news

వంగవీటి రాధా.. వంగవీటి రంగా వారసుడిగా, ఈ పేరు తెలియని వారు ఆంధ్రప్రదేశ్ లో ఉండరు. రాధా గత కొంత కాలంగా, సైలెంట్ గా ఉంటున్నారు. రాజకీయ కార్యక్రమాల్లో పెద్దగా కనిపించటం లేదు. 2018లో వైసీపీ పార్టీలో తనకు జరుగుతున్న అవమానాలు భరించ లేక, రాధా తెలుగుదేశం పార్టీలో చేరారు. విజయవాడ సెంట్రల్ లో బొండా ఉమా, తూర్పులో గద్దె రామ్మోహన్ బలమైన టిడిపి అభ్యర్ధులుగా ఉన్నారు, తనకు సీటు రాదు అని తెలిసినా, రాధా తెలుగుదేశం పార్టీలో చేరారు. అప్పటి నుంచి ఎన్నికల వరకు, టిడిపిలో చురుగ్గా ఉన్నారు. ఎన్నికల్లో, తెలుగుదేశం పార్టీ అభ్యర్ధుల కోసం, తాను ప్రచారం కూడా చేసారు. అయితే ఎన్నికల్లో తెలుగుదేశం పార్టీ ఓడిపోయిన తరువాత, అధికార పార్టీ నుంచి ఒత్తిళ్ళు ఎక్కువ అవటంతో, రాధా రాజకీయాలకు దూరంగా ఉన్నారు. కొడాలి నాని, రాధాని వైసీపీలోకి తీసుకురావటానికి, అన్ని విధాలుగా ప్రయత్నాలు చేస్తున్నారని, ప్రచారం జరుగుతుంది కూడా. అయితే, ఎన్నికల తరువాత, రాధా రెండు సార్లు పవన్ కళ్యాణ్ ని కలవటంతో, జనసేనలోకి వెళ్తారని అందరూ అనుకున్నారు.

అయితే ఇలా ప్రచారాలు సాగుతున్న వేళ, నిన్న రాధా, చంద్రబాబు ఇంట్లో ప్రత్యక్షం అవ్వటంతో, అందరూ షాక్ అయ్యారు. చాలా కాలం తరువాత, రాధాని చూసి, టిడిపి కార్యకర్తలు కూడా హర్షించారు. నిన్న బెంజ్ సర్కిల్ దగ్గర చంద్రబాబుని పోలీసులు అడ్డుకోవటంతో, చంద్రబాబు మెరుపు ధర్నాకు దిగారు. అయితే అక్కడ నుంచి చంద్రబాబుని పోలీసులు అదుపులోకి తీసుకుని, చంద్రబాబు ఇంట్లో పోలీసులు దించిన సంగతి తెలిసిందే. ఈ విషయం తెలుసుకున్న రాధా, పెద్దాయన్ని ఇబ్బంది పెడుతున్నారని తెలుసుకుని, ఉన్నట్టు ఉండి, రాత్రి 10 గంటలు దాటిన తరువాత, చంద్రబాబు ఇంటికి చేరుకున్నారు. రాధాను చంద్రబాబు ఇంట్లో చూసిన మీడియాతో పాటుగా, కార్యకర్తలు కూడా షాక్ అఅయ్యారు.

ఇది ఇలా ఉంటే, నిన్న రాధా రాక సందర్భంగా, ఒక ఆసక్తికర సంఘటన చోటు చేసుకుంది. చంద్రబాబుని అరెస్ట్ చేసి తీసుకు వస్తున్న బస్సు, కరకట్ట మీదకు రాగానే, వెనకాల వచ్చే కార్లు అన్నీ ఆపేసారు. అయితే రాధా కూడా ఒక కారులు ఉండి పోయారు. పోలీసులు వదలక పోవటంతో, ప్రకాశం బ్యారేజీ దగ్గర నుంచి, చంద్రబాబు ఉంటున్న ఉండవల్లి ఇంటి వరకు, కరకట్ట మీదుగా రాధా నడుచుకుంటూ వెళ్లారు. అయితే చంద్రబాబు ఇంటి వద్ద కూడా, రాధాను పోలీసులు లోపాలకి అనుంతించలేదు. దీంతో, రాధాను చూసిన లోకేష్, అక్కడకు వచ్చి, మా ఇంటికి మా కుటుంబ సభ్యులని కూడా రానివ్వరా అంటూ, పోలీసుల పై ఫైర్ అయ్యి, రాధాతో పాటుగా మిగతా కార్యకర్తలను లోపలకి తీసుకు వెళ్లారు. అయితే, టిడిపి కార్యకర్తలు మాత్రం, గుండెల్లో పెట్టుకున్న వాళ్ళు, గుండెల మీద తన్ని వెళ్ళారని, రాధా మాత్రం, చంద్రబాబు ఇబ్బందుల్లో ఉన్నారని తెలుసుకుని, వచ్చి నిలబడ్డారని, రాధాని అభినందిస్తూ, రాధా ఆక్టివ్ గా రాజకీయాల్లో ఉండాలని కోరుకుంటున్నారు.

మూడు రాజధానుల విషయంలో బీజేపీ వైఖరి స్పష్టంగానే ఉందని ఉత్తరప్రదేశ్ మంత్రి సిద్ధార్థనాథ్ సింగ్ చెప్పారు. బీజేపీ రాష్ట్ర అధ్యక్షుడు కన్నా లక్ష్మీ నారాయణతో కలిసి బుధవారం విజయవాడలో నిర్వహించిన విలేకరుల సమావేశంలో మాట్లాడారు. అమరావతి రాజధానిని తరలించొద్దంటూ ఇప్పటికే తమ పార్టీ చెప్పిన విషయాన్ని ఆయన గుర్తు చేశారు. అమరావతి రాజధాని శంకుస్థాపన ప్రధాని నరేంద్ర మోడీ చేతుల మీదుగా జరిగిందని చెపుతూ రాష్ట్ర రాజధానుల నిర్మాణాలకు కేంద్రం నిధులు ఇచ్చిన దాఖలాలు లేవన్నారు. అమరావతి నిర్మాణం కోసం మాత్రం కేంద్ర ప్రభుత్వం నిధులు ఇచ్చిందనే విషయం గుర్తుంచుకోవాలని చెప్పారు. ఉత్తరప్రదేశ్ రాష్ట్రంలో 75 జిల్లాలు ఉన్నప్పటికీ ఒకే రాజధాని ఉందన్నారు. అతిపెద్ద రాష్ట్రమైనయూపీలో రాజధాని లక్నో నుంచి సమర్థవంతమైన పాలన అందిస్తున్న విషయం గుర్తుంచుకోవాలన్నారు. యూపీకి అధికారులను పంపితే తమ పాలన తీరును వివరిస్తామని ఆయన పేర్కొన్నారు.

ఉత్తరప్రదేశ్‌లో లఖ్‌నవూకు 1,600 కిమీ దూరంలో ఉండే ప్రాంతానికి కూడా ప్రభుత్వ సంకేమ పథకాలు, అభివృద్ధి ఫలాలు అందిస్తున్నామని చెప్పారు. 13 జిల్లాల ఆంధ్రప్రదేశ్‌కు మూడు రాజధానుల అవసరం ఉండబోదన్నారు. ఏపీకి చెందిన మత్స్యకారులను పాకిస్తాన్ చెరనుంచి సురక్షితంగా తీసుకురావడంలో కృషి చేసిన ప్రధాని నరేంద్ర మోడీకి ఏపీ బీజేపీ తరుపున కన్నా లక్ష్మీనారాయణ కృతజ్ఞతలు తెలిపారు. మిగిలిన మత్స్యకారులను సైతం తొందరలోనే విడిపిస్తారనే ఆశాభావాన్ని ఆయన వ్యక్తం చేశారు. ఆంధ్రప్రదేశ్ లోని అధికార వైసీపీ పౌరసత్వ సవరణ చట్టానికి మద్దతు ఇచ్చినట్లు సిద్ధార్థనాథ్ సింగ్ తెలిపారు. కాంగ్రెస్, వామపక్ష పార్టీలు దీనిపై అనవసర రాద్ధాంతం చేస్తూ ప్రజలను రెచ్చగొడుతున్నాయన్నారు. పాకిస్తాన్, బంగ్లాదేశ్, ఆఫనిస్తాన్ దేశాల్లో దాడులకు గురై శరణార్థులుగా వచ్చే హిందూ, బౌద్ధ, సిక్కు, పార్శీ, క్రైస్తవులకు పౌరసత్వం ఇచ్చేందుకు ఉద్దేశించినదే తప్ప ఎవరి పౌరసత్వాన్ని హరించదన్నారు.

శరణార్థులుగా వచ్చిన వారు పౌరసత్వం లేక పిల్లలను పాఠశాలలకు కూడా పంపించలేని స్థితిలో ఉన్నారన్నారు. దశాబ్దాలుగా ఇక్కడికి శరణార్థులుగా వచ్చి మారూమూల గ్రామాల్లో నివశిస్తున్న వారి జీవితాల్లో ఈ బిల్లు వెలుగులు నింపుతందన్నారు. పార్లమెంటులో చట్ట సవరణను ఆమోదించిన విపక్షాలు రాజకీయ లబ్ది కోసం ముస్లిం మైనారిటీలను రెచ్చగొడుతున్నారన్నారు. వీరికి పౌరసత్వం విషయంలో గతంలోనే పలు ఒప్పందాలు జరిగినట్లు ఆయన పేర్కొన్నారు. కేంద్ర ప్రభుత్వ సంక్షేమ పథకాల్లో లబ్ది పొందుతున్న వారిలో ముస్లింలు, దళితులే ఎక్కువగా ఉన్నట్లు ఆయన తెలిపారు. నరేంద్రమోడీ ప్రభుత్వం త్రిపుల్ తలాక్, రామమందిర్, ఆర్టికల్ 370 వంటి అనేక దీర్ఘకాలిక సమస్యలకు పరిష్కారం చూపిన వి సాయాన్ని గుర్తుంచుకోవాలన్నారు.

ప్రతి అయుదు ఏళ్ళకు ఎన్నికలు వస్తాయి, ప్రభుత్వాలు మారుతూ ఉంటాయి, ప్రజలు ఆదరిస్తే అవే ప్రభుత్వాలు కొనసాగుతూ ఉంటాయి. కేంద్రంలో అయినా, రాష్ట్రాల్లో అయినా అదే పరిస్థితి. అయితే ఈ ప్రభుత్వం అనేది, ఒక వ్యక్తీది కాదు, ప్రజలది. ఇది చంద్రబాబు సోత్తో, జగన్ సోత్తో, మోడీ సోత్తో కాదు. ప్రభుత్వాన్ని బాధ్యతగా చూసుకోమని, వారిని మనమే ఎన్నుకుంటాం. ప్రజలు ఏమి కావాలో, పాలకులు అదే చెయ్యాలి. ఒక ప్రభుత్వం మారితే, సగంలో ఉన్న పని, తరువాత వచ్చే ప్రభుత్వం చేస్తూ ఉంటుంది. అది ఆనవాయితీ. గత ప్రభుత్వంలో ఉన్న వ్యక్తి నా ప్రత్యర్ధి, తను చేసిన పనులు, నేను కొనసాగించను అని, కొత్తగా వచ్చే ప్రభుత్వ అధినేతలు చెప్తే, అది చాలా అనర్దాలకు దారి తీస్తుంది. అనవసరంగా ప్రజలను ఇబ్బంది పెట్టమే కాని, దాని వల్ల ఒరిగేది ఏమి ఉండదు. మన రాష్ట్రంలో ప్రస్తుతం అదే కొనసాగుతుంది. చంద్రబాబు ప్రభుత్వంలో ఉండగా, కట్టిన ప్రజా వేదిక కూల్చేసారు. చంద్రబాబు ప్రభుత్వంలో ఉండగా, తెచ్చిన రైతు రుణమాఫీ రద్దు మధ్యలో ఉంటే, అది రద్దు చేసారు. చంద్రబాబు ప్రభుత్వంలో ఉండగా, అమరావతి మొదలు పెడితే, ఇప్పుడు అది కూడా ఆపేసారు.

అయితే అన్నిటికంటే ఘోరం, మహాత్మాగాంధీ జాతీయ గ్రామీణ ఉపాధి హామీ పథకం చెల్లింపులు చెల్లించక పోవటం. చంద్రబాబు హయంలో, ఉపాధి హామీ పనులు చేసిన వారికి, రూ.1845 కోట్లు విడుదల చేస్తూ, కేంద్ర ప్రభుత్వం ఆదేశాలు ఇచ్చింది. అయితే, రాష్ట్ర ప్రభుత్వం మాత్రం ఆ చెల్లింపులు చెయ్యలేదు. వాటికి వేరే వాటికీ వాడేసుకున్నారు అని టిడిపి ఆరోపిస్తుంది. అయితే, డబ్బులు రావాల్సిన వారు కోర్ట్ కు వెళ్లారు. ఎంజీఎన్‌ఆర్‌ఈజీఎస్‌ కింద, 2019-20 సంవత్సరానికి మొదటి విడత చెల్లింపుల్లో భాగంగా, కేంద్ర ప్రభుత్వం రూ.1845 కోట్లను విడుదల చేసింది అని, అయితే రాష్ట్ర ప్రభుత్వం మాత్రం, అవి గ్రామ పంచాయతీలకు జమ చెయ్యలేదని పిటీషన్ వేసారు. దీని పై వాదనలు విన్న హైకోర్ట్, రాష్ట్ర ప్రభుత్వం పై సీరియస్ అయ్యింది.

ఇప్పటి వరకు ఆ నిధులు ఎందుకు ఇవ్వలేదని, తీవ్ర అసంతృప్తి వ్యక్తం చేస్తూ, నెల రోజుల్లో వాటిని జమ చేయాలని తేల్చి చెప్పింది. ఇదే సందర్భంలో కేంద్రానికి కూడా హైకోర్ట్ గట్టిగానే చెప్పింది. రాష్ట్ర ప్రభుత్వం నిధులు ఇవ్వకపొతే, మీరేం చేస్తున్నారు అంటూ, ఏమి చర్యలు తీసుకున్నారో, చెప్పండి అంటూ కేంద్ర ప్రభుత్వాన్ని కోరింది. అలాగే ఇప్పటి వరకు రాష్ట్ర ప్రభుత్వం కాని, కేంద్ర ప్రభుత్వం కాని, కౌంటర్ అఫిడవిట్ వెయ్యకపోవటం పై కూడా కోర్ట్ ఆగ్రహం వ్యక్తం చేసింది. కోర్ట్ ఆదేశించినా కౌంటర్లు దాఖలు చేయలేదని, మరోసారి గడువు కోరతారా అంటూ, కోర్ట్ ఆగ్రహం వ్యక్తం చేసింది. వివరాలు 4 వారాల్లోగా ఇవ్వాలని, కేసుని వాయిదా వేసింది. హైకోర్టు ప్రధాన న్యాయమూర్తి జస్టిస్‌ జేకే మహేశ్వరి, జస్టిస్‌ ఎం.సీతారామమూర్తిలతో కూడిన ధర్మాసనం, ఈ ఆదేశాలు ఇచ్చింది.