news

మూడు రాజధానులు అంటూ, ప్రభుత్వం అసెంబ్లీలో ప్రతిపాదించటం పై, గత 12 రోజులుగా అమరావతిలో రైతులు ఆందోళన చేస్తున్న సంగతి తెలిసిందే. అయితే నిన్న అర్ధరాత్రి, అమరావతి రైతులకు పోలీసులు షాక్ ఇచ్చారు. అమరావతిలోని రైతులు ఇళ్ళలో, నిన్న రాత్రి పోలీసులు సోదాలు నిర్వచించారు. ఈ రోజు తెల్లవారుజామున మూడు గంటలకు సోదాలు చేసిన పోలీసులు, తుళ్లూరు మండలం వెంకటపాలెం, ఉద్దండరాయుని పాలెం, మందడం గ్రామానికి చెందిన నలుగురిని అదుపులోకి తీసుకున్నారు. అయితే పోలీసుల చర్యల పై రైతులు ఆగహ్రం వ్యక్తం చేస్తున్నారు. తమ ఉద్యమాన్ని అణిచివేసే ప్రయత్నంలో, తమని భయపెట్టటానికి, ప్రభుత్వం కుట్ర పన్నింది అని రైతులు వాపోతున్నారు. అర్దరాత్రి దాటిన తరువాత తమ ఇళ్ళ పై సోదాలు జరిపి, అదుపులోకి తీసుకోవటానికి తాము ఏమి దొంగలం కాదని వాపోయారు. అక్రమంగా అరెస్ట్ చేసిన రైతులను విడుదల చెయ్యాలని రైతులు కోరారు. లేకపోతే, పోలీస్ స్టేషన్ ఎదుట ధర్నా చేస్తామని హెచ్చరించారు.

రైతుల ఇళ్లలో అర్ధరాత్రి సోదాలు ప్రభుత్వ నిరంకుశత్వానికి నిదర్శనం అని ఏపి టిడిపి అధ్యక్షుడు, కళా వెంకట్రావు అన్నారు. ఆయన మాట్లాడుతూ "ప్రజా రాజధాని అమరావతి పరిధిలో రైతుల పట్ల ప్రభుత్వం అనుసరిస్తున్న తీరు గర్హణీయం. అర్ధరాత్రి దాటాక రైతుల ఇళ్లలోకి వెళ్లి వారిని భయభ్రాంతులకు గురి చేసేలా పోలీసులు వ్యవహరించడం దుర్మార్గం. ఉగ్రవాదులను పట్టుకోవడానికి వెళ్లినట్లు అర్ధరాత్రి వెళ్లి రాజధాని కోసం భూములు దారాదత్తం చేసిన రైతుల ఇళ్లలోకి చొరబడతారా.? ఆధార్ కార్డు ఉంటేనే స్వగ్రామాల్లోకి అనుమతిస్తారా.? లేదంటే పొలిమేరల్లోనే అడ్డుకుంటారా.? శాంతి యుతంగా నిరసన తెలియజేస్తున్న రైతులపై అక్రమ కేసులు పెడతారా.? ఆంక్షల పేరుతో ఉద్యమాన్ని అడ్డుకోవడం నిరంకుశత్వం. అసలు మనం ఉన్నది ప్రజాస్వామ్య దేశంలో అనే విషయం గుర్తుందా.?"

"ప్రజల కోసం పనిచేయాల్సిన ప్రభుత్వం.. వారి గొంతు నొక్కేలా వ్యవహరిస్తుంటే.. ప్రశ్నించడం తప్పా.? ప్రభుత్వ విధానాలను ప్రశ్నించే హక్కు ప్రతి పౌరుడికి ఉందనే విషయాన్ని ప్రభుత్వం గుర్తించాలి. అలా కాకుండా నిరంకుశత్వంగా, నియంత మాదిరిగా అణచివేయాలని చూస్తే ప్రజలే తిరుగుబాటు చేస్తారు. వేధింపులు, అణచివేతలు వంటి చర్యలతో ప్రజా ఉద్యమాలను ఆపడం ఎవరి వల్లా సాధ్యం కాదని గుర్తుంచుకోవాలి. చరిత్రలో నియంతలెవరూ ప్రజా ఉద్యమాల ముందు నిలవలేకపోయారు. ప్రజా ఉద్యమాలకు, వారి తిరుగుబాటుకు దేశాలు, రాజ్యాలే కూలిపోయాయి. మీరెంత..? ప్రజలపై విజ్ఞత చూపించాల్సిన ప్రభుత్వం.. పగలు, ప్రతీకారాలు, విధ్వేషాలు చూపడం ప్రజాస్వామ్యంలో మంచి పద్దతి కాదు. రైతుల విషయంలో మీ అమానుష వ్యవహార శైలిని మార్చుకోకుంటే భవిష్యత్తులో భారీ మూల్యం చెల్లించుకోక తప్పదని గుర్తుంచుకోండి." అని కిమిడి కళా వెంకట్రావు అన్నారు.

మన ఆంధ్రప్రదేశ్ రాష్ట్రం అంటే, ఇది వరకు ఎంతో గర్వంగా చెప్పుకునే వారు. ఈజ్ అఫ్ డూయింగ్ బిజినెస్ లో నెంబర్ వన్, విదేశీ పెట్టుబడులో నెంబర్ వన్, ఆక్వా ఎగుమతుల్లో నెంబర్ వన్, నదులు అనుసంధానంలో నెంబర్ వన్, రియల్ టైం గవర్నన్స్, వేగంగా పూర్తీ అవుతున్న పోలవరం జాతీయ ప్రాజెక్ట్, అమరావతి గ్రీన్ ఫీల్డ్ సిటీ నిర్మాణం, ఇలా అన్ని విషయాల పై దేశంలోని రాష్ట్రాలే కాదు, ప్రపంచంలో వివిధ దేశాలు కూడా మనల్ని పొగడటం చూసాం. అలాగే పక్క రాష్ట్రాలతో పోటీ తట్టుకుని మరీ, మనం పెట్టుబడులు ఆకర్షించాం. అలాగే మనలను కించ పరుస్తూ, మనల్ను తక్కువ చేసి మాట్లాడుతున్న తెలంగణా రాష్ట్రానికి కూడా, మనం పనితనంతోనే సమాధానం చెప్పాం. అయితే, మారిన రాజకీయ పరిస్థితిలో, ప్రభుత్వం మారింది. జగన్ మోహన్ రెడ్డి అధికారంలోకి వచ్చారు. ఆయన నవరత్నాలకే ప్రాధాన్యత ఇవ్వటంతో, పెట్టుబడులు రావటం లేదు, ఆదాయం లేదు, గ్రోత్ తగ్గిపోయింది, పీపీఏ లాంటి విషయంలో దేశంలో పరువు పోయింది.

ఇలా అనేక నిర్ణయాలతో దేశంలో చులకన అయ్యాము. ఇప్పుడు మూడు రాజధానుల నిర్ణయంతో, మరో అనిశ్చితి పరిస్తితి ఏర్పడింది. ఇప్పటికే పెట్టుబడులు లేక, ఆదాయం తగ్గిపోతుంటే, ప్రధాన ఆదాయ వనరు అయిన రియల్ ఎస్టేట్ కూడా డమాల్ మంటుంది. ముఖ్యంగా అమరావతిని అన్యాయం జరుగుతూ ఉండటంతో, ఇక్కడ నుంచి అందరూ హైదరాబాద్ వెళ్లిపోతున్నారు. దీంతో హైదరాబాద్ దిశ తిరిగింది. ఇక్కడ ఆశాజనిక వాతావరణం సరిగ్గా లేకపోవటంతో, అందరూ హైదరాబాద్ బాట పట్టారు. దీంతో దేశం అంతటా అన్ని నగరాలతో పోలిస్తే, హైదరాబాద్ రియల్ ఎస్టేట్ దూసుకుపోతుంది. ఇదే విషయం నిన్న తెలంగాణాలో జరిగిన క్రెడాయ్‌ తెలంగాణ సమావేశంలో పాల్గుని, మంత్రి టి.హరీశ్‌రావు కొన్ని ఆసక్తికర వ్యాఖ్యలు చేసారు.

దేశంలో రియల్ ఎస్టేట్ రంగం మందగమనంలో ఉంటే, హైదరాబాద్ లో మాత్రం పరుగులు పెడుతుందని, ఇది మన కేసీఆర్ నాయకత్వం అంటూ గొప్పగా చెప్పారు. ఇంతే కాదు, పక్క రాష్ట్రంలో జరుగుతున్న పనులు మీరు చూస్తున్నారు, ఇది కూడా మనకు చాలా అనుకూలం అయ్యింది అంటూ హరీష్ నవ్వుతూ చెప్పారు. ఆ నవ్వులోనే, మన రాష్ట్రాన్ని ఎంత హేళనగా చూస్తున్నారో అర్ధం అవుతుంది. పక్క రాష్ట్రాలకు ఆంధ్రల పరిస్థితి, నవ్వులాటగా మారింది. తెలంగాణ ఉద్యమ సమయంలో, మనలను హేళన చేసిన వారికి సమాధానం చెప్పాల్సిన ఆంధ్రులు, ఈ రోజు వారి చేతిలో మరోసారి హేళనకు గురి కావాల్సి వచ్చింది. మన చేతకాని పరిస్థితి, వారికి సానుకూలం అయ్యింది. మన ప్రభుత్వం, మనలను తల ఎత్తుకునేలా చెయ్యాలి కాని, ఇలా ఇతర రాష్ట్రాలు నవ్వేలా చేయ్యవద్దు అని కోరుకుందాం. ప్రభుత్వ పెద్దలు ఆంధ్రుల గురించి ఆలోచించాలి, ఆంధ్రులు అందరి ముందు తల ఎత్తుకునేలా చెయ్యాలి. తరువాత మనం మనం రాజకీయం చేసుకుందాం. ముందు మన రాష్ట్ర పరువు నిలబెట్టటం ముఖ్యం.

రాష్ట్రంలో మూడు రాజధానులు పై మంత్రులు, అధికార పార్టీ సీనియర్ ఎమ్మెల్యేలు నున్నిత పరిస్థితులకు దారి తీసే వ్యాఖ్యలకు స్వస్తి చెప్పాలని వైఎస్ జగన్మోహన్ రెడ్డి కీలక దేశాలు జారీ చేసారు. శనివారం ఆయన విజయవాడ విమనాశ్రయం నుంచి విశాఖ పర్యటనకు బయలుదేరడానికి ముందు పలువురు మంత్రులతో మాట్లాడినట్లు సమాచారం. రాజధానికి సంబంధించి బోస్టన్ కన్సల్టింగ్ కంపెనీ నివేదిక వచ్చేంత వరకు మంత్రులు, సీనియర్ ఎమ్మెల్యేలు సాధ్యమైనంత మేరకు మౌనంగా ఉండాలని జగన్ సూచించినట్లు నమాచారం. అయితే ఇదే సందర్భంలో విపక్షాలు పరిధికి మించి విమర్శలు చేస్తే దీటుగా బదులు చెప్పాలని ఆయన ఆదేశించినట్లు చెబుతున్నారు. బిసిజి నివేదిక రావడానికి మరికొద్ది రోజులు పట్టే అవకాసం ఉన్నందున ముందుగానే మంత్రులు మీడియా వలు అంశాలపై మాట్లాడితే విపక్షాలు నూతన ఎత్తుగడలు చేసే అవకాశం ఉందనే అభిప్రాయంతో ముఖ్యమంత్రి అన్నట్లు కథనాలు ప్రచారంలోకి వచ్చాయి. రాజధాని అంశంపై హైపవర్ కమిటీని ఏర్పాటు చేయాలని ఏపి కేబినేట్ నిర్ణయించింది. ఈ నివేదిక వచ్చిన తరువాత అంతకు ముందు ప్రభుత్వం దగ్గరకు వచ్చిన మూడు కమిటీల నివేదికలను కలిపి అధ్యయనం చేయాలని ప్రభుత్వం భావిస్తున్నట్లు సమాచార శాఖ మంత్రి పేర్పినాని వెల్లడించిన విషయం తెలిసిందే.

ఇందుకు హైవవర్ కమిటీని ఏర్పాటు చేయాలని ప్రభుత్వం భావిస్తున్నట్లు వివరించారు. ఆయన అన్నట్లుగానే రాజధానిపై బోస్టన్ కన్సల్టింగ్ గ్రూప్ నివేదికను హైపవర్ కమిటీ పరిశీలించనుంది. ఈ నేపథ్యంలో అసలు ఈ బోస్టర్ కంపెనీ ఎక్కడదనే ప్రశ్నపై సర్వత్రా ఆసక్తి ఏర్పడింది. రాజధానిపై ఆ కంపెనీ ఎలాంటి అధ్యయనం చేపట్టడం పట్ల ప్రజల్లో చర్చ మొదలైంది. నివేదికలో ఏం చెప్పబోతుంది. ఈ నివేదిక ప్రభుత్వ వాదన సమర్థి స్తుందా, రాజధానులు మూడు ఏర్పడతాయా! వంటి ప్రశ్నలు తీవ్ర ఉత్కంఠతను దారి తీస్తు న్నాయి. మూడు కమిటీల నివేదికలను కాదని ఈ కమిటీ ఏమీ కొత్త విషయాలను చెబుతుందనే సంశయం వలువరిలో ఉంది. దీనికి తోడు బిసిజి సంస్థ నిర్వాహకులతో అధికార పార్టీ ఎంపీ విజయసాయిరెడ్డి అల్లునికి సంబంధాలున్నట్లు విపక్షాలు ప్రచారం సాగించాయి. మొదటిసారి ఆంధ్రప్రదేశ్ కు సంబంధించి కీలకమైన రాజధాని అంశంపై బోస్టన్ గ్రూప్ పనిచేస్తోంది. నిజానికి రాష్ట్ర రాజధానిపై అధ్యయనం అంటే ప్రభుత్వం నుండి అధికారికంగా ఉత్తర్వులు వెలువడాల్సి వుందంటున్నారు.

అయితే బోస్టన్ విషయంలో ప్రభుత్వం ఎలాంటి ఉత్తర్వులు ఇవ్వకపోవడం విశేషం. బోస్టన్ కన్సలింగ్ గ్రూప్ ఇదివరకే మధ్యంతర నివేదికను ప్రభుత్వానికి సమర్పించినట్లు తెలుస్తోంది. ఏపి ఆర్ధిక పరిస్థితి రీత్యా గ్రీన్ ఫీల్డ్ కేపిటల్ కంటే బ్రౌన్ ఫీల్డ్ కేపిటల్ ఉత్తమం అని నివేదికలో పేర్కొన్నట్టు సమాచారం. శుక్రవారం నాటి కేబినేట్ భేటీలో దీనిపై చర్చ జరిగనట్టు తెలుస్తోంది. అయితే బోస్టన్ తుది నివేదిక వచ్చిన తరువత దీనిపై పూర్తి స్థాయిలో కేబినేట్ చర్చించే అమాశం ఉంది. ఈ పరిస్థితుల్లో బిసిజి నివేదికలో ఎటువంటి అంశాలు వస్తాయో చూడాలి. జగన్ కుడా ఈ నివేదిక వచ్చిన తరువాత, హైపవర్ కమిటీ ఏర్పాటు జరిగిన తరువాత సంబంధిత నివేదికలు వచ్చేంత వరకు మంత్రులు, సీనియర్ ఎంఎల్‌ఎలు వేచిచూసే వైఖరిని అవలంబించాలని ఆదేశించారంటున్నారు. ఈ క్రమంలోనే ఇన్ సైడ్ ట్రెడింగ్ గురించి ప్రజలకు విస్తృత స్థాయిలో వివరించాలని జగన్ వారికి మార్గదర్శకాలు జారీ చేసినట్లు సమాచారం.