news

చంద్రబాబు ప్రతిపక్ష హోదా టార్గెట్ గా, వైసీపీ రాజకీయం నడుపుతుంది. తెలుగుదేశం పార్టీ గుర్తుతో గెలిచిన ఎమ్మేల్యేలను, తమ వైపు తిప్పుకోవటానికి ప్రయత్నాలు ప్రారంభించింది. ఇందుకోసం కొన్నాళ్ళు పాటు ఆ ఎమ్మెల్యేలు రాజీనామా చెయ్యకుండా, ఉప ఎన్నికలు రాకుండా కూడా ప్లాన్ చేస్తున్నారు. మొన్న జరిగిన ఎన్నికల్లో తెలుగుదేశం పార్టీకి 23 సీట్లు వచ్చాయి. 175 సీట్లు ఉన్న అసెంబ్లీలో ప్రతిపక్ష హోదా లభించాలి అంటే, కనీసం 17 సీట్లు అయినా ఉండాలి. దీంతో తెలుగుదేశం పార్టీలో ఉన్న ఆరు నుంచి ఏడు మందిని లాగటానికి వైసీపీ ప్రయత్నాలు ప్రారంభించిన సంగతి తెలిసిందే. ఇలా చేస్తే చంద్రబాబు స్థాయి పడిపోతుందని, తద్వారా ఆనంద పడవచ్చు అని వైసీపీ అనుకుంటుంది. అయితే, తెలుగుదేశం మాత్రం, ఇవన్నీ కొట్టి పారేస్తుంది. పార్టీలో నుంచి ఎవరూ వెళ్ళరని, ఒక వేళ వెళ్లి ప్రతిపక్ష హోదా పోయినా, చంద్రబాబుకి ఏమి అవుతుందని, అసెంబ్లీలో వెనుక బల్లలో కూర్చుంటారని, అంతకు మించి ఏమి ఉండదని అంటున్నారు.

అయితే గత రెండు రోజులుగా, ఒక ప్రచారం అయితే బలంగా ఉంది. ఇప్పటికే వల్లభనేని వంశీని లాక్కున్న వైసీపీ నేతలు, ఇప్పుడు గుంటూరు జిల్లాలోని కొంత మంది ఎమ్మేల్యేలను, అలాగే ప్రకాశం జిల్లాలో ఉన్న కొంత మంది ఎమ్మేల్యేలను లాగటానికి విశ్వ ప్రయత్నాలు చేస్తున్నారని సమాచారం. ఇందు కోసం, ఏకంగా ముగ్గురు మంత్రులు, రంగంలోకి దిగారని, అసెంబ్లీ మొదలయ్యే లోపే, వారు తెలుగుదేశం పార్టీ నుంచి వచ్చేస్తారని, చంద్రబాబుకు ఈ సారి అసెంబ్లీ మొదలైన రోజే, ప్రతిపక్ష హోదా పోగొట్టి, షాక్ ఇస్తామని అంటున్నారు. వైసీపీ పరిస్థితి ఇలా ఉంటే, బీజేపీలోకి కూడా ఒక తెలుగుదేశం ఎమ్మెల్యే వెళ్తున్నారని, ఆయన గంటా శ్రీనివాస్ అంటూ, మరో ప్రచారం కూడా చేస్తున్నారు.

అయితే, వీటి అన్నిటి పై తెలుగుదేశం పార్టీ స్పందించింది. ఇదంతా వైసీపీ ఆడుతున్న మైండ్ గేం అని చెప్తుంది. వైసీపీ ఏ ఎమ్మెల్యేల పేర్లు అయితే ప్రచారం చేస్తుందో, ఆ ఎమ్మెల్యేలు అందరితో చంద్రబాబు, ఫోన్ లో మాట్లాడారని, తెలుగుదేశం పార్టీ చెప్తుంది. ఎవరూ కూడా, పార్టీ మారటం లేదని, ఇదంతా వైసీపీ చేస్తున్న ప్రచారం అని చెప్పారని, టిడిపి అంటుంది. ఇక మరో పక్క, గత కొద్ది రోజులుగా, తెలుగుదేశం పార్టీ కార్యక్రమాలకు దూరంగా ఉంటున్న విశాఖ ఎమ్మెల్యే గంటా శ్రీనివాస్ తో కూడా చంద్రబాబు మాట్లాడారు. మీకు ఏదైనా ఇబ్బంది ఉంటే, వచ్చి నాతొ మాట్లాడండి అంటూ చంద్రబాబు చెప్పారని, అలాగే డిసెంబర్ 6, టిడిపి ఆఫీస్ ఓపెనింగ్ కు కూడా రావాలని చంద్రబాబు ఆహ్వానించటంతో, తప్పకుండ వస్తానని గంటా చెప్పారని తెలుస్తుంది. మొత్తానికి, చాలా రోజలుగా సైలెంట్ గా ఉన్న గంటా, చంద్రబాబు ఫోన్ కాల్ తో మనసు మార్చుకుంటారా ? రేపు జరిగే పార్టీ కార్యాలయం ప్రారంభోత్సవానికి వస్తారో రారో చూడాలి.

ఆంధ్రప్రదేశ్ రాష్ట్ర ఆర్ధిక పరిస్థితి దారుణంగా తయారు అయ్యిందా ? ఒక పక్క ఆదాయం లేక, ఇష్టం వచ్చినట్టు సంక్షేమ కార్యక్రమాలతో, రాష్ట్ర ఖజానా ఖాళీ అయిపోతుంది. ఈ రోజు ఒక ప్రముఖ దిన పత్రికలో వచ్చిన వార్త చూస్తే, మన రాష్ట్ర పరిస్థితి ఎంత దారుణంగా ఉందొ తెలుస్తుంది. ఆ ప్రముఖ పత్రిక కధనం ప్రకారం, రాష్ట్ర అప్పులు తారా స్థాయికి చేరుకున్నాయి. గత చరిత్రలో ఎప్పుడు లేని విధంగా, రాష్ట్ర ప్రభుత్వం రుణాలను వాదేసుకుంటుంది. ఈ ఆర్ధిక సంవత్సరంలో, రాష్ట్ర ప్రభుత్వం చేసిన అప్పు విలువ అక్షరాల రూ.33,617 కోట్లు. ఈ అప్పు అంతా, జగన్ మోహన్ రెడ్డి అధికారంలోకి వచ్చిన తరువాత జరిగిందే. గతంలో చంద్రబాబు పై, అప్పులు చేస్తున్నారు అంటూ, ప్రతి రోజు ప్రచారం చేసి చేసి, ఇప్పుడు కేవలం ఆరు నెలల సమయంలోనే, 33 వేల కోట్లు అప్పు చేసి, అందరికీ షాక్ ఇచ్చారు. ఇప్పటికే రిజర్వు బ్యాంక్ అఫ్ ఇండియా కూడా, ఏపి ఆర్ధిక పరిస్థితి ఆందోళన కరంగా మారిందని, కేంద్రానికి ఫిర్యాదు చేసినట్టు వార్తలు వచ్చాయి.

అయితే ఇప్పుడు ఈ అప్పులు వార్త చూస్తే, రాష్ట్ర పరిస్థితి పై ఆందోళన కలగక మానదు. రిజర్వు బ్యాంక్ అఫ్ ఇండియా, ప్రతి వారం, మార్కెట్ బారోయిరగ్స్‌ ద్వారా రుణాలకు, వేలం నిర్వహిస్తుంది. వివిధ రాష్ట్రాలు, ప్రభుత్వాల సెక్యూరిటీలను తనఖా పెట్టి, లోన్స్ ఇస్తూ వస్తుంది. అయితే గత నెల, అంటే నవంబర్ నెలలో, అయుదు సార్లు, ఇలా వేలం నిర్వహించగా, అయుదు సార్లు, ఆంధ్రప్రదేశ్ రాష్ట్ర ప్రభుత్వం, వేలంలో పాల్గుని, అయుదు సార్లు రుణాలు పొందింది. ప్రతి వేలంలోను ఒకేసారి రుణం తీసుకోకుండా, రెండేసి సార్లు రుణాలు తీసుకుని, సరి కొత్త రికార్డును, గతంలో ఆంధ్రప్రదేశ్ ప్రభుత్వం ఎప్పుడు చెయ్యని విధంగా, అప్పుల్లో రికార్డు సృష్టించింది, అందర్పదేశ్ ప్రభుత్వం.

నవంబర్ ఒకే తేదీణ, తొమ్మిదేళ్ల కాలపరిమితితో వెయ్యి కోట్లు, 12 సంవత్సరాల కాల పరిమితితో వెయ్యి కోట్లు, నవంబర్‌ 7న 10, 12 సంవత్సరాల కాల పరిమితితో రెండు వేల కోట్లు, నవంబర్‌ 15న 11, 12 సంవత్సరాల కాలపరిమితితో రెండు వేల కోట్లు, నవంబర్‌ 22న అదే పరిమితితో మరో రెండు వేల కోట్లు రుణంగా తీసుకురది. ఇక నవరబర్‌ 29న పదేళ్ల కాలపరిమితితో 533 కోట్ల రూపాయలను రుణంగా తీసుకురది. మొత్తంగా పోయిన నెల నవంబర్‌లో, ఒక్క నెలలోనే రూ.8,513 కోట్ల అప్పు తీసుకుని, మొత్తం ఈ ఆరు నెలల్లో 33,617 కోట్ల అప్పుని రాష్ట్రం చేసింది. అయితే ఇక, ఈ ఆర్ధిక సంవత్సరంలో ఇంకా నాలుగు నెలలు ఉండగా, ఇకపై రాష్ట్రానికి కేవలం ఏడు వేల కోట్లు మాత్రమే అప్పు తీసుకునే అవకాసం ఉంది. మరి జగన్ మోహన్ రెడ్డి గారు రాష్ట్ర ఆదాయం ఎలా పెంచుతారో, ఏమిటో చూడాలి.

గత మూడు రోజుల నుంచి రాయలసీమ పర్యటనలో ఉన్న జనసేన అధినేత పవన్ కళ్యాణ్ కు, గురువారం, ప్రభుత్వం షాక్ ఇచ్చింది. ఈ రోజు, పవన్ కళ్యాణ్ చిత్తూరు జిల్లాలో ఉన్న మదనపల్లె టొమాట మార్కెట్ వెళ్లి, అక్కడ పరిస్థితిని, రెట్లు పెరుగుదల పై క్షేత్ర స్థాయిలో పర్యటన చేయ్యదలిచారు. అయితే, ఈ పర్యటనకు, పవన్ కళ్యాణ్ కు అనుమతి నిరాకరించారు. పవన్ పర్యటనకు అనుమతి లేదని అధికారులు చెప్పారు. అయితే, జనసేన పార్టీ మాత్రం, ప్రభుత్వం నుంచి ఆదేశాలు రావటంతోనే, పవన్ అంటే భయపడి, ఆయనకు మార్కెట్ సందర్శించే అవకాసం ఇవ్వటం లేదని జనసేన ఆరోపిస్తుంది. మరో పక్క విషయం తెలిసిన పవన్ కళ్యాణ్ కూడా, ఈ విషయం పై తీవ్రంగా స్పందించారు. మార్కెట్ కు వెళ్లి రైతులతో మాట్లాడితే మీకు వచ్చిన ఇబ్బంది ఏమిటని ప్రశ్నించారు. రైతులను కలిసి, వారి కష్టాలు తెలుసుకునేందుకు అనుమతి ఇవ్వకపోతే, చేతులు ముడుచుకుని కూర్చోమని, ఏమి చెయ్యాలో అదే చేస్తామని పవన్ అన్నారు.

తాను మార్కెట్ కు వచ్చి తీరుతానని, ఎవరు తనని ఆపుతారో చూస్తానని, పవన్ అన్నారు. మార్కెట్ ముందే కూర్చుని రైతులతో మాట్లాడతానని, రైతుల కష్టాలు తెలుసుకుంటానని, ఆపుకుంటే ఆపుకోండి అంటూ పవన్ సవాల్ విసిరారు. డాక్టర్ బీఆర్ అంబేద్కర్ భావాలను పునికి పుచ్చుకున్నవాళ్లమని, ప్రభుత్వ బెదిరింపులకు తాము భయపడమని పవన్ కళ్యాణ్ స్పష్టం చేశారు. తాను మార్కెట్‌కు వచ్చి తీరుతానని, పోలీసులు వస్తారో,ఏ వైసీపీ ఎమ్మెల్యే వచ్చి అడ్డుకుంటాడో చూస్తానని సవాల్ విసిరారు. ఇందుకోసం జనసైనికులు అంతా సిద్దం కావాలని ఆయన పిలుపునిచ్చారు. అయితే పవన్ పర్యటన ఏ టర్న్ తీసుకుంటుంది, ఎలాంటి ఉద్రిక్తత పరిస్థితులకు దారి తీస్తుందో, అని పోలీసులు టెన్షన్ పడుతున్నారు.

రెండు రోజుల క్రితం పవన్ కళ్యాణ్ తిరుపతి రైతు బజారు కు వెళ్లి, అక్కడ ఉల్లిపాయలు దొరక్క ప్రజలు ఇబ్బంది పడుతున్న విషయన్ని, క్షేత్ర స్థాయిలో తెలుసుకున్నారు. అయితే పవన్ పై మంత్రులు కొడాలి నాని, పేర్ని నాని, వ్యక్తిగతంగా విమర్శలు చేసారు. దానికి పవన్ కళ్యాణ్ కూడా ప్రతి విమర్శలు చెయ్యటంతో, మూడు రోజుల నుంచి పవన్ కళ్యాణ్ చేస్తున్న రాయలసీమ పర్యటన, ప్రతి నిమిషం ఉత్కంఠను రేపుతోంది. నిన్న పవన్ కళ్యాణ్ మాట్లాడుతూ, బీజేపీతో తాను కేవలం హోదా విషయంలోనే విభేదించానని, తాను ఎప్పుడు బీజేపీతో కలిసే ఉన్నాని చెప్పారు. అలాగే, రాష్ట్రంలో జరుగుతున్న భారీ మత మార్పిడులు, ఎవరి అనుమతితో జరుగుతున్నాయో అందరికీ తెలుసని పవన్ కళ్యాణ్ అన్నారు.