల అధికారుల మధ్య చర్చోపచర్చల తర్వాత ఒక యూనిట్‌ ఏర్పాటుకు కేంద్రం ఆమోదించింది.

దీని ఏర్పాటుకు సాధ్యమైనంత త్వరగా నిధులు ఇవ్వాలని, యూనిట్‌ ఏర్పాటుకు అవసరమైన మౌలికసదుపాయాలు, ఇతర సౌకర్యాలు కల్పనకు సహకరించాలని రాష్ట్రం విజ్ఞప్తి చేసింది. రూ.858.37 కోట్లతో ఈ ప్రాజెక్టు చేపట్టడానికి DPRను కేంద్ర హోంశాఖకు పంపింది. అదే సమయంలో పోలీసు ప్రధాన కార్యాలయం, పోలీసు విభాగానికి సంబంధించిన ఇతర అవసరాల కోసం 2014లోనే రాష్ట్ర ప్రభుత్వం గుంటూరు డివిజన్‌లో 2700 ఎకరాల భూమిని గుర్తించింది.

ఈ నేపథ్యంలో అమరావతిలో 250 ఎకరాల విస్తీర్ణంలో 2 యూనిట్లుగా ఈ కేంద్రాన్ని ఏర్పాటు చేయడానికి రాష్ట్ర ప్రభుత్వం ప్రణాళికలు రచించింది. కాగా, రాష్ట్రంలో పూర్తిస్థాయి శిక్షణ కేంద్రం లేకపోవడం వల్ల విశాఖపట్నంలో ఉన్న గ్రేహౌండ్స్‌ ఆపరేషనల్‌ హబ్‌లోనే శిక్షణ తదితర కార్యకలాపాలు నిర్వహిస్తున్నారు. గతంలో కేంద్ర హోంశాఖ అధికారుల బృందం హైదరాబాద్‌లోని గ్రేహౌండ్స్‌ కేంద్రానికి వచ్చి ఈ అంశంపై చర్చించింది. తర్వాత 2016 డిసెంబరులో ఆ బృందం ఏపీలో పర్యటించి గ్రేహౌండ్స్‌ శిక్షణ కేంద్రం ఏర్పాటుకు భూముల వివరాలివ్వాలని విజ్ఞప్తి చేసింది.

ఆంధ్రప్రదేశ్ ప్రయోజనాల విషయంలో, పక్కన ఉన్న తెలంగాణా రాష్ట్రంతో పోరాడి మరీ సాధిస్తున్నారు ఆంధ్రప్రదేశ్ అధికారులు.. రైతులకి నీరు ఇవ్వటం కోసం, ప్రతి సంవత్సరం కొట్లాడుతూనే ఉన్నారు... తాజాగా మరో సారి, తెలంగాణా అధికారులతో కోట్లాడి మరీ నీరు సాధించారు... నాగార్జున సాగర్‌ కుడికాల్వకు నీటి విడుదలపై ఏపీ నీటి పారుదలశాఖ అధికారులు, గత మూడు సంవత్సరాలుగా పంతం నేగ్గించుకుంటున్నారు. కృష్ణా బోర్డుని ఒప్పించి మరీ, తెలంగాణ అధికారుల చేత గురువారం 2వేల క్యూసెక్కుల నీటిని కుడి కాల్వకు విడుదల చేపించారు ఏపి అధికారులు.

రాష్ట్ర విభజన అనంతరం 2015ఫిబ్రవరి 11న నీటి కోసం సాగర్‌ ప్రధాన డ్యాంపై ఇరు రాష్ట్రాల నీటి పారుదల శాఖాధికారులు, పోలీసులు బాహాబాహీకి దిగిన విషయం తెలిసిందే. తర్వాత 2017 మే 1న కుడి కాల్వకు కేటాయించిన కోటా పుర్తవకుండానే నీటి విడుదలను తెలంగాణ అధికారులు నిలిపివేయ గా, ఏపీ అధికారులు మరోసారి గొడవకు దిగారు. ఈ రెండు సార్లు, ఏపి అధికారులు, కృష్ణా నది బోర్డుతో పోరాడి, నీరు విడుదుల చేసుకున్నారు.. తాజాగా బుధవారం మరోసారి ఇలాంటి గొడవే జరిగింది.

తెలంగాణా అధికారులు నీరు ఆపెయ్యటంతో, ప్రధానడ్యాంపై ఉన్న కంట్రోల్‌రూంకు వచ్చిన ఏపీ అధికారులు మరో రెండు రోజు లు నీటి విడుదల కొనసాగించాలంటూ వాగ్వాదానికి దిగారు. దీని పై మరో సారి ఏపి అధికారులు కృష్ణా బోర్డును సంప్రదించగా, 2వేల క్యూసెక్కుల చొప్పున ఐదు రోజులు నీరు విడుదల చేయాలని సూచించింది... ఈ మేరకు గురువారం ఉదయం 9 గంటల నుంచి నీటిని విడుదల చేస్తున్నారు... ఈ విధంగా, గత మూడు సంవత్సరాల నుంచి, నీటి కోసం, ఏపి అధికారులు తెలంగాణాతో పోరాడుతూనే ఉన్నారు..