news

ఏపీలో ఎన్నిక‌ల్లో గెలిచిన కొద్ది రోజుల‌కే వైసీపీ ముఖ్య నేత విజ‌య సాయిరెడ్డికి ఝ‌ల‌క్. ఒలంపిక్ అసోసియేషన్ నియమ నిబంధనలకు వ్యతిరేకంగా.. లేని పదవిని సృష్టించి విజయసాయిరెడ్డిని చైర్మన్ చేయడం దరదృష్టకరమని ఏపీ ఒలంపిక్ అసోసియేషన్ కె.పిచ్చేశ్వరరావు అన్నారు. నియమ నిబంధ‌న‌ల‌కు వ్యతిరేకంగా చేపట్టిన విజయసాయిరెడ్డి నియామకం చెల్లదని తేల్చి చెప్పారు. ఏపీ ఒలింపిక్ అసోసియేష‌న్ ఛైర్మ‌న్‌గా వైసీపీ సీనియ‌ర్ నేత రాజ్య‌స‌భ స‌భ్యుడు విజ‌య సాయిరెడ్డిని ఎంపిక చేస్తూ నిర్ణయం తీసుకున్నారు. ఇది జ‌రిగిన 24 గంటల్లోగానే దీని పైన వ్య‌తిరేక‌త మొద‌లైంది. ఒలంపిక్ అసోసియేషన్ నియమ నిబంధనలకు వ్యతిరేకంగా.. లేని పదవిని సృష్టించి విజయసాయిరెడ్డిని చైర్మన్ చేయడం దరదృష్టకరమని ఏపీ ఒలంపిక్ అసోసియేషన్ కె.పిచ్చేశ్వరరావు వ్యాఖ్యానించారు. ఒలంపిక్ సంఘం రెండు వర్గాలుగా ఏర్పడి అనేక ఒత్తిళ్లకు గురైందన్నారు. ఒలంపిక్ సంఘం ఎన్నికలను గుర్తింపు పొందిన సంఘాలతో నిర్వహించామని, గత ప్రభుత్వంలో గుర్తింపులేని సంఘాలకు ఎన్నికల్లో పాల్గొనే అవకాశం కల్పించారని చెప్పారు.

ఒలింపిక్ సంఘం ఎన్నికపై న్యాయ పరమైన పోరాటం చేస్తామ‌ని స్ప‌ష్టం చేసారు. ఒలింపిక్ సంఘం గురించి ఆయ‌న అనేక విష‌యాల‌ను బ‌య‌ట పెట్టారు. ఒలంపిక్ సంఘం సభ్యుడైన పురుషోత్తం 2015లో కొత్త సంఘాన్ని, సొసైటీని ఏర్పాటు చేసి రిజిస్ట్రేషన్ చేయించారని వివ‌రించారు. నిబంధనల ప్రకారం రిజిస్ట్రేషన్ ఏపీలో ఉండాల్సి ఉండ‌గా..మద్రాస్ చిరునామాతో ఉందన్నారు. కోర్టు ఉత్తర్వుల మేరకు పురుషోత్తం రిజిస్ట్రేషన్ చేయించిన సంఘం గుర్తింపు చెల్లద‌ని ఆరోపించారు. ఇప్పుడు కూడా అదే చేస్తున్నారని దుయ్య బ‌ట్టారు. నియమ నిబంధనలు పాటించకుండా .. లేని పదవి సృష్టించి విజయసాయిరెడ్డిని చైర్మన్‌గా చేయడం దురదృష్టకరం అన్నారు. నియమ నిబంధనలకు వ్యతిరేకంగా చేపట్టిన విజయసాయిరెడ్డి నియామకం చెల్లదని స్ప‌స్టం చేసారు. ఒలింపిక్ సంఘం నియమ నిబంధనలు తెలుసుకోవాల్సిందిగా విజయసాయిరెడ్డి ,కృష్ణదాస్‌లను కోరుతున్నామంటూ పిచ్చేశ్వ‌ర రావు విజ్ఞ‌ప్తి చేసారు.

సీనియర్‌ నేత, మాజీ ఎంపీ జేసీ దివాకర్‌రెడ్డి సంచలన నిర్ణయం తీసుకున్నట్లు తెలుస్తోంది. రాజకీయాల నుంచి శాశ్వతంగా తప్పుకోవాలని అనుకుంటున్నట్లు ఆయన వెల్లడించారు. సోమవారం అనంతపురంలోని ఎస్పీ కార్యాలయానికి వచ్చిన ఆయన మీడియాతో మాట్లాడారు. తనకు 40 ఏళ్లుగా సహకరించిన పోలీసు సిబ్బందికి కృతజ్ఞతలు తెలిపినట్లు చెప్పారు. తన తండ్రి సంజీవ్‌రెడ్డి స్ఫూర్తితో రాజకీయాల్లోకి వచ్చానని.. కానీ ప్రస్తుతం నెలకొన్న రాజకీయ పరిస్థితుల దృష్ట్యా తప్పుకోవాలని భావిస్తున్నట్లు జేసీ వెల్లడించారు. అయితే గత 5 ఏళ్ళుగా జగన్ పై, జేసి వేసిన సెటైర్లు అందరికీ తెలిసిందే. ఒకానొక సందర్భంలో బూతులు కూడా తిట్టారు. అలాంటి జేసి, ఇప్పుడు జగన్ పై తన అభిప్రాయం చెప్పారు.

‘జగన్‌పై రాజకీయ విమర్శలు చేశా తప్ప ఎప్పుడూ ద్వేషించలేదు. జగన్‌ చిన్నప్పటి నుంచి నాకు తెలుసు. అలాగని నేను పార్టీ మారాలనుకోవడం లేదు’’ అని ఆయన స్పష్టం చేశారు. దివంగత ముఖ్యమంతి రాజశేఖర్‌ రెడ్డితో ఉన్న అనుంబంధాన్ని ఆయన గుర్తు చేసుకున్నారు. తమ ఇద్దరి మధ్య చిన్న చిన్న భేదాభిప్రాయాలు ఉన్నప్పటికీ.. సుహృద్భావం ఉండేదని చెప్పారు. రాజకీయాలపై ప్రస్తుతం తనకు ఆసక్తి లేదన్నారు. అయితే ఎన్నికల సంఘంలో మార్పులు చేయాల్సిన అవసరముందని జేసీ అభిప్రాయపడ్డారు. కొత్త ప్రభుత్వం ఏర్పడిన సందర్భంలో చిన్న చిన్న గొడవలు సహజమేనని అన్నారు. పోలీసులు సమర్థవంతంగా పనిచేస్తున్నారని జేసీ కితాబిచ్చారు.

విశాఖ శారదా పీఠాధిపతి స్వరూపానంద స్వామిని రేపు  ప్రత్యేకంగా కలవాలని వైఎస్ జగన్ మోహన్ రెడ్డి నిర్ణయించారు. ఈ నెల 4వ తేదీన జగన్‌ విశాఖ పర్యటన ఖరారైందని సీఎం కార్యాలయ వర్గాలు వెల్లడించాయి. రేపు జగన్  విశాఖ చేరుకొని స్వరూపానంద స్వామిని ప్రత్యేకంగా కలవనున్నారు. అనంతరం తిరిగి అమరావతి చేరుకోనున్నారు. మంత్రివర్గ విస్తరణపై కసరత్తు చేస్తున్న జగన్, ముహూర్తంపై స్వామి సలహాలు, సూచనలు తీసుకోనున్నారని తెలుస్తోంది. దీంతో పాటు అసెంబ్లీ ఎన్నికల్లో విజయం సాధించిన తరువాత జగన్, స్వరూపానందను కలవలేదు. జగన్ ప్రమాణ స్వీకారానికి ముహూర్తాన్ని కూడా స్వరూపానంద పెట్టారు. ఈ నేపథ్యంలో ఆయన్ను కలిసి కృతజ్ఞతలు తెలియజేయాలని జగన్ నిర్ణయించుకున్నారు.