news

వంగవీటి రాధాకృష్ణ విషయంలో గత కొంత కాలంగా వినిపిస్తున్న వదంతి నిజమైంది. ఎట్టకేలకు ఆయన వైకాపాను వీడారు. ఈ మేరకు ఆయన ఆదివారం ఆ పార్టీ అధినేత జగన్‌కు రాజీనామా లేఖను పంపించారు. సాధారణ ఎన్నికలు సమీపిస్తుండటంతో ఆయన రాజకీయంగా కీలకమైన నిర్ణయం తీసుకున్నారు. మొదటి నుంచి తాను పట్టుబడుతున్న విజయవాడ సెంట్రల్‌ సీటుపై వైకాపా నుంచి స్పష్టమైన హామీ లభించకపోవడంతో తెగదెంపులకు సిద్ధమయ్యారు. సెంట్రల్‌ టికెట్‌ విషయమై హామీ కోసం ఆయన ఏడాదికి పైగా నిరీక్షించారు. అయినా జగన్‌ వైపు నుంచి ఎటువంటి సంకేతాలు రాలేదు. పార్టీ కోరుతున్నట్లు విజయవాడ తూర్పు లేదా బందరు పార్లమెంటుకు పోటీ చేసేందుకు ఆయన ఆసక్తి కనబర్చలేదు.

తొలి నుంచి ఈ ప్రతిపాదనలను ఆయన తిరస్కరిస్తూ వచ్చారు. అడపాదడపా పార్టీ పెద్దలు పలు దఫాలు బుజ్జగించినా ఆయన మెట్టు దిగలేదు. ఈ నేపథ్యంలో ఎన్నికలు దగ్గర పడటంతో ఏదో ఒక నిర్ణయం తీసుకోక తప్పని పరిస్థితి వచ్చింది. దీంతో బొత్సతో జరిపిన చర్చల్లో అధిష్ఠానం హామీ ఇవ్వకపోవడంతో వైకాపాకు రాం రాం చెప్పారు. వైకాపాను వంగవీటి రాధాకృష్ణ వీడడానికి ప్రధాన కారణం సెంట్రల్‌ నియోజకవర్గం సీటును ఆయనకు ఇవ్వకపోవడమే. దీని చుట్టూనే మొదటి నుంచి కీలక పరిణామాలు చోటుచేసుకున్నాయి. 2004లో తొలిసారిగా రాధా ఈ నియోజకవర్గం నుంచే కాంగ్రెస్‌ పార్టీ నుంచి పోటీ చేసి ఎమ్మెల్యేగా గెలిచారు. అయితే ఈ సీటు విషయంలో జగన్ మోహన్ రెడ్డి, బీజేపీ ఒక ఒప్పందానికి వచ్చినట్టు రాధా అనుచర వర్గం చెప్తుంది.

ఇక్కడ బీజేపీని గెలిపించటానికి, జగన్, బీజేపీతో ఒప్పందం కుదుర్చుకున్నారని, ఇక్కడ ఐవైఆర్ కృష్ణారావును ఎమ్మల్యేగా గెలిపించే బాధ్యత జగన్ తీసుకున్నారని సమాచారం. అందుకే ఇక్కడ రాధా నుంచుంటే గెలిచే అవకాశాలు ఎక్కువ ఉంటాయి కాబట్టి, తన మాట వినే మల్లాది విష్ణుకు ఇక్కడ సీట్ కేటాయించి, చివరి నిమిషంలో, క్యాడర్ మొత్తం ఐవైఆర్ కృష్ణారావు గెలుపుకు కృషి చేసే స్కెచ్ వేసారని, వంగవీటి వర్గం ఆరోపిస్తుంది. ఈ విషయం పై స్పష్టమైన సమాచారం ఉందని, నెక్స్ట్ బకరా మల్లాది విష్ణు అని రాధా వర్గం అంటుంది. ఐవైఆర్ కృష్ణా రావుని అసెంబ్లీకి పంపించే బాధ్యత అమిత్ షా, జగన్ కు అప్పచేప్పరని, దాని ప్రకారమే ఇప్పుడు రాధాని బలి చేసిన జగన్, రేపు మల్లాది విష్ణుని బలి చేస్తారని అంటున్నారు.

మీకు వేల కోట్లు ఇచ్చాం, లక్షల లక్షల కోట్లు ఇచ్చాం అంటూ డబ్బా కొట్టటానికి, వారినికి ఒక కేంద్రం మంత్రిని ఏపికి తీసుకువస్తాం అని జీవీఎల్ చెప్పాడో లేదో, ఈ రోజు నితిన్ గడ్కరీ విజయవాడలో వాలిపోయారు. చంద్రబాబు ప్రభుత్వం పై విమర్శలు ఎక్కు పెట్టి, మా మోడీ అంతా చేసేసారు అని చెప్పే టైంలోనే, చంద్రబాబు వీళ్ళ నిజ స్వరూపం బయట పెడుతూ, గడ్కరీకి ఘాటు లేఖ రాసారు. నితిన్ గడ్కరీకి పోలవరం నిధుల విడుదలపై సీఎం చంద్రబాబు లేఖరాశారు. పోలవరానికి ఇవ్వాల్సిన పెండింగ్ నిధులను వెంటనే విడుదల చేయాలని కోరారు. పోలవరం ప్రాజెక్టుకు సంబంధించి రూ.3,722 కోట్లు తక్షణం విడుదల చేయాలని కోరారు. ప్రాజెక్ట్ నిర్మాణం కోసం రూ.10,459 కోట్లు ఖర్చు చేయగా కేవలం రూ.6,727 కోట్లు మాత్రమే ఇచ్చారని చెప్పారు.

గత జులైలో పోలవరంలో కేంద్రమంత్రి గడ్కరీ పర్యటించినప్పుడు ఫిబ్రవరిలోపు నిధులు మొత్తం విడుదల చేస్తామని చెప్పారని గుర్తుచేశారు. ఈ విషయంలో ఎంతవరకు మాట మీద నిలబడ్డారో చెప్పాలని ప్రశ్నించారు. ఐదు రాష్ట్రాలకు ఉపయోగపడే పోలవరం ప్రాజెక్ట్‌ను కేంద్రం నిర్లక్ష్యం చేస్తోందని పేర్కొన్నారు. పోలవరం ప్రాజెక్టు నిర్మాణానికి సంబంధించి కేంద్రం ఇస్తామన్న హమీని తక్షణమే విడుదల చెయ్యాలని డిమాండ్ చేశారు. కేంద్రం సహకరించకపోయినా ఇప్పటి వరకు 64 శాతం పనులు పూర్తి చేసినట్లు తెలిపారు. ఇప్పటికైనా కేంద్రం ఇచ్చిన నిధులు, పోలవరం ప్రాజెక్టుకు ఇస్తామన్న హామీకి సంబంధించి నిధులు విడుదల చెయ్యాలని లేఖలో కోరారు.

మరో పక్క విజయవాడలో, గడ్కరీ చంద్రబాబు పై విమర్శలు చేసారు. విజయవాడ సిద్ధార్థ ఆడిటోరియంలో నిర్వహించిన కృష్ణా జిల్లా, విజయవాడ నగర భాజపా ముఖ్య కార్యకర్తల సమావేశానికి ఆయన హాజరయ్యారు. భాజపా ఏ మతానికీ వ్యతిరేకం కాదని.. తీవ్రవాదానికి మాత్రమే వ్యతిరేకమని చెప్పారు. కేంద్ర ప్రభుత్వం ఇస్తున్న నిధులు, అమలు చేస్తున్న పథకాలపై చర్చించడానికి సిద్ధంగా ఉన్నామన్నారు. కేంద్ర ప్రభుత్వం సహకారంతో పోలవరం పనులు 62 శాతం పూర్తయ్యాయని చెప్పారు. పోలవరం విషయంలో కేంద్రం ఘనతను రాష్ట్రం ఎందుకు ఒప్పుకోవడం లేదో తెలియడం లేదన్నారు. కేంద్ర ప్రభుత్వం ఎన్ని వేల కోట్ల రూపాయలు రాష్ట్రానికి ఇస్తున్నా వాటిని దుర్వినియోగం చేసి రూపాయి కూడా ఇవ్వలేదని సీఎం చంద్రబాబు దుష్ప్రచారం చేస్తున్నారని విమర్శించారు.

న్యూటన్స్ థర్డ్ లా అంటే ఇదేనేమో... ప్రతి ఆక్షన్ కి, ఈక్వల్ అండ్ ఆపోజిట్ రియాక్షన్ ఉంటుంది అంటారు ఇందుకే.. అమిత్ షా, మోడీ కలిసి, వాళ్ళ చేతిలో అధికారం ఉందని, ఇష్టం వచ్చినట్టు రెచ్చిపోతే ఊరుకుంటారా, వీళ్ళకి టైం వచ్చినప్పుడు, వీళ్ళకు టైం వచ్చినప్పుడు, వీళ్ళు చేసేది వీళ్ళు చేస్తారు. అదే ఇప్పుడు పశ్చిమబెంగాల్ ముఖ్యమంత్రి మమతాబెనర్జీ చేసారు. బీజేపీ జాతీయ అధ్యక్షుడు అమిత్ షా హెలికాప్టరు ల్యాండింగుకు మమతాబెనర్జీ నుమతి నిరాకరించిన ఉదంతం మాల్దా జిల్లాలో సంచలనం రేపింది. స్వైన్ ఫ్లూ జ్వరం నుంచి కోలుకున్న బీజేపీ అధినేత అమిత్ షా పశ్చిమబెంగాల్ రాష్ట్రంలోని మాల్దా జిల్లాలో ఈ నెల 22వతేదీన ర్యాలీలో పాల్గొనేందుకు విమానంలో కోల్‌కతాకు వచ్చి అక్కడి నుంచి బీజేపీ కార్యకర్తల ర్యాలీలో పాల్గొనేందుకు మాల్దాకు హెలికాప్టరులో రావాలనుకున్నారు.

ఈ మేరకు వీవీఐపీ హెలికాప్టరు మాల్దాలో ల్యాండింగు కోసం అనుమతించాలని మాల్దా జిల్లా అధికారులకు బీజేపీ నేతలు వినతిపత్రం సమర్పించారు. తమ పీడబ్లూడీ శాఖ ఎగ్జిక్యూటివ్ ఇంజినీరు నివేదిక ప్రకారం మాల్దా హెలిపాడ్ హెలికాప్టరు దిగేందుకు అనువుగా లేదని, అక్కడ ఇసుక, నిర్మాణ సామాగ్రి ఉన్నాయని జిల్లా అదనపు మెజిస్ట్రేట్ బీజేపీ నేతలకు రాసిన లేఖలో పేర్కొన్నారు. తాత్కాలిక హెలిపాడ్ లో కూడా నిర్మాణ పనులు చేపట్టినందున అమిత్ షా హెలికాప్టరు దిగేందుకు సురక్షితం కాదని అందుకే తాము హెలికాప్టరు ల్యాండింగుకు అనుమతించడం లేదని మాల్దా జిల్లా అదనపు మెజిస్ట్రేట్ స్పష్టం చేశారు. గతంలో బీజేపీ, తృణమూల్ కాంగ్రెస్ పార్టీల మధ్య ఏర్పడిన వివాదాల నేపథ్యంలో అమిత్ షా హెలికాప్టరు మాల్దాలో ల్యాండింగుకు మమతా బెనర్జీ సర్కారు నిరాకరించింది. ఈ ఉదంతం పశ్చిమబెంగాల్ రాష్ట్రంలో చర్చనీయాంశంగా మారింది. మాల్దా హెలిపాడ్ హెలికాప్టరు ల్యాండింగుకు అనువుగా ఉన్నా జిల్లా అధికారులు అనుమతి నిరాకరించడం బీజేపీతో మమతకు ఉన్న వైరుధ్యమే కారణమని తెలుస్తోంది.

అమిత్‌షా హెలికాప్టర్‌ను మాల్డా హెలిపాడ్‌పై దిగిందేకు టీఎంసీ సర్కార్ అనుమతించలేదని కేంద్ర మంత్రి రవిశంకర్ ప్రసాద్ సోమవారంనాడు మీడియాకు తెలిపారు. ఇదే హెలిపాడ్‌పై కొద్ది రోజుల క్రితం మమతా బెనర్జీ హెలికాప్టర్ ల్యాండ్ అయిందని చెప్పారు. కాగా, బీజేపీ విమర్శలను టీఎంసీ అధ్యక్షురాలు, ముఖ్యమంత్రి మమతా బెనర్జీ తిప్పికొట్టారు. తాము అనుమతి ఇచ్చినప్పటికీ వాస్తవాలను వక్రీకరించి ప్రజలను కేంద్రం తప్పుదారి పట్టిస్తోందని ఆమె చెప్పారు. భద్రతా కారణాల రీత్యా అమిత్‌షా హెలికాప్టర్‌ను వేరే చోట ల్యాండ్ చేయాలని పోలీసులు కోరారని, తాను సైతం పోలీసుల అభ్యర్థన మేరకు హెలికాప్టర్ ల్యాండింగ్‌‌ను వేరేచోట మార్చుకోవాల్సి వచ్చిందని చెప్పారు. ప్రజాస్వామ్యంపై నమ్మకం ఉన్నందువల్లే అమిత్‌షా మీటింగ్‌కు ప్రభుత్వం అనుమతి ఇచ్చిందని చెప్పారు.