news

రాష్ట్రంలో ఎన్నికల వేళ, అతి దారుణమైన గేమ్ నడుస్తుంది. ముఖ్యంగా జగన్, కేసీఆర్, విజయసాయి చేస్తున్న కుట్రలు, అమిత్ షా, మోడీ డైరెక్షన్ చూసి, ఏపి ప్రజలు ఛీదరించుకుంటున్నారు. గత పది పదిహేను రోజులుగా, వోట్లు స్కాం, డేటా వార్ ఇవన్నీ ప్రజలు గమనిస్తున్నారు. 8 లక్షల ఓట్లు తీసివెయ్యమని, నేనే ఫారం-7 ఇచ్చాను అంటూ జగన్ మోహన్ రెడ్డి బహిరంగంగా ప్రకటన చేసి అందరినీ ఆశ్చర్యపరిచారు. ఒక పక్క తెలుగుదేశం ఓట్లు తొలగిస్తుంది అంటూనే, ఇప్పుడు ఏకంగా నేనే ఓట్లు తీపిస్తున్నా అని చెప్పూరు. అయితే ఫారం-7 ద్వా ఓట్లు తొలగించటానికి, ఒక సర్వే చేస్తున్నారు. ఇదంతా ప్రశాంత్ కిశోరే స్కెచ్ ప్రకారం జరుగుతూ వస్తుంది. అయితే, ఇప్పుడు ఏబీఎన్‌ ఛానల్ ని, సర్వే కోసం వాడుతూ దొరికిపోయారు.

ఏబీఎన్‌ను అప్రతిష్టపాలు చేయడానికి ప్రయత్నాలు మొదలయ్యాయి. ఏబీఎన్‌ సర్వే పేరుతో ఏపీలో ఫేక్‌కాల్స్‌ కలకలం సృష్టిస్తున్నాయి. ఏబీఎన్‌ పేరుతో సర్వే చేస్తున్నామంటూ కొందరికి ఫోన్‌కాల్స్ రావడంపై యాజమాన్యానికి ఫిర్యాదులు అందాయి. ఎవరికి ఓటేస్తారో చెప్పాలంటూ సమాచార సేకరణకు అగంతకులు పాల్పడుతున్నట్లు సంస్థ దృష్టికి వచ్చింది. ఇలాంటి కాల్స్‌తో ఏబీఎన్‌కు ఎలాంటి సంబంధం లేదని స్పష్టం చేస్తున్నామని, ఫేక్‌కాల్‌ చేస్తున్న వారిపై చట్టపరమైన చర్యలు తప్పవని ఏబీఎన్ హెచ్చరించింది. ఫేక్‌ కాల్స్‌ చేసేవారిని ఉపేక్షించబోమని ఏబీఎన్‌ యాజమాన్యం స్పష్టం చేసింది.

ఏపీలో అసెంబ్లీ ఎన్నికలు సమీపిస్తున్న నేపథ్యంలో కాబోయే ముఖ్యమంత్రి ఎవరనే అంశంపై చర్చోపచర్చలు జరుగుతున్నాయి. రచ్చ బండల దగ్గర్నుంచి రాజకీయ వర్గాల దాకా సర్వత్రా ఇదే చర్చ. ఈ నేపథ్యంలో ఓ జాతీయ దినపత్రిక తాజాగా ఓ సర్వేను విడుదల చేసింది. ఈ సర్వే ప్రకారం... టీడీపీ ప్రభుత్వ పాలన సంతృప్తికరంగా ఉందని 52.7 శాతం మంది ప్రజలు స్పష్టం చేశారు. అదే సమయంలో టీడీపీ పాలనపై 47.3 శాతం మంది పెదవి విరిచినట్లు సర్వే పేర్కొంది. హంగ్ అసెంబ్లీ ఏర్పడితే జనసేన పార్టీ కీలక భూమిక పోషించే అవకాశముందని సర్వే తెలిపింది. సీఎం చంద్రబాబు ప్రవేశపెట్టిన అన్నదాత సుఖీభవ, పసుపు-కుంకుమ, నిరుద్యోగ భృతి పెంపు, ఫించను పెంపు అంశాలు టీడీపీపై సానుకూలతను పెంచాయని సర్వే స్పష్టం చేసింది. ఇది మార్చి 2 నుంచి 8వ తేదీలోపు జరిగిన సర్వేగా ఆ మీడియా సంస్థ పేర్కొంది.

ప్రముఖ మతబోధకుడు, ప్రజాశాంతి పార్టీ అధ్యక్షుడు కేఏ పాల్‌ సంబరం ఆవిరైంది. ప్రజాశాంతి పార్టీ అధ్యక్షుడు కె.ఎ.పాల్‌కు కేంద్ర ఎన్నికల సంఘం షాకిచ్చింది. ఆయన పార్టీ గుర్తు హెలికాప్టర్‌ను పక్కనపెట్టింది. ఆయన హెలికాప్టర్‌ గుర్తు తమ పార్టీ గుర్తు ఫ్యాన్‌ను పోలి ఉండడంతో ఎన్నికల్లో తమకు నష్టం జరిగే అవకాశం ఉందని, అందువల్ల దాన్ని తొలగించాలని వైసీపీ అధినేత జగన్ సూచన మేరకు, మాజీ ఎంపీ వై.వి.సుబ్బారెడ్డి ఎన్నికల సంఘానికి ఫిర్యాదు చేసిన విషయం తెలిసిందే. ఈ ఫిర్యాదుపై స్పందించిన ఈసీ పాల్‌కు నోటీసులు జారీ చేసింది. దీనిపై స్పందించిన పాల్‌ ప్రపంచంలో ఎక్కడైనా హెలికాప్టర్‌, ఫ్యాన్‌ ఒకేలా ఉండడం చూశామా? ఇందులో వైసీపీ దురుద్దేశం ఉందని ఆరోపించారు.

రెండు గుర్తుల మధ్య తేడాను ప్రజలు స్పష్టంగా గుర్తించగలరని ఈసీకి సమాధానమిచ్చారు. పాల్‌ స్పందనను పెద్దగా పట్టించుకోని ఈసీ ఆయన గుర్తును పక్కన పెడుతూ నిర్ణయం తీసుకుంది. అయితే, హెలికాప్టర్ గుర్తును పక్కనపెట్టి మరో గుర్తును కేటాయించేందుకే ఈసీ మొగ్గు చూపుతున్నట్టు సమాచారం. ప్రజాశాంతి పార్టీ గుర్తు హెలికాప్టర్ తమ ఫ్యాన్ గుర్తును పోలి ఉండడంతో ఓటర్లు పొరబడే అవకాశం ఉందని, కాబట్టి దానిని తొలగించి, ఆ స్థానంలో వేరే గుర్తును కేటాయించాలంటూ వైసీపీ నేత వైవీ సుబ్బారెడ్డి ఎన్నికల సంఘాన్ని ఆశ్రయించారు. ఇప్పుడు గుర్తు రద్దు చెయ్యటంతో పాల్ లబోదిబో అంటున్నారు. జగన మోహన్ రెడ్డి ఏమి చేసినా ఈసీ సై అంటుందని, తెలుగుదేశం పై కూడా ఇలాగే కంప్లైంట్ ఇచ్చిన విషయాన్ని విశ్లేషకులు గుర్తు చేస్తున్నారు.

ఇదే విషయం పై నిన్న పాల్ మీడియాతో మాట్లాడారు. తమ పార్టీకి హెలికాప్టర్‌ గుర్తును కొనసాగించమని కేంద్ర ఎన్నికల సంఘాన్నికోరినట్లు కె.ఏ.పాల్‌ తెలిపారు. దిల్లీలో శనివారం ఆయన విలేకరులతో మాట్లాడారు. వైకాపా నేత వై.వి.సుబ్బారెడ్డి ఫిబ్రవరి 21న ఎన్నికల కమిషనర్‌ను కలిసి హెలికాప్టర్‌ గుర్తు తమ పార్టీ ఫ్యాన్‌ గుర్తును పోలి ఉందని.. ఎన్నికల్లో తమకు ఇబ్బంది ఉన్నందున ఆ గుర్తును నిలిపివేయాలని ఫిర్యాదు చేశారని తెలిపారు. ప్రస్తుతం ఎన్నికల సంఘం తమ గుర్తును హోల్డ్‌లో ఉంచిందని.. దీనిపై తమకు నోటీసు ఇవ్వడంతో తాము ఎన్నికల సంఘం అధికారులను కలిసి తమ గుర్తును కొనసాగించమని కోరినట్లు తెలిపారు. అయితే పాల్ ఆశలు ఆవిరి అయ్యాయి.

ఎన్నికలకు టీడీపీ సిద్ధమవుతోంది. కొన్ని రోజులుగా అభ్యర్థుల ఎంపికపై ముఖ్యమంత్రి చంద్రబాబు కసరత్తు చేస్తున్నారు. ఆదివారంతో పార్లమెంట్ నియోజకవర్గాల సమీక్ష కూడా పూర్తి అవుతుంది. మొత్తం 25 పార్లమెంట్ స్థానాలు, 175 అసెంబ్లీ నియోజక వర్గాలకు సంబంధించి ఇవాల్టితో పూర్తి స్థాయి సమీక్ష సమావేశాల ముగుస్తాయి. లోక్ సభ, అసెంబ్లీకి సంబంధించి దాదాపుగా అభ్యర్థులను ఖరారు చేసినట్లు సమాచారం. ఎంపిక చేసిన అభ్యర్థులను ఈనెల 13, 14 తేదీల్లో ప్రకటించే అవకాశం ఉన్నట్లు సమాచారం. దీంతో తెలుగుదేశం నేతల్లో హీట్ పెరిగిపోయింది. మొదటి లిస్టు లో ఎవరి పేరు ఉంటుందా అనే టెన్షన్ నేతల్లో మొదలైంది. ఇప్పటికే కొంత మందికి మౌఖికంగా ఆదేశాలు ఇచ్చారు.

గతంలోలా కాకుండా ఈసారి అన్నీ తానై చంద్రబాబు అభ్యర్థులను ఎంపిక చేశారు. అసెంబ్లీ 150 స్థానాల విజయం లక్ష్యంగా పెట్టుకున్నారు. తెలుగుదేశం పార్టీ అభ్యర్థుల ప్రకటన ఎప్పుడు ఆఖరి నిముషంలో ఉంటుంది. అలాంటిది గతానికి భిన్నంగా ఈసారి ముందుగానే పూర్తిస్థాయిలో అభ్యర్థులను ఎంపిక చేశారు. అయితే తెలుగుదేశం పార్టీ సమీక్షలు ఆదివారంతో ముగియనున్నాయి. ఇప్పటికే 100 అసెంబ్లీ స్థానాలకు ముఖ్యమంత్రి చంద్రబాబునాయుడు అభ్యర్థులను ఖరారు చేశారు. ఒకటి, రెండు రోజుల్లో 115 మందితో టీడీపీ జాబితా విడుదల కానుంది. ఇదిలా ఉండగా అరకు పార్లమెంట్‌ పరిధిలోని అసెంబ్లీ స్థానాలపై ముఖ్యమంత్రి చంద్రబాబునాయుడు ఆదివారం కసరత్తు నిర్వహిస్తున్నారు.

ఈ రోజు చంద్రబాబు టెలి కాన్ఫరెన్స్ లో మాట్లాడుతూ, తెలంగాణ సీఎం కేసీఆర్ ఇప్పుడు అమరావతి రాలేరని, వేల కోట్లు పంపిస్తారనిచంద్రబాబు అన్నారు. ఇప్పటికే రూ. వెయ్యి కోట్లు వచ్చాయని చెబుతున్నారని, కేసీఆర్ సంపాదించిన డబ్బులో ఇక్కడ పెట్టుబడి పెడుతున్నారని విమర్శించారు. ఎందుకు పెట్టుబడి పడుతున్నారంటే ఆయనకు సామంత రాజ్యం కావాలని, దానికి ఒక పథకం ప్రకారం మనిషిని పెట్టుకున్నారని.. ఆ మనిషే జగన్మోహన్ రెడ్డని చంద్రబాబు అన్నారు. అతనిని ఎంపోర్ చేస్తూ డబ్బులు పంపిస్తున్నారని, ఇప్పటికే రూ. వెయ్యి కోట్లు పంపించారని.. ఇంకా ఎంత పంపిస్తారో తెలియదని అన్నారు. అదే కేసీఆర్ తనకిచ్చిన రిటర్న్ గిఫ్ట్ అని చంద్రబాబు పేర్కొన్నారు. ఇది ఆంధ్రప్రదేశ్ రాష్ట్ర ఐదు కోట్ల ప్రజల ఆత్మగౌరవానికి సంబంధించిన విషయమని అన్నారు. జగన్ తన కేసుల మాఫీ, ప్రయెజనాల కోసం.. కేసీఆర్, ఢిల్లీలో ఉన్న నాయకులందరూ కలిసి కుట్రలు పన్నితే.. ఖబడ్దార్ జాగ్రత్తగా ఉండాలని, ఇక్కడ వాళ్ల ఆటలు సాగనియ్యమని చంద్రబాబు హెచ్చరించారు.