news

అమరావతి జేఏసి ముగింపు సభకు హైకోర్టు అనుమతి ఇచ్చింది. అమరావతి రైతుల పాదయాత్ర ముగింపు సందర్భంగా, ఈ నెల 17న బహిరంగ సభ నిర్వహించాలని అమరావతి జేఏసి నిర్ణయం తీసుకుంది. ఈ సభ కోసం తిరుపతి ఎస్పీకి దరఖాస్తు చేయగా, పోలీస్ వారు తిరస్కరించారు. దీంతో, అమరావతి జేఏసి ఈ విషయం పై కోర్టుకు వెళ్ళింది. ఈ రోజు హైకోర్టులో ఈ పిటీషన్ పై విచారణ జరిగింది. మూడు రాజధానులు సభకు అనుకూలంగా తాము కూడా సభ నిర్వహిస్తామని రాయలసీమ ఫోరం కూడా హైకోర్టులో పిటీషన్ వేసింది. దీని పైన అమరావతి పరిరక్షణ సమితి నుంచి పోసాని వెంకటేశ్వరులు అదే విధంగా, లక్ష్మీనారాయాణ వాదనలు వినిపించగా, ప్రభుత్వం వైపు నుంచి అడిషనల్ అడ్వొకేట్ జనరల్ వాదనలు వినిపించారు. కో-వి-డ్ ప్రోటోకాల్ ప్రకారం, సభ నిర్వహించుకుంటామని, అనుమతి ఇవ్వాలని, అమరావతి పరిరక్షణ సమితి న్యాయవాదులు వాదించారు. ఈ సభ నిర్వహిస్తే రెండు వర్గాల మధ్య విబేధాలు నెలకొంటాయి, అల్లర్లు చెలరేగే ప్రమాదం ఉందని, ప్రభుత్వం తరుపు న్యాయవాది వాదించారు. ఈ నేపధ్యంలోనే హైకోర్టు కొద్ది సేపటి క్రితం తీర్పుని ఇచ్చింది. ఇందులో భాగంగానే మధ్యాహ్నం ఒంటిగంట నుంచి సాయంత్రం 6 గంటల వరకు సభ నిర్వహించాలని ఆదేశాలు ఇచ్చింది.

అదే విధంగా, కోవిడ్ ప్రోటోకాల్ ని అనుసరించి, సభ పెట్టుకోవాలని ఆదేశాలు జారీ చేసింది. అదే రోజు రాయలసీమా సాధన సమితికి చెందిన న్యాయవాదులు కూడా తమకు బహిరంగ సభ నిర్వహించేందుకు అనుమతి ఇవ్వాలని కోరగా, హైకోర్టు అందుకు తిరస్కరించింది. ఆ మరుసటి రోజు మీరు అనుమతి తీసుకోవచ్చని, ఆ రోజు సభ నిర్వహించుకోవచ్చని హైకోర్టు సూచించింది. దీంతో అమరావతి రైతుల మహా పాదయాత్ర న్యాయస్థానం టు దేవస్థానం కు హైకోర్టు నుంచి అనుమతి లభించిందో, అదే విధంగా ఇప్పుడు కూడా మళ్ళీ హైకోర్టు జోక్యంతోనే, పాదయాత్ర ముగింపు సభకు అనుమతి ఇచ్చింది. ఈ రోజు , రేపు అమరావతి రైతులు తిరుమల శ్రీవారని దర్శించుకుని, కిందకు వచ్చి, ఎల్లుండి, పాదయాత్ర సభ నిర్వహించనున్నారు. ఇందుకు సంబంధించి ఏర్పాట్లు కూడా జరుగుతున్నాయి. ఇందు కోసం అన్ని రాజకీయ పార్టీలు, రైతు సంఘాలు, ప్రజా సంఘల నేతలు, ఈ బహిరంగ సభకు రానున్నారు. హైకోర్టు ఆదేశాల పై పూర్తి వివరాలు రానున్నాయి.

ఆంధ్రప్రదేశ్ లో పూర్తిగా ఆర్ధిక క్రమశిక్షణ లోపించిందని కేంద్ర ఆర్థికమంత్రి నిర్మలా సీతారామన్ తెలియ చేసారు. ఇన్న రాజ్యసభలో, బీజేపీ ఎంపీ జీవీఎల్ నరసింహ రావు అడిగిన ప్రశ్నకు ఆమె సమాధానం ఇచ్చారు. ఆంధ్రప్రదేశ్ లో అసలు ఆదాయం ఎంత వస్తుంది, ఖర్చు ఎంత చేస్తున్నారు అనే దానికి పొంతన లేకుండా ఉందని, ఆదాయం తక్కువగా ఉందని, ఖర్చు ఎక్కువగా ఉందని, దీని వల్ల, అనుకున్న దాని కంటే కూడా రెవిన్యూ లోటు ఎక్కువగా వస్తుందని అన్నారు. ప్రభుత్వం ఇస్తున్న ఉచిత పధకాలు అయిన, అమ్మ ఒడి, తొమ్మిది గంటల ఉచిత విద్యుత్ వీటి వల్ల కూడా, అనుకున్న దాని కంటే కూడా, ఎక్కువ రెవిన్యూ లోటు వస్తుందని అన్నారు. ఈ రెండు పధకాలకు సంబంధించి రెవిన్యూ లోటు సుమారుగా 1779 కోట్ల రూపాయలు ఉందని, రాష్ట్ర ప్రభుత్వం గత బడ్జెట్ లో అంచనా వేసిందని, అయితే దాని కంటే కూడా అధికంగా రెవిన్యూ లోటు వస్తుందని అన్నారు. 14వ ఫైనాన్సు కమిషన్, 15వ ఫైనాన్సు కమిషన్ అంచనా వేసిన దాని కంటే కూడా, ఈ రెవిన్యూ లోటు చాలా ఎక్కువగా ఉందని, ఆర్థికమంత్రి నిర్మలా సీతారామన్ తెలిపారు. రెవిన్యూ లోటు ఏడాదికి ఏడాదికి పెరుగుతూ వస్తుందని, ఇది చాలా భయంకరమైన ప్రమాదం అని ఆర్ధిక మంత్రి తెలిపారు.

నిజానికి రాష్ట్ర విభజన కారణంగా, రాష్ట్రానికి ఏర్పడే రెవిన్యూ లోటుని పుడ్చటానికి, 14వ ఫైనాన్సు కమిషన్, 15వ ఫైనాన్సు కమిషన్ కానీ, కొన్ని అదనంగా రాష్ట్ర ప్రభుత్వానికి అదనపు నిధులు కేటాయించాయని, అయితే వాటికి మించి కూడా రాష్ట్ర ప్రభుత్వం రెవిన్యూ లోటు వచ్చేలా చేసిందని అన్నారు. ఏపిలో రెవిన్యూ లోటు రావటానికి కారణం, ఆదాయం, వ్యయాలను సరిగ్గా అంచనా వేయకపోవటమే కారణం అని అన్నారు. అలాగే అర్దిక క్రమశిక్షణ కూడా రాష్ట్రానికి లేకపోవటం, ఈ పరిస్థితి ప్రధాన కారణం అని అన్నారు. కాగ్ కూడా ఇదే విషయం స్పష్టం చేసిందని, ఆర్థిక క్రమశిక్షణ లోపంతో లోటు పెరిగిందని కాగ్ చెప్పిందని, రాజ్యసభలో నిర్మలా సీతారామన్ తెలియ చేసారు. నిన్న వైఎస్ఆర్ కాంగ్రెస్ పార్టీ ఎంపీ మిథున్ రెడ్డి కూడా, ఏపి ఆర్ధిక పరిస్థితి దారుణంగా ఉందని, మమ్మల్ని మీరే ఆదుకోవాలి అంటూ, కేంద్రాన్ని కోరిన విషయం తెలిసిందే. ఈ సంఘటనలు అన్నీ చూస్తుంటే, రాష్ట్రంలో పరిస్థితి ఎంత ఘోరంగా ఉందో అర్ధం అవుతుంది.

ఆంధ్రప్రదేశ్ రాష్ట్రంలో, జగన్ మోహన్ రెడ్డికి ఏమైనా ఇబ్బంది వచ్చింది అంటే చాలు, ఎవరో ఒకరు ఏదో ఒక మూల నుంచి వచ్చి, స్న్చలన్ వ్యాఖ్యలు చేసి, టాపిక్ డైవర్ట్ చేసే ప్రయత్నం చేస్తారు. ఇది యాద్రుచికమో, లేక ఎవరైనా నడిపిస్తారో కానీ, మొత్తానికి ఇలాంటి సంఘటనలు గతంలో అనేకం జరిగాయి. ఇప్పుడు తాజాగా జస్టిస్ చంద్రు అనే తమిళనాడుకు చెందిన జడ్జి ఒకరు చేసిన వ్యాఖ్యలు సంచలనంగా మారాయి. దేశ వ్యాప్తంగా జైభీమ్ సినిమా గురించి అందరికీ తెలిసిందే. అయితే జై భీమ్ సినిమాలో, సూర్య చేసిన క్యారక్టర్, జస్టిస్ చంద్రు అనే వ్యక్తిది. ఆయన దళితుల కోసం పోరాటం చేస్తారు అనే పేరు ఉందట, ఈ సినిమా తీయటం అది సూపర్ హిట్ అవ్వటం, ఇవన్నీ అందరికీ తెలిసిందే. అయితే ఈ జస్టిస్ చంద్రు అనే ఆయన, ఉన్నట్టు ఉండి, ఆంధ్రప్రదేశ్ వచ్చారు. జైభీమ్ సినిమా సదస్సు అని ఒకటి మొదలు పెట్టారు. అందులో రాష్ట్రంలో దళితులకు జరుగుతున్న అన్యాయాలు గురించి మాట్లాడతారు అనుకుంటే, ఆయన జగన్ మోహన్ రెడ్డి ప్రభుత్వాన్ని కోర్టులు ఇబ్బంది పెడుతున్నాయి అంటూ, ట్యూన్ అందుకున్నారు. దీంతో అందరూ ఆశ్చర్య పోయారు. ఈయన ఎందుకు ఇలా మాట్లాడుతున్నారు, ఎవరు మాట్లాడిస్తున్నారు అనే చర్చ మొదలైంది.

జస్టిస్ చంద్రు వ్యాఖ్యల పై దళిత సంఘాలు, ఇతర పార్టీ నేతలు స్పందించారు. రాష్ట్రంలో జరుగుతున్న వాస్తవ పరిస్థితి గురించి తెలుసుకోవాలని అన్నారు. అలాగే నిన్న హైకోర్టు కూడా స్పందించింది. జస్టిస్ చంద్రు వ్యాఖ్యల పై తీవ్ర ఆగ్రహం వ్యక్తం చేసింది. తాజాగా ఈ రోజు ఉదయం విలేఖరులతో మాట్లాడుతూ, జస్టిస్ చంద్రు చేసిన వ్యాఖ్యల పై చంద్రబాబు ఆగ్రహం వ్యక్తం చేసారు. జస్టిస్ చంద్రు గురించి పరోక్షంగా మాట్లాడుతూ, ఒక జడ్జి ఎక్కడ నుంచో వచ్చాడు, ఇక్కడ జరుగుతున్న విషయాల పై కాకుండా, ఏవో చెప్పాడు, రాష్ట్రంలో ఏమి జరుగుతుందో, ఇక్కడ జరుగుతున్నవి వీరికి పట్టవా అని ప్రశ్నించారు. ఏపిలో పేటీయం బ్యాచ్ లు తగులుకున్నారని, ఏపిలో జరుగుతున్నవి వీరికి కనిపించవ్ అంటూ సంచలన వ్యాఖ్యలు చేసారు. ఒక నేరస్తుడికి ఇలాంటి వాళ్ళు సుపోర్ట్ చేయటం ఘోరం అని అన్నారు. వీళ్ళకు రిటైర్డ్ అయిన తరువాత పదవులు కావాలని, అందుకే ఇలాంటి చేష్టలకు దిగుతున్నారని అన్నారు. అలాగే ఇక్కడ ఒకాయన, సుప్రీం కోర్టు జడ్జిగా పని చేసి, కొడుకుకి పదవి ఇప్పించుకుని జగన ని పొగుడుతున్నాడని అన్నారు.