news

మూడు రాజధానుల ప్రకటన అనంతరం అమరావతిలో చోటుచేసుకుంటున్న పరిణామాలను జగన్ ప్రభుత్వాన్ని ఉక్కిరిబిక్కరి చేస్తున్నాయి. ఈ క్రమంలోనే రైతులకు ఊరట కల్పించే దిశగా ప్రత్యామ్నాయాలపై దృష్టి సారిస్తోంది. గతంలో రాజధాని భూసమీకరణ సందర్భంగా భూములిచ్చిన రైతులకు అప్పటి చంద్రబాబు ప్రభుత్వం ప్రకటించిన ప్యాకేజీలో మార్పులు చేయడం, పరిహారాల పెంపుతో పాటు మరికొన్ని ప్రతిపాదనలను సిద్ధం చేస్తుంది అంటూ లీకులు ఇస్తున్నారు. ఈ నెల 27న జరిగే కేబినెట్ భేటీలో వీటిపై చర్చించి తుది నిర్ణయం ప్రకటిస్తారని సమాచారం. ఏపీ రాజధాని వ్యవహారం రోజు రోజుకూ ఊపందుకోవడంతో, అమరావతి కోసం భూములిచ్చిన రైతులు ఆందోళన నేపధ్యంలో, వారిని శాంతింప చేసి, ప్రత్యామ్నాయ ఏర్పాట్లు చేసే దిశగా ప్రభుత్వం కసరత్తు చేస్తున్నట్టు సమాచారం. మూడు రాజధానుల ప్రకటనను తర్వాత అమరావతి పరిధిలోకి వచ్చే గ్రామాల్లో ఆందోళన నెలకొన్న నేపథ్యంలో భవిష్యత్తులో ఇక్కడ ఎలాంటి అభివృద్ధి జరగబోతుందన్న అంశం పై ఓరోడ్ మ్యాప్ తయారుచేసి క్లారిటీ ఇవ్వాలనేది ప్రభుత్వ ఉద్దేశమట.

అదే సమయంలో గంతలో తెదేపా ప్రభుత్వం రైతులకు ప్రకటించిన ప్యాకేజీలో భారీగా మార్పులు చేయడంతోపాటు వారికి మరిన్ని వరాలు ప్రకటించేలా కసరత్తు జరుగుతోంది. ముఖ్యంగా రాజధాని కోసం భూములు త్యాగం చేసిన ఇక్కడి రైతు కుటుంబాల్లో పిల్లలకు ఉచిత విద్య, ఉచిత వైద్యం అందించేందుకు వీలుగా గత ప్రభుత్వం ప్రకటనలు చేసింది. తాజా పరిస్థితుల నేపథ్యంలో రైతులకు గతంలో చంద్రబాబు ప్రభుత్వం ఇచ్చిన ప్యాకేజీ పెంపు, అనుబందంగా మరికొన్ని వరాల ప్రకటనతో పటు అవసరమైతే విశాఖలో సైతం భూములు కేటాయింపు చేసే అంశాన్ని ప్రభుత్వం పరిశీలిస్తున్నట్లు చెబుతున్నారు. అదే సమయంలో రైతు కుటుంబాలకు ఉచిత విద్య, ఉచిత వైద్యం కచ్చితంగా అందేలా ఏర్పాట్లు చేసేందుకు వీలుగా ప్రభుత్వం ఆదేశాలు ఇవ్వనుంది.

మరోవైపు అమరావతిని ఎడ్యుకేషన్ హబ్ గా వాడుకోవాలంటూ జీఎన్ రావు కమిటీ చేసిన సూచనల మేరకు ప్రస్తుతం ఉన్న సచివాలయాన్ని ప్రతిష్టాత్మక విద్యాసంస్థలకు కేటాయించే అంశం పై కూడా ప్రకటన చేస్తారు అంట. అసెంబ్లీ కూడా వెలగపూడి నుండి మంగళగిరి వైపునకు తరలిపోతే దాన్ని కూడా జాతీయ విద్యాసంస్థలకు కేటాయించే అవకాశాలు ఉన్నాయి. తద్వారా అమరావతి అభివృద్ధికి వచ్చిన ఇబ్బంది ఏమీ లేదనే హామీ ఇచ్చే దిశగా ప్రభుత్వం ఆలోచిస్తోంది. 27 న జరిగే కేబినెట్ భేటీలో మంత్రుల సూచనలు, సలహాలు తీసుకున్న తర్వాత దీనిపై తుది ప్రకటన చేయాలని సీఎం జగన్ భావిస్తున్నట్లు సమాచారం. అయితే రాజధాని రైతులు ఇవన్నీ నమ్ముతారా ? వారు చేస్తున్న ఆందోళన రాజధాని కోసం అయితే, వీళ్ళు పరిహారం ఎంత పెంచినా, ఆ భూములు దేనికి ఉపయోగ పడతాయి ? చూద్దాం ప్రభుత్వం ఏమి చేస్తుందో ? రైతులు ఏమంటారో ?

అమరావతి పై వైసీపీ పార్టీ, ఆ పార్టీ నేతలు, కార్యకర్తలు ఎందుకో కాని, మొదటి నుంచి అమరావతి పై ద్వేషం చూపిస్తూనే వచ్చారు. అమరావతి శంకుస్థాపనకు నేను రాను అని చెప్పిన దగ్గర నుంచి మొదలైన ద్వేషం, ఈ రోజు అమరావతికి భూములు ఇచ్చిన రైతులను రోడ్డున పడేసా దాకా వచ్చింది. ఈ మధ్యలో అమరావతిని హేళన చేస్తూ, వైసీపీ నేతలు అనేక రకాలుగా మాట్లాడారు. అమరావతిని భ్రమ్రావతి అన్నారు. అమరావతిని హైమావతి అన్నారు. అమరావతి స్మశానం అన్నారు. అమరావతిని ఎడారి అన్నారు. అమరావతిలో పందులు తిరుగుతాయి అన్నారు. ఇలా అమరావతి ప్రాంతాన్ని అవమానించారు. ఇవన్నీ అక్కడ ప్రజలు భరించారు. అయితే, ఇప్పుడు అక్కడ నుంచి రాజధాని వెళ్ళిపోతుందని, తమ భూములు సంగతి ఏమిటి అంటూ, అక్కడ రైతులు ఆందోళన చేస్తున్న సంగతి తెలిసిందే. అయితే ఇప్పుడు ఆందోళన చేస్తున్న రైతుల పై కూడా, వైసీపీ నేతలు వ్యంగ్యంగా మాట్లాడుతున్నారు.

నిన్న వైసీపీ సీనియర్ నేత, మాజీ మంత్రి ధర్మాన ప్రసాదరావు మాట్లాడుతూ, అమరావతి కోసం ఆందోళన చేస్తున్న రైతుల పై వివాదాస్పద వ్యాఖ్యలు చేశారు. అమరావతిలో, రాజధాని రైతుల పేరిట జరుగుతున్న ఆ ఉద్యమం ఒక బోగస్ అని, అందులో ఉన్నవారంతా టీడీపీ కార్యకర్తలేనని అన్నారు. రాజధానిలోని లింగులింగుమంటూ ఉన్న ఓ 8 ఊరోళ్లు మాత్రం గొప్ప పోరాటం అంటూ బిల్డప్ ఇస్తున్నారని అవహేళన చేసారు. పేపర్ లో తమ బొమ్ములు పడతాయని, వాటి అలా చుసుకునేందుకే, వీళ్ళు ఇలా హడావిడి చేస్తున్నారని అన్నారు. ఉత్తరాంధ్రలో తమకు లేని పోరాటం, మీకెందుకు అంటూ అమరావతి రైతులను ఎద్దేవా చేశారు. ఈ ఉద్యమాల పేరుతొ పప్పులేం ఉడకవని, అమరావతి రైతుల ఉద్యమం బోగస్ అని ధర్మాన అన్నారు.

అయితే, ఈ రోజు ధర్మానకు సంబధించి ఒక ఆడియో సోషల్ మీడియాలో వైరల్ అవుతుంది. ఆ ఆడియోలో ధర్మాన, అమరావతి ప్రజలకు క్షమాపణ చెప్తున్నట్టు ఉంది. ఈ వీడియో కొన్ని టీవీ చానల్స్ కూడా ప్లే చేసాయి. ఆ సంభాషణ ఇలా ఉంది. "యువకుడు: సర్...నమస్తే...బాగున్నారా సర్.... ధర్మాన: బాగున్నానండి.... యువకుడు: సర్ అది...నిన్న మీరు..దాంట్లో లింగులింగుమనే మాట బాగోలేదు సర్. ఇబ్బందికరంగా ఉంది.... ధర్మాన: మీకు నచ్చలేదు కదా?.. క్షమించేయండి. విజయవాడ వచ్చినప్పుడు కలుద్దాం. నమస్కారం." అంటూ ఈ ఫోన్ సంభాషణ కొనసాగింది. ధర్మాన లాంటి సీనియర్ నాయకులు కూడా, ఇలా ఒక ప్రాంతాన్ని కించ పరుస్తూ వ్యాఖ్యలు చెయ్యటం పట్ల, విమర్శలు వచ్చిన సంగతి తెలిసిందే.

"రాజకీయ నాయకుడు వచ్చే ఎన్నిక కోసం ఆలోచిస్తాడు... ఒక దార్శనికుడు, వచ్చే తరం కోసం ఆలోచిస్తాడు." అని పెద్దలు అంటూ ఉంటారు. అందరి విషయంలో ఏమో కానీ, మన కళ్ళ ముందు మాత్రం చంద్రబాబు నాయుడు ఉన్నారు. ఈయన కర్మ ఏమో కాని, చేసిన చాకిరీ అంతా చేస్తారు, ప్రజల చేతిలో మాత్రం ఓడిపోతారు. కాని ఆ ప్రాంతాన్ని మాత్రం నిలబెడతారు. హైదరాబాద్ విషయంలో అదే జరిగింది. ఈ రోజు హైదరాబాద్ లో ఇంత అభివృద్ధి, ఇన్ని కంపెనీలు ఉన్నాయి అంటే, ఆ రోజు చంద్రబాబు వేసిన బీజం. హైటెక్ సిటీ రాకతో, సైబరాబాద్ సిటీతో, రూపు రేఖలే మారిపోయాయి. ఇప్పుడు అక్కడ ఎవరు ఉన్నా, లేకున్నా, హైదరాబాద్ ఆదాయంతో, తెలంగాణా ముందుకు వెళ్తూ ఉంటుంది. అయితే అక్కడ ప్రజలు మాత్రం, చంద్రబాబుని ఓడించారు. అంతే కాదు, అక్కడ ఆడిన రాజకీయ క్రీడలో, చంద్రబాబు పై తెలంగాణా ద్రోహి అనే ముద్ర కూడా వేసారు. ఇక్కడ ఆంధ్రప్రదేశ్ లో కూడా అదే పరిస్థితి. పోలవరం 73 శాతం పూర్తీ చేసారు, అనేక కంపెనీలు తెచ్చారు.

కాని ప్రజలు మాత్రం ఓడించారు. మా ప్రాంతం అంటే మా ప్రాంతం అంటూ, మనలో మనమే కొట్టుకుంటున్నాం. అయితే ఈ రోజు వచ్చిన వార్తా చూస్తే, చంద్రబాబు ఓడిపోయినా, చిత్తూరు జిల్లా మాత్రం గెలిచింది అని అనిపిస్తుంది. చంద్రబాబుని ద్వేషించే వాళ్ళు ఉంటారు ఏమో కాని, ఆయన చేసిన పనులు, కనీసం మనుసలో అయినా అభినందించే వాళ్ళు ఉంటారు అనటంలో ఆశ్చర్యం లేదు. రాయలసీమ జిల్లాల్లో ఆటోమొబైల్స్ రంగ పారిశ్రామిక ప్రగతికి నాందిగా చిత్తూరు జిల్లాలోని సత్యవేడు వద్ద హీరో మోటర్ పరిశ్రమను నాడు ముఖ్యమంత్రి హోదాలో చంద్రబాబు, చిత్తూరు జిల్లాకు తీసుకోవచ్చి, శంకుస్థాపన కూడా చేసారు. అనంతపురంలో కియామోటర్స్, చిత్తూరు జిల్లాలో అపోలో టైర్స్, హీరో మోటర్స్ వంటి పరిశ్రమలు రావడం రాయలసీమ ఉజ్వల భవిష్యత్తుకు ఉపకరిస్తుందని చంద్రబాబు భావించారు.

అటువంటి భారీ పరిశ్రమలకు అవసరమైన అనుబంధ యంత్ర పరికరాలు తయారు చేసే చిన్నచిన్న పరిశ్రమలు పెద్ద సంఖ్యలో వచ్చే అవకాశాలు ఉన్నాయని, ఆయన ఆలోచించారు. దీనివల్ల రాయలసీమ ప్రాంతం భవిష్యత్తులో దేశంలో అతిపెద్ద ఆటో మొబైల్ హజ్ గా ఆవిర్భవించే అవకాశాలున్నాయని, చిత్తూరు జిల్లాలోని తొట్టంబేడు, తిరుపతి, సత్యవేడు, పీలేరు ప్రాంతాలల్లో వచ్చిన ఎలక్ట్రానిక్ పరిశ్రమలు, ఆటోమొబైల్ పరిశ్రమల సమన్వయంతో ఉపాధి అవకాశాలు గణనీయంగా పెరుగుతాయని చంద్రబాబు ఆశ పడ్డారు. అందులో భాగంగానే 1.600 కోట్ల వ్యయంతో సత్యవేడు సమీపంలోని మాదనపాళెం వద్ద 600 ఎకరాలలో హీరో మోటర్స్ ద్వారా 15 వేలమందికి ఉపాధి లభించే ప్రాజెక్ట్ ను చిత్తూరుకు తీసుకువచ్చారు. నాడు చంద్రబాబు శంకుస్థాపన చేసి తెచ్చిన హీరో ప్లాంట్, నేడు మొదటి బైక్ ను తయారు చేసింది. మన రాష్ట్రం నుంచే ఇక హీరో బళ్ళు తయారు అవుతాయి. చంద్రబాబు చేసిన, అభివృద్ధి వికేంద్రీకరణ, చంద్రబాబు ముందు చూపుకు నిదర్శనం ఈ హీరో ప్లాంట్. అందుకే చంద్రబాబు ఓడినా, చిత్తూరు జిల్లా మాత్రం గెలిచింది అని చెప్తుంది.