కోర్ట్ లు చెప్పాయి, ట్రిబ్యునల్ చెప్పింది, కేంద్రం చెప్పింది, చివరకు జపాన్ లాంటి దేశాలు కూడా, ఆంధ్రప్రదేశ్ రాష్ట్రంలోనే కాదు, మీ దేశంలో కూడా పెట్టుబడి పెట్టం అంటూ కేంద్రానికి వార్నింగ్ కూడా ఇచ్చింది. అయినా సరే ఏపి ప్రభుత్వం వెనక్కు తగ్గలేదు. చంద్రబాబు హయంలో కుదుర్చుకున్న విధ్యుత్ ఒప్పందాల సమీక్ష పై, ఈ రంగంలోని పెట్టుబడుల పై తీవ్ర ప్రభావం చూపింది. సోలార్, విండ్ ఎనర్జీ పవర్ కోసం, చంద్రబాబు అధిక ధరలతో, వారితో ఒప్పందం కుదుర్చుకున్నారని, దీని వెనుక అవినీతి ఉంది అంటూ, జగన్ ప్రభుత్వం ఆరోపించింది. అయితే వీటికి సంబంధించి ఎలాంటి ఆధారాలు చూపించలేదు. దీంతో హైకోర్ట్ కూడా, ఆయా సంస్థలకు, బాకీ పడ్డ సొమ్ము కట్టాలని చెప్పటంతో, ప్రభుత్వం మూడు రోజుల క్రిందట 1200 కోట్లు కట్టింది. ఈ వివాదం మొదలైన దగ్గర నుంచి, ఆ నుంచి విద్యుత్‌ కొనుగోళ్లు, చెల్లింపులు కూడా ప్రభుత్వం ఆపేయటంతో, ఈ వివాదం కోర్ట్ ల దగ్గరకు వెళ్ళింది. దీంతో కోర్ట్ ఆ కంపెనీలకు అనుకూలంగా చెప్తూ, కేసు వాయిదా వేసింది.
అయితే ఇప్పుడు ప్రభుత్వ చర్యలతో, దేశానికీ కూడా నష్టం వాటిల్లింది. దేశంలోని సౌర, పవన విద్యుత్‌ రంగానికి, ఆంధ్రప్రదేశ్ ప్రభుత్వం తీరు, చర్యల వల్ల ఇబ్బంది వచ్చింది. ఈ రంగానికి రేటింగ్‌ను తగ్గిస్తున్నట్లు రేటింగ్ సంస్థ ఇక్రా ప్రకటన చేసింది. ఈ రంగం స్థిరంగా ఉందని, గతంలో ప్రకటించిన ఇక్రా, ఇప్పుడు నెగెటివ్ రేటింగ్ ఇచ్చింది. అయితే ఏపిలో ఉన్న పరిస్థితులు కూడా దీనికి కారణం అని ఆ సంస్థ ప్రకటించింది. రేటింగ్ సంస్థలుఅనేక విషయాలు పరిగణలోకి తీసుకుని రేటింగ్ ఇస్తాయి. వచ్చిన ఈ రేటింగ్ ప్రకారమే, కంపేనీలకు బ్యాంకులు, ఆర్థిక సంస్థలు, లోన్లు ఇచ్చే నిర్ణయం తీసుకొంటాయి. రేటింగ్ పడిపోవడంతో ఈ రంగానికి వచ్చే లోన్లు బాగా తగ్గుతాయని, ఇప్పటికే ఇబ్బందుల్లో ఉన్న రంగానికి ఇది మరో ఇబ్బందని చెప్తున్నారు.
ఈ వార్త పై మాజీ ముఖ్యమంత్రి చంద్రబాబు కూడా ట్విట్టర్ లో స్పందించారు. ఇది ఆయన ట్వీట్... "AP’s mismanagement by YS Jagan Mohan Reddy is deeply impacting the country. The ICRA has downgraded the renewable energy sector to negative owing to investors being harassed and non-compliance of renewable PPAs in AP. It is going to get worse from here". జగన్ మోహన్ రెడ్డి ప్రభుత్వం చేతకాక తీసుకుంటున్న చర్యలతో, దేశం కూడా నష్టపోతుంది అంటూ చంద్రబాబు ట్వీట్ చేసారు. ఇక్రా సంస్థ దేశానికి నెగటివ్ రేటింగ్ ఇవ్వటానికి, ఇది కూడా ఒక కారణం అని, చంద్రబాబు తన ట్వీట్ లో చెప్పారు. ఈ వార్తకు సంబంధించి, ఒక పేపర్ కటింగ్ కు చంద్రబాబు తన ట్వీట్ కు జత పరిచారు.
