news

పక్కా ప్రణాళిక ప్రకారమే వైకాపా అధినేత జగన్‌పై నిందితుడు శ్రీనివాస్‌ దాడి చేశాడని విశాఖ నగర పోలీస్‌ కమిషనర్‌ మహేశ్‌ చంద్ర లడ్డా వెల్లడించారు. వాస్తవానికి గతేడాది అక్టోబర్‌ 18నే దాడి చేయాలని శ్రీనివాస్‌ ప్రణాళిక రూపొందించినప్పటికీ అది సాధ్యం కాలేదని తెలిపారు. అక్టోబర్‌ 25న జగన్‌పై విశాఖ విమానాశ్రయంలో కోడికత్తితో జరిగిన దాడికి సంబంధించి మీడియాతో మాట్లాడారు. కేసుకు సంబంధించి కీలక వివరాలను వెల్లడించారు. నిందితుడు శ్రీనివాస్‌ వెల్డర్‌గా, కేక్‌ మాస్టర్‌గా, కుక్‌గా పలు చోట్ల పనిచేశాడని సీపీ తెలిపారు. దాడి జరిగిన రోజున నిందితుడు శ్రీనివాస్‌ కోడికత్తికి సాన పట్టించాడని, దీన్ని అతడి సహచరులు కూడా చూశారని చెప్పారు. జగన్‌ చొక్కా, కత్తి, ల్యాబ్‌ రిపోర్ట్‌లు అందాయని, శ్రీనివాసరావు హ్యాండ్‌ రైటింగ్‌ రిపోర్టులు అందాయని సీపీ లడ్డా అన్నారు.

జగన్‌ను హత్య చేయాలని దాడి చేయలేదని, కేసులో ఇప్పటి వరకు 92 మందిని విచారించామని సీపీ లడ్డా వెల్లడించారు. దాడి జరిగిన రోజు పక్కా ప్రణాళికతో ఇంటి నుంచి శ్రీనివాస్‌ ఉదయం 4.55 గంటలకే బయల్దేరాడని చెప్పారు. ఉదయం 8 గంటలకు హేమలత, అమ్మాజీ అనే మహిళలకు ఫోన్‌ చేసి ‘ఈ రోజు నన్ను టీవీలో చూస్తారు’ అని, అమ్మాజీతో ‘ఒక సంచలనం చూస్తారు’ అని పలుమార్లు శ్రీనివాస్‌ చెప్పాడని సీపీ పేర్కొన్నారు. ఎంపీ, ఎమ్మెల్యే మాదిరిగా నా వద్దకు కూడా పీఏ అపాయింట్‌మెంట్‌ తీసుకొని రావాలని ఆమెతో చెప్పాడని తెలిపారు. ఉదయం 9గంటల సమయంలో రెస్టారెంట్‌లో కూడా కోడికత్తికి సానపెట్టాడని తెలిపారు. రెండుసార్లు కోడికత్తిని వేడి నీటిలో స్టెరిలైజ్‌ చేశాడని, హైదరాబాద్‌ వెళ్లేందుకు విశాఖ విమానాశ్రయంలో వైకాపా నేత ధర్మశ్రీతో జగన్‌ మాట్లాడుతున్నప్పుడు శ్రీనివాస్‌ దాడి చేశాడని లడ్డా వెల్లడించారు.

2017 జనవరిలో జగన్‌తో ఉన్న ఫ్లెక్సీని తయారు చేయించాడని, అక్టోబర్‌ 18నే జగన్‌పై దాడి చేసేందుకు శ్రీనివాస్ ప్రణాళిక వేశాడని చెప్పారు. అయితే, అక్టోబర్‌ 17నే జగన్‌ హైదరాబాద్‌ వెళ్లడంతో అది సాధ్యపడలేదని లడ్డా వెల్లడించారు. జాతీయ భద్రతా అంశాలు ఉంటేనే ఈ కేసును ఎన్‌ఐఏ దర్యాప్తు చేస్తుందని, శాంతి భద్రతలను దృష్టిలో ఉంచుకొని గంటల్లోనే వివరాలు చెప్పాల్సి వచ్చిందని స్పష్టంచేశారు. జగన్‌పై విష ప్రయోగం చేయాలనే ఉద్దేశం నిందితుడికి లేదనే విషయం విచారణలో వెల్లడైందని సీపీ తెలిపారు. తనపై దాడి ఘటనపై జగన్‌ ఇప్పటికీ ఎలాంటి ఫిర్యాదు చేయలేదన్నారు. హైకోర్టు తాము చెప్పేదాకా ఛార్జిషీట్‌ దాఖలు చేయవద్దని చెప్పిందని ఈ సందర్భంగా సీపీ మీడియాకు వివరించారు.

నిన్న ప్రధాని మోదీ చంద్రబు ఆక్రోశంలో ఉన్నారని వ్యాఖ్యానించడం పై ఏపి ముఖ్యమంత్రి చంద్రబాబు స్పందించారు. గుజరాత్‌ను, ఆంధ్రప్రదేశ్ ని ఎక్కడ మించిపోతుందో అనే ఆక్రోశం మోడీకే ఉందని చంద్రబాబు ఎద్దేవాచేశారు. ఆ కారణం తోనే మన రాష్ట్రానికి నిధులు ఇవ్వకుండా అడ్డు పడుతూ, అక్కసు వెల్లగక్కుతున్నారని విమర్శించారు. మోడీ, నేను సియంలుగా పనిచేశామని, ఆయన అహ్మదాబాద్‌కు చేసిందేమీ లేదు అని, తాను హైదరాబాద్‌ను ఎలా అభివృద్ది చేశానో ప్రపంచమంతా తెలిసుని చంద్రబాబు అన్నారు. మన రాష్ట్రానికి సహకరిస్తే, మనం అభివృద్ధిలో గుజరాత్ ని మించిపోతామనే భయం మోడీకి పట్టుకుందని దుయ్యబట్టారు. కనీస హుందాతనం అనేది లేకుండా మోడీ వ్యాఖ్యానించారని, ఇక్కడ రాష్ట్ర ప్రజలు ఎక్కడ నిలదీస్తారో అని రాష్ట్ర పర్యటనను రద్దు చేసుకున్నారని మోడీ పై మండిపడ్డారు. ఈ రోజు ఉదయం పార్టీ నాయకులతో ‘జన్మభూమి-మా ఊరు’ చంద్రబాబు టెలీకాన్ఫరెన్స్ నిర్వహించారు.

ఈ కార్యక్రమం విజయవంతం చెయ్యాలని, ఈ 10 రోజులు అందరూ గ్రామాలు, వార్డుల్లోనే ఉండాలని చెప్పారు. అన్ని వైపుల నుంచి దుష్టశక్తులు రాష్ట్రం పై కక్ష కట్టాయని, అభివృద్ధి ఆగిపోవాలని కుట్రలు చేస్తున్నారని విమర్శించారు. మరో నాలుగు నెలల్లో ఎన్నికలు ఉన్నాయని, అందరూ ఇది కీలక సమయంగా భావించి తెలుగుదేశాన్ని మళ్ళీ గెలిపించి రాష్ట్రాన్ని కాపాడుకోవాలని సూచించారు. రాష్ట్ర భవిష్యత్‌ ఈ ఎన్నికలపైనే ఆధారపడి ఉందని, ఇప్పుడు పనులు అన్నీ ఆగిపోతే, ఉమ్మడి రాష్ట్రంలో 2004 నుంచి 14 వరకు ఉన్న పరిస్థితులు వస్తాయని అన్నారు. ఏపీకి ఇవ్వాల్సిన కరెంట్‌ డబ్బులు చెల్లించరు గానీ పొరుగు రాష్ట్రం ప్రకటనలు ఆంధ్రలో, తెలంగాణ ప్రభుత్వం ఇవ్వడంపై సీఎం ఆగ్రహం వ్యక్తం చేశారు. దక్షిణాది రాష్ట్రాల్లో భాజపా జీరో అని.. మోదీ, అమిత్‌ షా, ముగ్గురు సీఎంలు, 13మంది కేంద్రమంత్రులు ప్రచారం చేసినా తెలంగాణలో ఒక్క సీటు మాత్రమే గెలిచారని దుయ్యబట్టారు. తెలంగాణలో కూటమి విఫలం అని భాజపా నేతలు చేస్తున్న వ్యాఖ్యలను ఆయన ఖండించారు. భాజపాయేతర కూటమికి బీటలు పడ్డాయని జైట్లీ వ్యాఖ్యలు హాస్యాస్పదమన్నారు.

నాలుగు రోజులు కూడా గడువివ్వకుండా హైకోర్టును తరలించారని విమర్శించారు. ఏపీలో తెదేపా గెలిస్తే తన అసమర్ధత బైటపడుతుందని కేసీఆర్‌ భయపడుతున్నారని వ్యాఖ్యానించారు. కేసుల మాఫీ కోసం జగన్‌కు అధికారం కావాలని, అందుకే మోదీ, కేసీఆర్‌తో జట్టుకడుతున్నారని అన్నారు. ఎవరైతే మనకు అన్యాయం చేశారో వాళ్లపై మనం పోరాడుతున్నామని, అలాంటి వారితో జగన్ స్నేహం చేస్తున్నారని మండిపడ్డారు. మోదీ, జగన్‌, కేసీఆర్ ముగ్గురూ ఏపీపై పగబట్టారని, ముగ్గురు మోదీలతో మనం పోరాటం చేస్తున్నామని అన్నారు. ప్రజల్లో పట్టుదల పెరగాలని, అందరూ కసితో పనిచేయాలని సూచించారు. తెలంగాణలో ఏమీ చేయని కేసీఆర్‌ 80కి పైగా సీట్లలో గెలిచారని, అన్నీ చేసిన మనం ఇంకా ఎక్కువ స్థానాల్లో గెలవాలని నేతలకు స్పష్టం చేశారు. ప్రభుత్వం చేస్తున్న అభివృద్ధిని ప్రజల్లోకి బలంగా తీసుకెళ్లాలని సూచించారు. మత వ్యవహారాల్లో భాజపా జోక్యం చేసుకుంటోందని ట్రిపుల్‌ తలాక్‌ విషయంలో ఒకలా.. శబరిమలలో ఇంకోలా భాజపా కుట్రలు చేసిందని చంద్రబాబు విమర్శించారు. విభజించి పాలించాలని ఆ పార్టీ చూస్తోందని మండిపడ్డారు. వారి కుట్రలను తిప్పికొట్టాలని నేతలకు సీఎం దిశా నిర్దేశం చేశారు.

యోగి మోడల్ అంటూ హడావిడి చేసే బీజేపీ బ్యాచ్, ఇప్పుడు యోగి చేస్తున్న పని గురించి ఏమంటారో. లేక అదే మంచిదని, భజన చేస్తారో. ఇక విషయానికి వస్తే, ఉత్తర ప్రదేశ్‌లో ఆవుల సంరక్షణ కోసం కొత్తగా పన్నును విధించనున్నారు. దీనికి రాష్ట్ర ముఖ్యమంత్రి యోగి ఆదిత్యనాథ్‌ కేబినెట్‌ మంగళవారం ఆమోదం తెలిపింది. ‘గో సంరక్షణ సెస్‌’ పేరుతో దీన్ని అమలు చేయనున్నట్లు తెలిపారు. అలాగే ఆవుల సంరక్షణకు పట్టణ, గ్రామీణ పౌర సంస్థల ఆధ్వర్యంలో తాత్కాలికంగా ‘గోవంశ్‌ ఆశ్రయ్‌ ఆస్థల్‌’లను ఏర్పాటు చేసే ప్రతిపాదనలను కూడా మంత్రివర్గం ఆమోదించింది. ఇప్పటికే ఉన్న పన్నులకు తోడు, ఈ కొత్త పన్ను పై ప్రజలు భగ్గు మంటున్నారు.

అలాగే, అన్ని గ్రామాలు, పంచాయతీలు, మున్సిపాలిటీలు, నగర పంచాయతీలు, మున్సిపల్‌ కార్పొరేషన్లలో ఆవుల సంరక్షణ కోసం తాత్కాలికంగా షెడ్లు ఏర్పాటు చేయనున్నట్లు అధికారులు వెల్లడించారు. ప్రతి జిల్లాలో గ్రామీణ, పట్టణ ప్రాంతాల్లో కూడా ఒక్కో షెడ్డులో వెయ్యి పశువులకు ఆశ్రయం కల్పించే విధంగా ఏర్పాటు చేస్తామని చెప్పారు. ఎక్సైజ్‌, టోల్ ట్యాక్స్, ఇతర లాభదాయ కార్పొరేషన్స్‌పై ‘గో సంరక్షణ సెస్‌’ విధించనున్నట్లు తెలిపారు. చాలా మంది రైతులు తమ పశువులను వదిలేస్తున్నారని.. ఇలాంటి షెడ్ల వల్ల వాటికి ఆశ్రయం లభిస్తుందని, రోడ్లపై తిరిగే పశువులకు కూడా ఆశ్రయం కల్పించినట్లవుతుందని చెప్పారు. సంబంధిత విభాగాలు పరస్పర సహకారంతో ఆవుల సంరక్షణ చేస్తారని వెల్లడించారు.

ఇప్పటికే యూపీ ఎక్స్‌ప్రెస్ వే, ఇండస్ట్రియల్ డెవలప్ మెంట్ అథారిటీ, యూపీ రాష్ట్ర నిర్మాణం, ఇన్ ఫ్రాస్ట్రక్చర్ డెవలప్ మెంట్ కార్పొరేషన్, యూపీ స్టేట్ బ్రిడ్జి కార్పొరేషన్, మండి పరిషత్, యూపీఎస్ఐడీసీలు గో సంరక్షణ కోసం ఒకశాతం సెస్ వసూలు చేస్తున్నాయి. ఈ సెస్ ను 2 శాతానికి పెంచాలని నిర్ణయించారు. ఈ సెస్ నిధులతో ప్రతీ జిల్లాలో వెయ్యి ఆవులను ఉంచేందుకు వీలుగా షెల్టర్లు నిర్మించాలని నిర్ణయించారు. ఈ నిధులతో గ్రామాలు, మున్సిపాలిటీల్లో గోసంరక్షణాలయాలు నిర్మించనున్నారు. ఈ సెస్ తోపాటు ఎమ్మెల్యే, ఎంపీల్యాడ్స్ నిధులతో కూడా ఆవుల కోసం షెల్టర్ల నిర్మాణానికి వినియోగించాలని నిర్ణయించారు. అయితే, గోవుల సంరక్షణ మంచేదే అయినా, అంత పెద్ద రాష్ట్రం సొంతగా ఖర్చు పెట్టచ్చు కదా, దాన్ని ప్రజల మీద భారం వెయ్యటం ఏంటి అనే వాదనలు వినిపిస్తున్నాయి. ఇదే సూపర్ మోడల్ అంటూ, దేశ వ్యాప్తంగా కూడా ఇలా చేస్తారేమో అనే విమర్శలు వస్తున్నాయి.