news

చంద్రబాబు విదేశాలకు వెళ్ళిన టైంలో, ఆయన్ను అన్ని విధాలుగా బలహీన పరచటానికి అంటూ బీజేపీ , ఇటు వైసీపీ కంకణం కట్టుకున్నాయి. ఎన్నికల తరువాత కూడా రెస్ట్ తీసుకోకుండా, దేశమంతా తిరిగి ఈవీఎం ల పై ఉద్యమం చేసిన చంద్రబాబు, కుటుంబంతో కలిసి గడపటానికి వెళ్ళిన సమయంలో కూడా ఆయనకు ప్రశాంతత లేకుండా చేసి, మరింతగా మానసికంగా బలహీన పరిచే కుట్ర చేస్తున్నారు. పార్టీ ఫిరాయించే అంశం బీజేపీ తీసుకోగా, కక్ష తీర్చుకునే పని వైసీపీ చేస్తుంది. నిన్నటికి నిన్న నలుగురు ఎంపీలను లాక్కున్న సంగతి తెలిసిందే. అయితే ఆ దెబ్బ నుంచి కోలుకోక ముందే, చంద్రబాబుకి మరో షాక్ ఇచ్చారు. ఉండవల్లిలోని ప్రజావేదికను ప్రభుత్వం స్వాధీనం చేసుకుంటున్నట్టు ప్రకటించి, వెంటనే రంగలోకి దిగింది. చంద్రబాబు నివాసం పక్కనే ఉండే ప్రజా వేదికను, మేము వాడుకుంటామని, దానికి అయ్యే ఖర్చులు అన్నీ భరిస్తామని, ప్రజా వేదికను తమకు కేటాయించాలని గతంలో జగన్‌కు చంద్రబాబు లేఖ రాశారు.

అయితే చంద్రబాబు రాసిన ఈ లేఖను జగన్ పట్టించుకోలేదు. చంద్రబాబు లేని టైములో, దానిని వెంటనే స్వాధీనం చేసుకోవాలనే నిర్ణయించింది. ఇదే విషయం అక్కడ తెలుగుదేశం పార్టీ సభ్యులకు చెప్పియా, అక్కడ టీడీపీకి సంబంధించిన సామాగ్రిని వెంటనే తరలించాలని సీఆర్డీయే అధికారులు ఆదేశించారు. అంతే కాదు, చంద్రబాబు వస్తే మళ్ళీ నిరసన తెలుపుతారాని, అందుకే ఈనెల 24న ప్రజావేదికలోనే కలెక్టర్ల కాన్ఫరెన్స్ నిర్వహించాలని ప్రభుత్వం నిర్ణయించింది. ఈ నేపధ్యంలో ప్రజావేదికను స్వాధీనం చేసుకోడానికి గుంటూరు జిల్లా జాయింట్ కలెక్టర్, సీఆర్డీయే అధికారులు ఉండవల్లిలోని ప్రజావేదిక వద్దకు వచ్చారు. అయితే ప్రస్తుతం చంద్రబాబు యూరప్ పర్యటనలో ఉన్నారని, ఆయన లేని టైములో ప్రజావేదిక భవనాన్ని స్వాధీనం చేసుకోవడం సరికాదని, ఆయన వచ్చిన తరువాత, ఆయనతో మాట్లాడాలని టీడీపీ నేతలు అన్నారు. మరో పక్క, చంద్రబాబు ఉంటున్న నివాసం కూడా పడగొడతామని ఇప్పటికే, వైసీపీ నేతలు వార్నింగ్ లు ఇస్తున్నారు.

తెలుగుదేశం పార్టీకి చెందిన, నలుగురు రాజ్యసభ సభ్యులు పార్టీ మారిన విషయం తెలిసిందే. రాజ్యసభలో తమ పార్టీని, బీజేపీతో విలీనం చేస్తున్నాం అంటూ, నిన్న లేఖ ఇచ్చారు. అయితే, దీని పై తెలుగుదేశం పార్టీ నేతలు, పార్టీ మారిన నేతల పై విమర్శలు గుప్పిస్తున్నారు. ఈ వ్యవహారం పై, కేంద్ర మాజీ మంత్రి, టీడీపీ సీనియర్ నేత అశోక్‌గజపతిరాజు తనదైన శైలిలో స్పందించారు. ఎన్నికల్లో తెలుగుదేశం పార్టీ ఓడిపోయింది, కాబట్టే కొందరు పార్టీని వీడుతున్నారని అశోక్‌గజపతిరాజు అన్నారు. పార్టీ మారిన నేతల వల్ల, పార్టీ పై కొంత ప్రభావం ఉంటుందని తెలిపారు. అయితే ఈ కష్ట సమయంలో, తెలుగుదేశం కార్యకర్తల నుంచి మళ్లీ కొత్త నాయకత్వం పుట్టుక రావలసిన అవసరం ఉంటుందన్నారు. టీడీపీ రాజ్యసభ సభ్యులు సీఎం రమేశ్, సుజనా చౌదరి, గరికపాటి రామ్మోహన్, టీజీ వెంకటేశ్ నిన్న బీజేపీ పార్టీలో చేరిన విషయం తెలిసిందే. వీరిలో సుజనా చౌదరితో కలిసి, అశోక్ గజపతి రాజు మంత్రిగా కూడా పని చేసారు.

ఇక మరో పక్క తెలుగుదేశం పార్టీ ఓటమి పై కూడా అశోక్ గజపతి రాజు స్పందించారు. ప్రభుత్వ పథకాల అమలు చెయ్యటంలో చంద్రాబాబు బాగా పని చేసినా, పధకాలతో పాటు ప్రజల్లోకి వెళ్ళే ప్రజంటేషన్ కూడా ముఖ్యమేనని అన్నారు. ఈ రెండింటి మధ్య గ్యాప్ వచ్చిందని, ఇది పుడ్చటంలో విఫలం కాబట్టే, తెలుగుదేశం పార్టీ గత ఎన్నికల్లో ఓడిపోయిందని చెప్పారు. అయితే ఇవన్నీ చూస్తూ పార్టీ కున్గిపోయే పని లేదని, తెలుగుదేశం పార్టీ ఇప్పటికీ బలంగా ఉందని, తన తప్పులు తెలుసుకొని చికిత్స చేయాలని అన్నారు. తప్పుడు తెలుసుకోకుండా, తగిన చర్యలు తీసుకోకుండ, ఇంకా ఏదో భ్రమలో ఉంటే నాయకత్వం నిలబడదని సూచించారు. ఇక జగన్ మోహన్ రెడ్డి నెల రోజుల పాలన పై స్పందిస్తూ, ఇప్పుడే ఏమి చెప్పలేమని అన్నారు. కాని జగన్ లాంటి వాళ్ళు కూడా నీతి సూక్తులు చెప్తుంటే, ఆశ్చర్యంగా ఉందని అన్నారు. జగన్ ఎన్నికల ముందు ఓ మాట, ఎన్నికలు అయిపోయాక మరో మాట చెబుతున్నారని విమర్శించారు.

తెలుగుదేశం పార్టీకి చెందిన నలుగురు రాజ్యసభ సభ్యులు, సుజనా చౌదరి, ఉప నేత సీఎం రమేశ్‌, ఇద్దరు సభ్యులు గరికపాటి మోహన్‌ రావు, టీజీ వెంకటేశ్‌ గురువారం బీజేపీలో చేరి, కాషాయం కండువాలు కప్పుకున్న సంగతి తెలిసిందే. గురువారం రాత్రి బీజేపీ వర్కింగ్ ప్రెసిడెంట్ జేపీ నడ్డా దగ్గర ఈ నలుగురు కాషాయ కండువా కప్పుకున్నారు. అయితే వీరి చేరిక పై రకరకాల వార్తలు వినిపిస్తున్నాయి. వీరి పై ఒత్తిడి తేవటం వల్లే, పార్టీ మారారని ప్రచారం జరుగుతుంది. దీనికి బలం చేకూరుస్తూ, సీబీఐ, ఈడీ చేసిన దాడులు, ఎన్నికల తరువాత కూడా సుజనా పై సిబిఐ దాడులు చెయ్యటం, ఇవన్నీ చూస్తుంటే, వారి దాడి నుంచి తప్పించుకోవడానికే ఈ ఎంపీలతా బీజేపీ తీర్థం పుచ్చుకున్నారని రాజకీయాలు తెలిసిన ఎవరైనా ఇట్టే చెప్పచ్చు. ప్రజల్లో ఉన్న అభిప్రాయం కూడా అదే. అయితే ఇదే సమయంలో, ఈ నలుగురుకి షాకింగ్ న్యూస్ చెప్పింది బీజేపీ..

రాజ్యసభ ఎంపీ, మాజీ కేంద్రమంత్రి సుజనా చౌదరి, తెలుగుదేశం పార్టీని వీడి, బీజేపీలో చేరినంత మాత్రాన ఐటీ, ఈడీల నుంచి తప్పించుకోలేరని, ఆ విచారణ అలాగే కొనసాగుతుందని, మురళీధరరావు బాంబు పేల్చారు. టీడీపీ ఎంపీలు, తమ పార్టీలో చేరటం పై స్పందించిన ఆయన, శుక్రవారం మీడియా ముందుకు వచ్చారు. భారతీయ జనతా పార్టీ అభివృద్ధి కోసమే నలుగురు టిడిపి రాజ్యసభ సభ్యులను పార్టీలో చేర్చుకున్నామని అన్నారు. ఒక పార్టీలో ఉన్న మెజారిటీ ఎంపీలు, మా పార్టీలో చేరితే అది అనైతికం ఎలా అవుతోందని మురళీధరరావు ప్రశ్నించారు. మరో పక్క స్థానిక నేత అయిన విష్ణువర్ధన్ రెడ్డి కూడా ఇదే రకంగా స్పందించారు. సిబిఐ, ఈడీ కేసులు ఉన్న తెలుగుదేశం ఎంపీలు, ఇప్పుడు మా పార్టీలో చేరినా, ఆ విచారణ మాత్రం ఎదుర్కోవలసిందే అని స్పష్టం చేసారు. అయితే ఇవన్నీ మాటల వరుకేనా ? ఇవన్నీ మాట్లాడకుండానే, వారు పార్టీ మారారా ? చూద్దాం కొన్ని రోజుల్లో మనకే వాస్తవాలు కనిపిస్తాయి.