news

ప్రజాశాంతి పార్టీ అధ్యక్షుడు, క్రైస్తవ మతబోధకుడు కేఏ పాల్ ఈ రోజు మీడియాతో మాట్లాడుతూ, చెలరేగిపోయారు. ఎప్పుడూ ఎన్నికలు ముందు వచ్చే పాల్, ఈ సారి కూడా ఎన్నికల ముందు ఎంట్రీ ఇచ్చారు. ఏపీలో ఎన్నికలు దగ్గరపడుతుండటంతో మరింత డోస్ పెంచిన పాల్.. అసలు టీడీపీ, వైసీపీలకు డిపాజిట్లు రావని ఏపీకి కాబోయే సీఎంను తానేనని ఆయనకు ఆయనే జోస్యం చెప్పుకున్న సందర్భాలు గత నెల రోజులుగా కోకొల్లలు. అంతటితో ఆగని ఆయన ఏపీలో తమ పార్టీ ఎవ్వరికీ మద్దతివ్వదని.. మాతో కలసి పనిచేయాలనుకున్న పార్టీకి ఐదో, పదో సీట్లిస్తామని కూడా చెప్పుకొచ్చిన సంగతి అందరికీ తెలిసిందే. వైసీపీ అధినేత వైఎస్ జగన్- టీఆర్ఎస్ వర్కింగ్ ప్రెసిడెంట్ కేటీఆర్‌ల భేటీ తెలుగు రాష్ట్రాల్లో ప్రస్తుతం చర్చనీయాంశమైంది. ఈ వ్యవహారంపై తాజాగా కేఏ పాల్ మాట్లాడుతూ షాకింగ్ కామెంట్స్ చేశారు.

టీఆర్‌ఎస్ నేత కేటీఆర్, వైసీపీ అధినేత జగన్ భేటీతో ఏపీ ఎన్నికల్లో ప్రజాశాంతి పార్టీ గెలుపు ఖాయమైందని ఆ పార్టీ అధ్యక్షుడు కేఏ పాల్ ధీమా వ్యక్తం చేశారు. జగన్‌కు సీఎం కేసీఆర్ ప్రచారం చేస్తే డిపాజిట్లు కూడా రావని జోస్యం చెప్పారు. " వైఎస్ జగన్- కేటీఆర్ కలిసినందుకు ధన్యవాదాలు. వైఎస్ జగన్‌‌ తరఫున టీఆర్ఎస్ అధినేత, తెలంగాణ సీఎం కేసీఆర్ ప్రచారం చేయాలని కోరుతున్నాను. సీఎం కేసీఆర్ ప్రచారం చేస్తే జగన్ పార్టీకి డిపాజిట్లు దక్కవు. తెలంగాణలో కూటమి తరపున చంద్రబాబు ప్రచారం చేసినందుకే అక్కడ కూటమికి డిపాజిట్లు కూడా రాలేదు. చంద్రబాబును ఏపీ ప్రజలు నమ్మడం లేదు. వచ్చే ఎన్నికల్లో ఏపీలో గెలిచేది ప్రజాశాంతి పార్టీనే. జగన్ లక్ష కోట్లు దోచుకున్నట్లు రుజువైంది. జగన్‌పై 12 ఈడీ కేసులు ఉన్నాయి. కేసీఆర్‌కు నేను ఆంటే చాలా అభిమానం" అని ఈ సందర్భంగా ఆయన చెప్పుకొచ్చారు.

అంతటితో ఆగని పాల్ బీజేపీకి ఓపెన్ ఛాలెంజ్ చేశారు. "కన్నా లక్ష్మీనారాయణను నేను కలిసిన సమయంలో టీఆర్ఎస్‌కు మద్దతు ఇమ్మని అడిగారని.. ఆయన ఎందుకిలా అన్నారో అర్థం కాలేదు. కానీ ఇప్పుడు చాలా క్లారిటీగా అర్థం అయింది. వైఎస్ జగన్, బీజేపీ, టీఆర్ఎస్ ఈ మూడు ఒక్కటే. నా మీద అవినీతి ఫైల్స్ ఉంటే కేసులు వేసుకోండి.. ఇది బీజేపీకి నా ఓపెన్ ఛాలెంజ్. ప్రధాని మోదీకి నాకంటే గతంలో సన్నిహితులు ఎవరూ లేరు. గత ఎన్నికలకు ముందు బీజేపీకి నేను మద్దతు ఇస్తుంటే ఎల్‌కే అద్వానీ వద్దు అన్నారు. మోడీ మోసగాడు నన్నే మోసం చేశారు.. ఆయన్ను నమ్మొద్దు అని అద్వానీ నాతో స్వయంగా అన్నారు. ఇప్పుడు అదే మోసపూరిత రాజకీయాలు ఏపీలో కూడా మోడీ చేస్తున్నారు" అని పాల్ సంచలన ఆరోపణలు చేశారు.

ఆంధ్రుల ఆరాధ్య దైవం ఎన్టీఆర్ జీవిత కథ ఆధారంగా ఒక సినిమా తెరకెక్కిన సంగతి తెలిసిందే. ఎన్టీఆర్ కథానాయకుడు పేరుతో ఒక సినిమా ప్రేక్షకుల ముందుకి వచ్చి మంచి మార్కులే తెచ్చుకుంది. బాలయ్య నటనకు విమర్శకుల ప్రసంశలు సైతం దక్కాయి. ఇక ఇదిలా ఉంటె ఈ సినిమా విషయంలో రాజకీయాలు చేస్తున్నాయి ఆంధ్రప్రదేశ్ విపక్ష పార్టీలు. ఇక ఇదే సమయంలో ఎన్టీఆర్ వేసిన పాత్రల విషయంలో బాలకృష్ణను టార్గెట్ చేసి విమర్శలు చేస్తున్నారు. బాలకృష్ణ అచ్చం మాయవతిలా ఉన్నారని ఎవరికి తోచిన కుళ్ళు జోకులు వాళ్ళు వేస్తున్నారు. ఇక చిరంజీవి తమ్ముడు నాగబాబు కూడా ఇలాంటి పోస్టులే సోషల్ మీడియాలో పెడుతున్నారు. వీళ్ళకి తోడుగా, అప్పటి విలన్ నాదేండ్ల బాస్క‌రావు కూడా లైన్ లోకి వచ్చాడు. పనిగట్టుకుని, యుట్యూబ్ లో ఇంటర్వ్యూ లు ఇచ్చి, చంద్రబాబుని, ఎన్టీఆర్ ని తిడుతూ, అవాస్తవాలు చెప్తూ విష ప్రచారం చేసాడు.

అయితే చిత్తూరు పర్యటనలో ఉన్న చంద్రబాబు మీడియా సమావేశం పెట్టారు. ఈ సందర్భంగా విలేకరులు, నాదేండ్ల బాస్క‌రావు ఇటీవల చేసిన వ్యాఖ్యల పై చంద్రబాబుని ప్రశ్నించారు. అయితే చంద్రబాబు మాత్రం, ఆయన ఏమి మాట్లాడారో నాకు తెలియదని, ఆయన ఏమి మాట్లాడారని అడిగారు. దీనికి బదులు ఇస్తూ, మీతో సాన్నిహిత్యం, మీ గురించి గతంలో తిరుపతిలో జరిగిన విషయాలు, ఇలా అన్ని విషయాలు సోషల్ మీడియాలో విరల అవుతున్నాయని అన్నారు. దీనికి చంద్రబాబు స్పందిస్తూ, నేను ఇక్కడే పుట్టాను, పెరిగాను, నేనేంటో మీకు తెలియదా అని విలేఖరులని అడిగారు. 40 ఏళ్ళు నుంచి ప్రజల్లోనే ఉన్నానని, నా గురించి ప్రజలకు తెలియదా అని అన్నారు. అసలు ఆయనకు నాకు సాన్నిహిత్యం ఎప్పుడు ఉందని అన్నారు.

తిరుపతిలో చూసారు, 40 ఏళ్ళు తెలుగు ప్రజలు చూసారు, ఇప్పటి వరకు ఎవరూ నా పై ఒక్క ఆరోపణ అయినా నిరూపించారా అని అన్నారు. నేను ఎప్పుడూ హుందా తనం తప్పలేదని, క్యారక్టర్ మైంటైన్ చేసాను అని, అది ప్రజలందరికీ తెలుసని అన్నారు. చివరగా దీని పై స్పందిస్తూ, అదిరిపోయే కౌంటర్ ఇచ్చారు. ఈ 40 ఏళ్ళలో, నా క్యారక్టర్ దెబ్బతియ్యటానికి ఎన్నో సార్లు ప్రయత్నం చేసారని, కాని ఆకాశం మీద ఉమ్మితే, వచ్చి వాళ్ళ మోఖానే పడుతుందని, నాకు ఇలాంటి వాళ్ళ ఆరోపణలు ఎప్పుడూ లెక్క లేదని, ప్రజలే తేల్చారని, తేలుస్తారని అన్నారు. అలాగే షర్మిల చేసిన వ్యాఖ్యలను కూడా చంద్రబాబు ఖండించారు. ఆ వ్యాఖ్యలు ఇక్కడ చూడవచ్చు. https://youtu.be/OEsuY_N3IcA

ఏడ్చేవాడు ఒకడు, కూల్చేవాడు ఒకడు... ఇద్దరూ కలిసారు. ఆంధ్రప్రదేశ్ నాశనం కోరుతున్నారు. వైసీపీ అధినేత జగన్, టీఆర్ఎస్ వర్కింగ్ ప్రెసిడెంట్ కేటీఆర్ లు భేటీ గురించి తెలిసిందే. అయితే కొంత మంది జగన్ అభిమానులు గుడ్డిగా, రాష్ట్రాన్ని కాకుండా, కేవలం జగన్ అనే వాడిని సమర్ధిస్తూ ఉండటం, ప్రజల్లో కూడా ఏమైనా అపోహలు ఉంటే అవి పటా పంచలు చెయ్యటానికి, ఆంధ్రప్రదేశ్ ప్రభుత్వం, అదిరిపోయే కౌంటర్ ఇచ్చింది. పోలవరం ప్రాజెక్టుకు వ్యతిరేకంగా సుప్రీంకోర్టులో టీఆర్ఎస్ ఎంపీ కవిత వేసిన కేసు ప్రతిని విడుదల చేసింది. పోలవరం ప్రాజెక్టు పర్యావరణ అనుమతులపై స్టే ఇవ్వాలంటూ గతంలో కవిత సుప్రీంకోర్టులో పిటిషన్ వేశారు. మన జీవనాడి పై మొదటి నుంచి కేసీఆర్ కు అక్కసు ఉండి.

ఇదే విషయం దేవినేని ఉమా ప్రెస్ మీట్ పెట్టి చెప్పారు. పోలవరాన్ని అడ్డుకునేందుకు ఒరిస్సా ప్రభుత్వంతో కెసీఆర్ చేతులు కలిపారని సుప్రీంకోర్టులో ఎన్జీటిలో కేసులు వేయించారని ఆస్తులు విభజనపై పేచీలు పెడుతూ ఉద్యోగులను ఇబ్బంది పెట్టిన కెసిఆర్ జగన్ పక్షాన చేరి పండగ రోజు కుట్రలు చేశారని మంత్రి అన్నారు. 42 ఎంపీ స్థానాలు ఉన్న రాష్ట్రాన్ని విడగొట్టిన కేసీఆర్ తో కలిసి జగన్ సంఖ్యా బలం గురించి మాట్లాడుతున్నారని ఎవరు ఎక్కువ డబ్బులు ఇస్తే వాళ్ళకే వైసీపీ సీటు అని 20 కోట్లు ఇస్తే రజినీలు అభ్యర్థులవుతారని, 33 కోట్లు ఇస్తే రమేష్ లు పోయి కృష్ణ ప్రసాద్ లు వస్తారని ఎద్దేవా చేశారు. దమ్ము గా ధైర్యంగా రాజకీయం చేస్తూ సంక్షేమ పథకాలతో ప్రజల ముందుకు వెళ్తున్నామని ఒకవైపు అభివృద్ధి మరోవైపు సంక్షేమంతో ఆంధ్రప్రదేశ్ ముందుకు దూసుకుపోతుందని చంద్రబాబు నాయుడు పెన్షన్లు పెంచితే మాకు ముందే సంక్రాంతి వచ్చిందని ప్రజల నుంచి వస్తున్న ఆదరణ చూసి 72 గంటల నుంచి జగన్ కు నిద్ర పట్టడం లేదని నిద్రలేమితో నేడు ఆంధ్రప్రదేశ్ బయట ఆంధ్ర ప్రదేశ్ పై పండగపూట కుట్ర రాజకీయాలకు తెరలేపారని మంత్రి దేవినేని అన్నారు.

ఏపీ ఎదగకూడదని ఏడ్చేవాడితో, కూల్చాలనుకునేవాడి భేటీ అడుక్కునే వాడికి అరవై కూరలన్న ట్లు...ఆంధ్రాలో అవినీతితో దోచుకున్న సొమ్ముతో నగిషీ కుర్చీలు, టేబుళ్ళూ, టీపాయిలు, కుషన్ సీట్లపై కూర్చుని ఆంధ్రప్రదేశ్ ప్రజలను ఎలా దెబ్బ తీయాలి...ఏపీ అభివృద్ధిని ఏమేరకు నాశనం చేయాలి...ఆంధ్రా ఉన్నతిని ఎలా అడ్డుకోవాలన్న కుట్ర రాజకీయాలు, కుతంత్రాలు...ఇవేకదా కేటీఆర్, జగన్ ల దుష్టరాజకీయం...మరో సెల్ఫ్ గోల్ కి రెడీ అవుతున్న జగన్ ...చెడే వాడిని ఎవరూ బాగు చేయలేరంటే ఇదే...తన గొయ్యి తానే తవ్వుకుంటున్నాడు...ఆంధ్రులను ఛీకొట్టిన అవమానకరంగా ధూషించిన కేసీఆర్ తో అంటకాగుతూ బీజేపీకి తోడ్పడాలని చూస్తున్న జగన్ ను ఆంధ్రులు ఛీకొట్టక మానరు...ఎన్నికల్లో డిపాజిట్లు రాకుండా ఓడించక మానరు...