news

క-రో-నా అంక్షల నేపధ్యంలో, టిటిడి పరిమిత సంఖ్యలోనే, భక్తులకు టికెట్లు ఇస్తూ వస్తు ఉంది. దీంతో శ్రీవారి దర్శనానికి భారీ డిమాండ్ ఏర్పడింది. ప్రతి నెలకు సంబంధించిన టికెట్లను టిటిడి ఆన్లైన్ లో విడుదల చేస్తుంది. అయితే ఇంతకు ముందు టిటిడి ఆన్లైన్ వెబ్సైటుని, టిసిఎస్ సంస్థ నిర్వహించేది. సహజంగా టికెట్లు విడుదల చేసే సందర్భంలో, అందరూ ఒకేసారి వెబ్సైటులోకి టికెట్ లు బుక్ చేసుకుంటానికి ఎంటర్ అవుతారు. దీంతో సర్వర్ మొరాయిస్తుంది. ప్రతి సారి ఇదే సమస్య వస్తూ ఉండటంతో, టిటిడి విమర్శలు పాలు అవుతుంది. ఈ నేపధ్యంలోనే టిటిడి ప్రత్యామన్యాల పై దృష్టి పెట్టింది. అయితే దీని పై అమెజాన్ సర్వర్లను కోరగా, వారు భారీగా కోట్ చేయటంతో, టిటిడి అధికారులు అంత డబ్బులు పెట్టే ఉద్దేశం లేదని, రిలయన్స్ అంబానీకి సంబంధించిన జియోని వారు సంప్రదించినట్టు సమాచారం. ఈ విషయం పై రిలయన్స్ టిటిడి చైర్మెన్ సుబ్బా రెడ్డి, ఇతర అధికారులు మాట్లాడినట్టు తెలుస్తుంది. అయితే రిలయన్స్ కూడా ఇందుకు అంగీకరించినట్టు సమాచారం. ఈ నేపధ్యంలోనే, ఈ రోజు, వచ్చే నెల టికెట్లను టిటిడి విడుదల చేసింది. అయితే సరిగ్గా ఇదే సమయంలో భక్తులు టికెట్లు బుక్ చేసుకోవటానికి, ఆ పేజి లోకి వచ్చి షాక్ తిన్నారు.

టికెట్ బుకింగ్ చేసుకుందామని టిటిడి వెబ్సైటు ఓపెన్ చేస్తే, అది జియో మార్ట్ అనే వెబ్సైటుకి వెళ్తుంది. ప్రభుత్వ వెబ్సైటుకి కాకుండా, ఇలా రిలయన్స్ వెబ్సైటుకి వెళ్ళటం పై, పలువురు ఆశ్చర్య పోయారు. అలాగే సాంకేతిక సమస్య కూడా అలాగే ఉంది. చాలా సేపు టికెట్లు బుక్ అవ్వలేదు. ప్రజలకు టిటిడి వెబ్సైటుని రెలియన్స్ కు ఇచ్చారని తెలియక పోవటంతో, సోషల్ మీడియాలో టిటిడి పై పెద్ద ఎత్తున విమర్శలు వచ్చాయి. అయితే ఒక ప్రైవేటు ఏజెన్సీకి డైరెక్ట్ గా వాళ్ళ వెబ్సైటులో టికెట్ లు ఇవ్వటం, అక్కడ ప్రజలకు సంబంధించిన డేటా మొత్తం రిలయన్స్ కు వెళ్తుంది ఏమో అనే అనుమానాలు ప్రజలు వ్యక్తం చేసారు. ఎన్నో పెద్ద పెద్ద సాఫ్ట్వేర్ కంపెనీలు ఉండగా, రిటైల్ వ్యాపారం చేసే రిలయన్స్ కు ఇవ్వటం పై కూడా విమర్శలు వస్తున్నాయి. దీని పై స్పందించిన టిటిడి, ప్రయోగాత్మకంగా చేసామని, వచ్చే నెల నుంచి మొత్తం సెట్ అయిపోతుందని, ఇబ్బందులు ఏమి ఉండవని, ఇలాంటివి లేకుండా చూసుకుంటామని చెప్తున్నారు.

జగన్ మోహన్ రెడ్డి చెల్లి వైఎస్ షర్మిల తెలంగాణలో పార్టీ పెట్టిన విషయం అందరికీ తెలిసిందే. వైఎస్ఆర్టిపి పేరిట, ఆమె తెలంగాణాలో పార్టీ పెట్టారు. అయితే ఇక్కడ వరకు బాగానే ఉన్నా, మొన్న ఎన్నికల్లో ఆంధ్రప్రదేశ్ లో ఊరు ఊరు తిరిగి, జగన్ మోహన్ రెడ్డిని గెలిపించమని కోరారు. ఏమైందో ఏమో కానీ, జగన్ మోహన్ రెడ్డి గెలిచిన తరువాత, షర్మిలను దూరం పెట్టారనే ప్రచారం ఉంది. రోజులు గడిచే కొద్దీ ఇద్దరికీ గ్యాప్ పెరిగింది. తల్లి విజయలక్ష్మి కూడా షర్మిల వైపే ఉన్నారు. షర్మిల సభల్లో కూడా పాల్గుంటున్నారు. అయితే విజయమ్మ ఒక ఒక్క జగన్ పార్టీకి అధ్యక్షురాలు హోదాలో ఉండి, మరో పార్టీ సభల్లో పాల్గునటం పై కూడా విమర్శలు వస్తున్నాయి. షర్మిలకు, జగన్ కు మధ్య ఏమి లేదని, అంతా బాగానే ఉందని, ఇదంతా రాజకీయ లబ్ది కోసం ఆడే నాటకం అని అనే వారు ఉన్నారు. షర్మిలకు జగన్ పై కోపం ఉంటే, ఆంధ్రప్రదేశ్ లో పార్టీ పెట్టాలి కానీ, తెలంగాణలో ఎందుకు పెడుతుంది అనే ప్రశ్నలు వస్తున్నాయి. అయితే బయటకు మాత్రం, ఇద్దరి మధ్య తేడా కొట్టినట్టే తెలుస్తుంది. పార్టీ పెట్టిన కొత్తలో, జగన్ గురించి అడగగా, అదే ఆయన్నే అడగండి అంటూ షర్మిల సమాధానం చెప్పారు. అలాగే సజ్జల కూడా, తాము పార్టీ పెట్ట వద్దు అని చెప్పినా, ఆమె పార్టీ పెట్టారని, తమ పార్టీకి ఎటువంటి సంబంధం లేదని అన్నారు.

అలాగే షర్మిల సభలో, సాక్షి పై బహిరంగంగానే విమర్శలు చేసారు. సాక్షి తమకు కవరేజ్ ఇవ్వదు కదా పక్కకు తప్పుకోండి అని బహిరంగంగా చెప్పటం సంచలనం అయ్యింది. వైఎస్ఆర్ వర్ధంతి , జయంతి రోజున కానీ, జగన్, షర్మిల మాట్లాడుకోలేదు. వైఎస్ఆర్ సంస్మరణ సభకు కూడా జగన్ వెళ్ళలేదు. ఇప్పటి వరకు షర్మిలకు జగన్ ఎలాంటి సహాయం రాజకీయం అందించలేదు. ఈ తరుణంలోనే షర్మిల తాజాగా ఒక టీవీ ఇంటర్వ్యూ లో చేసిన వ్యాఖ్యలు సంచలనంగా మారాయి. సాక్షిని తెలంగాణలో మీరు టెక్ అప్ చేస్తారా అని అడగగా, టెక్ అప్ ఏంటి, నేను కూడా సాక్షిలో ఒక ఓనర్ ని అంటూ షర్మిల సమాధానం చెప్పారు. అంటే ఆమె సాక్షిని తెలంగాణలో టెక్ అప్ చేస్తున్నట్టు ఒప్పుకున్నారు. అంటే సాక్షి మీడియా, పేపర్ ఇప్పుడు ఆంధ్రప్రదేశ్ లో జగన్ చేతిలో, తెలంగాణాలో షర్మిల చేతిలో ఉండే అవకాశాలు కనిపిస్తున్నాయి. సాక్షి రెండుగా చీలిపోతుందా ? లేదా ఒకే మ్యానేజ్మెంట్ లో ఇద్దరూ పని చేస్తారా అనేది భవిష్యత్తులో తెలుస్తుంది.

ఆంధ్రప్రదేశ్ రాష్ట్ర ప్రభుత్వానికి కోర్టుల్లో మొట్టికాయలు సర్వ సాధారణం అయిపోయాయి. ప్రతి రోజు కోర్టులు మొట్టికాయలు వేయటం అటు ప్రభుత్వానికి, ఇటు ప్రజలకు కూడా అలవాటు అయిపొయింది. గత ప్రభుత్వాలు, కోర్టుల్లో ఏమైనా రిమార్క్స్ వస్తే అవమానంగా భావించే, అవి మళ్ళీ జరగకుండా కరెక్ట్ చేసుకునే వారు. ఇప్పటి ప్రభుత్వం మాత్రం చేసిన తప్పులే మళ్ళీ మళ్ళీ చేస్తూ, కోర్టుల చేత మొట్టికాయలు తింటుంది. తాజాగా జరిగిన ఒక కేసులో, ఏపి ప్రభుత్వానికి షాక్ ఇచ్చింది సుప్రీం కోర్టు. ఏకంగా లక్ష రూపాయల జరిమానా విధించారు. ఒక ప్రభుత్వానికి, సుప్రీం కోర్టులో ఇలా జరిమానా పడటం అరుదు అనే చెప్పాలి. ఇక కేసు విషయానికి వస్తే, గతంలో ఒక కేసు విషయంలో, హైకోర్టులో ఉమ్మడి అంగీకారంతో తీర్పు ఇవ్వగా, ఆ తీర్పుని పట్టుకుని, సుప్రీం కోర్టుకు ఏపి ప్రభుత్వం వెళ్ళటం పై, సుప్రీం కోర్టు తీవ్ర ఆగ్రహం వ్యక్తం చేసింది. ఒక పక్క హైకోర్టు ఇచ్చిన తీర్పుని అమలు పరచకుండా, ఆలస్యం చేయటం , మరో పక్క ఉమ్మడి అంగీకారంతో హైకోర్టు ఇచ్చిన తీర్పుని, మళ్ళీ అపీల్ పేరుతో సుప్రీం కోర్టుకు రావటం, అనవసరంగా సుప్రీం కోర్టు సమయాన్ని వృధా చేయటం పై, సుప్రీం కోర్టు తీవ్ర ఆగ్రహం వ్యక్తం చేసింది. కోర్టు సమయాన్ని వృధా చేసినందుకు ప్రభుత్వానికి లక్ష జరిమానా విధించింది.

ఏవో పార్టీలు ఇలా కోర్టు సమయాన్ని వృధా చేసాయి అంటే అనుకోవచ్చు, ఇక్కడ ఏకంగా ప్రభుత్వమే ఇలా చేయటం పై, పలువురు ఆశ్చర్య పోయారు. ఈ మేరకు సుప్రీం కోర్టు త్రిసభ్య ధర్మాసనం, ఏపి ప్రభుత్వం పై ఆగ్రహం వ్యక్తం చేస్తూ తీర్పు ఇచ్చింది. దేవీసీఫుడ్స్‌ అనే సంస్థ సర్ఫేసీ యాక్ట్‌ కింద, కొన్ని బ్యాంకులు కొన్ని స్థలాలను వేలం వేయగా, వాటి ఆస్తులు కొనుగోలు చేసింది. అయితే రిజిస్టర్ వేల్యూ కాకుండా, మార్కెట్ ధర ప్రకారం చెల్లింపులు చేయాలని ప్రభుత్వం మెలిక పెట్టింది. తరువాత ఇది సింగల్ బెంచ్ కు వెళ్ళటం, ప్రభుత్వానికి వ్యతిరేకంగా తీర్పు రావటం, తరువాత మళ్ళీ డివిజినల్ బెంచ్ కు వెళ్ళటం, అక్కడ కూడా ప్రభుత్వ పిటీషన్ ను డిస్మిస్ చేసారు. అయితే గతంలోనే దీని పై స్పష్టత ఉండటం, ప్రభుత్వ సమ్మత ఉండటం, ఇప్పుడు మళ్ళీ ఇదే విషయం పై సుప్రీం కోర్టుకు ప్రభుత్వం వెళ్ళటంతో, సుప్రీం కోర్టు ఆగ్రహం వ్యక్తం చేసింది. కోర్టు సమయాన్ని వృధా చేసినందుకు, లక్ష రూపాయల జరిమానాను, ఏపి ప్రభుత్వానికి విధించింది.