news

నరేంద్ర మోదీ ప్రధాన మంత్రిగా బాధ్యతలు చేపట్టిన తర్వాత విదేశీ ప్రయాణాల కోసం వెచ్చించిన డబ్బు వివరాలను నిన్న పార్లమెంటులో వెల్లడించారు. 2014 జూన్‌ నుంచి నుంచి మోదీ విదేశీ పర్యటనల కోసం, ఛార్టెర్డ్‌‌ ఫ్లైట్స్‌, విమానాల నిర్వహణ, సదుపాయాల ఏర్పాటుకు రూ.2,021 కోట్లు ఖర్చైనట్లు ప్రభుత్వం రాజ్యసభలో ఓ ప్రశ్నకు సమాధానమిచ్చింది. 2014 నుంచి 2018 మధ్యలో ప్రధాని మోదీ పర్యటించిన దేశాల జాబితాను కేంద్ర విదేశాంగ శాఖ సహాయమంత్రి వీకే సింగ్‌ రాజ్యసభలో వెల్లడించారు. అందులో భారత్‌కు అత్యధికంగా విదేశీ ప్రత్యక్ష పెట్టుబడులు అందిస్తున్న తొలి పది దేశాలు ఉన్నాయి.

భారత్‌కు విదేశీ ప్రత్యక్ష పెట్టుబడులు గతంతో పోలిస్తే పెరిగాయని వీకే సింగ్‌ వెల్లడించారు. 2014లో 30,930.5మిలియన్‌ డాలర్ల విదేశీ పెట్టుబడులు రాగా, 2017లో 434 78.27మిలియన్‌ డాలర్ల ఎఫ్‌డీఐలు వచ్చాయని తెలిపారు. అంతకుముందు ప్రధానిగా పనిచేసిన మన్మోహన్‌ సింగ్ విదేశీ పర్యటనలకు 2009 నుంచి 2014 వరకు రూ.1,346కోట్లు ఖర్చైందని వెల్లడించారు. కాగా 2014 నుంచి 2018 వరకు ప్రధాని నరేంద్ర మోదీ విదేశీ పర్యటనలకు రూ.2021కోట్లు వెచ్చించినట్లు చెప్పారు. మోదీ 2014 మే నుంచి 48 విదేశీ పర్యటనల్లో 55 దేశాలను సందర్శించారని వెల్లడించారు.

2015లో అత్యంత ఖరీదైన చార్టెడ్ ఫ్లైట్‌లో ఆయన ఫ్రాన్స్, జర్మనీ, కెనడా దేశాల్లో 9రోజుల పాటు పర్యటించారు. మరో విదేశీ పర్యటన చేస్తే ఆయన మాజీ ప్రధాని మన్మోహన్ సింగ్ పేరిట ఉన్న రికార్డ్‌ను తిరగరాసినట్టవుతుంది. మన్మోహన్ ప్రధానిగా బాధ్యతలు నిర్వర్తించిన పదేళ్ల కాలంలో 93 విదేశీ పర్యటనలకు వెళ్లారు. ప్రధాని మోదీ కేవలం నాలుగేళ్ల ఏడు నెలల కాలంలోనే 92 పర్యటనలకు వెళ్లారు. రాబోయే లోక్‌సభ ఎన్నికల లోపు మోదీ మరో రెండు విదేశీ పర్యటనలకు వెళితే.. ప్రధాని ఇందిరా గాంధీ తర్వాత అత్యధిక విదేశీ పర్యటనలు చేసిన రెండో ప్రధానిగా మోదీ సరికొత్త రికార్డ్ సృష్టించే అవకాశముంది. మాజీ ప్రధాని ఇందిరా గాంధీ తన 15ఏళ్ల పదవీ కాలంలో 113 విదేశీ పర్యటనలు చేశారు.

బీజేపీ కార్యకర్తల నుంచి ఎదురైన ఇబ్బందికర పరిస్థితి నుంచి ఆమ్‌ఆద్మీ పార్టీ అధ్యక్షుడు అరవింద్‌ కేజ్రీవాల్‌ను కేంద్రమంత్రి నితిన్‌ గడ్కరీ బయటపడేశారు. కాలుష్యకాసారంగా మారిన యమునా నదిని ప్రక్షాళన చేయడం కోసం ప్రజలకు అవగాహన కల్పించాలని గంగాప్రక్షాళన జాతీయ పథకం, దిల్లీ జలమండలి నిర్ణయించి ఒక సమావేశం నిర్వహించాయి. దిల్లీలోని విజ్ఞాన్‌భవన్‌లో జరిగిన ఈ కార్యక్రమంలో కేంద్ర జలవనరుల మంత్రి నితిన్‌గడ్కరీ, కేంద్ర పర్యావరణమంత్రి హర్షవర్ధన్‌, దిల్లీ ముఖ్యమంత్రి కేజ్రీవాల్‌, ఉపముఖ్యమంత్రి మనీష్‌ సిసోడియా, పలువురు భాజపా ఎంపీలు, కార్యకర్తలు పాల్గొన్నారు. కేజ్రీవాల్‌ ప్రసంగించడానికి ఉద్యుక్తులవ్వగానే, సభలోని భాజపా కార్యకర్తలు వేళాకోళంగా దగ్గడం ప్రారంభించారు.

వారిని వారించడానికి కేజ్రీవాల్‌ చేసిన ప్రయత్నం ఫలించలేదు. ‘‘మీరు నిశ్శబ్దంగా ఉంటే నేను మాట్లాడతాను’ అని పదేపదే పేర్కొన్నా భాజపా కార్యకర్తలు పట్టించుకోలేదు. మరింత బిగ్గరగా దగ్గడం ప్రారంభించారు. దీంతో కేజ్రీవాల్‌ అసహనంతో మాట్లాడటం ఆపేశారు. వేదికపై ఉన్న గడ్కరీ కల్పించుకున్నారు. ‘‘ఇది ప్రభుత్వ కార్యక్రమం. అందరూ నిశ్శబ్దం పాటించాలి’’ అన్నారు. ఆ ఒక్క మాటతో భాజపా కార్యకర్తల నోళ్లు మూతపడ్డాయి. అనంతరం కేజ్రీవాల్‌ మాట్లాడుతూ, ‘‘మమ్మల్ని నితిన్‌జీ ఎప్పుడూ ప్రతిపక్ష పార్టీకి చెందినవారిగా చూడలేదు. నాకు మిగతా నాయకుల గురించి పెద్దగా తెలియదు. ఆయన మాపై కురిపిస్తున్న ప్రేమకు ధన్యవాదాలు’’ అని కృతజ్ఞతలు తెలిపారు.

ఊపిరితిత్తుల సమస్యతో బాధపడుతున్న కేజ్రీవాల్‌, 40 ఏళ్లుగా దగ్గుతున్నారు. 2016లో బెంగళూరులో శస్త్రచికిత్స సైతం చేయించుకున్నారు. కేజ్రీవాల్‌ సమస్యను ఎగతాళి చేసేలా భాజపా కార్యకర్తలు దగ్గారు. అయితే గడ్కారీ కలగచేసుకోవటంతో, సైలెంట్ అయ్యరు. కేజ్రీవాల్‌ అంటే, రాహుల్ గాంధీ కంటే ఎక్కువ శత్రువగా చూసే, బీజేపీ అధిష్టానికి, గడ్కరీ చర్య మింగుడు పడటం లేదు. ఎగతాళి చేస్తే ఏమవుతుందని, ఆప్ కార్యకర్తలకు లేని బాధ గడ్కరీ ఎందుకంటూ, అమిత్ షా కోటరీలోని ఒక నాయుకుడు వ్యాఖ్యానించారు. గడ్కరీ ప్రవర్తన చూసి, అమిత్ షా, మోడీ బ్యాచ్ గత కొన్ని రోజులుగా, గుర్రుగా ఉన్న సంగతి తెలిసిందే. ఇటీవల, గడ్కరీ చేసిన వ్యాఖ్యలతో, మోడీ, షా హార్ట్ అయిన సంగతి తెలిసిందే.

తెల్ల రేషన్ కార్డులను జారీ చేసేందుకు అర్హత ఆదాయ పరిమితిని పెంచే అంశంపై రాష్ట్ర ప్రభుత్వం కసరత్తు చేస్తోంది. త్వరలోనే ఇందుకు సంబంధించి మార్గదర్శకాలు జారీ చేసే వీలు ఉందని అధికారవర్గాలు భావిస్తున్నాయి. ప్రస్తుతం రాష్ట్రంలో తెల్ల రేషన్ కార్డు జారీకి గ్రామీణ ప్రాంతాల్లో వార్షికాదాయం 60 వేల రూపాయలు, పట్టణ ప్రాంతాల్లో వార్షికాదాయం 75 వేల రూపాయలు కలిగి ఉండాలి. దాదాపు రెండు దశాబ్దాలుగా వార్షికాదాయ పరిమితిని పెంచలేదు. ఇదే సమయంలో ప్రభుత్వం చేపట్టిన వివిధ సంక్షేమ, అభివృద్ధి కార్యక్రమాల వల్ల పేదల ఆదాయం కొంత మేరకు పెరిగింది. రాష్ట్ర తలసరి ఆదాయం కూడా 1.42 లక్షల రూపాయలకు చేరుకుంది.

ఆదాయం పెరగడం వల్ల చాలామంది తెల్ల రేషన్ కార్డులను పొందేందుకు అనర్హులు అవుతున్నారు. తెల్ల రేషన్ కార్డు కలిగి ఉన్న వారికి రాష్ట్ర ప్రభుత్వం అనేక రాయితీలు, సౌకర్యాలు కల్పిస్తోంది. మరింత మందికి తెల్లరేషన్ కార్డు జారీకి అర్హత కల్పించేందుకు వీలుగా వార్షికాదాయ పరిమితిని పెంచే అంశంపై అధికారులు కసరత్తు చేస్తున్నారు. తెల్ల రేషన్ కార్డుల జారీకి గ్రామీణ ప్రాంతాల్లో వార్షికాదాయం 1.2 లక్షల రూపాయలు, పట్టణ ప్రాంతాల్లో 1.5 లక్షల రూపాయలకు పెంచే అంశం పరిశీలిస్తున్నారు. త్వరలోనే ఇందుకు సంబంధించి ఉత్తర్వులు జారీ కావచ్చని భావిస్తున్నారు.