news

రాష్ట్రంలో ఎన్నో క్రైమ్స్ జరుగుతూ ఉంటాయి. ప్రభుత్వ విధానాలు, పోలీసుల వైఖరిని బట్టి అవి తగ్గటమో, పెరగటమో జరుగుతాయి. పూర్తిగా తగ్గించటం ఎవరి తరమూ కాదు. మన రాష్ట్రంలో కూడా క్రైమ్స్ తక్కువ ఏమి జరగవ్.. ప్రభుత్వం మారటంతో, గత నెల రోజులుగా రాజకీయ దాడులు గురించి వింటూ వస్తున్నాం, అయితే ఇప్పుడు జరిగిన ఘటన మాత్రం, అందరినీ అవాక్కయ్యేలా చేసింది. మనం సోషల్ మీడియాలో అప్పుడప్పుడు వెరైటీగా కొన్ని న్యూస్ చూస్తూ ఉంటాం. దొంగలు ఏకంగా ఏటీఎంని ఎత్తుకెళ్ళిపోయారని. ఎక్కువగా ఇవి, విదేశాల్లో జరుగుతూ ఉంటాయి. మన దేశంలో ఎప్పుడైనా ఇలాంటివి వింటూ ఉంటాం. ఆంధ్రప్రదేశ్ రాష్ట్రంలో మాత్రం, ఇలాంటి న్యూస్ లు ఇప్పటి వరకు వినింది లేదేమో. మొదటిసారిగా ఆంధ్రప్రదేశ్ లో ఏటీఎంని ఎత్తుకుపోయిన దొంగలు అనే వార్త వినాల్సి వచ్చింది. ఇలాంటి దొంగతనం వార్త విని, అటు పోలీసులు, ఇటు ప్రజలు కూడా అవాక్కయ్యారు. దొంగలు ఇంత అడ్వాన్స్ గా ఉన్నారా, ఇన్ని రూపాల్లో దొంగతనం చెయ్యటానికి వస్తున్నారా అని తెలుసుకుని, అవాక్కవటం పోలీసుల వంతు అయ్యింది. వివరాలు ఇలా ఉన్నాయి.

శ్రీకాకుళం జిల్లాలోని, ఎచ్చెర్ల పోలీస్ క్వార్టర్స్ ఆనుకుని ఒక స్టేట్ బ్యాంకు అఫ్ ఇండియా ఏటీఎం ఉంది. అయితే శనివారం వచ్చి చూసిన వారికి అక్కడ ఏటిఎం మిస్ అయ్యింది. ఏటిఎంలో డబ్బులు లేకపోవటం చూసాం కాని, ఇలా ఏకంగా ఏటిఎం లేకపోవటం ఏంటా అని ప్రజలు అనుకున్నారు. కాని చివరకు అక్కడ పరిస్థితి చూసి, దొంగలు ఏటిఎంని ఎత్తేసారని తెలుసుకుని, పోలీసులకు, బ్యాంక్ అధికారులకు ఫిర్యాదు చేసారు. స్టేట్ బ్యాంక్ అఫ్ ఇండియా అధికారులు చెప్పిన దాని ప్రకారం, చోరీ జరిగే సమయానికి ఏటీఎం మిషన్‌లో రూ.8.23 లక్షల ఉన్నట్లు చెప్తున్నారు. మరో పక్క ఏటీఎం మిషన్‌ ఖరీదు దాదపుగా రూ.4 లక్షలు చేస్తుందని అధికారులు అంటున్నారు. అయితే ఏకంగా పోలీసు క్వార్టర్లకు ఆనుకునే ఉన్న ఏటిఎం ను ఎత్తుకుపోవటం అందరినీ ఆశ్చర్యానికి గురి చేస్తుంది. దాదాపు 700 కిలోల బరువుండే ఏటీఎం మిషన్‌ ఎలా ఎత్తుకుపోయారో అనే విషయం పై పోలీసులు దర్యాప్తు చేస్తున్నారు.

అనుకున్నదే తడవుగా, ప్రజా వేదికను రాత్రికి రాత్రి కూల్చేసిన సంగతి తెలిసిందే. దానికి అనుమతులు లేవని, నిబంధనలకు విరుద్ధమని, రాత్రికి రాత్రి కూల్చేసారు. అయితే ప్రజా వేదిక తరువాత, చంద్రబాబు ఉంటున్న ఇంటిని కూడా టార్గెట్ చేసారు. చంద్రబాబు ప్రస్తుతం, ఉండవల్లి లోని లింగమనేని గెస్ట్ హౌస్ లో ఉంటున్నారు. అయితే అది కూడా అక్రమం అని, దాన్ని కూడా కుల్చేస్తామని, గత వరం నోటీస్ ఇచ్చిన సంగతి తెలిసిందే. వారం రోజుల్లోగా సమాధానం చెప్పాలని సీఆర్డీయే అధికారులు, చంద్రబాబు నివాసం ఉంటున్న ఇంటి ముందు నోటీస్ అంటించి వెళ్లారు. అయితే ఈ నోటీస్ కు, మొన్న శుక్రవారం, లింగమనేని రమేష్ సమాధానం ఇచ్చినట్టు తెలుస్తుంది. లింగమనేని రమేష్ ఇచ్చిన సమాధానంలో ప్రధానంగా, మూడు అంశాలు ప్రస్తావిస్తూ, అన్ని అంశాల పై, డాక్యుమెంట్ ప్రూఫ్ చూపిస్తూ, సమాధానం చెప్పినట్టు తెలుస్తుంది.

అందులో మొదటిది, ఉండవల్లి గ్రామ పంచాయతీ నుంచి భవన నిర్మాణం కోసం గతంలోనే అనుమతులు పొందామని ఆ వివరాలు చెప్పినట్టు సమాచారం. రెండవది, బీపీఎస్‌ (భవన క్రమబద్ధీకరణ పథకం) కింద ఈ భవనం రెగ్యులరైజేషన్‌ చెయ్యమని ఇప్పటికే దరఖాస్తు చేసుకున్నామని పేర్కొన్నట్టు తెలిసింది. ఇక మూడవది, నిబంధనల ప్రకారం తమకు నోటీసులు ఇచ్చే అధికారం లేని అధికారులు వాటిని అందజేశారని చెప్పినట్టు సమాచారం. చంద్రబాబు ముఖ్యమంత్రిగా ఉండగా, ఈ భవనంలో నివాసం ఉండటం కోసం అడిగారని, ఆయన పై ఉన్న గౌరవంతో ఆ రోజు ఆయనకు భవనం ఇచ్చామని, ఇందులో రాద్ధాంతం చెయ్యటానికి ఏమి లేదని చెప్పినట్టు తెలిసింది. ఈ అంశాల పై సీఆర్డీయే ఉన్నతాధికారులను పర్సనల్ గా వచ్చియా కలుస్తానాని, మరింత వివరణ ఇవ్వాల్సి ఉందని, దాని కోసం సీఆర్డీయే ఉన్నతాధికారుల అపాయింట్మెంట్ ఇవ్వమని కోరినట్టు రమేష్ అడిగినట్టు సమాచారం.

అమెరికాలో తానా 22వ మహా సభలు జరుగుతున్న విషయం తెలిసిందే. ఈ వేడుకల్లో పాల్గునటానికి, జనసేన అధినేత పవన్ కళ్యాణ్, బీజేపీ జాతీయ కార్యదర్శి రాంమాధవ్ కూడా వచ్చారు, అయితే ఈ వేడుకులు అయిపోయిన తర్వాత, వీరు ఇరువురు భేటీ కావటం సంచలనంగా మారింది. పవన్ కళ్యాణ్ ను వెనుక ఉండి నడిపిస్తుంది బీజేపీనే అన్న అభిప్రాయం మొన్నటి దాకా ఉంది. మొన్న ఎన్నికల దాకా, కేవలం చంద్రబాబుని టార్గెట్ చేసుకుని పవన్ కళ్యాణ్ వెళ్ళటం, చివరి వరకు బీజేపీని ఒక్క మాట అనకపోవటం చూసిన తరువాత ఈ అభిప్రాయం బలపడింది. అయితే ఎన్నికల ప్రచారంలో మాత్రం పవన్ శైలి మార్చి చివర్లో బీజేపీని విమర్శించారు. ఇప్పుడు ఎన్నికలు అయిపోయిన తరువాత, బీజేపీ రాష్ట్రం పై ఫోకస్ పెట్టిన సంగతి తెలిసిందే. తెలుగుదేశం పార్టీ నాయకులను లాక్కునే పనిలో ఉంది. ఈ స్కెచ్ అంతా వేస్తుంది రాంమాధవ్ అనే సంగతి అందరికీ తెలిసిందే. ఈ తరుణంలో రాంమాధవ్ , పవన్ కళ్యాణ్ తో భేటీ కావటం, ఆసక్తి రేపుతుంది.

ఫ్రెండ్లీ అలయన్స్ పెట్టుకుని జనసేన, బీజేపీ ముందుకు వెళ్తాయా, లేకపోతె అందరూ ఊహిస్తునట్టు, పవన్ కళ్యాణ్ జెండా ఎత్తేసి, బీజేపీలో చేరిపోతారా అనే చర్చ కూడా జరుగుతంది. పవన్ కళ్యాణ్ అన్నయ్య, చిరంజీవి కూడా బీజేపీలోకి వెళ్ళటానికి రెడీగా ఉన్నారని, ఎప్పటి నుంచో ప్రచారం కూడా జారుతుంది. ఈ నేపధ్యంలో ఏమి జరుగుతుందో చూడాల్సి ఉంది. అయితే ఈ భేటీ పై బయటకు మాత్రం, ఆంధ్రప్రదేశ్ హక్కులు, విభజన చట్టం హామీల గురించి పవన్ కళ్యాణ్, బీజేపీ నేతతో చర్చించినట్టు మీడియాకు చెప్తున్నారు. రాష్ట్రంలో తాజా రాజకీయ పరిస్థితి పై మాత్రమే చర్చలు జరిగాయాని చెప్తున్నారు. ఈ భేటీ పై రామ మాధవ్ మాట్లాడుతూ, ఈ భేటీకి రాజకీయ ప్రాధాన్యం లేదని చెప్పారు. పవన్ కనిపిస్తే మాట్లాడానని అన్నారు. ఇక పవన్ కళ్యాణ్ కూడా ఈ విషయం పై స్పందించారు. రాం మాధవ్ తో వ్యక్తిగత పరిచయం ఉందని, అందులో భాగంగానే మాట్లాడానని, బీజేపీతో కలిసి పని చేసే ఉద్దేశం లేదని అన్నారు. అయితే రాంమాధవ్ లాంటి నేతతో ఒక పార్టీ అధ్యక్షుడు భేటీ అయ్యారు అంటే, దానికి రాజకీయ ప్రాధాన్యత లేదు అని చెప్పటం మాత్రం కామెడీగా ఉంది.