news

అమరావతిని నిర్వీర్యం చేస్తూ, విశాఖపట్నంకు సెక్రటేరియట్ ను తరలిస్తున్నారు అంటూ, గత 13 రోజులుగా అమరావతి రాజధాని రైతులు ఆందోళన చేస్తున్న సంగతి తెలిసిందే. అయితే ఇప్పటి వరకు, వారి వద్దకు ఒక్క మంత్రి కాని, ప్రభుత్వం తరుపు నుంచి ఒక్క అధికారి కాని వచ్చి, రాజధాని రైతులతో మాట్లాడ లేదు సరికదా, కనీసం వారిని పట్టించుకొను కూడా పట్టించుకోవటం లేదు. అయితే మొన్న జరిగిన క్యాబినెట్ మీటింగ్ లోనే, మూడు రాజధానుల పై నిర్ణయం అధికారికంగా జరిగిపోతుంది అని అందరూ అనుకున్నారు. అయితే, ఏమైందో ఏమో కాని, రాత్రికి రాత్రి నిర్ణయం మారిపోయింది. భారీ పోలీస్ బందోబస్తు, అలాగే విశాఖలో జగన్ కు భారీ ఏర్పాట్లు చూసి, ఇక ప్రకటన లాంఛనమే అని అందరూ అనుకున్నారు. అయితే ఎవరి ఒత్టిడో కాని, రాజధాని నిర్ణయం అయితే వాయిదా పడింది. అయితే ఇప్పుడు రాజధానికి సంబందించి మరో నిర్ణయం తీసుకుంది జగన్ ప్రభుత్వం. నిన్న ఆదివారం అయినా సరే, ఒక హై పవర్ కమిటీని నియమిస్తూ, జీవో జారీ చేసింది.

ఈ కమిటీలోని సభ్యులు అందరూ జగన్ మాట వినే వారే అని ప్రతిపక్షాలు ఆరోపిస్తున్నాయి. ఈ కమిటీలో జగన్ సహచర మంత్రులు అయిన, బుగ్గన రాజేంద్రనాథ్‌రెడ్డి, పిల్లి సుభాష్‌ చంద్రబోస్‌, బొత్స సత్యనారాయణ, మేకపాటి గౌతంరెడ్డి, ఆదిమూలపు సురేశ్‌, మేకతోటి సుచరిత, కురసాల కన్నబాబు, మోపిదేవి వెంకటరమణ, కొడాలి నాని, మంత్రి పేర్ని నాని ఉన్నారు. అయితే ఇదే కమిటీలో డీజీపీ గౌతం సవాంగ్ ని కూడా పెట్టటం పై అందరూ ఆశ్చర్య పోయారు. సహజంగా ఇలాంటి కమిటీల్లో ఐఏఎస్ అధికారులను పెడతారు. అలాగే ఈ కమిటీలో కూడా ఒకరిద్దరు ఉన్నారు, సొంత పార్టీ మంత్రులు ఉన్నారు, మరి రాజధానిని డిసైడ్ చేసే కమిటీలో డీజీపీ ఎందుకు ఉన్నారు అనే సందేహం వ్యక్తం అవుతుంది.

అయితే విశాఖపట్నంను రాజధాని చెయ్యటం పై, కొంత మండి సీనియర్ పోలీస్ అధికారులలో కొన్ని అభ్యంతరాలు ఉన్నాయని తెలుస్తుంది. విశాఖ జిల్లాలో మావోయిస్టుల కదలికలు ఎక్కువగా ఉన్నాయని, ఒరిస్సా బోర్డర్ లో, మావోయిస్టులకు బలమైన పట్టు ఉందని, పోయిన ఏడాది, ఏకంగా ఎమ్మెల్యే కిడారి సర్వేశ్వరరావును, మాజీ ఎమ్మెల్యే శివేరి సోమాను నక్సల్స్‌ హత్య చేసిన విషయాన్ని గుర్తుచేస్తున్నారు. అలాగే విశాఖ తీరం పై, పాకిస్తాన్ గురి పెట్టిన విషయాన్ని కూడా గుర్తు చేస్తున్నారు. అయితే, ఈ సీనియర్ పోలేస్ అధికారులకు సమాధానంగానే, డీజీపీని కమిటీలో పెట్టారని, పోలీసు బాస్‌గా విశాఖ రాజధానికి అనువైన ప్రాంతమని ఆయన చెబితే, ఇక పోలీస్ డిపార్టుమెంటు నుంచి ఎలాంటి అభ్యంతరాలు ఉండవని, ప్రభుత్వం ఆలోచనగా తెలుస్తుంది. ఏ వైపు నుంచి ఇబ్బంది, అసంతృప్తి లేకుండా, ప్రభుత్వం అలోచించి నిర్ణయం తీసుకుంటుందని చెప్తున్నారు.

విశాఖను ఎగ్జిక్యూ టివ్ రాజధానిగా చేసేందుకు అవకాశాలున్నాయంటూ అసెంబ్లీ సమావేశాల చివరి రోజున ప్రకటించి రాష్ట్ర వ్యాప్తంగా చర్చకు తెరతీసిన జగన్ విశాఖ పర్యటనలో నోరువిప్పి ఒక్క మాటకూడా మాట్లాడకపోవడం ఇప్పుడు సంచలనమైంది. అసెంబ్లీలో ప్రకటన తరువాత విశాఖ విశాఖ ఉత్సవాలను ప్రారంభించేందుకు తొలిసారి విశాఖ వచ్చిన జగనకు వైసీపీ నేతలు, కార్యకర్తలు ఘన స్వాగతం పలికారు. అలాగే విశాఖ ఉత్సవాల ప్రధాన వేదిక ఆర్కే బీచ్ వద్ద జగన్ ప్రసంగం కోసం ఎదురు చూశారు. అనుకున్న సమయం కంటే దాదాపు రెండు గంటలు ఆలస్యంగా వచ్చిన జగన్ విశాఖ ఉత్సవా లను ప్రారంభిస్తున్నట్టు ప్రకటించి వెళ్లిపోయారు. కనీసం ఒక్క మాట కూడా మాట్లాడకుండా జగన్ వెళ్లిపోవడంతో హాజరైన జనం నివ్వెరపోయారు. కనీసం తమకు తిరిగి కృతజ్ఞతలైనా చెబుతారని భావించిన ప్రజానీకానికి నిరాశే ఎదు రైంది. రాజకీయాలు, రాజధాని ప్రకటనలు చేయకున్నా కనీసం విశాఖ ఉత్సవ నిర్వహణ, పర్యా టకం గురించి లేదంటే పారిశ్రామిక, ఇతర రంగాల అభివృద్ధి తదితర అంశాలను ప్రస్తావించి ఉంటే బాగుండేదని అంటున్నారు.

కేవలం 25 నిముషాల పాటు ఉత్సవ వేదికపై ఉన్న జగన్ తన పాదయాత్ర, నవరత్నాల అమలు తదితర అంశాలతో రూపొందించిన ప్రాజెక్షన్ మ్యాపింగ్ ప్రద ర్శన, లేజర్ షో, ఫైర్ వర్క్స్ కాల్పులు చూసి వెళ్లిపోయారు. సీఎం హోదాలో జగన్ తొలిసారి విశా ఖలో బహిరంగంగా వేలాది మంచి ప్రజానీకాన్ని ఉద్దేశించి మాట్లాడుతారని, నగరానికి ఎన్నెన్నో వరాలు కురిపిస్తారని ఆశించిన ప్రజలు, స్థానిక నేతలు జగన్ ఒక్క నమస్కారంతో వెనుదిరగడం తీవ్ర నిరాశపరచింది. ప్రస్తుతం రాజధాని విషయంలో జగన్ అసెంబ్లీలో చేసిన ప్రకటన తరువాత చోటుచేసుకున్న రాజకీయ పరిణామాలే జగన్ మౌనానికి కారణంగా రాజకీయ పరిశీల కులు భావిస్తున్నారు. విశాఖ ఎగ్జిక్యూటివ్ కేపిటల్ గా అసెంబ్లీలో ప్రకటించిన తరువాత జీఎన్ రావు కమిటీ నివేదిక కూడా ఇంచుమించు అదేవిధంగా ఉండటంతో విపక్ష టీడీపీ సహా అన్ని రాజకీయ పక్షాలు ఒక్కసారిగా వైసీపీ ప్రభుత్వ విధానాలపై మండపడ్డాయి.

దీనికి తోడు రాజధాని అమరావతి నిర్మాణానికి వేలాది ఎకరాలు ఇచ్చిన రైతుల నుంచి కూడా తీవ్ర వ్యతిరేకత వ్యక్తం అవుతూ, ఉద్యమం తారాస్థాయికి చేరుకునే పరిస్థితులు కన్పిస్తున్నాయి. వైసీపీ మినహా రాష్ట్రంలో అన్ని రాజకీయ పక్షాలు అమరావతిని తరలించడంపై మండిపడుతూనేన్నాయి. రాజధానిపై జీఎన్ రావు కమిటీ నివేదికపై కేబినెట్లో చర్చించి నిర్ణయం తీసుకుంటా మని చెప్పుకొచ్చిన మంత్రులు ఈ అంశం జోలికే వెళ్లలేదు. బోస్టన్ కమిటీ నివేదికతో కలిపి చర్చించి నిర్ణయం తీసుకోవాలని నిర్ణయించి అంశానికి ముగింపు పలికేశారు. రాజధాని విషయంలో అసెంబ్లీ వేదికగా జగన్ చేసిన ప్రకటన, వైసీపీ ప్రభుత్వంపై జాతీయ స్థాయిలో ప్రభావం చూపిందా అనే అనుమానాలు సైతం రాజకీయ పరిశీలకుల నుంచి వ్యక్తం అవుతున్నాయి. ఈ నేప థ్యంలో విశాఖ ఉత్సవాల ప్రారంభం సందర్భంగా ప్రసంగిస్తే తప్పనిసరిగా ఈ అంశాన్ని ప్రస్తావిం చాల్సి ఉంటుందని, అసలు మాట్లాడకుండా మౌనంగా ఉంటే విమర్శల ప్రభావం పెద్దగా ఉండదని, జగన్ భావించి ఉండవచ్చని చెప్తున్నారు.

రెండు రోజుల క్రితం, రెండు మీడియా సంస్థలకు చెందిన వారు, తమని పైడ్ ఆర్టిస్ట్ లు అన్నారు అంటూ, ఆ మీడియా సంస్థల ప్రతినిధుల పై, రాజధాని రైతులు వారి పై నిరసన తెలిపిన సంగతి తెలిసిందే. వారి పై ఎదురు తిరిగి, అక్కడ నుంచి వెనక్కు వెళ్ళే దాకా, తరిమారు. అయితే, జరిగిన ఈ సంఘటన పై , సదరు మీడియా ప్రతినిధులు, పోలీసులకు ఫిర్యాదు చెయ్యటంతో, నిన్న తెల్లవారుజామున మూడు గంటలకు, రైతుల ఇళ్ళల్లోకి వెళ్లి మారీ, వారిని పోలీసులు అరెస్ట్ చేసారు. ఇంట్లో ఆడవాళ్ళు అడ్డు పడటంతో, ఏమి చెయ్యమని, ఎంక్వయిరీ అవ్వగానే, తీసుకు వస్తామని చెప్పారు. అయితే, వారిని తీసుకువెళ్ళి అరెస్ట్ చేసారు. ఇక్కడ వరకు బాగానే ఉంది. ఎందుకంటే పోలీసులు వారి డ్యూటీ వాళ్ళు చెయ్యాలి కాబట్టి. అయితే, ఈ రైతులు పై, హ-త్యా-యత్నం కేసు పెట్టటంతో, అందరూ ఆశ్చర్యపోయారు. నెల రోజుల క్రితం, చంద్రబాబు అమరావతి పర్యటనకు వెళ్లినప్పుడు, చంద్రబాబు ప్రయాణిస్తున్న బస్సు పై, రాళ్ళతో దా-డి చేసిన సంగతి తెలిసిందే.

ఆ సమయంలో బస్సు అద్దం కూడా పగుళ్ళు వచ్చింది. అయితే అప్పుడు డీజేపీ సవాంగ్, ఇది భావప్రకటనా స్వేఛ్చ అని చెప్పారని, ఇప్పుడు మాత్రం, తమ పై హ-త్యా-యత్నం కేసు పెట్టారని, రైతులు వాపోతున్నారు. తాము రైతులం అని, రౌ-డీలు, గుండా-లం కాదని వాపోయారు. అయితే, నిన్న ఎంత సేపటికీ అరెస్ట్ చేసిన వారిని న్యాయమూర్తి ముందు ప్రావేశ పెట్టక పోవటంతో, అన్ని పార్టీల నాయకులు వచ్చి పోలీస్ స్టేషన్ ముందు ఆందోళన చేసారు. దీంతో వారిని పోలీసులు న్యాయమూర్తి ముందు హాజరు పరిచారు. అయితే ఈ సందర్భంలో, న్యాయమూర్తి, పోలీసుల పై ఫైర్ అయ్యారు. రైతులపై హత్యాయత్నం కేసులు పెట్టడం సరికాదని మంగళగిరి కోర్ట న్యాయమూర్తి ఆక్షేపించారు.

హ-త్యా-యత్నానికి ఆధారాలు ఏమున్నాయని పోలీసులను న్యాయమూర్తి ప్రశ్నించారు. ఈ క్రమంలో పోలీసులు, కేసును నాన్ బెయిలబుల్ నుంచి బెయిలబుల్ కేసుగా మార్చారు. దీంతో ఈ రోజు మధ్యానం రైతులకు బెయిల్ వచ్చే అవకాశం ఉంది. రైతులను అరెస్ట్ చెయ్యటం పై, తెలుగుదేశం అధినేత చంద్రబాబు నాయుడు కూడా ఫైర్ అయ్యారు. "రైతుబిడ్డలైన పోలీసులు రైతుల పట్ల సానుభూతిగా ఉండాలి. భూములు కోల్పోయి, రాజధానిపై ఆందో-ళనలో ఉన్నవాళ్లపై పోలీసు కేసులా..? నిద్రాహారాలు మాని ఆందోళన చేసే రైతులపై పోలీసు దాడులు హేయం. దొంగలు, గుం-డాల మాదిరిగా భూములిచ్చిన రైతులపై దాడు-లా..? జరిగిన సంఘటనకు పోలీసులు పెట్టిన సెక్షన్లకు పొంతన ఉందా..? రాజధానికి భూములిచ్చిన రైతులను జైలు పాలు చేస్తారా...?" అంటూ చంద్రబాబు వ్యాఖ్యలు చేసారు.