news

ప్రధాని హోదాలో ఉండి, ఇన్ని పచ్చి అబద్ధాలు ఆడే ప్రధాని, బహుసా మోడీనే అయ్యుంటారు. ఆంధ్రప్రదేశ్ కు చేసిన సహాయం పై, ఈ రోజు పచ్చి అబద్ధాలు ఆడుతూ, ప్రజలను మధ్య పెట్టే ప్రయత్నం చేస్తున్నారు. మొన్నా మధ్య అమిత్ షా వచ్చి, లక్షల లక్షల కోట్లు ఇచ్చాం అని చెప్పిన విషయం తెలిసిందే. అప్పట్లో చంద్రబాబు, అసెంబ్లీ వేదికగా అమిత్ షా లెక్కలు అన్నీ బొక్కలే అని తేల్చి చెప్పారు. దీంతో ఇప్పుడు ప్రధాని మోడీ, లక్షల లక్షలు కాకపోయినా, 20 వేల కోట్లు ఇచ్చేసినట్టు చెప్పారు. బీజేపీ బూత్‌కార్యకర్తలతో మోదీ వీడియో కాన్ఫరెన్స్‌ నిర్వహించారు. ఈ కార్యక్రమంలో కాకినాడ, మ‌చిలీప‌ట్నం, న‌ర‌సాపురం, విశాఖ‌ప‌ట్నం, విజ‌య‌న‌గ‌రం లోక్‌సభ స్థానాలకు చెందిన బూత్‌కార్యకర్తలు పాల్గొన్నారు.

ఈ సమావేశంలో, ఏపి ప్రభుత్వం పై అబద్ధాలు ప్రచారం చేసారు మోడీ. లోటు బడ్జెట్‌, రిసోర్స్‌ గ్యాప్‌ కింద ఏపీకి 20 వేల కోట్ల వరకు విడుదల చేశామని, ఏపీ ప్రభుత్వం మాత్రం అందలేదని చెబుతోందన్నారు. మరి ఆ డ‌బ్బు ఎవ‌రి జేబుల్లోకి వెళ్ళిందంటూ మోదీ ప్రశ్నించారు. ప్రధాని హోదాలో ఉంటూ, ఇలాంటి చిల్లర మాటలు ఎలా మాట్లాడారో ఆయనకే తెలియాలి. అన్ని రాష్ట్రాలకు ఇచ్చినట్టే మనకూ ఇచ్చారు, ఇక్కడ కొత్తగా మనకు ఇచ్చింది ఏమి లేదు. 2013-14 సంవత్సరానికి లోటు బడ్జెట్ ఇప్పటి వరకు ఇవ్వలేదు. ఇది విభజన చట్టంలో ఉన్నది, దీని పై మాత్రం మాట్లాడరు. ఇక ఎవరి జేబులోకి వెళ్ళింది అంటున్న మోడీ, ఆయన ప్రధాని అనే సంగతి మర్చిపోయాడు. దమ్ము ఉంటే, చంద్రబాబు ఇది నోక్కేసాడు అని ఏపి ప్రజల ముందు ఆధారాలు పెట్టచ్చు కదా ? 20 వేల కోట్లు ఏమయ్యాయో, తెలియని ప్రధాని ఎందుకు ?

ఇక మరొకటి, వెనుకబడిన జిల్లాలకు రూ. వెయ్యి కోట్లు ఇచ్చారంట. విభజన చట్టం ప్రకారం ఇవ్వాల్సింది 23వేల కోట్లు. ఇది కూడా గత రెండు సంవత్సరాల నుంచి ఇవ్వటం లేదు. సిగ్గు లేకుండా 350 కోట్లు మన రాష్ట్ర ఎకౌంటు లో వేసి, మరీ వెనక్కు తీసుకున్నారు. ఇవన్నీ ఎందుకు చెప్పటం లేదు మోడీ గారు ? ఇక అన్నిటికి కంటే వింత ఆరోపణ, యుటిలైజేష‌న్ స‌ర్టిఫికెట్లు ఇవ్వలేదు అంట. ఏపి ప్రభుత్వం అన్నిటికీ లెక్కలు చెప్పి, ఆ కాగితాలు కూడా బయటకు ఇచ్చింది. అవన్నీ ప్రజలు చూసారు కూడా. అయినా ఈ సిగ్గులేని ప్రధాని అబద్ధాలు ఆడతారు. ఇక పోలవరానికి 7 వేల కోట్లు ఇచ్చారంట, ఇంకా ఇవ్వాల్సిన 4 వేల కోట్లు గురించి మాత్రం చెప్పారు. అవి ఎందుకు సంవత్సరం నుంచి పెండింగ్ లో ఉన్నాయి, దాని వల్ల రాష్ట్రానికి పడుతున్న వడ్డీ భారం గురించి మాట్లాడరు. డీపీఆర్ 2 ఇప్పటి వరకు ఎందుకు ఆమోదించాలేదో చెప్పరు. ఏపీలో పది జాతీయ విద్యాసంస్థలు ప్రరంభించారంట. కాని వాటిని ఎన్ని నిధులు ఇచ్చారు, ఎన్నిటికీ కాంపస్ లు కట్టారు, ఇలా నిధులు ఇస్తూ పొతే ఎన్ని సంవత్సరాలకు పూర్తవుతాయో మాత్రం చెప్పరు. చంద్రబాబు ఏమీ చేయలేదు కాబట్టే ప్రజలకు అసత్యాలు చెబుతున్నారన్నారు. ఇవన్నీ ఏపికి వచ్చి చెప్పే దమ్ము లేదు కాని, ఢిల్లీ నుంచి వీడియో కాన్ఫరెన్స్ లో చెప్తున్నారు మన ప్రధాని గారు. దేశంలో అందరినీ మాయ చేసినట్టు, మా ఆంధ్రులని మోసం చెయ్యలేరు మోడీ గారు, సరైన సమయంలో సమాధానం చెప్తాం...

సినీ హీరో శివాజీ మరోసారి సంచలన వ్యాఖ్యలు చేశారు. చంద్రబాబు ప్రభుత్వం పై కొత్త కుట్రకు మరోసారి ప్రయత్నిస్తున్నారని మరోసారి సంచలనానికి తెరదీశారు. చంద్రబాబు ప్రభుత్వం పై దాడికి కొత్త తరహా ప్రయత్నం జరుగుతోందన్నారు. చుక్కల భూముల పేరుతో కుట్రకు తెరదీశారని, చుక్కల భూముల రైతులను ప్రభుత్వం పై ఉసిగొల్పాలని కుట్ర జరిగిందన్నారు. చుక్కల భూములను ఈస్ట్ ఇండియా కంపెనీ రెగ్యులరైజ్ చేసిందని, ఆ ఫైల్‌ను కొంతమంది అధికారులు తొక్కిపెట్టారన్నారు. ఈ కుట్ర పై చంద్రబాబును త్వరలోనే కలిసి వివరిస్తానన్నారు. ఈ మేరకు ముఖ్యమంత్రి అపాయింట్‌మెంట్ కోరానని శివాజీ మీడియా సమావేశంలో వెల్లడించారు.

చుక్కల భూములపై సమస్యలను సంక్రాంతిలోపు పరిష్కరించకుంటే తాను ఆమరణ నిరాహార దీక్ష చేస్తానని శివాజీ ప్రకటించారు. కొందరు అధికారులు ప్రభుత్వానికి వ్యతిరేకంగా పనిచేస్తున్నారని ఆయన ఆరోపించారు. ప్రభుత్వంపై వ్యతిరేకత ఉంటే రాజీనామా చేసి ప్రతిపక్షంలో కూర్చోవాలని అన్నారు. ఇప్పటికే కొంద మంది సీనియర్ ఉద్యోగులు పదవులకు రాజీనామాలు చేసి వారికి నచ్చిన పార్టీల్లో చేరాలని సూచించారు. చుక్కల భూములపై ముఖ్యమంత్రి సూచించినా అధికారుల్లో పట్టింపులేదని ఆరోపించారు. ఈ వ్యవహారంలో మంత్రులను కూడా అధికారులు లెక్కచేయడం లేదని శివాజీ ఆరోపించారు. ఈ సమస్య విపక్షానికి ప్రజాసమస్యలు పట్టవని, వారికి కావాల్సింది సీఎం కుర్చీయేనని విమర్శించారు. చుక్కల భూముల సమస్య రాజకీయ ఎత్తుగడకు అవకాశంగా మారిందని ఆవేదన వ్యక్తం చేశారు.

సంక్రాంతిలోగా సమస్యను పరిష్కరించకుంటే తాను నిరాహార దీక్ష చేస్తానని శివాజీ అన్నారు. చుక్కల భూముల విషయంలో అధికారులు మంత్రులను కూడా లెక్కచేయడం లేదన్న శివాజీ భూముల సమస్య రాజకీయ నాయకులకు వరంగా మారిందన్నారు. గట్టిగా మాట్లాడితే భూములు లాక్కుంటామని కలెక్టర్‌ బెదిరిస్తున్నారని, ఆ భూములు కలెక్టర్‌ అబ్బ సొత్తా అని సినీ హీరో శివాజీ అన్నారు. చుక్కల, కుంటల భూముల పేరుతో రైతులను ప్రభుత్వంపై పురిగొల్పుతున్నారని ఆయన ఆరోపించారు. ఈ సందర్భంగా మీడియాతో మాట్లాడుతూ ముఖ్యమంత్రి చంద్రబాబు బతిమిలాడుతున్నా కలెక్టర్లు వినడం లేదని విమర్శించారు. ప్రజలను టార్గెట్‌ చేసిన అధికారుల గల్లా పట్టుకుని అడుగుతానని ఆయన ధ్వజమెత్తారు. దీనికి సంబంధించిన అన్ని ఆధారాలను సీఎంకు అందజేస్తానని ఆయన స్పష్టం చేశారు.

ఏపీలోని విపక్ష పార్టీలపై సినీ నటుడు శివాజీ మరోసారి తీవ్ర విమర్శలు చేశారు. చంద్రబాబు ప్రభుత్వంపై కొత్త కుట్రకు మరోసారి ప్రయత్నిస్తున్నారంటూ హీరో శివాజీ సంచలన వ్యాఖ్యలు చేశారు. విజయవాడలో ఆయన ప్రెస్‌మీట్‌ను నిర్వహించారు. విపక్ష పార్టీలకు కావలసింది.. సీఎం కుర్చీ మాత్రమే అంటూ మండిపడ్డారు. కొందరు అధికారులు ప్రభుత్వానికి వ్యతిరేకంగా పనిచేస్తున్నారని... అంత ఇష్టముంటే రాజీనామా చేసి విపక్షపార్టీలో చేరాలన్నారు. విపక్షానికి ప్రజాసమస్యలు పట్టవని... వారికి కావాల్సింది సీఎం కుర్చీనే అన్నారు. చుక్కల భూములపై మంత్రులను అధికారులు లెక్కచేయడం లేదని... చుక్కల భూముల సమస్య రాజకీయ ఎత్తుగడకు అవకాశంగా మారిందన్నారు. సంక్రాంతిలోగా సమస్యను పరిష్కరించకుంటే నిరాహార దీక్ష చేస్తానని హెచ్చరించారు.

గట్టిగా మాట్లాడితే భూములు లాక్కుంటామని కలెక్టర్‌ బెదిరిస్తున్నారని.. ఆ భూములు కలెక్టర్‌ అబ్బ సొత్తా అని తీవ్రస్థాయిలో ప్రశ్నించారు. సీఎం బతిమిలాడుతున్నా కలెక్టర్లు వినడం లేదన్నారు. ప్రజలను టార్గెట్‌ చేసిన అధికారుల గల్లా పట్టుకుని అడుగుతానన్నారు. అన్ని ఆధారాలను సీఎం చంద్రబాబుకు అందజేస్తానని శివాజీ తెలిపారు. అదే విధంగా రాంగోపాల్ వర్మ తీస్తున్న లక్ష్మీస్ ఎన్టీఆర్ సినిమాపై కూడా ఆయన స్పందించారు. వెన్నుపోటుకు, వెన్నుదన్నుకు తేడా తెలియని వ్యక్తి రాంగోపాల్‌ వర్మ అని దుయ్యబట్టారు. సుగ్రీవుడి పక్షాన రాముడు నిలిచినట్టుగా ఆనాడు పార్టీ కోసం చంద్రబాబు నిలబడ్డారని శివాజీ అన్నారు. ఆనాడు టీడీపీని కాపాడేందుకే..కేసీఆర్‌తో సహా అందరు కలిసి నిర్ణయం తీసుకున్నారన్నారు. ఆనాడు ఎన్టీఆర్‌పై చెప్పులు వేసింది లక్ష్మీపార్వతి వర్గం మనిషేనంటూ శివాజీ చెప్పారు.

అది వెన్నుపోటు కాదని తెలుసుకున్న ప్రజలు..చంద్రబాబును రెండోసారి గెలిపించారన్నారు. చంద్రబాబు మద్దతు లేకుంటే బీజేపీ రెండోసారి అధికారంలోకి వచ్చేది కాదని వాజ్‌పేయి ప్రధాన మంత్రి అయ్యేవారు కారని అన్నారు. ఆ రోజున చంద్రబాబు నాయుడు లేకపోతే వాజ్‌పేయి రెండోసారి ప్రధానమంత్రి అయ్యేవారే కాదని, భారతీయ జనతాపార్టీ నిలబడేది కాదని సినీ హీరో శివాజీ అన్నారు. చంద్రబాబు నాయుడుది వెన్నుపోటు కాదని తెలుసుకున్న ప్రజలు.. 1999లో ఆయనను గెలిపించారన్నారు. ప్రజల తీర్పు ముందు... వెన్ను పోటు అని మాట్లాడేవాళ్లది పెద్ద విషయం కాదన్నారు. ప్రజలు ఆ విషయాన్ని పట్టించుకోరని శివాజీ అభిప్రాయం వ్యక్తం చేశారు. ఇది తన అభిప్రాయమని, నచ్చకపోతే వదిలేయమన్నారు. ఒక్క విషయం ఇక్కడ చెబుతున్నా... ఆ రోజున చంద్రబాబు నిర్ణయం తీసుకోకపోతే ఇవాళ టీడీపీ ఉండేది కాదని శివాజీ స్పష్టం చేశారు.