news

బీజేపీ యేతర ఐక్యఫ్రంట్‌పై మరో విడత జాతీయ నేతలతో చర్చలు జరిపేందుకు తెలుగుదేశం పార్టీ అధినేత, ముఖ్యమంత్రి చంద్రబాబు నాయుడు మంగళవారం సాయంత్రం ఢిల్లీ బయల్దేరి వెళుతున్నారు. కర్నూలు జిల్లా ఓర్వకల్లులో విమానాశ్రయం ప్రారంభం అనంతరం స్థానికంగా ఏర్పాటు చేసిన కార్యక్రమాల్లో పాల్గొని అటు నుంచి ఢిల్లీ వెళ్లాలని నిర్ణయించారు. గత నెల మొదటి వారంలో జాతీయ నేతలతో సమావేశం నిర్వహించిన అనంతరం ఈ నెల రెండో వారంలో మరోసారి ఆయన భేటీ కానున్నారు. ఏఐసీసీ అధ్యక్షుడు రాహుల్ గాంధీ, ఉత్తరప్రదేశ్ మాజీ ముఖ్యమంత్రులు ములాయం సింగ్ యాదవ్, మాయావతి, ఢిల్లీ ముఖ్యమంత్రి కేజ్రీవాల్, సీపీఎం ప్రధాన కార్యదర్శి సీతారాం ఏచూరి, ఎన్‌సీపీ అధినేత శరద్ పవార్, తదితర నేతలతో ఆయన మలివిడత చర్చలు జరపనున్నారు.

అంతకుముందు ఏపీ భవన్‌లో టీడీపీ ఎంపీలతో సమావేశమై పార్లమెంట్‌లో అనుసరించాల్సిన వ్యూహంపై దిశానిర్దేశం చేయనున్నారు. రాష్ట్రానికి ప్రత్యేక హోదా, పోలవరం, రాజధానికి నిధుల మంజూరు, రైల్వేజోన్, తదితర అంశాలపై పార్లమెంట్‌లో ఆందోళన నిర్వహిస్తున్న టీడీపీ ఎంపీలను సస్పెండ్ చేసిన సంగతి విదితమే. ఈనేపథ్యంలో ఇకముందు జరిగే సమావేశాల్లో ఆందోళన ఉద్ధృతి పెంచే దిశగా కార్యాచరణ రూపొందించనున్నారు. జాతీయ, ప్రాంతీయ ప్రతిపక్ష పార్టీల ఎంపీలను కలుపుకుని రాఫెల్ కుంభకోణంపై మూకుమ్మడి ఆందోళన నిర్వహించడం ద్వారా ప్రధాని నరేంద్ర మోదీకి మరోసారి షాక్ ఇవ్వాలని చంద్రబాబు నిర్ణయించుకున్నారని సమాచారం.

మరో పక్క చంద్రబాబు ఢిల్లీ పర్యటన పై స్పందించారు. అదృష్టం కలిసి వచ్చి మోదీ ప్రధాని అయ్యారని సీఎం చంద్రబాబు విమర్శించారు. నిడదవోలులో చంద్రబాబు పర్యటించారు. ఈ సందర్భంగా రైల్వే ఓవర్ బ్రిడ్జి నిర్మాణానికి ఆయన శంకుస్థాపన చేశారు. అంతేకాకుండా అన్న క్యాంటిన్‌ను ప్రారంభించారు. అనంతరం ఆయన మీడియాతో మాట్లాడుతూ ‘‘రాష్ట్ర పరిధిలో ఉండే కోడి కత్తి కేసుపై ఎన్ఐఏ ఎంక్వైరీ వేశారు. గుజరాత్‌ అల్లర్ల కేసులో నాడు సీబీఐ విచారణను మోదీ అడ్డుకున్నారు. నాకు ప్రధాని కావాలన్న కోరిక ఏ మాత్రం లేదు. హోదా ఇస్తామన్నందుకే కాంగ్రెస్‌తో పొత్తు పెట్టుకున్నాం. రేపు మరోసారి ఢిల్లీ వెళ్తా.. ఇతర పార్టీల నేతలను కలుస్తా’’ అని చంద్రబాబు తెలిపారు.

ప్రతి విషయంలోని ఏపి ప్రజలని అవమానపరుస్తున్న కేంద్రం, తాజగా, దేశ రాజధాని ఢిల్లీలో జరిగే రిపబ్లిక్‌ డే వేడుకల్లో ఏపీ శకటం పాల్గునకుండా, అనుమతి నిరాకరించి, మరో సారి మన రాష్ట్రాన్ని అవమాన పరిచింది. స్వాతంత్ర్య ఉద్యమం, మహాత్మా గాంధీ జీవితం ఇతివృత్తాలతో కూడిన శకటం తయారు చేయాలంటూ రాష్ట్రానికి కేంద్రం సూచించింది. ఇదిలా ఉంటే ఏపీ ప్రభుత్వం ఇప్పటికే విజయవాడ గాంధీకొండ, స్థూపం, ఏపీలో స్వాతంత్ర్య ఉద్యమ ఇతివృత్తంతో శకటం సిద్ధంచేసింది. అయితే మొదట ఈ శకటం బాగుందంటూ కేంద్ర అధికారులు కితాబిచ్చారు. ఇంతలోనే అనూహ్యంగా యూటర్న్ తీసుకున్న కేంద్రం.. శకటం సరిగ్గాలేదని చెప్పడం గమనార్హం. చివరి నిమిషంలో ఏపీ శకటానికి కేంద్ర రక్షణశాఖ అనుమతి నిరాకరించడంతో ఏపీలోని పలువురు ప్రముఖులు, రాజకీయ నేతలు తీవ్రస్థాయిలో మండిపడుతున్నారు.

ఏపీ శకటం పైన కూడా ప్రధాని మోదీ అక్కసు పెట్టుకున్నారని ముఖ్యమంత్రి చంద్రబాబు ఆగ్రహం వ్యక్తంచేశారు. రిపబ్లిక్ డేకు ఏపీ శకటం లేకుండా చేస్తున్నారని ఆయన మండిపడ్డారు. కేంద్రంలో భాజపా కక్ష సాధింపునకు ఇది పరాకాష్ఠ అని ధ్వజమెత్తారు. శకటం ప్రదర్శనకు అనుమతి ఇవ్వక పోవడంపై లేఖ రాయాలని, కేంద్రం వివక్షతను బహిర్గతం చేయాలని పార్టీ నేతలతో సోమవారం సీఎం నిర్వహించిన టెలీకాన్ఫరెన్స్‌లో నిర్ణయించారు. ఆంధ్రప్రదేశ్ అన్ని రంగాల్లో ముందంజలో ఉందని, అందుకే ఏపీపై మోదీ అసూయ పెంచుకున్నారని, అడుగడుగునా కక్ష సాధిస్తున్నారని సీఎం అన్నారు. ఏపీ పేరు వినబడితేనే ఆయనకు అక్కసు పెరిగిపోతోందని, రాష్ట్ర పురోగతి చూసి భరించలేక వ్యక్తిగత విమర్శలు చేస్తున్నారని మండిపడ్డారు. హుందాతనం వదిలేసి మోదీ మాట్లాడుతున్నారని, తన కుటుంబం గురించి వ్యాఖ్యలు చేస్తున్నారని మండిపడ్డారు.

పోలవరం కాంక్రీటు పనుల్లో ప్రపంచ రికార్డు సాధించడంపై ముఖ్యమంత్రి చంద్రబాబు హర్షం వ్యక్తంచేశారు. ఇదొక చారిత్రక ఘట్టమని సీఎం స్పష్టంచేశారు. అసాధ్యాలను సుసాధ్యం చేస్తున్నామన్నారు. 6వ రోజు ‘జన్మభూమి-మా ఊరు’ కార్యక్రమంపై ముఖ్యమంత్రి టెలీ కాన్ఫరెన్స్‌ నిర్వహించారు. పోలవరం రికార్డు సాధించడంలో చెమటోడ్చిన అందరికీ అభినందనలు తెలియజేశారు. ఇది వేలాది కార్మికులు, ఇంజినీర్లు, సాంకేతిక సిబ్బంది కష్టమని, ఇదే స్ఫూర్తితో పనిచేసి ప్రాజెక్టు నిర్మాణం పూర్తి చేయాలన్నారు. శరవేగంగా ప్రాజెక్టు పనులు చేస్తున్నందుకు సీబీఐపీ అవార్డు సాధించామని, అది అందుకున్న నాలుగు రోజులకే మరో రికార్డు సాధించామని చెప్పారు. ఇది నిజంగా ప్రతి తెలుగువాడికీ గర్వకారణమని ఆయన కొనియాడారు.

ఆంధ్రప్రదేశ్ రాష్ట్రం పై, ఎలాంటి దాడి జరుగుతుందో చూస్తున్నాం. అవతల వాళ్ళు సొల్లు, సోది చెప్తుంటే, మనం పోలవరం రికార్డులు, అమరావతి అవార్డులతో వారికి సామాధానం చెప్తున్నాం. విభజన వల్ల పూర్తిగా నష్టపోయిన ఆంధ్రలు, నిలదొక్కుకుని, పరిగెడుతుంటే, చూడలేని వాళ్ళు ఉన్నారు. ముఖ్యంగా ఢిల్లీ పెద్దలు, పక్క రాష్ట్ర రాబందులు, మన రాష్ట్ర అభివృద్ధిని చిన్నాభిన్న చెయ్యటానికి రెడీ అయ్యారు. ఢిల్లీ సూత్రదారులు, పన్నిన వికృత క్రీడలో, జగన్, పవన్ పావులు. ఇక కేసీఆర్ ఏడుపులు సరే సరి. మన రాష్ట్రం చేస్తున్న పనుల్లో సగం కూడా చెయ్యలేడు, చంద్రబాబుతో పోటీ పడలేడు, కియా లాంటి కంపెనీలు తేలేడు, మన రాష్ట్రంలో జరుగుతున్నంత సంక్షేమ కార్యక్రమాలు చెయ్యలేడు, అందుకే మన రాష్ట్రం పై ఏడుపు. అందుకే జగన్ లాంటి వాడు ఏపి ముఖ్యమంత్రి అయితే, ఈ రాష్ట్రం తన గుప్పిట్లో పెట్టుకోవచ్చని ప్లాన్. అందుకే ఈ వికృత క్రీడలో, గిఫ్ట్ ఇస్తాను అంటూ జాయిన్ అయ్యాడు.

ఇక్కడ జగన్, పవన్, హైదరాబాద్ నుంచి వచ్చి, పార్టీ టైం రాజకీయాలు చేస్తున్నా, చంద్రబాబు ముందు నిలబడలేక పోతున్నారు. అందుకే కేసీఆర్ హెల్ప్ ఆడుతున్నారు. ఇందులో భగంగానే, కేసీఆర్ అత్యంత ఆప్తుడు అయిన, ఒవైసీనీ కూడా వాడటానికి, జగన్ ప్లాన్ చేసాడు. ఇటీవల, మోడీ పై చంద్రబాబు యుద్ధం ప్రకటించిన దగ్గర నుంచి, అనేక సంక్ష్టేమ పధకాల ద్వరా లబ్ది పొందటం, మోడీ తెచ్చిన ట్రిపుల్ తలాఖ్ బిల్ లోని లోపాలు ఎత్తి చూపటంతో, ఏపిలో ముస్లింలు, చంద్రబాబు వైపు మొగ్గు చూపుతున్నారు. దీంతో జగన్ అలెర్ట్ అయ్యాడు. ఒవైసీ ద్వారా, ముస్లింలు చంద్రబాబు వైపు వెళ్ళకుండా ఉండేందుకు ప్లాన్ చేసాడు. దీనిలో భాగంగా, అమిత్ షా డైరెక్షణ్ లో, కేసీఆర్ ఆదేశాల మేరకు, జగన్‌కు అత్యం త సన్నిహితుడు, ఆత్మకూరు ఎమ్మెల్యే మేకపాటి గౌతంరెడ్డి, ఎంఐఎం అధినేత అసదుద్దీన్‌ ఒవైసీ భేటీ అయ్యారు.

హైదరాబాద్‌లో సుమారు 4 గంటలపాటు జరిగిన ఈ సమావేశంలో తాజా రాజకీయాలపై చర్చించుకున్నట్లు సమాచారం. వాస్తవాని కి ఎమ్మెల్యే గౌతంరెడ్డికి, అసదుద్దీన్‌ ఒవైసీకి మధ్య మంచి స్నేహ సంబంధాలు ఉన్నాయి. ఈ నేపథ్యంలోనే ఇద్దరూ మర్యాదపూర్వకంగా కలిశారని అంటున్నారు. జరగబోయే ఆంధ్రప్రదేశ్‌ ఎన్నికలపై సుదీర్ఘ చర్చ జరిగిందని తెలిసింది. ఆంధ్రప్రదేశ్‌ ఎన్నికల్లో సీఎం చంద్రబాబుకు రిటర్న్‌ గిఫ్ట్‌ ఇస్తానని తెలంగాణ సీఎం కేసీఆర్‌ ప్రకటించిన సంగతి తెలిసిందే. ఈ చర్చలు కేసీఆర్‌ రిటర్న్‌ గిఫ్ట్‌లో భాగమేనని రాజకీయ పరిశీలకులు భావిస్తున్నారు. ఏపీ ఎన్నికల్లో టీఆర్‌ఎస్‌, మజ్లిస్‌ నుంచి తమకు ఏలాంటి సహకారం అవసరమో.. జగన్‌ మనసులోని విషయాలను మేకపాటి గౌతంరెడ్డి ద్వారా వివరించినట్లు సమాచారం. ఎన్నికల్లో ముస్లింల ఓట్లను ఆకర్షించడానికి వైసీపీ తరఫున ప్రచారం చేయాలని అసదుద్దీన్‌ను మేకపాటి కోరినట్లు సమాచారం.