news

కేసీఆర్ ఫెడరల్ టూర్స్ .. దేశవ్యాప్త ఆసక్తిని రేకెత్తిస్తోంది. కేరళ సీఎంతో కీలకమైన చర్చలు జరిపిన ఆయన ఇప్పుడు తమిళనాడు పర్యటనకు వెళ్తున్నారు. స్టాలిన్‌తో భేటీ ఉంటుందని.. ప్రకటించినప్పటికీ డీఎంకే ఊహించని ట్విస్ట్ ఇచ్చింది. ఇక మిగిలింది కర్ణాటక జేడీఎస్. మరో రెండు మూడు రోజుల్లో కేసీఆర్ కర్ణాటక వెళ్లి కుమారస్వామిని కలుస్తారనే వార్తలు వస్తున్నాయి. అయితే, ఈ రోజు ఇండియన్ ఎక్ష్ప్రెస్ లో వచ్చిన సంచలన కధనం హాట్ టాపిక్ అయ్యింది. వారం రోజుల క్రితం, తెలంగాణాకు నీళ్ళు వదిలినందుకు, కర్ణాటక ప్రభుత్వానికి కృతజ్ఞతలు చెప్తూ, కేసీఆర్, కుమారస్వామికి ఫోన్ చేసారు. నీళ్ళు వదిలినందుకు ధన్యవాదాలు చెప్తూనే, రాజకీయాల గురించి కూడా మాట్లడరాని, ఇండియన్ ఎక్ష్ప్రెస్ కధనం.

ఆ సమయంలో, కేసీఆర్, కుమారస్వామికి ఒక సరికొత్త ప్రతిపాదన పెట్టారు. ఫెడరల్ ఫ్రంట్ లేదు ఏమి లేదు, నేను కేంద్రంలో కాంగ్రెస్ పార్టీకి మద్దతు ఇవ్వాలని అనుకుంటున్నా, కొంచెం మీరు ఈ విషయంలో నాకు కాంగ్రెస్ పార్టీకి మైత్రి కుదిరించే ప్రయత్నం చెయ్యండి అంటూ కోరినట్టు సమాచారం. తెలంగాణలో ఉన్న పరిస్థుతులు, గతంలో సోనియా గాంధీకి అన్యాయం చేసిన కారణంగా, డైరెక్ట్ గా కాంగ్రెస్ పార్టీతో మాట్లాడలేనని, అలా అని ఈ కూటమిని నడిపిస్తున్న చంద్రబాబు దగ్గరకు వెళ్లి కూడా అడగలనేను అని, అందుకే మిమ్మల్ని సహాయం అడుగుతున్నా అంటూ, కేసీఆర్, కుమారస్వామిని కోరినట్టు ఇండియన్ ఎక్ష్ప్రెస్ లో సంచలన కధనం వచ్చింది.

అయితే కేసీఆర్ ను ఇప్పటికిప్పుడు కాంగ్రెస్ నమ్మే పరిస్థితి లేదు. 2014లో అప్పటి వరకు కాంగ్రెస్ భజన చేసి, టీఆర్ఎస్ పార్టీని కాంగ్రెస్ పార్టీలో విలీనం చేస్తున్నా అని ప్రకటించి, ఎన్నికల ఫలితాలు రాక ముందే జై మోడీ అన్నారు. ఇప్పుడు మళ్ళీ మోడీ వచ్చే పరిస్థితి లేదని గ్రహించి, మళ్ళీ కాంగ్రెస్ వైపు వెళ్ళే అడుగులు వేస్తున్నారు. ముఖ్యంగా కేసీఆర్ మీద ఉన్న సహారా స్కాం మీద విచారణ మొదలవ్వకుండా ఉండాలి అంటే, కేసీఆర్ కు కేంద్ర ప్రభుత్వం అండ అవసరం. అందుకే ఇప్పటి నుంచే ఎత్తుగడలు మొదలు పెట్టారు కేసీఆర్. బయటకు హడావిడి చెయ్యటం, లోపల లొంగిపోవటం కేసీఆర్ కు బాగా అలవాటు అనే విషయం అందరికీ తెలిసిందే. ఇంత పెద్ద కధనం, దేశ వ్యాప్తంగా వస్తే, ఇప్పటి వరకు కేసీఆర్ ఈ కధనం గురించి ఖండించక పోవటం చూస్తుంటే, కేసీఆర్ మనసులో ఏముందో తెలిసిపోతుంది.

కడప జిల్లాలో వైసీపీ అధ్యక్షుడు జగన్‌ సొంత నియోజకవర్గం పులివెందులలోని ఒకానొక గ్రామంలో ఓ ప్రధాన పార్టీ ఓటుకు రూ.6వేల చొప్పున పంపిణీ చేసినట్లు సమాచారం. పైగా రెండు ప్రధాన పార్టీల తరపున ఒక్కో ఓటుకు మొత్తంగా రూ.11వేలు అందినట్లు తెలిసింది. ఇంత పెద్దఎత్తున డబ్బు పంపిణీ జరిగిన గ్రామం బహుశా రాష్ట్రంలో ఇదేనని రాజకీయ వర్గాలు అంటున్నాయి. రేటు ఇంత స్థాయికి పెరగడానికి రెండు ప్రధాన పార్టీలూ ప్రతిష్ఠాత్మకంగా తీసుకోవడం కారణమని ప్రచారం జరుగుతోంది. ఈ గ్రామం నియోజకవర్గంలోని సింహాద్రిపురం మండలంలో ఉంది. టీడీపీలో ఒక కీలక నేతకు ఇది స్వగ్రామం. వైఎస్‌ కుటుంబానికి సొంత మండలం. ఆ గ్రామంలో 1200 మంది ఓటర్లు ఉన్నారు.

గ్రామంలో తన పట్టు నిలుపుకొని మెజారిటీ సాధించడానికి అవతలి పార్టీ ఇచ్చిన దాని కంటే ఒక ఓటుకు రూ.1,000 అదనంగా ఇవ్వడం ఆ టీడీపీ నేత కొంతకాలంగా పాటిస్తున్నారు. పోయిన అసెంబ్లీ ఎన్నికల్లో ప్రత్యర్థి పక్షం ఒక ఓటుకు రూ.500 ఇచ్చింది. ఆయన తన గ్రామం వరకూ రూ.1,500 ఇచ్చారు. ఈసారి అనూహ్యంగా ప్రత్యర్థి పక్షం ఆ మండలంలో ఓటుకు రూ.2,500 పంచిందని సమాచారం. దాంతో టీడీపీనేత రూ.3వేలు చొప్పున ఇచ్చారని తెలిసింది. ఈ పరిణామాన్ని టీడీపీ నేత వర్గీయులు ఊహించలేదు. ప్రత్యర్థిపక్షం డబ్బు పంచాక టీడీపీ నేత వర్గీయులు తమలో తాము సమావేశం పెట్టుకొన్నారు. కొంతసేపు తర్జనభర్జన తర్వాత కష్టమైనా.. నష్టమైనా ఆనవాయితీ కొనసాగించేల్సిందేనని నిర్ణయించుకొన్నారు. ఆ ప్రకారం ఓటుకు రూ.4 వేల చొప్పున ఇవ్వాలని నిర్ణయించుకుని అదే రోజు పంపిణీ చేశారు. ఈ విషయం తెలియగానే ప్రత్యర్థి పక్షం అప్పటికే తాము పంచిన రూ.3వేలకు అదనంగా మరో రూ.3 వేలు పంచింది. దీంతో ఆ పార్టీ ఒక్కో ఓటరుకు రూ.6వేలు పంచినట్లయింది.

దీనితో టీడీపీ నేత వర్గీయులు ఆశ్చర్యపోయారు. ప్రత్యర్థి పక్షం నుంచి ఇంత పంపిణీని వారు ఊహించలేదు. మళ్లీ సమావేశం పెట్టుకున్నారు. అంతకు ముందు ఇచ్చిన రూ.4వేలకు అదనంగా మరో రూ.వెయ్యి ఇచ్చారు. అంటే 5వేలు పంచారన్న మాట. ఇది గాక ప్రతి ఓటరుకు ఒక టోకెన్‌ ఇచ్చారు. గ్రామంలో టీడీపీకి మెజారిటీ వస్తే ఆ టోకెన్‌ వెనక్కి తీసుకుని రూ.2వేలు ఇస్తామని వాగ్దానం చేశారు. మెజారిటీ రాకపోతే ఆ 2వేలు ఇవ్వరు. టీడీపీకి మెజారిటీ వస్తే ఆ పార్టీ ఇచ్చే మొత్తం ఒకో ఓటరకు రూ.7వేలు అవుతుంది. లేకపోతే రూ.5వేలు అవుతుంది. ప్రత్యర్థి పక్షం వైసీపీ రూ.6వేలు ఇచ్చింది. ఆ గ్రామంలో ఓటర్లకు ఇరు పార్టీల నుంచి ఇప్పటికి ఓటుకు రూ.11 వేలు అందాయి. ఇది నిజమేనని ఆ టీడీపీ నేత ధ్రువీకరించారు. ‘మా ప్రత్యర్థి పక్షం భయంతోనే ఎన్నికల్లో ఇంతింత పంపిణీ చేసింది. కళ్లు మూసుకొని గెలిచే చోట కూడా ఇంత పంపిణీ చేశారంటే అర్థం చేసుకోండి. మాగ్రామం వరకూ ఏదో తిప్పలుపడ్డాం’ అని ఆయన పేర్కొన్నారు.

ఏపీలో ఎన్నికల ముందు సంచలనం సృష్టించిన వైసీపీ నేత వైఎస్ వివేకానంద రెడ్డి హత్య కేసు ఏమైంది? రెండు నెలలు గడిచినా వివేక కేసులో ఎందుకు పురోగతి కనిపించలేదు? ఎన్నికల ముందు హడావుడి చేసిన వైసీపీ నేతలు, వివేకా కుమార్తె ఇప్పుడేమయ్యారు? దర్యాప్తు అధికారులు ఏమంటున్నారు? వివేకను హతమార్చిందెరో తుమ్మలపల్లి గంగిరెడ్డి అలియాస్ ఎర్ర గంగిరెడ్డి, ముణి వెంకట కృష్ణారెడ్డి, ఎద్దుల ప్రకాష్‌కు తెలుసు. హత్య చేసిన వారిని చట్టం నుంచి తప్పించేందుకు ఈ ముగ్గురు ఉద్దేపూర్వకంగానే ఘటనా స్థలం నుంచి సాక్ష్యాలను తుడిచేశారని రిమాండ్ రిపోర్టులో వివరించారు. హత్య జరిగి రెండు నెలలు గడుస్తున్నా అసలు వివేకాను హతమర్చిందెవరు? చేయించిదెవరో మాత్రం ఇప్పటికీ తేల్చలేకపోయారు.

‘మాజీ మంత్రి వై.ఎస్‌.వివేకానందరెడ్డిని హతమార్చిందెవరో తుమ్మలపల్లి గంగిరెడ్డి అలియాస్‌ ఎర్ర గంగిరెడ్డి, ములి వెంకటకృష్ణారెడ్డి, ఎద్దుల ప్రకాశ్‌లకు తెలుసు. హత్య చేసిన వారిని చట్టం నుంచి తప్పించేందుకు వీరు ముగ్గురు ఉద్దేశపూర్వకంగానే ఘటనాస్థలం నుంచి సాక్ష్యాధారాలను తుడిచేశారు’ అని రిమాండు రిపోర్టులో దర్యాప్తు అధికారులు పేర్కొన్నారు. ముగ్గురు నిందితులను 4 రోజులు కస్టడీకి తీసుకుని విచారించినప్పటికీ దోషుల వివరాలను రాబట్టడంలో సిట్ పూర్తిగా విఫలమైంది. హంతకులెవరో ఆ ముగ్గురు నిందితులకు తెలుసునని భావిస్తున్న అధికారులు వారినే లోతుగా విచారించడమో లేదా సత్యసాధన పరీక్షలకు అనుమతి తీసుకుని నిర్వహించడమో లేదా ఇతర మార్గాల ద్వారనైనా ప్రశ్నించి సమాచారం తెలుసుకోవచ్చు.

సిట్ అధికారులు మాత్రం ఇందులో విఫలమయ్యారు. ఈ బృందానికి ఎస్పీ స్థాయి అధికారి నేతృత్వం వహిస్తుండగా అదనపు డీజీ స్థాయి అధికారి పర్యవేక్షిస్తున్నారు. కడప జిల్లా పోలీసుల నేతృత్వంలో ఏడు, సిట్‌ ఆధ్వర్యంలో 5 బృందాలు పనిచేస్తున్నాయి. అయినా ఇప్పటికీ హంతకులెవరో తేల్చలేకపోయాయి. అయితే పోలీసులు ఇలా ఎందుకు చేస్తున్నారో అంతు పట్టటం లేదు. ఎన్నికల వంకతో, విజయసాయి రెడ్డి ఫిర్యాదు చేసారని, కడప జిల్లా ఎస్పీని మార్చారు. కేసు కీలక దశలో ఉండగా, ఎస్పీని మార్చటంతోనే అనుమానాలు వచ్చాయి. ఇప్పుడు దానికి తగ్గట్టే పోలీసులు ముందుకు తీసుకువెళ్లటం లేదు. రేపు చంద్రబాబు ప్రభుత్వం మళ్ళీ గెలిస్తే, అప్పుడు ఈ కేసు మళ్ళీ ముందుకు వెళ్ళే అవకాసం ఉంది. అయితే, అప్పటికి ఎంత వరకు సాక్షాలు దొరుకుతాయి అనేది అనుమానమే. ఇన్ని విషయాల పై గొడవ చేసే జగన్, అలాగే ఎన్నికల ముందు హడావిడి చేసిన వివేక కూతురు, అన్నిటికీ ఉత్తరాలు రాసే విజయసాయి రెడ్డి, ఎందుకు మౌనంగా ఉన్నారో, ఆ దేవుడికి, పైన ఉన్న వైఎస్ వివేకాకే తెలియాలి.