news

చంద్రబాబు స్ట్రాటజీ మార్చారు. జగన్ మోహన్ రెడ్డి పై సరికొత్త అస్త్రాన్ని ప్రయోగించటానికి సిద్ధం అవుతున్నారు. ఎవరూ ఊహించని విధంగా, జగన్ మోహన్ రెడ్డి పై, హిందూపురం ఎమ్మల్యే నందమూరి బాలకృష్ణను చంద్రబాబు రంగంలోకి దించుతున్నారు. ఇంతకీ చంద్రబాబు ప్రయోగించే అస్త్రం ఏమిటి ? ఏ విషయంలో బాలయ్యను చంద్రబాబు రాగంలోకి దించుతున్నారు ? అనే ప్రశ్నలకు సమాధానం, తెలుగు మీడియం బోధన ఎత్తి వేయటం. మొట్టమొదటి భాషా ప్రయుక్త రాష్ట్రంగా ఏర్పడిన ఆంధ్రప్రదేశ్ రాష్ట్రంలో తెలుగు మీడియం ఎత్తేస్తూ జగన్ మోహన్ రెడ్డి ప్రభుత్వం నిర్ణయం తీసుకున్న సంగతి తెలిసిందే. తెలుగు మీడియం పూర్తిగా ఎత్తేసి, కేవలం ఇంగ్లీష్ మీడియం మాత్రమే ఉండేలా, ప్రభుత్వం ఉత్తర్వులు ఇచ్చింది. అయితే ఇంగ్లీష్ మీడియం ఉండటం తప్పు కాదని, కాని తెలుగు మీడియం ఎత్తేయటం మాత్రం, మంచిది కాదని, ఆప్షన్ అనేది పిల్లలకు ఇవ్వాలని, ప్రతిపక్షాలు ఆందోళన చేస్తున్నారు. భాషా ప్రయుక్త రాష్ట్రంగా ఏర్పడిన ఆంధ్రప్రదేశ్ రాష్ట్రానికి, ఈ గతి ఏంటి అంటూ ఆందోళన చేస్తున్నాయి.

అయితే జగన్ మోహన్ రెడ్డి ప్రభుత్వం మాత్రం, ఎక్కడా వెనక్కు తగ్గటం లేదు. తెలుగు మీడియం పూర్తిగా ఎత్తేస్తూ, ఉత్తర్వులు కూడా ఇచ్చింది. ప్రతిపక్షాల విమర్శల పై, అసెంబ్లీ వేదికగా సమాధానం చెప్పటానికి, జగన్ మోహన్ రెడ్డి రెడీ అవుతున్నారు. డిసెంబర్ 9 నుంచి, అసెంబ్లీ సమావేశాలు ప్రారంభం కానున్నాయి. అక్కడే ప్రతిపక్షాలను ఇరుకున పెట్టాలని జగన్ మోహన్ రెడ్డి భావిస్తున్నారు. అయితే జగన్ మోహన్ రెడ్డి కౌంటర్ గా చంద్రబాబు మరో స్ట్రాటజీతో ముందుకు వస్తున్నారు. తెలుగు మీడియం విషయంలో, జగన్ మోహన్ రెడ్డి పై, నందమూరి బాలకృష్ణ చేత సమాధానం చెప్పించటానికి చంద్రబాబు రెడీ అయ్యారు. తెలుగు మీడియం విషయంలో, తెలుగు భాష పై పూర్తీ పట్టు ఉన్న బాలయ్య చేత సమాధానం చెప్పించటానికి చంద్రబాబు రెడీ అయ్యారు.

తాము ఇంగ్లీష్ మీడియంకు వ్యతిరేకం కాదని, అలాగే తెలుగు మీడియం చదువులు కూడా అవసరం అని, ఎవరికి కావాల్సింది వారు ఎంపిక చేసుకునే స్వేఛ్చ ఇవ్వాలని తెలుగుదేశం వాదిస్తుంది. అసెంబ్లీ సమావేశాల్లో కూడా ఇదే విషయం గట్టిగా చెప్పాలని, దీనికి తెలుగు భాష, పద్యాలు పై పట్టు ఉన్న బాలకృష్ణ అయితే, సరైన విధంగా చెప్పాలి అనుకున్నది చెప్పొచ్చు అని చంద్రబాబు భావిస్తున్నారు. గతంలో ఉమ్మడి ఆంధ్రప్రదేశ్ విభజన సందర్భంగా పార్లమెంటులో అప్పటి రాజ్యసభ టీడీపీ ఎంపీ హరికృష్ణ అచ్చతెలుగులో మాట్లాడి తెలుగువారి ఔన్నత్యాన్ని, తెలుగు భాష గౌరవాన్ని చాటి చెప్పారని, ఇప్పుడు బాలకృష్ణ కూడా ఇదే విధంగా తెలుగు భాష గొప్పదనాన్ని అసెంబ్లీ వేదికగా చెప్పి, జగన్ మోహన్ రెడ్డిని డిఫెన్సు లోకి నెట్టాలని, చంద్రబాబు భావిస్తున్నారు. మరి ఈ విషయం పై, జగన్ మోహన్ రెడ్డి, ఎలా స్పందిస్తారో చూద్దాం.

ఇటీవల ఆంధ్రప్రదేశ్ ప్రభుత్వం, ఎవరైనా ఎక్కడైనా అవినీతి చేస్తే, కాల్ చెయ్యండి అంటూ టోల్ ఫ్రీ నెంబర్ విడుదల చేసింది. ఆ టోల్ ఫ్రీ నెంబర్ 14400 అనే నెంబర్ ఏర్పాటు చేసారు. అయితే ఇది చంద్రబాబు 1100 కాన్సెప్ట్ కు, కాపీ. అయితే జగన్ గారు ఆ నెంబర్ తీసేసి, కొత్త నెంబర్ పెట్టరు. ఇది ఇలా ఉంటే, 14400 కు ఫోన్ చేస్తే, 15 రోజుల్లోగా, సమస్య పరిష్కరించాలని, ఇందులో ఒక రూల్. అయితే తెలుగుదేశం నేత వర్ల రామయ్య, ఆ టోల్ ఫ్రీ నెంబర్ కు ఫోన్ చేసారు. జగన్ మోహన్ రెడ్డి తన తండ్రి సియంగా ఉండగా చేసిన, అక్రమార్జనపై అధ్యయనం చేయాలని ఫిర్యాదు చేశారు. వైఎస్ఆర్ హయంలో జరిగిన దోపిడీ పై విచారణ చెయ్యాలని, ఈ ఫిర్యాదును స్పెషల్ ది గా భావించి, సచివాలయానికి తీసుకెళ్లి అధికారులకు ఇవ్వాలని కాల్ సెంటర్ సిబ్బంది ఆయనకు సూచించారు. తన ఫిర్యాదు పై 15 రోజుల్లో చర్యలు తీసుకోవాలని, మళ్ళీ 15 రోజుల తరువాత ఫోన్ చేస్తానని వర్ల రామయ్య అన్నారు. అయితే, కాల్ సెంటర్ సిబ్బంది మాత్రం, ఏమి చెయ్యాలో తెలియక అవాక్కయ్యారు.

ఇక మరో పక్క బొత్సా వ్యాఖ్యల పై కూడా తెలుగుదేశం నేతలు మండిపడ్డారు. ఐదు కోట్ల మంది ఆంధ్రప్రదేశ్‌ ప్రజలకు చెందిన రాజధాని ప్రాంతాన్ని శ్మశానంతో పోల్చిన మంత్రి బొత్స సత్యనారాయణను మంత్రివర్గం నుంచి బర్త్‌రఫ్‌ చేయాలని టీడీపీ అధికార ప్రతినిధి పంచుమర్తి అనురాధ డిమాండ్‌ చేశారు. మంగళవారం గుంటూరులోని టీడీపీ రాష్ట్ర కార్యాయలంలో విలేకరుల సమావేశం నిర్వహించారు. సైబరాబాద్‌లా అమరావతిని నిర్మించాలని చంద్రబాబు నాయుడు గారు సంకల్పించారు. రాజధానిలో 35 లక్షల మందికి శాశ్వత నివాసం, 20 లక్షల మందికి ఉపాధి కల్పించాలని భావించారు. రాజధాని నుండి వచ్చిన ఆదాయంతో 13 జిల్లాలు అభివృద్ధి జరుగుతుంది. సంక్షేమ పథకాలు అమలు చేయవచ్చు. రాజధానిలో 9 నగరాలు నిర్మించాలని 60 శాతం పనులు పూర్తి చేశారు. కానీ వైసీపీ నేతలు రాజధానిపై ఇష్టం వచ్చినట్లు దుష్రచారం చేస్తున్నారు. రాజధానిపై వైసీపీ నేతలు నక్క పురాణం చెప్పారు. రాజధాని ముంపుకు గురవుతుందని, వరద వస్తుందని, ఇన్‌సైడర్‌ ట్రేడింగ్‌ జరిగిందని, అవినీతి జరిగిందని రకరకాల ఆరోపణలు చేశారు. కానీ ఒక్కటి కూడా నిరూపించలేకపోయారు. రాజధానిని బొత్స శ్మశానంగా వర్ణించడం సిగ్గుచేటు. 25 రోజుల్లో 33 వేల ఎకరాలు రైతులచ్చిన ప్రాంతాన్ని శ్మశానంతో పోలుస్తారా? 29 గ్రామాల ప్రజలు నివిసిస్తున్న ప్రాంతాన్ని శ్మశానం అంటారా? రాజధానిలో ఇప్పటికే హైకోర్టు, అసెంబ్లీ, సచివాలయం నిర్మాణాలు జరిగాయి.

వాటిని శ్మశానంతో పోలుస్తారా? గతంలో హైమావతి, భ్రమరావతి అంటూ అవమానించారు. ఇప్పుడు ఏకంగా శ్మశానం అంటూ కించపరుస్తున్నారు. బొత్స సత్యనారాయణ వ్యాఖ్యలను దృష్టిలో పెట్టుకుని మంత్రివర్గం నుండి బర్త్‌రఫ్‌ చేయాలి. లేకుంటే బొత్స వ్యాఖ్యల్ని ముఖ్యమంత్రి వ్యాఖ్యలుగా పరిగణించాల్సి వస్తుంది. రాష్ట్రంలో మంత్రులు, స్పీకర్‌, ఎమ్మెల్యేలు మాట్లాడే మాటలు వింటుంటే.. ఇంగ్లీష్‌ మీడియం ప్రవేశపెట్టారా లేక బూతుల మీడియం ప్రవేశపెట్టారా అనే అనుమానం కలుగుతోంది. మంత్రులు నోటికొచ్చినట్లు బూతులు మాట్లాడుతున్నారు. విద్యారుల్ని, నిరుద్యోగుల్ని ఒక మంత్రి కుక్కలతో పశువులు పోల్చారు. తన నియోజకవర్గంలో జరిగిన సమావేశంలో స్సీకర్‌ మహిళలలను అవమానపరిచేలా మాట్లాడతారా? రాజ్యాంగబద్దమైన, బాధ్యతాయుతమైన స్సీకర్‌ ఇలాగేనా మాట్లాడేది.? వైసీపీ నేతల నుండి బూతు పురాణం తప్ప ఒక్కటైనా మంచిమాట వచ్చిందా.? ఈ మంత్రుల వ్యవహారశైలి చూసి ప్రజలు ఇది మంత్రివర్గం కాదు, 'కంత్రి'వర్గం అనుకుంటున్నారు. బొత్సను వెంటనే బర్త్‌ రప్‌ చేయాలి, స్పీకర్‌ మహిళలకు క్షమాపణ చెప్పాలి. మంత్రులు, స్పీకర్‌ ఈవిధంగా బూతులు మాట్లాడుతుంటే సీఎం జగన్‌ ఏం చేస్తున్నారు. విని ఎంజాయ్‌ చేస్తున్నారా? లేక ఆయనే ఇలా మాట్లాడిస్తున్నారా? బొత్స వెంటనే సస్సెండ్‌ చేసి తన పరిపాలన విధానాన్ని నిరూపించుకోవాలని అనురాధ అన్నారు.

తెలుగుదేశం పార్టీ అధినేత, మాజీ ముఖ్యమంత్రి చంద్రబాబు నాయుడు మూడు రోజుల పాటు కడపలో పర్యటన చేస్తున్న సంగతి తెలిసిందే. చంద్రబాబు ఈ రోజు రెండో రోజు కడపలో పర్యటిస్తూ, నియోజకవర్గాల వారీగా సమీక్ష నిరవహిస్తున్నారు. ఈ సందర్భంలో చంద్రబాబు తీవ్ర భావోద్వేగానికి లోనైయ్యారు. ఒక కార్యకర్త పరిస్థితి తెలుసుకుని, చంద్రబాబు కారులోనే అలా ఓక రెండు నిమిషాలు ఉండి పోయారు. తరువాత సమీక్షా సమావేశంలో, కూడా చంద్రబాబు ఆ కార్యకర్తకు ఆర్ధిక సాహయం చేస్తూ, భావోద్వేగానికి లోనైయ్యారు. చంద్రబాబుని అలా చూసిన, కార్యకర్తలు, నేతలు కూడా, ఒక్క నిమిషం పాటు, అలాగే ఉండి పోయారు. వివరాల్లోకి వెళ్తే, పులివెందుల నివాసి అయిన, సూర్యనారాయణరెడ్డి బాధ విని చంద్రబాబు భావోద్వేగానికి లోనయ్యారు. ఈ సందర్భంగా, చంద్రబాబు అతనికి ఆర్ధిక సహాయం చేసారు. తెలుగుదేశం పార్టీ అన్ని విధాలుగా, ఆదుకుంటుంది అని భరోసా ఇచ్చారు.

ఈ సందర్భంగా మాట్లాడిన చంద్రబాబు, జగన్ మోహన్ రెడ్డి పై విరుచుకు పడ్డారు. జగన్‌ మోహన్ రెడ్డి ఒక ఉన్మాది, రాక్షసుడు అని, చంద్రబాబు ఆరోపించారు. తెలుగుదేశం కార్యకర్తలను వేధిస్తూ రాక్షసానందం పొందుతున్నాడని ఆయన ఆరోపించారు. జగన్‌ అనుచరులంతా ఉన్మాదుల్లా మారి తెలుగుదేశం కార్యకర్తలను వేధిస్తూ పైశాచికానందం పొందుతున్నారని చంద్రబాబు తీవ్ర ఆగ్రహం వ్యక్తం చేసారు. రాష్ట్రంలో అరాచక పాలన కొనసాగుతుందని చంద్రబాబు అన్నారు. మీడియా, పత్రికల గొంతు నొక్కి, నిజాలను బయటకు రాకుండా చూస్తున్నారని అన్నారు. ఆరు నెలల్లోనే, 640 మంది తెలుగుదేశం కార్యకర్తల పై దాడులు చేసారని, దౌర్జన్యాలు, అరాచకాలు చేసి, ప్రజలను కూడా భయపెడుతున్నారని అన్నారు.

కొంత మంది పోలీసులు కూడా, చట్ట ఉల్లంఘన చేసి, ఇష్టం వచ్చినట్టు ప్రవర్తిస్తున్నారని అన్నారు. అధికార యంత్రాంగం దుర్వినియోగం చెయ్యటం, పరాకాష్టకు వెళ్లిందని చంద్రబాబు అన్నారు. వారు అనుకున్న వారికే, పెన్షన్లు, పధకాలు ఇచ్చే పరిస్థితికి వచ్చారని అన్నారు. ఉపాధి హామీ పధకం డబ్బులు ఇప్పటి వరకు ఇవ్వలేదని అన్నారు. వ్యాపారుల దగ్గర జే టాక్స్ తీసుకుంటున్నారని అన్నారు. చివరకు మీడియా పై కూడా ఆంక్షలు పెట్టారని అన్నారు. వైసీపీ ప్రభుత్వం, వైసీపీ గుండాలు చేసే పనికి, వడ్డీతో సహా, చెల్లించేలా చేస్తానని అన్నారు. ఇబ్బంది పెట్టిన ప్రతి ఒక్కరి పై, ప్రైవేటు కేసు పెడతామని చంద్రబాబు అన్నారు. బజారులోనే మీ మోఖాల పై ఊసేలా చేస్తానని చంద్రబాబు తీవ్రంగా హెచ్చరించారు.