news

కలియుగ వైకుంఠం, తిరుమల శ్రీవారి సాక్షిగా ఆంధ్రప్రదేశ్ కు ప్రత్యేక హోదా హామీ ఇచ్చి మాట తప్పారు. ఇప్పుడు శ్రీవారి ఆలయన్నే తమ ఆధీనంలోకి తీసుకుందామని అనుకున్నారు. దీనికి బీజం వేస్తూ, తిరుమలను, రాష్ట్ర ప్రభుత్వం నుంచి వేరు చేసి, కేంద్రానికి ఇవ్వాల్సిందిగా సుప్రీంలో కేసు వేసారుసుభ్రమణ్య స్వామి. ఈ విషయం పై అప్పట్లో తన ట్విట్టర్ లో పోస్ట్ చేసారు.. ఇలా కేసులు వేసి, మన వెంకన్న స్వామిని తన, హ్యాండ్ ఓవర్ లో ఉంచుకోవాలని, బీజేపీ పన్నాగం పన్నింది. అయితే కేంద్రం కంటే, రాష్ట్రం కంటే, వెంకన్నకు తనని తాను కాపాడుకోవటం బాగా తెలుసు. పావురాల గుట్ట సాక్షిగా అది రుజువైంది కూడా.

ఈ సారి కూడా, వెంకన్న తన పవర్ చూపించారు. టీటీడీ పై బీజేపీ నేత సుబ్రమణ్యస్వామి వేసిన పిటిషన్‌ను సుప్రీంకోర్టు తిరస్కరించింది. టీటీడీని ఆంధ్రప్రదేశ్ ప్రభుత్వ ఆధీనం నుంచి తప్పించాలని ఆయనే స్వయంగా వాదించారు. అయితే కోర్ట్ మాత్రం, ఆయన వాదనతో ఏకీభవించలేదు. స్థానిక చట్టాల ఆధారంగా టీటీడీ పనిచేస్తోందని, ఈ వ్యవహారంలో జోక్యం చేసుకోలేమని సుప్రీంకోర్టు స్పష్టం చేసింది. అంతేకాదు.. హైకోర్టుకు వెళితే తమకు ఎలాంటి అభ్యంతరం లేదని కూడా సుప్రీంకోర్టు తేల్చి చెప్పింది.

అయితే ఈ పరిణామాల పై, రాష్ట్ర ప్రజలు మండి పడుతున్నారు. మా తిరుపతి పై నీ పెత్తనం ఏమిటి మోడి అంటూ ప్రశ్నిస్తున్నారు. మద్రాసు రాష్ట్రం నుంచి విడిపోయాం.. మద్రాసు పోయినా తిరుమల ఉందని సంతోషించాం.హైదరాబాద్ పోయింది.తిరుమల ఉందని ఊపిరి నిలుపుకున్నాము.తిరుమల జోలికి రావద్దు. తిరుమల మాదే, ఏడుకొండలు మావే ! వెంకటేశ్వరుడు మా దేవుడే !! ఇందులో ఎలాంటి డౌటు లేదు. అనవసర ప్రయాసలు మానుకోండి!! అసలే ఆంధ్రులు అసంతృప్తి చూసి వెంకన్న ఆగ్రహంతో ఉన్నాడు. పొరపాటు జరిగిందో ఇక మీకు శంకరిగిరి మాన్యాలే గతి అంటూ సగటు ఆంధ్రుడు, కేంద్రానికి అర్ధమయ్యే రీతిలో చెప్తున్నాడు. ఇక వారి ఇష్టం... మిగతాది వెంకన్నే చూసుకుంటాడు.

తాడిపత్రి మండలంలోని చిన్నపొలమడ గ్రామం వద్ద ఉన్న ప్రబోధానంద ఆశ్రమంలో గత రెండు రోజులగా జరుగుతున్న అరాచకం తెలిసిందే. గ్రామస్థుల పై దాడి చేసి, ఒకరిని చంపేశారు, ఆశ్రంలో భక్తుల పేరుతో ఉన్న ఉన్మాదులు. అయితే, ఈ ఆశ్రమ నిర్వాహకులకి సంబంధించిన మరో విషయం వెలుగులోకి వచ్చింది. తాడిపత్రిలోని ప్రభోదానంద ఆశ్రమ నిర్వాహకులు యోగానంద చౌదరి, ఆయన సోదరుడు జలందర్‌చౌదరి గత సంవత్సరం బీజేపీ తీర్థం పుచ్చుకున్నారు. వారితో పాటు మరో 1500 మంది అప్పటి మంత్రి మాణిక్యాలరావు సమక్షంలో బీజేపీలో చేరారు. అయితే, అప్పటి నుంచే వీళ్ళ అరాచకాలు ఎక్కువయ్యాయి అని గ్రామస్తులు చెప్తున్నారు.

మాకు కేంద్రం అండ ఉంది అంటూ, తరుచూ గ్రామస్తులని ఇబ్బంది పెడుతూ ఉన్నారని తెలుస్తుంది. అయితే, నిన్న వినాయక నిమజ్జనం సందర్భంగా మరింతగా రెచ్చిపోయారు. ప్రబోధానంద ఆశ్రమ భక్తుల దాడిలో ఓ వ్యక్తి మృతిచెందగా, మరో 20మందికి గాయాలయ్యాయి. నిమజ్జనం ఊరేగింపు సందర్భంగా ఆశ్రమ భక్తులకు, పెద్దపొలమడ గ్రామస్థులకు మధ్య వివాదం చెలరేగి ఘర్షణలకు దారితీసిన విషయం తెలిసిందే. గ్రామస్థులు పై ఆశ్రమంలో భక్తులు పేరుతో కర్రలు, రాళ్లతో దాడి చేశారు. విషయం తెలుసుకున్న పోలీసులు ఆశ్రమంలోకి వెళ్లి, గ్రామస్థులను రక్షించేందుకు బాష్పవాయువును ప్రయోగించడంతో పాటు గాల్లోకి రెండురౌండ్లు కాల్పులు జరిపారు.

అయితే ఈ ఆశ్రమం మరో డేరా బాబా ఆశ్రమంలా ఉందని, పోలీసులు అంటున్నారు. భక్తులంతా ప్రార్థనలు, పూజలు చేస్తారనే చెబుతున్నా.. వారి వ్యవహార శైలి అనేక సందేహాలను కల్పిస్తోందని పోలీసులు, రెవెన్యూ అధికారులు అంటున్నారు. ఆశ్రమంలోకి ఇతరులు ఎవరినీ అనుమతించరు. ఆశ్రమం చుట్టూ పెద్ద సంఖ్యలో సీసీ కెమెరాలు అమర్చడం, బయట ప్రైవేటు సెక్యూరిటీ సిబ్బంది, అలాగే భక్తులను అప్రమత్తం చేసేందుకు సైరన్‌ కూడా ఏర్పాటు చేసుకోవడం విశేషం. ఆశ్రమంలోపల పెద్దఎత్తున కర్రలు, రాళ్లు సిద్ధంగా ఉన్నాయి. ప్రబోధానందకు కుమారుడు ఉన్నట్లు, శనివారం రాత్రి ఓ కారులో ఎక్కి వెళ్లిపోయేందుకు సిద్ధమైనట్లు పోలీసులు తెలిపారు. అయితే భక్తులు వెంటనే స్వామీజీ కుమారుడికి రక్షణగా ఏర్పడి, అతడిని క్షేమంగా మళ్లీ ఆశ్రమంలోకి తీసుకెళ్లారు.

విశాఖ నగరంలోని గాజువాకలో విద్యుదాఘాతంతో రెండు సినిమా థియటర్లు దగ్ధమయ్యాయి. గాజువాక ప్రధాన రహదారిలో ఒకే భవనంలో కింది, పై అంతస్తుల్లో కన్య, శ్రీకన్య థియేటర్లు ఉన్నాయి. సోమవారం తెల్లవారుజామున థియేటర్ల నుంచి పొగలు రావడాన్ని గుర్తించిన స్వీపర్‌ చిట్టెమ్మ యజమానికి సమాచారం అందించింది. ఆయన ఫైరింజన్లకు సమాచారం ఇచ్చి అక్కడికి వచ్చేసరికే థియేటర్లు పూర్తిగా దగ్ధమయ్యాయి. 8 ఫైరింజన్ల సాయంతో అగ్నిమాపక సిబ్బంది చాలాసేపు ప్రయత్నించిన తర్వాత మంటలు అదుపులోకి వచ్చాయి.

ఈ ఘటనలో రెండు థియేటర్లలోని తెరలు, సీట్లు, ప్రొజెక్టర్లు, ఏసీ యూనిట్లు పూర్తిగా కాలిపోయాయి. సుమారు రూ.3కోట్ల వరకు ఆస్తి నష్టం సంభవించినట్లు యజమాని తెలిపారు. విశాఖ డీసీపీ ఫకీరప్ప సహా పోలీసు ఉన్నతాధికారులు సంఘటనా స్థలాన్ని పరిశీలించారు. ఈ ప్రమాదంపై సమగ్ర విచారణ జరిపిస్తామని డీసీపీ పేర్కొన్నారు. విద్యుదాఘాతంతోనే ప్రమాదం సంభవించినట్లు థియేటర్‌ మేనేజర్‌ రామారావు తెలిపారు.