news

వారం రోజుల క్రితం రిలీజ్ అయిన మహేష్ బాబు 'మహర్షి' సినిమాలోని చివరి సీన్ లో, జగపతిబాబు అంటాడు, కనీసం "ఆ ఒక్క ఊరిని వదిలేసి ఉండాల్సింది, ఈ ఇబ్బంది వచ్చేది కాదు అని"... రేపు మే 23 వ తారీఖున కూడా మోడీ & ...
చివరి డైలాగ్ అదే, కనీసం "ఆ ఒక్క రాష్ట్రాన్ని (ఆంధ్రప్రదేశ్) వదిలేసి ఉండాల్సింది అని" చెప్పుకుంటారు అంటూ, ఇప్పుడు ఇంటర్నెట్ లో ఇదే వ్యవహారం నడుస్తుంది. ఎందుకంటే, జవనరి 2018 వరకు మోడీ అనే వ్యక్తికి ఎదురు లేదు. అటు కాంగ్రెస్ పార్టీ కూడా మోడీని ఎదుర్కునే పరిస్థితిలో లేదు. మోడీకి ఎదురు లేదు అనుకున్న టైంలో, ఏపికి మోడీ అన్యాయం చేసారంటూ చంద్రబాబు పోరాటం మొదలు పెట్టారు. ఇది దేశ వ్యాప్త పోరాటం అయ్యింది. ప్రతిపక్షాలు అన్నీ ఏకం అయ్యాయి.

ఇప్పుడు ఎన్నికలు జరుగుతున్న వేళ, జాతీయ స్థాయిలో ప్రతిపక్షాల ఐక్యతకు తెలుగుదేశం పార్టీ అధినేత చంద్రబాబు కేంద్ర బిందువుగా మారారు. భిన్న ప్రవాహాలుగా ఉన్న ఆయా పార్టీల నేతలందరితో మాట్లాడగలిగే సాన్నిహిత్యం ఉండడం.. దానికి అవసరమైన చొరవ తీసుకోవడంతో ఆయన పాత్ర కీలకంగా మారుతోందని రాజకీయ వర్గాల్లో ప్రచారం జరుగుతోంది. సుదీర్ఘ కాలంగా జాతీయ స్థాయిలో వివిధ పార్టీల నేతలతో కలిసిమెలిసి పనిచేసిన అనుభవం, రాజకీయంగా సీనియర్‌ కావడం ఆయనకు కలిసి వస్తోంది. ఎన్డీఏతో తెగతెంపుల తర్వాతి నుంచి చంద్రబాబు ప్రతిపక్షంలో ఉన్న పార్టీలతో సంబంధాలు మొదలు పెట్టారు. లోక్‌సభలో మోదీ ప్రభుత్వంపై పెట్టిన అవిశ్వాస తీర్మానానికి ప్రతిపక్షాల్లో ఎక్కువ మంది మద్దతును కూడగట్టిన నాటి నుంచి ఆయన పాత్ర పెరగడం మొదలైంది. తర్వాత ఢిల్లీలో రెండు సార్లు ప్రతిపక్షాల నేతల సమావేశాల నిర్వహణలో కూడా ఆయన చొరవ తీసుకున్నారు.

ఈ పార్టీలన్నీ ఒక కూటమిగా కలిసి బరిలోకి దిగాలని మొదట అనుకున్నా రాష్ట్రాల్లో ఎక్కడికక్కడ వేర్వేరుగా ఉన్న సమీకరణలను పరిగణనలోకి తీసుకున్నాక ఆ యోచన విరమించుకున్నారు. రాష్ట్రాల్లో ఎవరు ఎలా పోటీ చేసినా జాతీయ స్థాయిలో బీజేపీకి వ్యతిరేకంగా నిలవాలని చంద్రబాబు ప్రతిపాదించారు. దీనికి ప్రతిపక్షాలన్నీ అంగీకారం తెలిపాయి. ఎన్నికల్లో పోటీ చేస్తున్న దశలో కూడా కొన్ని రాష్ట్రాల్లో ప్రతిపక్షాల మధ్య ఎన్నికల పొత్తులు కుదరడానికి చంద్రబాబు ప్రయత్నం చేశారు. బయటకు పెద్దగా ప్రచారం ఇవ్వకుండా ఆయా పార్టీల నేతలతో ఫోన్లలో మాట్లాడడం లేదంటే మధ్యవర్తులను పంపడం చేశారు. ఈ యత్నాలు కొన్నిచోట్ల సఫలమయ్యాయి. కొన్నిచోట్ల సఫలం కాలేదు. ఏపీలో ఎన్నికల సమయంలో విపక్షాల ఐక్యతను చాటడానికి చంద్రబాబు ఇతర పార్టీల నేతలను రాష్ట్రానికి ప్రచారానికి ఆహ్వానించారు. దేవెగౌడ, మమతా బెనర్జీ, అరవింద్‌ కేజ్రీవాల్‌ తదితరులు వచ్చారు. కర్ణాటక, తమిళనాడు, మహారాష్ట్ర, బెంగాల్‌ వెళ్లి ఆయన బీజేపీ వ్యతిరేక పార్టీల తరఫున ప్రచారం చేశారు. వీవీప్యాట్ల స్లిప్పుల లెక్కింపు అంశాన్ని ఎంచుకుని ఆ పేరుతో అన్ని ప్రతిపక్షాలను ఏకం చేయడానికీ కృషి చేశారు. ఈ అంశంపై 21 పార్టీలు కలిసి సుప్రీంకోర్టులో రివ్యూ పిటిషన్‌ వేయడం వంటి ద్వారా ఐక్యతా సందేశాన్ని ఇచ్చారు. ప్రస్తుత లోక్‌సభ ఎన్నికల్లో బీజేపీ బలం తగ్గనుందన్న సూచనలు అందుతుండడంతో బీజేపీయేతర విపక్షాలను ఏకం చేయడానికి ఆయన ముందు నుంచే పావులు కదుపుతున్నారు. రేపు కౌంటింగ్ రోజు చంద్రబాబు కనుక సక్సెస్ అయితే, నిజంగా మోడీ, అమిత్ షా ల నోటి నుంచి వచ్చే డైలాగ్, "ఆ ఒక్క రాష్ట్రాన్ని (ఆంధ్రప్రదేశ్) వదిలేసి ఉండాల్సింది అని"...

రాష్ట్ర ముఖ్యమంత్రి చంద్రబాబు నాయుడు రాష్ట్ర ఐఏఎస్‌ అధికారులపై ఇటీవల చేసిన వివాదాస్పద వ్యాఖ్యల నేపథ్యంలో చివర కు సీఎం-సీఎస్‌ల వరకూ గత కొంతకాలంగా ఉప్పు-నిప్పులా ఉన్న పరిస్థితులు సద్దుమణిగా యన్న అనుమానాలు కలుగుతున్నాయి. ఈనెల 5వ తేదీ ఆదివారం విజయవాడ కేంద్రంగా సుమారు 40 మందికిపైగా ఐఏఎస్‌ అధికారులు రహస్య భేటీ కావడం, అర్థరాత్రి వరకూ కొనసాగిన ఆ సమావేశంలో ముఖ్యమంత్రి వ్యాఖ్యలు మొదలుకొని, ఐఏఎస్‌ అధికారుల వరకూ ఉన్న లోపాలపై సుదీర్ఘంగా చర్చించారు. రాజకీయ నేతల పక్షాన కాకుండా ఐఏఎస్‌ అధికారుల్లో ఐకమత్యం పెరగాలన్న సీనియర్‌ ఐఏఎస్‌ల వాదనలతో ఏకీభవించిన పలవురు అధికారులు తమ నిర్ణయాలకు ఇకపై కఠినంగానే అమలు చేస్తామని స్పష్టం చేయడం గమనార్హం.

విజయవాడలో ఐఏఎస్‌ అధికారుల రహస్య భేటీపై నిఘా వర్గాలు కూపీ లాగి ఎలాంటి సమాచారం తెలియక పోవడంతో ముఖ్యమంత్రి చంద్రబాబు సంబంధితశాఖ అధికారులపై తీవ్ర ఆగ్రహం వ్యక్తం చేసినట్లు సమాచారం. అయితే రాష్ట్రంలో ఎన్నికల వాతావరణంలో ఏపార్టీకి మెజార్టీ వస్తుందో అన్న అంశంలోనూ చంద్రబాబు నాయుడు ఆచితూచి అంచనాలు వేయడం, కొన్ని సర్వే సంస్థలు టీడీపీకి వ్యతికేకంగా, కొన్ని టీడీపీకి అనుకూలంగా సర్వే నివేదికలు వెల్లడించడంతో ఆయోమయ పరిస్థితులు ఏర్పడ్డాయి. కానీ కేంద్ర నిఘా వర్గాల సమాచారం మేరకు రాష్ట్రంలో తిరిగి తెలుగుదేశం పార్టీయే అధికారాన్ని చేపట్టనున్నదన్న విషయం స్పష్టం కావడంతో చంద్రబాబు నాయుడు మళ్లి ప్రభుత్వాన్ని ఏర్పాటు చేసే సమయంలో ఐఏఎస్‌ అధికారుల్లో తిరుగుబాటు లేదా వ్యతిరేకత ఎక్కువ శాతం ఉన్నట్లయితే తీవ్ర ఇబ్బందులు ఎదుర్కొనే పరిస్థితి వస్తుందన్న ఉద్దేశంతోనే కాస్తంత మెత్తబడినట్లు ప్రచారం జరుగుతోంది.

కేబినెట్‌ సమావేశానికి సంబంధించిన వివరాలను ముఖ్యమంత్రికి వివరించేందుకు సీఎం అధికారిక నివాసానికి వెళ్లిన సీఎస్‌ ఎల్వీ సుబ్రహ్మణ్యంను సీఎం చంద్రబాబు ఆత్మీయంగా పలకరించడంతోపాటు ఆయనతో సుదీర్ఘంగా మంతనాలు జరపడంతో రాష్ట్ర ఐఏఎస్‌ అధికారుల సంఘం హర్షం వ్యక్తం చేసింది. అలాగే ఇదే ఒరవడిని ముఖ్యమంత్రి కొనసాగించినట్లయితే భవిష్యత్తులో ఐఏఎస్‌లకు, రాజకీయపార్టీల నేతలకు ఎలాంటి ఇబ్బందులు, పొరపొచ్చాలు వచ్చే అవకాశాలు లేవని వారు వ్యాఖ్యానిస్తున్నారు. మంగళవారం నాటి కేబినెట్‌లో సీఎం చంద్రబాబు, సీఎస్‌ ఎల్వీలు ఎంతో ఉత్సాహంగా కనిపించడంతో సీఎం-సీఎస్‌ల వ్యవహారం ఇక సమసిపోయినట్లే అని సీనియర్‌ ఐఏఎస్‌ అధికారులు వ్యాఖ్యానించారు.

టెన్త్ ఫలితాలు తెలుసుకునేందుకు విద్యార్థులు, వారి తల్లితండ్రులు ఆర్టీజీఎస్ వెబ్‌సైట్, దాని అనుబంధ పీపుల్స్ ఫస్ట్, కైజాలా యాప్ ఉపయోగించుకునేందుకు పోటీ పడ్డారు. టెన్త్ ఫలితాలులను ఆర్టీజీఎస్ సహా వివిధ యాప్‌ల ద్వారా తెలుసుకునేందుకు ఆర్టీజీఎస్ వీలు కల్పించింది. ఫలితాలు వెలువడిన వెంటనే వాటిని వెబ్‌సైట్‌లో పొందుపరిచారు. దీంతో కొన్ని సెకన్ల వ్యవధిలోనే వేలాదిమంది విద్యార్థులు తమ ఫలితాల కోసం ఆర్టీజీఎస్, దాని అనుబంధ యాప్‌లను సెర్చ్ చేశారు. టెన్త్ ఫలితాల కోసం దాదాపు 8.5 లక్షల హిట్లు నమోదు కావడం గమనార్హం. ఇందులో 4.14 లక్షల మంది తమ ఫలితాలను ఆర్టీజీఎస్ వేదికను ఉపయోగించుకుని డౌన్ లోడ్ చేసుకోవడం గమనార్హం.

ఆర్టీజీఎస్ వెబ్‌సైట్‌లో 5 లక్షల మంది ఫలితాల కోసం శోధించారు. దాని తరువాతి స్థానంలో 1.76 లక్షల హిట్స్‌తో పీపుల్స్ ఫస్ట్ యాప్ నిలచింది. ఖైజాలా యాప్ ద్వారా 44,541 మంది శోధించగా, 33,200 మంది ఫలితాలు డౌన్‌లోడ్ చేసుకున్నారు. ఏపీఫైబర్ నెట్ టీసీ స్క్రీన్ ద్వారా కూడా ఫలితాలు తెలుసుకునే వీలు ఆర్టీజీఎస్ కల్పించింది. ఇంట్లో టీవీ తెరపై హాల్ టికెట్ నెంబర్ టైప్ చేయగానే, తమ ఫలితాలు ప్రత్యక్షమవడం విద్యార్థులకు వింత అనుభూతిని ఇచ్చింది.