news

తెలుగుదేశం పార్టీ జాతీయ కార్యదర్శి, మాజీ మంత్రి, ఎమ్మెల్సీ నారా లోకేష్ అంటే, ఎందుకో కాని వైసీపీకి ముందు నుంచి టార్గెట్. లోకేష్ క్యారక్టర్ అసాసినేషన్ కోసం చెయ్యని ప్రయత్నం లేదు. అయితే అధికారంలో ఉండగా తెలుగుదేశం పార్టీ, ఈ ప్రచారాన్ని తిప్పి కొట్టటంలో ఫెయిల్ అవ్వటంతో, లోకేష్ అంటే పప్పు అనే అభిప్రాయం పెంచటంలో వైసీపీ సక్సెస్ అయ్యింది. దీంతో లోకేష్ పంచాయతీ రాజ్ శాఖా మంత్రిగా, 25 వేల కిమీ సీసీ రోడ్లు వేసినా, డ్రైనేజి వ్యవస్థ మెరుగుపరిచినా, తాగు నీరు అవసరం తీర్చే ప్రయత్నం చేసినా, ఐటి మంత్రిగా హెచ్సీఎల్, ఆదనీ డేటా సెంటర్ లాంటి పరిశ్రమలు తెచ్చినా, ప్రజలకు మాత్రం, వైసీపీ చేసిన ప్రచారమే ఎక్కింది. అయితే అధికారం పోయిన తరువాత, తెలుగుదేశం ప్రతిపక్షంలో ఉండగా కూడా, వైసీపీ, లోకేష్ నే టార్గెట్ చేస్తుంది. మంత్రులు కొడాలి నాని లాంటి వాళ్ళు కాని, పార్టీ మారే వంశీ లాంటి వాళ్ళు కాని, లోకేష్ నే ఇంకా ఇంకా టార్గెట్ చేస్తున్నారు.

ఒక పక్క లోకేష్ ని ఫెయిల్యూర్ గా చూపిస్తూనే, లోకేష్ అంటే ఎందుకో భయపడుతున్నారు. అందుకే లోకేష్ ని టార్గెట్ చేస్తూనే ఉన్నారు. మొన్నటి మొన్న డిస్ట్రిక్ట్ రివ్యూ కమిటి నుంచి లోకేష్ ని సస్పెండ్ చేసారు. అలాగే, స్పీకర్ తమ్మినేని తన పై చేసిన వ్యక్తిగత ఆరోపణలకు స్పందించినందుకు, లోకేష్ పై అసెంబ్లీ సెక్రటరీకి కంప్లైంట్ ఇచ్చారు. తాజాగా లోకేష్, మా మంత్రులను టార్గెట్ చేసాడు, మా మంత్రులు, ముఖ్యమంత్రి పై కుట్ర పన్నాడు అంటూ, లోకేష్ పై పోలీస్ కంప్లైంట్ కూడా ఇచ్చారు. నిన్న చంద్రబాబు, అమరావతి పర్యటనలో భాగంగా, అక్కడ జరుగిన నిర్మాణాలు, ఆగిపోయిన నిర్మాణ పరిస్థితి అంతా చూడటానికి, డ్రోన్ ద్వారా చిత్రీకరణ జరిగింది. ఆ విజువల్స్ బయటకు కూడా వచ్చాయి.

అయితే, డ్రోన్ లో ఎగరేసింది, అసెంబ్లీ, సెక్రటేరియట్ మీద అని, అక్కడ మా మంత్రులు, సియం కార్యాలయం ఉందని, దీని వెనుక ఏదో పెద్ద కుట్ర ఉందని, ఈ కుట్ర మొత్తం నారా లోకేష్ ఆధ్వరంలో జరిగింది అని, దీని వెనుక అసలు ఏమి కుట్ర లోకేష్ పన్నాడు, అసలు విషయం ఏమిటి, మొత్తం తెలుసుకుని, తక్షణం చర్యలు తీసుకోవాలని, వైసీపీ గుంటూరు పార్లమెంట్ అధ్యక్షుడు, లేళ్ళ అప్పిరెడ్డి, గుంటూరు జిల్లా డీఎస్పీకి ఫిర్యాదు చేసారు. వారిని వెంటనే అరెస్ట్ చేసి, కుట్ర అంతా బయట పెట్టాలి అంటూ, లేఖలో పేర్కొన్నారు. అయితే, దీని విషయం పై ఇప్పటి వరకు, తెలుగుదేశం పార్టీ స్పందించలేదు. మరి పోలీసులు, నిజంగానే, ఈ లేఖను సీరియస్ గా తీసుకుని, కేసు పెడతారా, లేదో చూడాలి మరి.

ఈ రోజు అమరావతి పర్యటనకు వెళ్ళిన చంద్రబాబు పై, వైసీపీ సానుభూతిపరులు రాళ్ళ దాడి చేసారని తెలుగుదేశం పార్టీ ఆరోపిస్తుంది. అయితే వైసీపీ మాత్రం, మాకు సంబంధం లేదని చెప్తుంది. అయితే చంద్రబాబు కాన్వాయ్ పై రాళ్ళ దాడి, రాజధాని పర్యటనలో టెన్షన్ నేపధ్యంలో, డీజీపీ గౌతం సవాంగ్ స్పందించారు. చంద్రబాబు కాన్వాయ్ పై దాడి కేసులో, ఇద్దరిని అదుపులోకి తీసుకున్నామని చెప్పారు. చెప్పులు విసిరిన వ్యక్తిని రైతుగాను, రాళ్ళు విసిరిన వ్యక్తీని, ఒక రియల్టర్‌గా గుర్తించామని చెప్పారు. చంద్రబాబు వల్ల తాము ఇబ్బంది పడ్డామని, వారు చెప్పారని, గౌతం సవాంగ్ అన్నారు. ప్రతి ఒక్కరికి, నిరసన తెలిపే హక్కు ఉంటుంది గౌతం సవాంగ్ చెప్పారు. ఇలాంటి పర్యటనల్లో, పోలీసులను తప్పుబట్టటం సహజం అని అన్నారు. చంద్రబాబు పర్యటనలో ఎలాంటి ఇబ్బందులు ఉండవు అని మా విచారణలో తేలింది కాబట్టే పర్మిషన్ ఇచ్చామని సవాంగ్ అన్నారు.

అయితే ఒక మాజీ ముఖ్యమంత్రి, ప్రతిపక్ష నాయకుడు పై రాళ్ళ దాడి జరిగితే, ఆయన ప్రయాణిస్తున్న బస్సు అద్దం పగిలితే, రాష్ట్ర డీజీపీగా ఉండే వ్యక్తీ, అందరికీ నిరసన తెలిపే హక్కు ఉందని చెప్పటం, అలాగే చంద్రబాబు వల్లే మాకు ఇబ్బంది, అందుకే దాడి చేసాం అని వారు చెప్పారని, డీజీపీ చెప్పటంతో, తెలుగుదేశం నేతలు ఆశ్చర్యపోయారు. డీజీపీ ప్రతి ఒక్కరికి రక్షణ ఇవ్వాలి కాని, ఇలా సింపుల్ గా, ఎవరికైనా నిరసన తెలిపే హక్కు ఉందని చెప్పటం ఆశ్చర్యాన్ని కలిగిస్తుందని టిడిపి నేతలు అంటున్నారు. ఈ నేపధ్యంలో, చంద్రబాబు కూడా డీజీపీ వ్యాఖ్యల పై స్పందించారు. ఇన్నేళ్ళలో, ఎన్నో సార్లు ప్రజల తరుపున పోరాటం చేసామని, ఎప్పుడూ ఇలా దాడి జరగలేదని అన్నారు.

నిరసన తెలిపేందుకు ఎవరికైనా హక్కు ఉంది, మేము ఆమోదించామని ఏపీ డీజీపీ అన్నారని, రేపు జగన్ మోహన్ రెడ్డి పర్యటిస్తే, తాము కూడా నిరసన తెలుపుతామంటే, డీజీపీ గారు పర్మిషన్ ఇస్తారా? అని సూటిగా ప్రశ్నించారు. నా కాన్వాయ్ వస్తూ వుంటే వాళ్లొచ్చి రాళ్లు వేస్తూ వుంటే పోలీసులు పర్మిషన్ ఇస్తారా? అదేమంటే నిరసన తెలిపే హక్కు ఉందంటారా ? ఇది ప్రభుత్వ దాడి కాదా? దీని కన్నా నీచం ఏముంది? దాడి చేస్తే మేము భయపడతామా? అని ప్రశ్నించారు. అలాగే బస్సు పై విసిరిన ఒక కర్ర చూపిస్తూ, ఇది పోలీసు లాఠీ, డీజీపీ సమాధానం చెప్పండి, వారికి మా పై విసరమని లాఠీలిచ్చారా అని ప్రశ్నించారు. మా దగ్గరే ఇలాంటి దౌర్జన్యాలు చేస్తున్నారు అంటే, ఇక రాష్ట్రంలో సామాన్యుల పరిస్థితి ఎలా ఉంటుందో ఊహించుకొండి అంటూ చంద్రబాబు  ప్రభుత్వంపై మండిపడ్డారు.

ఆంధ్రప్రదేశ్ రాజకీయం, ఈ రోజు అమరావతిలోనే కాదు, ఢిల్లీలో కూడా హీట్ ఎక్కింది. ఈ రోజు చంద్రబాబు అమరావతి పర్యటనతో, ఒక్కసారిగా, ఆంధ్రప్రదేశ్ రాజకీయం వేడెక్కిన సంగతి తెలిసిందే. చంద్రబాబు పర్యటన సాఫీగా సాగితే ఇబ్బంది ఉండేది కాదు కాని, కావాలని చంద్రబాబు కాన్వాయ్ పై దాడి చెయ్యటంతో, ఒక్కసారిగా వాతవరణం వేడెక్కింది. అయితే ఇక్కడ ఇలా ఉండగానే, ఢిల్లీలోని పార్లమెంట్ లో కూడా, ఆంధ్రప్రదేశ్ రాజకీయం వేడెక్కింది. తెలుగుదేశం పార్టీ తరుపున, గుంటూరు ఎంపీ గల్లా జయదేవ్, ఈ రోజు పార్లమెంట్ మాట్లాడారు. ఆంధ్రప్రదేశ్ లో జరుగుతున్న పరిస్థితి గురించి వివరిస్తూ, ప్రధాని మోడీ ఈ విషయాల పై చర్యలు తీసుకోవాలని కోరారు. కొత్తగా వచ్చిన ఆంధ్రప్రదేశ్ రాష్ట్ర ప్రభుత్వం తీరుతో, రాష్ట్రం దారుణంగా నష్టపోయిందని, రాష్ట్ర ప్రభుత్వ తీరుతో, రాష్ట్రానికి వచ్చిన పెట్టుబడులు, వచ్చే పెట్టుబడులు కూడా వెనక్కు వెళ్ళిపోతున్నాయని, లోక్ సభలో, గల్లా జయదేవ్ ఆరోపించారు.

దేశంలో పెట్టుబడులు పెంచి, దేశం ఇమేజ్ పెంచి, ఆర్ధికంగా దేశాన్ని బలోపేతం చెయ్యాలని, కేంద్రం ప్రభుత్వం ఆలోచిస్తుంటే, ఆంధ్రప్రదేశ్ ప్రభుత్వం మాత్రం, పెట్టుబడిదారులు వెనక్కి వెల్లిపోయేలా చేస్తున్నారని, గల్లా ఆరోపించారు. చంద్రబాబు ప్రభుత్వంలో కుదుర్చుకున్న కాంట్రాక్టలను రద్దు చెయ్యటం, అలాగే విద్యుత ఒప్పందాల పై సమీక్ష చెయ్యటం, రివర్స్ టెండరింగ్ లాంటి అనాలోచిత నిర్ణయాలతో, రాష్ట్రం పరిస్థితి రోజు రోజుకీ దిగజారి పోతుందని, గల్లా జయదేవ్ ఆరోపించారు. జగన్ మోహన్ రెడ్డి ప్రభుత్వ తీరుతో, ఇప్పటికే కొన్ని దేశాలు చట్టపరమైన చర్యలకు కూడా దిగాయని, ఈ చర్యలు రాష్ట్రానికి కాదని, దేశానికే ఇబ్బందని, దేశం బ్రాండ్ ఇమేజ్ కూడా పోతుందని అభిప్రాయపడ్డారు.

ఆంధ్రప్రదేశ్ నుంచి వెనక్కు వెళ్ళిపోయిన కంపెనీల లిస్టు వివరిస్తూ, రూ.2200 కోట్లకు సంబంధించి లులూ గ్రూప్, బీఆర్ శెట్టి గ్రూపు రూ.12 వేల కోట్ల విలువైన ప్రాజెక్టు, ఆదానీ గ్రూప్ చేపట్టిన ప్రాజెక్టుకు సంబంధించి 400 ఎకరాల స్థలాన్ని 89 ఎకరాలకు తగ్గించేశారని, తిరుపతిలో రూ.15 వేల కోట్లు పెట్టుబడి పెట్టాల్సిన రిలయన్స్ సంస్థ, ఒంగోలులో రూ.24 వేల కోట్ల పెట్టుబడితో ఏర్పాటు కావాల్సిన కాగిత పరిశ్రమ వెళ్లిపోయాయని, రాజధాని అమరావతి నిర్మాణం నుంచి సింగపూర్ ప్రభుత్వం కూడా వెళ్ళిపోయిందని ఆరోపించారు. అయితే గల్లా జయదేవ్ మాట్లాడే సమయంలో, వైసీపీ ఎంపీలు తీవ్ర నిరసన తెలిపారు. గల్లా జయదేవ్ ని చుట్టుముట్టినంత పని చేసారు. మిథున్ రెడ్డి ఫ్లోర్ లీడర్ అని, ఆయన కూడా ఇలా మీద పడుతున్నారు అంటూ, గల్లా, స్పీకర్ ని ఉద్దేశించి వ్యాఖ్యలు చేసారు.