news

ఒక పక్క డీజీపీ, హోం మంత్రి, మంత్రులు, రాష్ట్రంలో ప్రశాంత వాతావరణం ఉంది అంటూ భరోసాలు ఇస్తుంటే, వస్తున్న వార్తలు మాత్రం, అలా అనిపించటం లేదు. స్థానిక సంస్థల పుణ్యమా అని, అరాచకం రాజ్యమేలుతుంది. వైసీపీ నేతలు, కార్యకర్తలు, అరాచకాలు సృష్టిస్తూ, వీరంగం చేస్తున్నారు. మొన్న ఒక ఎమ్మెల్సీ, మాజీ ఎమ్మెల్యే పై హ-త్యా ప్రయత్నం చేసిన వైసీపీ నేతలు, ఇప్పుడు మాజీ మంత్రిని టార్గెట్ చేసారు. అనంతపురం జిల్లాలోని, రాయదుర్గంలో, తెలుగుదేశం పార్టీ నేత, మాజీ మంత్రి కాల్వ శ్రీనివాసులు పై, దా-డి-కి తెగబడింది వైసీపీ. చిన్న చిన్న కారణాలు చూపించి తెలుగుదేశం పార్టీ వారికి చెందిన నామినేషన్లు ఎన్నికల అధికారులు తిరస్కరిస్తున్నారని తెలుసుకుని, అధికారులతో మాట్లాడటానికి, మున్సిపల్ కార్యాలయం వద్దకు కాల్వ వెళ్లారు. అయితే, అధికారులతో మాట్లాడుతూ ఉండగానే, వైసీపీ నేతలు, వచ్చి కాల్వ శ్రీనివాసుల పై దాడి చేసారు. ప్రభుత్వ విప్ కాపు రామచంద్రారెడ్డి ఆధ్వర్యంలోని, కాల్వ శ్రీనివాసుల పై దాడి చేసారని తెలుగుదేశం పార్టీ ఆరోపిస్తుంది.

కాల్వ శ్రీనివాసులతో పాటుగా, మున్సిపల్ కమిషనర్ రామచంద్రరావు పై కూడా దాడి చేసారని సమాచారం. అయితే, దాడి చేసిన వారిని వదిలేసి, తెలుగుదేశం నేత అయిన, కాల్వ శ్రీనివాసులని పోలీసులు స్టేషన్ కు తీసుకువెళ్ళారు. దీంతో, తెలుగుదేశం పార్టీ శ్రేణులు పెద్ద ఎత్తున పోలీస్ స్టేషన్ కు వెళ్ళటంతో, పరిస్థితి అదపు తప్పుతుందని గమనించి, చేసేది ఏమి లేక, కాల్వ శ్రీనివాసులని పోలీసులు వదిలి పెట్టారు. మాజీ మంత్రి కాలువ శ్రీనివాసులును అక్రమ నిర్బంధించడాన్ని తెదేపా అధినేత నారా చంద్రబాబునాయుడు ఖండించారు. రాయదుర్గం పురపాలికలో తెదేపా అభ్యర్థి నామినేషనును తిరస్కరించడాన్నిప్రశ్నించినందుకు కాలువ శ్రీనివాసులును పోలీస్ స్టేషన్ కు తరలించడమేమిటని చంద్రబాబు ప్రశ్నించారు. ఏపీలో ఎస్సీ, ఎస్టీ, బీసీలపై పోలీసుల సాయంతో వైకాపా నేతలు దాడులతో పేట్రేగిపోతున్నారన్నారని మండిపడ్డారు.

``జగన్ అధికారంలోకి వఛ్చిన తర్వాత బడుగు బలహీనవర్గాలకు రక్షణ కరువైంది. స్థానిక ఎన్నికల్లో పోటీ చేసే రాజ్యాంగం కల్పించిన ప్రాథమిక హక్కును హరిస్తున్నారు. నామినేషన్లు వేయకుండా అడ్డుకోవడం దుర్మార్గం. పేద మధ్య తరగతి ప్రజలు స్వేచ్చగా తిరగలేని దౌర్భాగ్యం స్థితి కల్పించా''రని ఆవేదన వ్యక్తం చేశారు. తెదేపా మాజీ మంత్రులను, శాసనసభ్యులను అదుపులోకి తీసుకోవడం హేయమన్నారు. ఇళ్లల్లో ఉన్న తెదేపా నాయకులను అక్రమంగా నిర్బంధించడం అన్యాయమన్నారు. రాష్ట్రాన్ని నేరగాళ్ల రాజ్యంగా మార్చడం గర్హనీయమన్నారు. ఎన్నికలలో నేరాలు విపరీతంగా పెరిగిపోయాయని ఆరోపించారు.. రానున్న ఎన్నికల్లో వైకాపా దురాగతాలకు ప్రజలే బుద్ధి చెప్పాలని కోరారు. ప్రజా, న్యాయ క్షేత్రంలో జగన్, వైకాపా మంత్రులకు ప్రజలే గుణపాఠం చెప్పాలని పిలుపిచ్చారు. ముస్లిం మైనారిటీ , మహిళలపై వైకాపా నేతలు దాడులు చేస్తున్నా నిలవరించకపోవడంలో పోలీసుల వైఫల్యం స్పష్టంగా కనపడుతోందని ఆగ్రహం వ్యక్తం చేశారు.

రాష్ట్రంలో స్థానిక ఎన్నికల సందర్భంగా పోలీసుల తీరుపై తెదేపా అధినేత చంద్రబాబు తీవ్ర స్థాయిలో విమర్శలు చేశారు. ఖాకీలు ఇలాగే పనిచేస్తే తిరుగుబాటు వస్తుందని ఆగ్రహం వ్యక్తం చేశారు. తెదేపా అభ్యర్థుల ఇళ్లల్లో మద్యం ఉన్నట్లు చిత్రీకరించి అక్రమ కేసులు పెడుతున్నారని ఆరోపించారు. ప్రస్తుతం పోలీసు టెర్రరిజం కొనసాగుతోందన్న చంద్రబాబు.. శాంతి భద్రతల పరిరక్షణ కోసమే వారు పనిచేయాలని హితవు పలికారు. ఈ సందర్భంగా, దా-డు-లు జరుగుతున్న నేపధ్యంలో, బీఫారంలు ఇవ్వటానికి, న్యాయవాదులను వాడాలని చంద్రబాబు నిర్ణయం తీసుకున్నారు. న్యాయవాదులు డైరెక్ట్ గా వెళ్లి, అధికారులకు బీఫారంలు ఇస్తారు. న్యాయవాదుల పై అంత తొందరగా దా-డి చెయ్యలేరని, చేస్తే ఇక ఏమి చేస్తాం అని చంద్రబాబు అన్నారు. " మేము ఒకటే అడుగుతున్నాం. అన్నిచోట్ల సీసీకెమెరాలు పెట్టి, ఎన్నికలు నిర్వహించాలి.   బీఫామ్స్ అన్నీ మా అడ్వకేట్స్ ద్వారా పంపిస్తాం. వీళ్లు మధ్యలో లాక్కునే ప్రమాదం కూడా ఉంది. అప్పటికీ ఏం చేస్తారో చూస్తాం." అని చంద్రబాబు అన్నారు. చంద్రబాబు మాట్లాడుతూ "రాజ్యాంగ నిర్మాత బాబాసాహెబ్ అంబేద్కర్ ఒక మాట చెప్పారు. “రాజ్యాంగం ఎంత మంచిదైనా అది అమలు చేసేవాడు మంచివాడు కాకపోతే అది చెడు ఫలితాలను ఇస్తుంది. రాజ్యాంగం మంచిది కాకపోయినా అమలు చేసేవాడు మంచివాడైతే మంచి ఫలితాలను ఇస్తుంది” అని ఆ మహానుభావుడు చెప్పడం జరిగింది. అదే ఈ రాష్ర్టంలో జరుగుతోంది. ‘‘రాజ్యాంగ పరిరక్షణ ఉద్యమం’’ ఇది. "

"ప్రజల ధన, మాన, ప్రాణాల రక్షణకోసం చేస్తున్న ఉద్యమం ఇది. ఇవి కేవలం స్థానిక సంస్థల ఎన్నికలు మాత్రమే కావని, అంతవరకే పరిమితం కాదని ప్రజలంతా తెలుసుకోవాలి. ఈ ప్రభుత్వానికి గానీ చెక్ పెట్టకపోతే, ఇప్పటికే చాలా డామేజ్ చేశారు.. ఇంకా చేస్తారు. చివరకు అడిగే నాథుడే ఉండడు. ఉ-గ్ర-వా-దు-ల కంటే దారుణంగా తయారయ్యారు. పోలీస్ టెర్రరిజం..ఖాకీ టెర్రరిజం పెరిగిపోయింది. వీళ్ల ఆగడాలకు అడ్డుకట్ట వేయకపోతే మరింత పేట్రేగిపోతారు. వీళ్లనిలాగే వదిలేస్తే ప్రజల ఆస్తులకు, ప్రాణాలకు, మానానికి రక్షణ ఉండదు. అందుకే ప్రజలకు పిలుపునిస్తున్నా. ధైర్యంగా ముందుకుపోదాం..పోరాటంతో ముందుకెళ్లి వీళ్లని నిలువరిద్దాం. అవకాశవాదులు చరిత్ర హీనులుగా మిగిలిపోతారు. డబ్బుసంచులకు అమ్ముడుపోయారు. డబ్బులకు అమ్ముడుపోయేవారు కొందరు ఉంటే, రాజ్యాంగం పరిరక్షణ కోసం కొందరు పోరాడుతున్నారు. దారికి రానివారిపై పాతకేసులు తిరగదోడుతూ, ఆర్థికమూలాలు దెబ్బతీస్తూ నానారకాలుగా హిం-సి-స్తు-న్నా-రు. అందుకే నేను ఒకటే కోరుతున్నా..ప్రజలు ధైర్యంగా ఉండాలి, ప్రజలు స్వేచ్ఛగా ఓటేయాలి, పిరికితనంతో పోవద్దు, ఇది ఒక్క తెలుగుదేశంపార్టీ బాధ్యతే కాదు. ఈనాడు ఎవరైతే పోటీచేస్తున్నారో, వారంతాకూడా రాజ్యాంగ పరిరక్షణకోసం పోరాడుతున్నారు.

"ఆ విషయం మీరంతా గుర్తుంచుకోండి. రాజ్యాంగ పరిరక్షణ కోసం పోరాడేవారంతా, శాశ్వతంగా చరిత్రలో నిలిచిపోతారు. ఈ ఉద్యమాన్ని అ-ణి-చే-సే-వా-ళ్లు చరిత్ర హీనులుగా మిగిలిపోతారు. తాత్కాలికంగా భాధలు ఉంటాయి. అందరం కలిసి సమష్టిగా పోరాడుదాం. ప్రభుత్వం వచ్చాక, రాష్ట్రంలో సంక్షేమాన్ని ఏవిధంగా దెబ్బతీశారో ప్రజలకు తెలియచేయడానికి ఒక పత్రాన్ని విడుదలచేస్తున్నాం. వైసిపి ప్రభుత్వ 10నెలల పాలనలో సంక్షేమం ఏవిధంగా కుంటుపడిందో తెలియచేసే నిజపత్రం విడుదల చేస్తున్నాం. వైసీపీ వచ్చాక 35పథకాలను రద్దు చేశారు. రద్దుల పద్దులు- రివర్స్ పాలన తప్ప సాధించిందేమీ లేదు. నేరుగా ఒక్కటే అడుగుతున్నా... పోలీసులు పోలీసుల్లాగా ప్రవర్తిస్తున్నారా..? కోర్టులో డిజిపితో సెక్షన్ 151 చదివించిన సందర్భం ఉందా..?తాను కోర్టులో వేసిన అఫిడవిట్ తప్పిన ఒప్పుకున్న డీజీపీ రాష్ట్రంలో తప్ప, ప్రపంచంలో ఎక్కడైనా ఉన్నాడా? తప్పు అయ్యిందని కోర్టులో ఒప్పుకోలేదా డిజీపీ..? సామాన్య ప్రజానీకం పోలీసుల వద్దకు వచ్చేపరిస్థితులు రాష్ట్రంలో ఉన్నాయా? డీజీపీకి విశ్వసనీయత ఉందా? అందుకే పోలీస్ టెర్రిరిజం అంటున్నా. ఈ రాష్ట్రం సర్వనాశనానికి కంకణం కట్టుకున్నారు. దీన్ని పరిరక్షించడానికి మేం ఉద్యమిస్తున్నాం. మీ సబార్డినేట్స్ ను కట్టడి చేయండి. హద్దుమీరిన వాళ్లను నియంత్రించండి. ప్రజలకు రక్షణగా నిలవండి, ఒకవ్యక్తికి ఊడిగం చేయడం కాదు.. కోర్టులో కూడా అదేచెప్పారు. శాశ్వతంగా లా అండ్ ఆర్డర్ మెయింటెన్ చేయాలి. కథలు చెప్పడం మాని, ఇప్పటికైనా పనిచేయండి. అడిగేవాళ్లు లేరని తమాషాలు ఆడతారా? పోలీసులు ఇదేవిధంగా వ్యవహరిస్తే, ఆనాడు సిపాయిల తిరుగుబాటు ఎలా వచ్చిందో, అలాంటి పరిస్థితే వస్తుంది." అని చంద్రబాబు అన్నారు.

ప్రజాస్వామ్యాన్ని అపహాస్యం చేసేలా రాష్ట్రంలో స్థానిక ఎన్నికలు నిర్వహిస్తున్నారని, నామినేషన్లు వేయడం, ఉపసంహరించుకోవడం, బెదిరింపులు, దాడులకు పాల్పడటం చూస్తుంటే, దేశచరిత్రలో ఏముఖ్యమంత్రి కూడా పాల్పడని కార్యక్రమాలకు జగన్ పాల్పడుతున్నట్లుగా అనిపిస్తోందని టీడీపీ సీనియర్ నేత, మాజీ మంత్రి దేవినేని ఉమా మహేశ్వరరావు మండిపడ్డారు. శనివారం ఆయన మంగళగిరిలోని పార్టీ రాష్ట్ర కార్యాలయంలో విలేకరులతో మాట్లాడారు. పక్క రాష్ట్రంలో స్కూళ్లు, కాలేజీలు, సినిమాహాళ్లు, మూసేసి, ముఖ్యమంత్రి, మంత్రులు కరోనాను ఎదుర్కోవడానికి ప్రయత్నిస్తున్నారని, అన్ని రాష్ట్రాలు, దేశాలు కరోనా కట్టడి కోసం ముందుకు కదులుతుంటే, ఏపీ ముఖ్యమంత్రి మాత్రం దానిపై నోరు తెరిచి సమాధానం చెప్పలేదని ఉమా ఆగ్రహం వ్యక్తంచేశారు. 5కోట్ల ప్రజల ఆరోగ్యం గురించి మాట్లాడాల్సిన బాధ్యత ముఖ్యమంత్రికి లేకపోవడం బాధాకరమన్నారు. కరోనా కట్టడికి రాష్ట్రప్రభుత్వం ఏవిధమైన చర్యలు తీసుకుందో చెప్పకుండా, ముఖ్యమంత్రి తాడేపల్లి నివాసంలో పబ్జీ గేమ్ ఆడుకుంటూ కాలక్షేపం చేస్తున్నాడన్నారు. రాష్ట్ర శాసనసభ ఎన్నికల వేళ ఓట్లేయడానికి ప్రజలంతా అర్థరాత్రి దాటినా తెల్లారేవరకు క్యూలైన్లలో నిలబడి ఓట్లేశారని, అదేవిధంగా స్థానిక ఎన్నికల్లో కూడా ప్రజలంతా ఓట్లు వేయడానికి బారులు తీరుతారని, ఈ పరిస్థితుల్లో కరోనా నిరోధానికి ప్రభుత్వం ఏం చర్యలు తీసుకుంటుందో చెప్పాల్సిన బాధ్యత సీ.ఎస్ కు లేదాఅని దేవినేని నిలదీశారు.

ఆరోగ్యశాఖ మంత్రి, ఇతర అధికారులు ఏంచేస్తున్నారో, ఎలాంటిచర్యలు తీసుకున్నారో ఎందుకు చెప్పడంలేదన్నారు. వైరస్ ప్రభావం నుంచి ప్రజల్ని రక్షించడానికి ప్రభుత్వం ఏంచర్యలు తీసుకుందో, జగన్మోహన్ రెడ్డి ఎందుకు వివరణ ఇవ్వడంలేదన్నారు. నెల్లూరులో కరోనా కలకలమని, భయంకరోనా అని పత్రికల్లో కథనాలు వచ్చాయని, దానిపై సీఎం ఎందుకు స్పందించలేదన్నారు. రాష్ట్రవ్యాప్తంగా ఎంతమంది విదేశీయులు ఉన్నారు...ఎక్కడినుంచి వస్తున్నారు... వారి ఆరోగ్య పరిస్థితేంటి.. ఎన్ని మాస్కులున్నాయి.. ఎలాంటి ముందుజాగ్రత్త చర్యలు తీసుకున్నారనే వివరాలను ఎప్పటికప్పుడు ఎందుకు ప్రజల ముందుంచడంలేదని దేవినేని నిలదీశారు. గత పదిరోజులుగా విదేశాలనుంచి ఎంతమంది రాష్ట్రంలోకి వచ్చారో ఎందుకు చెప్పడంలేదన్నారు? రాష్ట్ర ఆరోగ్యశాఖా మంత్రి, తన ఇంటి ముందుకూర్చొని ఎన్నికల్లో టిక్కెట్లు పంచుతూ బిజీగా ఉంటే, ఇతరమంత్రులంతా నామినేషన్ల పత్రాలు చించుతూ, బెదిరింపులకు దిగుతున్నారని దేవినేని ఎద్దేవాచేశారు.

ప్రభుత్వానికి బుద్ది, జ్ఞానం ఉందా...ఉంటే ఇంత జరుగుతుంటే ఏం చేస్తోందని ఆయన మండిపడ్డారు. స్థానిక ఎన్నికల్లో ఓట్లు వేయడానికి వివిధప్రాంతాలనుంచి, దేశవిదేశాల నుంచి రాష్ట్రానికి వస్తారని, వారందరి ఆరోగ్యస్థితి దృష్ట్యా జగన్ ప్రభుత్వం ఏం చర్యలు తీసుకోబోతోందో చెప్పాలన్నారు. రోమ్ నగరం తగలబడుతుంటే, రోమ్ చక్రవర్తి ఫిడేల్ వాయించుకుంటే, తాడేపల్లి చక్రవర్తి పబ్జీ గేమ్ లు ఆడుకుంటున్నాడన్నారు. కేంద్రప్రభుత్వం నుంచి, ప్రపంచఆరోగ్య సంస్థనుంచీ హెచ్చరికలు వస్తుంటే, అవేమీ పట్టించుకోకుండా ప్రభుత్వం మొద్దునిద్రపోతోందన్నారు. రాష్ట్రంలో ఎన్నికలు జరిగేవేళ కరోనా వ్యాప్తి చెందినా, దానివల్ల ఎవరైనా మరణించినా ముఖ్యమంత్రి జగనే బాధ్యుడని, ఒక్కనెలలో ఎన్నికలు మొత్తం నిర్వహించి, ఓట్ ఆన్ అకౌంట్ బడ్జెట్ ను ఆమోదించేసుకొని, వచ్చే ఎన్నికల్లో విశాఖకు తరలిపోవాలన్న తాపత్రయంతోనే ఆయన పనిచేస్తున్నాడన్నారు.