news

వైఎస్సార్ కాంగ్రెస్ పార్టీ అధ్యక్షుడు జగన్మోహన్ రెడ్డిపై ఎన్నో అవినీతి కేసులు ఉన్నాయని, అవినీతి కేసుల్లో ఉన్న జగన్‌ అధికారంలోకి వస్తే ఏమీ చేయలేరని కాంగ్రెస్ అధ్యక్షుడు రాహుల్‌గాంధీ అన్నారు. ఎన్నికల ప్రచారంలో భాగంగా ఆదివారం విజయవాడలో జరిగిన కాంగ్రెస్‌ భరోసా సభలో మాట్లాడుతూ ప్రధాని మోదీ రాజ్యాంగాన్ని నీరుగార్చాలని యత్నిస్తున్నారని విమర్శించారు. ఇలాంటి కుయుక్తులను సహించేది లేదని అన్నారు. ఈ దేశం ఏ ఒక్కరి సొత్తు కాదని, ఏపీతో తమ కుటుంబానికి ఆత్మీయ బంధం ఉందని రాహుల్‌ వ్యాఖ్యానించారు. కాంగ్రెస్ అధికారంలోకి వస్తే ఏపీకి ఏం చేస్తామో చెప్పేందుకే రాహుల్‌ గాంధీ ప్రాధాన్యం ఇచ్చారు.

న్యాయ పథకం పేదల జీవితాన్ని మారుస్తుందన్న రాహుల్ అందరికీ కనీస ఆదాయం కల్పించడమే కాంగ్రెస్‌కు లక్ష్యం అని అన్నారు. ఏపీ ప్రత్యేక హోదాకు కట్టుబడి ఉన్నామని ఆయన మరోసారి ప్రకటన చేశారు. అవినీతిలో కూరుకుపోయిన జగన్ ఏపీకి న్యాయం చేయలేరన్నారు. విమర్శలు, నెగిటివిటీకి దూరంగా రాహుల్ ప్రసంగం సాగింది. పూర్తిగా దెబ్బతిన్న ఏపీలో... సానుకూలత సృష్టించుకునే వ్యూహంలో ఆయన మాట్లాడారు. రాష్ట్రంలో కాంగ్రెస్ మూలాలతో సహా తుడిచిపెట్టుకుపోయాక... మళ్లీ తొలి అడుగులేస్తున్నట్టుగా రాహుల్ ప్రసంగించారు. కాంగ్రెస్‌కెందుకు ఓటెయ్యాలో చెప్పేందుకు రాహుల్ ప్రాధాన్యం ఇచ్చారు.

ఈ సందర్భంగా వైసీపీ అధినేత జగన్ పై రాహుల్ గాంధీ విరుచుకుపడ్డారు. జగన్ పై ఎన్నో అవినీతి కేసులు ఉన్నాయని రాహుల్ గాంధీ విమర్శించారు. ఆయనకు అధికారం అప్పగిస్తే ఎలాంటి అభివృద్ధి జరగదని స్పష్టం చేశారు. ఒకవేళ అధికారం అప్పగించినా అవినీతిలో కూరుకుపోయిన జగన్ ఏపీకి న్యాయం చేరలేరని వ్యాఖ్యానించారు. మొత్తానికి రాహుల్ వ్యాఖ్యలతో జగన్ పై మరింత ఒత్తిడి పెరిగింది. కాంగ్రెస్ పార్టీ ఓటు బ్యాంక్ తో రాజకీయం చేస్తున్న జగన్, ఇప్పుడు కాంగ్రెస్ ఒకటి రెండు శాతం పుంజుకున్నా, జగన్ కు భారీ దెబ్బ తగలటం ఖాయం. మరో పక్క మోడీ ఓడిపోయి, కాంగ్రెస్ అధికారంలోకి వస్తే, జగన్ కేసుల విచారణ స్పీడ్ అయ్యే అవకాసం కూడా ఉంది.

మంగళగిరి అభివృద్ధి అడ్డుకోటానికి పక్క రాష్ట్రము సాక్షిగా పన్నిన, కుట్రను తెలుగుదేశం నేతలు పక్క ఆధారాలతో పట్టుకున్నూరు. ముఖ్య మంత్రి కుమారుడు నారా లోకేష్ పోటీ చేస్తున్న చేస్తున్న మంగళగిరి నియోజకవర్గం మీద అందరి ద్రుష్టి కేంద్రీకృతం అయిన సంగతి తెలిసిందే. నన్ను గెలిపిస్తే మంగళగిరి ని మరో గచ్చిబౌలి చేస్తాను అని లోకేష్ విస్తృతంగా నియోజకవర్గంలో ప్రచారం చేస్తున్నారు. ఇప్పటికే మంగళగిరి నియోజకవర్గం లో ఒక దఫా ప్రచారం పూర్తీ చేసుకుని జిల్లాల పర్యటనకు లోకేష్ వెళ్లారు. ప్రజలకు ఏమి చేస్తాను అనేది చెప్తూ, అక్కడ ప్రజలని ఆకట్టుకుంటున్నారు. మరో పక్క 12 ఓట్లతో గెలిచి, రాష్ట్రంలో జరిగే ప్రతి మంచి పనికి, లిటిగేషన్ పెట్టే, జగన్ ఆప్తుడు ఆర్కే మరో పక్క ఉన్నారు.

దీంతో, లోకేష్ ని చట్ట సభలోనికి అడుగుపెట్టనీయకూడదు అని వైకాపా ఎత్తులు వేస్తోంది. దీనిలో భాగంగా మంగళగిరి నియోజకవర్గంలో ఎప్పుడు చూడని కొత్త వ్యక్తులు మనకి కనిపిస్తున్నారు. వాళ్ళు అందరు పీకే టీం మనుసులు అని నియోజకవర్గంలో అనుకుంటున్నారు. తెలంగాణ రిజిస్ట్రేషన్ తో ఉన్న కార్లు వేసుకుని, మంగళగిరి నియోజకవర్గం లో వైకాపా జెండాతో వాహనాలు తిరుగుతున్నాయి. నల్ల బాట్లతో,ఆ వాహనాల్లో లాప్టాప్ తో కొంత మంది ఉంటున్నారు. వీరు ఇంటి ఇంటికి తిరుగుతున్నారు, ప్రజల వద్ద నుంచి ఆధార్, బ్యాంకు అకౌంట్ లు సేకరిస్తున్నారు. చిన్న చిన్న సమావేశాలు పెడుతున్నారు. అసలు తెలంగాణ నుంచి ట్రాన్స్ పోర్ట్ పర్మిట్ ఉన్న వాహనం వైకాపా జెండా కట్టుకుని నియోజకవర్గం లో ఎలా తిరుగుతోంది ?

ఈ వాహనానికి పర్మిట్ ఎవరు తీసుకున్నారు ? పక్క రాష్ట్రము యువకులు కి ఇక్కడ ఏమి పని ? దీనిని పక్క రాష్ట్రము సాక్షిగా మన రాష్ట్ర అభివృద్ధి ఆడుకోటానికి కుట్ర గానే చూడాలి అని మంగళగిరి లో పలువురు వ్యాఖ్యానిస్తున్నారు. లోకేష్ గెలుపుని అడ్డుకోటానికి ఇలాంటి టీంలుని రంగంలోనికి దించారు. దీని వెనెక పక్క రాష్ట్రము లో పెద్దలు హస్తం ఉంది అని నియోజకవర్గం లో గుసగుసలు వినిపిస్తున్నాయి. అయితే, ఇది పసిగట్టిన తెలుగుదేశం కార్యకర్తలు, వీళ్ళను కాపు కాసి రెడ్ హ్యాండెడ్ గా పట్టుకున్నారు. 7 గురు పీకే సభ్యులని పట్టుకుని, మంగళగిరి పోలీసులకు అప్పగించారు. ఓటు కి 20 వేలు ఇస్తాం అంటూ పీకే టీం దొరికిందని, అందుకే పోలీసులకు అప్పచెప్పామని, వీళ్ళు ఇక్కడ ఏ కుట్ర పన్నారో, విచారణలో తేలుతుందని అన్నారు.

అందరి మీద నోరు పారేసుకుని, వాళ్ళ చేత లెఫ్ట్ అండ్ రైట్ వాయించుకునే జీవీఎల్ మళ్ళీ వచ్చారు. ఈ సారి, జనసేన అధినేత పవన్ కల్యాణ్‌పై బీజేపీ ఎంపీ జీవీఎల్ నర్సింహారావు షాకింగ్ కామెంట్స్ చేశారు. ఆదివారం మధ్యాహ్నం మీడియాతో మాట్లాడిన ఆయన.. పవన్ కళ్యాణ్ ప్యాకేజీ కళ్యాణ్‌గా మారిపోయారని ఆరోపించారు. పవన్.. పెద బాబునే కాదు చిన బాబును కూడా పల్లెత్తు మాట అనడం లేదని విమర్శలు గుప్పించారు. మంగళగిరి వైపు ఆయన కనీసం కన్నెత్తి కూడా చూడటం లేదని విమర్శించారు. పవన్ సినిమాల్లోనే కాదు నిజ జీవితంలో కూడా నటిస్తున్నారని జీవీఎల్ వ్యాఖ్యానించారు. అందుకే పవన్ ఇటువంటి నాటకాలకు ఫుల్ స్టాప్ పెడితే ఆయనకే మంచిదని జీవీఎల్ హితవు పలికారు.

"దేశ వ్యాప్తంగా జరుగుతున్న లోక్ సభ ఎన్నికల్లో మోదీ ఎన్డీఏ ఒకవైపు.. పూర్తిగా భంగపడి, వైఫల్యం చెందిన పార్టీలన్నీ మరోవైపు ఉన్నాయి. ప్రతిపక్ష ఫార్టీలన్నీ కుక్కలు‌ చింపిన విస్తరిలా మారిపోయాయి. బీజేపీకి స్వతహాగా 300కు పైగా సీట్లు రావడం ఖాయం. ఎన్డీఏ కూటమికి గతంలో కన్నా ఎక్కువ సీట్లు వస్తాయి. చంద్రబాబు, రాహుల్ గాంధీ, మమతా వంటి వారికి ఓటమి భయం పట్టుకుంది.అందుకే బీజేపీ పైనా, మోదీ పైనా వ్యక్తిగత విమర్శ లు చేస్తున్నారు. రాహుల్ అందుకే రెండు స్థానాల నుంచి పోటీ చేస్తున్నారు. కేరళ వంటి రాష్ట్రంలో కమ్యూనిస్టులతో ఒప్పందం‌ చేసుకుని రాహుల్ పోటీకి సిద్ధమయ్యారు" అని జీవీఎల్ విమర్శలు గుప్పించారు.

"చంద్రబాబును ప్రజలు పట్టించుకోకపోవడంతో జాతీయ నేతలను తీసుకొచ్చి ప్రచారం చేసుకుంటున్నారు. గంటలపైగా మాట్లాడే బాబు ఏపీకి ఏంచేశారో చెప్పడం లేదు. కేంద్ర పథకాలను బాబు తన పథకాలుగా చెప్పుకుంటున్నారు. కియా వ్యవహారంలో అన్నీ కేంద్ర ప్రభుత్వం చేస్తే.. తానే తెచ్చానని చంద్రబాబు ప్రచారం చేసుకుంటున్నారు. ఏపీలో చంద్రబాబు చెప్పిన సోదే మళ్లీ మళ్లీ చెబుతున్నారు. ఆయనను ప్రజలు పట్టించుకోక పోవడంతో జాతీయ నాయకులను తీసుకువచ్చి ప్రచారం చేసుకుంటున్నారు. గంటలు గంటలు మాట్లాడే బాబు ఏపీకి ఏం చేశానో మాత్రం చెప్పడం లేదు. స్టిక్కర్ బాబుగా పేరు గాంచిన చంద్రబాబు కేంద్రం పధకాలను తనవిగా చెప్పుకుంటున్నారు. టీడీపీ ప్రకటనలు చూస్తే చాలా గొప్పగా ఉన్నాయి. వాటి వెనుక అమలు మాత్రం అంతా డొల్లే కేంద్రం పేదలకు ఇళ్లు ఇస్తే.. తన గొప్పగా చెప్పుకుంటున్నారు. త్వరలో సైకిల్‌ పూర్తిగా కనుమరుగు కావడం ఖాయం. టీడీపీలో కొంతమంది రాజకీయ బ్రోకర్లు తయారయ్యారు..నోరుపారేసుకోవడమే పనిగా పెట్టుకున్నారు" అని జీవీఎల్ విమర్శలు గుప్పించారు.