news

ఏఎన్ఐ న్యూస్ ఏజెన్సీ ఇంటర్యూలో ప్రధానమంత్రి నరేంద్రమోడీ, తనపై చేసిన విమర్శలకు టీడీపీ అధినేత చంద్రబాబు వెంటనే కౌంటర్ ఇచ్చారు. చంద్రబాబు ఆక్రోశంతో ఏదేదో మాట్లాడుతున్నారని.. మోడీ అనడంపై చంద్రబాబు మండిపడ్డారు. కేసీఆర్ సన్నాసి, గాడు అని తిట్టినా మోడీకి బాధ లేదని.. రాష్ట్రం కోసం మేం నిలదీస్తే తప్పుబడతారా? అని ప్రశ్నించారు. తెలంగాణలో కేసీఆర్ గెలిస్తే మోదీకి ఎందుకు సంబరం అంటూ ప్రశ్నించారు. తెలంగాణలో బీజేపీ గెలిచిందని కేవలం ఒక సీటు మాత్రమేనని మోదీ గుర్తించుకోవాలన్నారు. ప్రధాని, అమిత్ షా, ముగ్గురు ముఖ్యమంత్రులు, అనేక మంది కేంద్ర మంత్రులు ప్రచారం చేసినా ఒక్క సీటు మాత్రమే గెలిచిందని చంద్రబాబు చెప్పారు.

తెలంగాణ సీఎం కేసీఆర్ ఏర్పాటు చేస్తానన్న ఫెడరల్ ఫ్రంట్ ఎక్కడుంది? అని ఏపీ ముఖ్యమంత్రి చంద్రబాబునాయుడు ప్రశ్నించారు. అమరావతిలో ఈరోజు ఏర్పాటు చేసిన మీడియా సమావేశంలో ఆయన మాట్లాడుతూ, ప్రధాని మోదీ, ఆర్థిక మంత్రి జైట్లీ కలిసి ప్రమోట్ చేస్తున్నదే ఈ ఫెడరల్ ఫ్రంట్ అని అనుమానం వ్యక్తం చేశారు. వాళ్లకు లాభం చేకూరుతుందనే దీన్ని ప్రమోట్ చేస్తున్నారని విమర్శించారు. ఫెడరల్ ఫ్రంట్ లో ఉంటున్నట్టు తృణమూల్ కాంగ్రెస్ చెప్పలేదని, ఆ పార్టీ ప్రకటించకపోయినప్పటికీ ఈ విషయమై కేంద్రం తప్పుదారి పట్టిస్తోందని మండిపడ్డారు.

ఏపీ ప్రజల్ని రెచ్చగొట్టడానికి కేసీఆర్‌ ప్రయత్నిస్తున్నారని చంద్రబాబు అన్నారు. తెలంగాణ ముఖ్యమంత్రి కేసీఆర్ ... ఏపీ మీడియాలో పెద్దఎత్తున ప్రకటనలు ఇచ్చి మన ప్రభుత్వాన్ని రెచ్చగొట్టాలని, అవమానించాలని చూస్తున్నారని ఆగ్రహం వ్యక్తం చేశారు. ఏపీలో కుట్ర రాజకీయాలు చేస్తున్నారని ధ్వజమెత్తారు. ఏపీలో బలహీనమైన ప్రభుత్వం ఉంటే వాళ్లు పనిచేయకపోయినా గొప్పగా చెప్పుకోవచ్చని అనుకుంటున్నారని ఎద్దేవా చేశారు. వాళ్లు చెప్పినట్టు వినే ప్రభుత్వం రావాలని భావిస్తున్నారని చంద్రబాబు తెలిపారు. ఏపీలో 10.52 శాతం వృద్ధిరేటు ఉంటే..తెలంగాణలో 9.7శాతమే ఉందన్నారు. నాలుగేళ్లలో వ్యవసాయం, అనుబంధ రంగాల వృద్ధి రెట్టింపు అయిందని చంద్రబాబు చెప్పారు. ఆర్థికరంగంపై శ్వేతపత్రం విడుదల చేసిన చంద్రబాబు.. షెడ్యూల్ 9, 10 సంస్థల విభజన ఇంతవరకు జరగలేదన్నారు. ఏపీని కేంద్రం అణగదొక్కడానికి ప్రయత్నించడం దుర్మార్గమని చంద్రబాబు మండిపడ్డారు.

తిరుమలలో బాలుడి అపహరణ కేసు సుఖాంతమైంది. ఈ కేసులో నిందితుడిని తిరుపతి అర్బన్‌ పోలీసులు మీడియా ముందు ప్రవేశపెట్టారు. బాలుడిని క్షేమంగా తల్లిదండ్రులకు అప్పగించారు. ఈ కేసుకు సంబంధించిన వివరాలను ఎస్పీ అన్బురాజన్‌ మీడియాకు వెల్లడించారు. ‘కిడ్నాపర్‌ విశ్వంభర్‌ నిజామాబాద్‌ వాసి.. కూలీ పని చేస్తున్నాడు. గతంలో చిన్న చిన్న దొంగతనాలు చేసేవాడు. బాలుడిని పెంచుకోవాలన్న ఉద్దేశంతోనే అతను కిడ్నాప్‌ చేశాడు. డిసెంబర్‌ 22న తిరుమల వచ్చి చిన్నారులను కిడ్నాప్‌ చేయాలనే ఉద్దేశంతో తిరిగాడు. నిందితుడిపై అనుమానం వచ్చి 26న విజిలెన్స్‌ సిబ్బంది విచారించారు. అయితే ఈ విచారణలో నిందితుడు తప్పుడు సమాచారం ఇచ్చాడు’ అని ఎస్పీ తెలిపారు.

నిందితున్ని పట్టుకునేందుకు 6 ప్రత్యేకబృందాలు ఏర్పాటు చేశామని.. తితిదే, విజిలెన్స్‌, రైల్వే పోలీసులు సమష్టిగా కృషి చేశారని కొనియాడారు. డిసెంబర్‌ 28న ఉదయం తిరుమలలో 16 నెలల బాలుడు వీరేశ్‌ను విశ్వంభర్‌ కిడ్నాప్‌ చేశాడు. అనంతరం బాలునితో మహారాష్ట్రలోని మాహూరుకు నిందితుడు వెళ్లాడు. సీసీ కెమెరా దృశ్యాల ఆధారంగా నిందితుడు వెళ్లిన మార్గాన్ని పోలీసులు గుర్తించారు. బాలుని ఆచూకీ కనుగొనడంలో తిరుపతి అర్బన్‌ పోలీసులు, మహారాష్ట్ర పోలీసులు సమష్టిగా కృషి చేశారని ఎస్పీ తెలిపారు. అక్కడి స్థానికులు గుర్తుపట్టి సమాచారం ఇవ్వడంతో మాహూరు పోలీసులు నిందితుడిని అదుపులోకి తీసుకున్నారని చెప్పారు. మీడియాలో విస్తృత ప్రచారంతో ఆచూకీ త్వరగా లభించిందన్నారు. ఈ ఘటనతో తిరుమలలో భద్రతను మరింత కట్టుదిట్టం చేసినట్లు చెప్పారు. చిన్నారులతో వచ్చే తల్లిదండ్రులకు ఇకపై చైల్డ్‌ ట్యాగింగ్‌ వేస్తామని తెలిపారు.

బాలుడు అదృశ్యమైన నాటి నుంచి పోలీసులు ఆచూకీ కోసం ప్రత్యేక బృందాలుగా విడిపోయి గాలించారు. నిందితుడిని గుర్తించి, అతని ఫోటో తీసి, ప్రచారం చెయ్యటంలో తిరుపతి పోలీసులు సక్సెస్ అయ్యారు. ఈ ఘటనపై పత్రికలు, ప్రసార మాధ్యమాలు, సామాజిక మాధ్యమాల వేదికగా కూడా పెద్దఎత్తున ప్రచారం లభించింది. ఈ నేపథ్యంలో సామాజిక మాధ్యమాల ద్వారా బాలుడిని, నిందితుడిని ఆదివారం ఉదయం మహారాష్ట్ర పోలీసులు గుర్తించారు. నిందితుడిని అదుపులోకి తీసుకుని ఇక్కడి పోలీసులకు సమాచారం ఇచ్చారు. దీంతో నిందితుడిని, బాలుడిని తిరుపతి పోలీసులు మహారాష్ట్ర వెళ్లి, తిరుపతి తీసుకువచ్చారు. రెండు రోజుల్లోనే కేసును చేదించటంతో అందరూ ఊపిరి పీల్చుకున్నారు.

కొత్త సంవత్సరం తొలిరోజే ప్రధాని మోదీ మీడియాకు సుదీర్ఘ ఇంటర్వ్యూ ఇచ్చారు. ఏఎన్ఐ ఎడిటర్ స్మితా ప్రకాష్‌కు ఈ ఇంటర్వ్యూ ఇచ్చారు. 95 నిమిషాల పాటు సాగిన ఈ ఇంటర్వ్యూ సాయంత్రం 6 గంటలకు ప్రసారం కానుంది. ఎన్నికల సంవత్సరం కావడంతో ప్రధాని మోదీ ఇంటర్వ్యూ ప్రత్యేకత సంతరించుకుంది. కేంద్రంలో బీజేపీ సారథ్యంలోని ఎన్డీయే ప్రభుత్వం ఐదేళ్ల పాలనలో సాధించిన విజయాలు, ఎదుర్కొన్న సమస్యలను మోదీ తన ఇంటర్వ్యూలో ప్రస్తావించారు. అయితే ఇది ఒక ప్లాన్ చేసి, ఎడిట్ చేసిన ఇంటర్వ్యూ. ఒక్క ప్రెస్ కాన్ఫరెన్స్ కూడా ఇప్పటి వరకు మోడీ ఎదుర్కోలేదు అనే విమర్శలు వస్తున్నా, ఆయన మాత్రం ఇలా, ఒక ప్లాన్డ్ ఇంటర్వ్యూ ఇచ్చి, కావాల్సిన ప్రశ్నలు అడిగి, అలాగే కావలసిన సమాధానాలు ఎడిట్ చేసి, అది మీడియాకు ఇచ్చి, నేను చాలా ధైర్యవంతుండిని, 56 అంగుళాల ఛాతీ, అంటూ బిల్డ్ అప్ లు ఇవ్వటం తప్ప, ప్రెస్ ను ఎదుర్కునే దమ్ము లేని మొదటి ప్రధాని. అయితే, ఇదే ఇంటర్వ్యూ లో చంద్రబాబు పై మోడి విమర్శలు చేసారు.

ఈ ఇంటర్వ్యూ లో, కేసీఆర్‌ ఫ్రంట్‌ ఏర్పాటు పై ప్రశ్న అడగగా, ఒక ప్రధాని హోదాలో ఉండి కూడా, ఎబ్బే అసలు అదేంటో నాకు తెలియదు, అసలు ఆయన ఫ్రంట్ ఏర్పాటు చేస్తున్నాడు అనే విషయం కూడా నాకు తెలియదు అని మోడీ చెప్పారు. ఇదే సందర్భంలో చంద్రబాబు పై విమర్శలు చేసారు. ఒక పక్క కేసీఆర్ ఫ్రంట్ తెలియదు అంటూనే, మోడీ కోసమే కేసిఆర్ ఫ్రంట్ పెడుతున్నాడు అంటూ, చంద్రబాబు అంటున్నారని, చంద్రబాబు తెలంగాణ పై చంద్రబాబు ద్వేషంతో రాజకీయం చేయాలనుకున్నారు అంటూ, ఒక ప్రధాని అని సోయ కూడా లేకుండా, ప్రాంతాల మధ్య విద్వేషాలు రెచ్చగొడుతున్నాడు. తెలంగాణా ఎన్నికల్లో చంద్రబాబు ఓడిపోయి, ఆ ఆక్రోశంతో ఏదేదో మాట్లాడుతున్నారు, అసలు మహాకూటమి అనే మాటకే అర్థం లేదు,అసలు మహాకూటమిపై చర్చించాల్సిన అవసరం లేదు అంటూ మోడీ మాట్లాడారు. అయితే ఇక్కడ చంద్రబాబు పోటీ చేసింది 13 స్థానాలు, అదే చోట 119 స్థానాల్లో పోటీ చేసి, 103 చోట్ల డిపాజిట్ లు కోల్పోయిన బీజేపీ గురించి మాత్రం ప్రధాని గారు మర్చిపోయారు. వాళ్లకు బలం ఉన్న హిందీ బెల్ట్ లో మూడు రాష్ట్రాల్లో ఘోర పరాజయం మర్చిపోయారు.

అయితే ఇదే విషయం పై చంద్రబాబు అదే స్థాయిలో స్పందించారు. ఈ రోజు శ్వేత పత్రం విడుదల సందర్భంగా, విలేకరులు ఈ ప్రస్తానవ తేగా, చంద్రబాబు స్పందించారు. ప్రధాని మాటలు వింటుంటేనే తెలుస్తుంది కదా, ఎవరూ ఏంటో అంటూ చెప్పుకొచ్చారు. తెలంగాణాలో మేము ఓడిపోయాం అంటున్నారు, ఈయన గెలిచాడా ? డిపాజిట్ లు పోయాయి, అయినా కేసీఆర్ గెలిస్తే ఈయన సంబరం ఏంటి ? తెలంగాణాలో ఈయనే వచ్చి ప్రచారం చేస్తే, 103 చోట్ల డిపాజిట్ పొతే, దాని గురించి చెప్పకుండా, కేసీఆర్ గెలుపును ఈయన ఎంజాయ్ చేస్తూ, మమ్మల్ని విమర్సిస్తున్నాడు, మహా కూటమి ఉనికే లేదు అన్నప్పుడు, ఎందుకు భయం అంటూ చంద్రబాబు ప్రశ్నించారు. ప్రతిపక్షాల పై దండ యాత్ర చేస్తూ, కేసులు పెట్టి విదేస్తూ, దేశంలో అన్ని వ్యవస్థలని బ్రస్టు పట్టిస్తూ, దేశాన్ని తిరోగమనం వైపు తీసుకువెళ్తు, ప్రతి రోజు ప్రజలని ఇబ్బంది పెడుతుంటే, ఇలాంటి ప్రధానిని దించటానికి అందరం ఏకం అవుతున్నాం, దీంట్లో తప్పు ఏంటి ? 22 పార్టీలు మద్దతు పలికితే, కేసీఆర్ ఈ ఫ్రంట్ లో ఎందుకు లేడు అంటూ, చంద్రబాబు ప్రశ్నించారు. మోడీ గాడు, సన్నాసీ అంటున్నా, కేసీఆర్ ను ఒక్క మాట అనరు అని, ఇదేమి లాలూచీనో ప్రజలే ఆలోచించలాని అన్నారు.