news

రాష్ట్రంలో అన్ని రకాల పెన్షన్లను అమాంతం పెంచిన చంద్రబాబు, ఇప్పుడు రెండు చేతులు లేని దివ్యాంగులకు నెలకు రూ.10 వేల పింఛన్ ఇవ్వాలని నిర్ణయించారు. ఈ విషయం స్వయంగా చంద్రబాబు ప్రకటించారు. అమరావతిలో ఈరోజు ఏర్పాటు చేసిన మీడియా సమావేశంలో ఆయన మాట్లాడుతూ, రెండు చేతులు లేని దివ్యాంగులు ఇతరుల పై ఆధారపడి జీవిస్తున్నారని, రాష్ట్ర వ్యాప్తంగా ఇలాంటి వారు రెండు వందల నుంచి మూడు వందల మంది ఉంటారని చెప్పారు. రెండు చేతులు లేని దివ్యాంగులను గుర్తించాలని ఈ మేరకు అధికారులను ఆదేశించినట్టు చెప్పారు. అయితే, ఈ ఉదయం జరిగిన టెలి కాన్ఫరెన్స్ లో, చంద్రబాబుకు, విజయవాడ ఎమ్మల్యే గద్దె రామ్మోహన్ ఈ విషయం చెప్పినట్టు తెలుస్తుంది.

చంద్రబాబు మాట్లాడుతూ "కేంద్రం మనకు ఇవ్వాల్సిన డబ్బులు ఇచ్చి ఉంటే మరింత వెసులుబాటు ఉండేది. అడగడానికి వైకాపాకు మనసు రావడంలేదు. ప్రత్యేక హోదా గురించి వైకాపా మాట్లాడటంలేదు. హోదా అంటే మోదీకి కోపం వస్తుందని వారికి భయం. సీబీఐ కత్తి మెడపై ఉంది. టీఆర్‌ఎస్‌ సాయం తీసుకుని ప్రత్యేక హోదా సాధిస్తారట. ఇద్దరు మోదీలు, దిల్లీలో ఉండే మోదీ ముగ్గరూ కలిసి చెప్పాలి ఎప్పుడు ప్రత్యేక హోదా ఇస్తారో. రాజకీయాలు చేయడం కాదు, పరిపాలనా అనుభవం లేని వారు ఉత్తుత్తి హామీలిచ్చి ప్రజలను మభ్యపెట్టాలని చూస్తున్నారు. రూ.200లు పింఛను ఇచ్చి పదేళ్లు చెప్పుకున్నారు. మేం పదిరెట్లు పెంచాం. రైతులకు రుణమాఫీ సాధ్యం కాదన్నారు.. మేం చేసి చూపించాం. దేశంలో ప్రజాస్వామ్యం ఎక్కడుంది. ఆదాయపన్నుశాఖ దాడుల గురించి ఎందుకు మాట్లాడరు. దేశమంతా ఛీ కొట్టే పరిస్థితి వచ్చింది."

‘‘ఆదాయం కోల్పోయిన జనాభాకు న్యాయం చేయాల్సిన బాధ్యత కేంద్రంపై ఉంది. విభజన చట్టంలో పెట్టిన అంశాలేవీ పట్టించుకోకుండా వదిలేశారు. రూ.75వేల కోట్లు రావాలని గతంలో పవన్‌ కల్యాణ్‌ లెక్కగట్టారు. ఆ మొత్తం రాష్ట్రానికి ఇవ్వాలి. పోలవరం ప్రాజెక్టులో ఖర్చు చేసిన రూ.3వేల కోట్లు ఇంకా రావాలి. రైతు రుణ మాఫీ, పింఛన్లు ఇచ్చామని ఏపీకి రావాల్సిన లోటును కత్తిరించారు. రాష్ట్ర అభివృద్ధికి ప్రతిపక్ష పార్టీ ఎప్పుడూ సహకారం అందించలేదు. ఇంత చేస్తుంటే మోదీ, కేసీఆర్‌, జగన్‌ కలిసి అడ్డుపడే ప్రయత్నం చేస్తున్నారు. ధనిక రాష్ట్రాలు కూడా చేయనన్ని అభివృద్ధి కార్యక్రమాలు చేపట్టాం.

ఆంధ్రప్రదేశ్ ఐటీ, పంచాయతీరాజ్ శాఖ మంత్రి నారా లోకేశ్ సోషల్ మీడియాలో ఎంత చురుగ్గా ఉంటారో అందరికీ తెలిసిందే. ఈ క్రమంలో తాజాగా ట్విట్టర్ వేదికగా ఒక నెటిజన్ అన్న క్యాంటీన్ లో భోజనం చేసి, ట్విట్టర్ లో స్పందిస్తూ, చంద్రబాబు, లోకేశ్ లను ట్యాగ్ చేస్తూ..‘విజయవాడలోని 22వ వార్డులో ఉన్న అన్న క్యాంటీన్ లో మొదటిసారి భోజనం చేశాను. అంత రుచికరమైన భోజనం కేవలం రూ.5కే తిన్నందుకు చాలా గిల్టీ భావన కలిగింది. క్యాంటీన్ సిబ్బందికి రూ.100 డొనేషన్ ఇచ్చేందుకు యత్నించాను. కానీ కుదరలేదు. అన్న క్యాంటీన్లలో డొనేషన్ బాక్సులను పెట్టాల్సిన అవసరం ఉంది’ అని ట్వీట్ చేశారు. ఇందుకు నారా లోకేశ్ స్పందిస్తూ..‘అది మంచి ఆలోచనే. ఈ ప్రతిపాదనను అమలు చేస్తాం. మరోసారి ధన్యవాదాలు’ అంటూ ట్విట్టర్ లో జవాబు ఇచ్చారు.

నాడు ఎన్టీఆర్ కిలో రెండు రూపాయల బియ్యంతో చరిత్ర సృష్టిస్తే నేడు ఆంధ్రప్రదేశ్ ముఖ్యమంత్రి చంద్రబాబు నాయుడు అన్న క్యాంటీన్ల ద్వారా ఐదు రూపాయలకే పేదలకు కడుపు నిండా భోజనం పెడుతున్నారు. నాణ్యమైన భోజనం ఐదు రూపాయలకే అందజేస్తుండడంతో ప్రజల నుంచి విశేష స్పందన వస్తోంది. ప్రతి పేదవాని ఆకలి తీర్చడమే లక్ష్యంగా ముఖ్యమంత్రి గత ఏడాది జూలై 11న అన్న క్యాంటీన్లను శ్రీకారం చుట్టారు. రాష్ట్ర వ్యాప్తంగా 73 మున్సిపాల్టీల్లో 203 అన్న క్యాంటీన్‌లను ప్రారంభించారు. మొదటి విడతలో 35 పట్టణాల్లో 100 క్యాంటీన్లు, రెండో విడతలో 75 పట్టణాల్లో 103 క్యాంటీన్లు ప్రారంభించారు. ప్రస్తుతం రాష్ట్ర వ్యాప్తంగా 368 అన్న క్యాంటీన్లు ఏర్పాటు చేశారు. మరో 200 క్యాంటీన్లు ఏర్పాటు చేయాలని, గ్రామీణ ప్రాంతాలకూ క్యాంటీన్లను విస్తరించాలని సామాన్యుల నుంచి ప్రభుత్వానికి విజ్ఞప్తులు వస్తున్నాయంటే ఈ పథకం ఎంత ప్రయోజకరంగా ఉందో అర్థం చేసుకోవచ్చు.

గత ఏడాది డిసెంబర్ నాటికి అన్న క్యాంటీన్లలో 1.60 కోట్ల ప్లేట్ల ఆహారం అందించారు. 43.60 లక్షల మందికి అల్పాహారం, 53.39 లక్షల మంది మధ్యాహ్న భోజనం, 32.74 లక్షల మంది రాత్రి భోజనం చేశారని అధికారిక సమాచారం. ఒక్కో క్యాంటీన్‌లో రోజూ మూడు పుటలా కలిపి 900 మందికి ఆహారాన్ని అందిస్తున్నారు. రూ. 5 కే ఉదయం పూట టిఫిన్, మధ్యాహ్నం భోజనం, రాత్రి భోజనం అందిస్తున్నా నాణ్యతలో ఎక్కడా రాజీ పడటం లేదు. మూడు పూటలా తిండి పెట్టేందుకు ప్రభుత్వం ఒక్కొక్కరికి సుమారుగా రూ. 80 ఖర్చు చేస్తున్నది. కేవలం రూ. 15కే మూడు పూటలా నాణ్యమైన భోజనం అందిస్తున్నారు.

సంక్రాంతి పండుగ జర్నీ చేసే వారికి స్వీట్ న్యూస్ చెప్పింది ఏపీ సర్కార్. మూడు రోజులు టోల్ ట్యాక్స్ రద్దు చేస్తూ ఉత్తర్వులు జారీ చేసింది. టోల్ గేట్ల దగ్గర భారీగా ట్రాఫిక్ జాం, గంటలకొద్దీ సమయం పడుతుంటంతో ఈ నిర్ణయం తీసుకుంది. హైదరాబాద్ తోపాటు చెన్నై, బెంగళూరు, ముంబై ప్రాంతాల నుంచి కూడా కోట్ల మంది తెలుగోళ్లు ఏపీలోని సొంతూళ్లకు ప్రయాణం అయ్యారు. లక్షల కార్లు, బస్సుల్లో తరలివస్తున్నారు. లక్షల సంఖ్యలో వాహనాలు ఏపీకి వస్తుండటంతో టోల్ గేట్ల దగ్గర అవస్థలు పడుతున్నారు. ఒక్కో వాహనానికి కనీసం 2 నిమిషాల సమయం పడుతుంది. ప్రత్యేక కౌంటర్లు ఏర్పాటు చేసినా రద్దీ తగ్గటం లేదు. గంటలకొద్దీ సమయం వృధా అవుతుంది.

దీంతో సమయం ఆదా చెయ్యటానికి, టోల్ ట్యాక్స్ ను ఏపీ ప్రభుత్వం రద్దు చేసింది. ఇప్పటి నుంచి,13,14,15,16 తేదీల్లో టోల్ ట్యాక్స్ ను ఎత్తివేయాలని ఈ మేరకు అధికారులకు ఆదేశాలు అందాయి. కాగా, హైదరాబాద్ నుంచి తమ స్వస్థలాలకు ప్రజలు బయలుదేరి వెళుతున్నారు. బస్టాండ్లు, రైల్వేస్టేషన్లు ప్రయాణికులతో కిక్కిరిసిపోయాయి. ఏపీఎస్ ఆర్టీసీ, టీఎస్ ఆర్టీసీలు ప్రత్యేక బస్సులు నడుపుతున్నాయి. దక్షిణ మధ్య రైల్వే ప్రత్యేక రైళ్లను పలు మార్గాల్లో నడుపుతోంది. రిజర్వేషన్ ద్వారా సీట్లు లభించని ప్రయాణికులు తమ గమ్య స్థానాలను చేరేందుకు ప్రైవేట్ వాహనాలను ఆశ్రయిస్తున్నారు.

ఇది ఇలా ఉంటే ఉదయం నుంచి, జీఏంఆర్ సరి కొత్త పద్దతిలో టాక్స్ వసూలు చేస్తుంది. టోల్‌గేట్ల వద్ద కిలోమీటర్ల కొద్దీ ట్రాఫిక్‌ స్తంభించిపోతోంది. టోల్‌ చెల్లింపులకు ఎక్కువ సమయం పట్టడమే ఈ పరిస్థితికి మూలమని గుర్తించిన గుత్తేదారు సంస్థ ‘జీఎమ్మార్‌’ కొత్త పద్ధతి అమలు చేస్తోంది. టోల్‌ బూత్‌ వద్దకు వాహన చోదకుడు వెళ్లినప్పుడు కాకుండా... సిబ్బందే నేరుగా వచ్చి వసూలు చేస్తున్నారు. రశీదు పొందిన చోదకులు వెంటనే వెళ్లిపోతుండటంతో, బూత్‌ వద్ద రశీదు, చిల్లర కోసం వేచిచూడాల్సిన పని తప్పింది. వాహనాల రద్దీ దృష్ట్యా, సంస్థ ఇప్పటికే తెలంగాణలోని యాదాద్రి భువనగిరి జిల్లా చౌటుప్పల్‌ మండలం పంతంగి టోల్‌గేట్‌ వద్ద 16, కొర్లపహాడ్‌లో 12 యంత్రాలను ఏర్పాటుబ చేసింది. ఆంధ్రప్రదేశ్‌లోని జగ్గయ్యపేట ప్రాంతం చిల్లకల్లు వద్ద 12 యంత్రాలు అమర్చి చోదకుల దరికే వచ్చి టోల్‌ వసూలు చేసేందుకు శ్రీకారం చుట్టింది. అయితే ఇప్పుడు ప్రభుత్వం, టోల్ ఎత్తివేయటంతో, అందరూ ఊపిరి పీల్చుకున్నారు.