news

గత కొన్ని రోజులుగా టెన్షన్ తో కొట్టుకుంటున్న జగన్, పవన్ లకు, ఢిల్లీ నుంచి మోడీ గారు చల్లని కబురు వినిపించారు. న్యూ ఇయర్ గిఫ్ట్ ఇచ్చినంత సంతోషంతో, జగన్, పవన్ లు ఉన్నారు. వారం నుంచి ప్రజలను ఎలా ఫేస్ చెయ్యాలా అని ఆలోచలనలో ఉన్న జగన్, పవన్ లకు మోడీ చెప్పిన గుడ్ న్యూస్ తో, ఊపిరి పీల్చుకున్నారు. జనవరి 6 న మోడీ గుంటూరులో బహిరంగ సభ కోసం వస్తున్న సంగతి తెలిసిందే. ఈ పర్యటనకు బీజేపీ నేతలు ఏర్పాట్లు కూడా చేస్తున్నారు. అయితే, రాష్ట్రానికి ఇచ్చిన హామీలు, విభజన బిల్లులో అంశాలు ఒక్కటి కూడా నెరవేర్చకపోవటంతో, మోడీ పర్యటన పై నిరసన తెలుపుతామని, చంద్రబాబు ఇప్పటికే ప్రకటించారు. ప్రజలు కూడా స్వచ్చందంగా నిరసన తెలపటానికి సిద్ధమయ్యారు. అయితే పవన్, జగన్ మాత్రం మోడీ పర్యటన పై ఒక్కటంటే, ఒక్క మాట కూడా మాట్లాడటం లేదు.

పర్యటన దగ్గర పడే కొద్దీ, ప్రజల్లో ఆగ్రహం వ్యక్తం అవుతుంటే, జగన, పవన్ మాత్రం కలుగుల్లో దాక్కున్నారు. చంద్రబాబు కూడా ప్రతి రోజు, వీరిని, మోడీ పర్యటన పై వైఖరి చెప్పమని అడుగుతున్నారు. ఈ నేపధ్యంలో, ఈ రోజు ఢిల్లీ నుంచి వీరిద్దరికీ గుడ్ న్యూస్ వచ్చింది. ప్రధాని నరేంద్ర మోదీ ఏపీ పర్యటన వాయిదా పడింది అంటూ, పీఎంఓ నుంచి కబురు వచ్చింది. దీంతో, జగన్ పవన్ లకు పెద్ద గండం తప్పింది. మోడీ కనుక వచ్చి ఉంటే, చంద్రబాబు పెద్ద ఎత్తున నిరసన తెలిపే వారు. అది టాక్ అఫ్ ది నేషన్ అయ్యేది. జగన్, పవన్ మాత్రం, మోడీ ని ఒక్క మాట కూడా అనకుండా, ఎక్కడో దాక్కునే వారు. ప్రజలకు ఫుల్ క్లారిటీ వచ్చేది. అయితే, ఇప్పుడు మోడీ రారు అని తెలియటంతో, వీరి ఇద్దరికే, పెద్ద గండం తప్పింది.

బిజీ షెడ్యూల్‌, ఆకస్మిక కార్యక్రమాల వలన ఈ టూర్‌ను మోడీ వాయిదా వేసుకున్నారని బీజేపీ వర్గాలు అంటున్నాయి. జనవరి నెలాఖరు లేదా ఫిబ్రవరిలో మోదీ పర్యటన ఉండే అవకాశం ఉందని చెప్తున్నారు. జనవరి 6న కేరళన కేరళ, ఆంధ్రప్రదేశ్ పర్యటనలకు షెడ్యూల్ ఖరారయ్యింది. కేరళ పర్యటన తర్వాత.. ఏపీకి వచ్చేలా ప్లాన్ చేసుకున్నారు. కేరళ పర్యటనలోనే కాస్త ఆలస్యమయ్యే అవకాశం ఉండటంతో ఈ నిర్ణయం తీసుకున్నట్లు సమాచారం. ఏపీ పర్యటనకు సమయం సరిపోదనే కారణంగానే వాయిదా వేసుకున్నారట. ప్రధాని మోదీ పర్యటన వాయిదా పడటంతో బీజేపీ శ్రేణులు కాస్త నిరుత్సాహపడ్డాయి. ఉన్నట్టుండి టూర్ వాయిదా వేయడంతో టీడీపీ తమకు అనుకూలంగా ప్రచారం చేసుకుంటుందని బీజేపీ నేతలు బాధ పడుతున్నారు.

ఆంధ్రప్రదేశ్ రాష్ట్రం పట్ల కేంద్రం తీరుపై ముఖ్యమంత్రి చంద్రబాబు తీవ్రస్థాయిలో విమర్శలు గుప్పించారు. ఏపీని దేశంలో భాగంగా కేంద్రం చూడటం లేదని మండిపడ్డారు. విశాఖ ఉత్సవ్‌లో ఎయిర్ షో నిర్వహించనివ్వకుండా అడ్డుకున్నారన్నారు. విశాఖ ఉత్సవ్‌లో ఎయిర్ షో ట్రైల్స్ తర్వాత రద్దు చేశారని ఆగ్రహం వ్యక్తం చేశారు. అటు హైకోర్టు విభజన విషయంలోనూ సంప్రదింపులు జరపలేదన్నారు. సమయం ఇవ్వకుండా జనవరి1 కల్లా వెళ్లిపోవాలి అనడం సరికాదని అన్నారు. రాష్ట్రాల విషయంలో కేంద్రం ఏకపక్షంగా వ్యవహరిస్తోందని విరుచుకుపడ్డారు. ఆరో శ్వేతపత్రం విడుదల సందర్భంగా మాట్లాడిన ఆయన.. జగన్ కేసులను దృష్టిలో పెట్టుకునే విభజన చేసినట్టుగా అనిపిస్తోందన్నారు. హైకోర్టు విభజనతో నాంపల్లి సీబీఐ కోర్టు విభజన కూడా జరుగుతుందని తెలిపారు.

ఉమ్మడి హైకోర్టు విభజనకు, వైఎస్ జగన్ పై నమోదయిన కేసులకు మధ్య లింక్ ఉందని చంద్రబాబు ఆరోపించారు. జగన్‌ కేసులో వాదనలు జరగకపోయినా న్యాయ ప్రక్రియ ముగిసిందని.. హైకోర్టు విభజనతో నాంపల్లి కోర్టు జడ్జి కూడా బదిలీ అవుతారన్నారు. కాబట్టి ఇప్పుడా ప్రక్రియ మళ్లీ ప్రారంభించాల్సిందేనన్నారు. ఇప్పటి వరకు జరిగిన విచారణ అంతా కొత్త జడ్జికి బదిలీ అయితే, మళ్ళీ మొదట నుంచి విచారణ మొదలవుతుందని అన్నారు. ఇదంతా జగన్ కు మేలు చెయ్యటం కోసమే అని చంద్రబాబు అన్నారు. జగన్ కేసులపై అనుమానాలు ఉన్నాయన్న ప్రచారం జరుగుతోందన్నారు. ఉమ్మడి హైకోర్టు విభజనలో కేంద్రం ఎలాంటి సంప్రదింపులు జరపలేదని ముఖ్యమంత్రి చంద్రబాబు అన్నారు. సంప్రదింపులు లేకుండానే హైకోర్టును విభజించారని ఆయన అన్నారు. సమయం ఇవ్వకుండా జనవరి 1కల్లా వెళ్లిపోవాలనడం సరికాదని ఆయన అన్నారు.

రాష్ట్ర విభజన తరహాలో హైకోర్టు విభజనకు సైతం మరికొంత సమయం ఇచ్చి ఉంటే బాగుండేదని అభిప్రాయపడ్డారు. కేంద్రం నిర్ణయం కారణంగా ఉద్యోగులు ఇబ్బంది పడుతున్నారని వ్యాఖ్యానించారు. ఒక రాష్ట్రం పట్ల కేంద్రం ఇలాంటి విధానం అనుసరిచండం సరైనది కాదని ఆయన అన్నారు. రాష్ట్ర ప్రభుత్వం రుణమాఫీ చేస్తామంటే కేంద్రం సహకరించ లేదని, ఇప్పుడు కేంద్రం రుణమాఫీ అంటే ఎన్నికల స్టంటే అని వ్యాఖ్యానించారు. ట్రిపుల్‌ తలాక్‌ బిల్లును రాజ్యసభలోనూ వ్యతిరేకిస్తామని చంద్రబాబు స్పష్టం చేశారు. కడప స్టీల్ ప్లాంట్‌కు సహకరించని కేంద్రానికి పన్నులు ఎందుకు కట్టాలని ప్రశ్నించారు. కడప స్టీల్‌ ఫ్యాక్టరీపై సమాచారం ఇవ్వలేదని కేంద్రం అనడం సరికాదన్నారు. రాష్ట్రానికి అన్యాయం చేస్తున్న కేంద్రానికి వైసీపీ ఊడిగం చేస్తోందని దుయ్యబట్టారు. కడప ఉక్కు ఫ్యాక్టరీపై వైసీపీ ఎందుకు మాట్లాడటం లేదని నిలదీశారు. ప్రజలకు వైసీపీ సంజాయిషీ ఇవ్వాలని సీఎం చంద్రబాబు డిమాండ్ చేశారు.

గుంటూరు జిల్లా పుష్పగిరి పీఠం భూముల వివాదానికి సానుకూల పరిష్కారం ల‌భించింది. ఉండ‌వ‌ల్లిలోని ప్రజావేదికలో ఈ సంద‌ర్భంగా శుక్ర‌వారం ఉద‌యం ముఖ్యమంత్రి చంద్రబాబుతో పీఠం పెద్దలు, రైతులు, అధికారులు, స్పీకర్ కోడెల శివప్రసాద‌రావు, మంత్రి పత్తిపాటి పుల్లారావు ఆధ్వర్యంలో ముఖ్యమంత్రిని కలిశారు. పీఠానికి, రైతులకు నడుమ పెద్దలుగా విశ్రాంత ఐపీఎస్ అధికారి డిజిపి అరవింద్‌రావు, సీనియర్ జర్నలిస్ట్ పొత్తూరి వెంకటేశ్వరరావు వ్య‌వ‌హ‌రించారు. ఈ సంద‌ర్భంగా సీఎం చంద్ర‌బాబు నాయుడు మాట్లాడుతూ ఏ రైతుకు భూ వేధింపులు అనేవి ఉండకూడద‌న్నారు. అన్నిరకాల భూ వివాదాలను పరిష్కరిస్తున్నాం. ఆధార్ తరహాలో భూధార్ తెచ్చాం. స్వాతంత్ర్యం ముందు నుంచీ సతమతం చేస్తున్న భూ వివాదాలను కూడా పరిష్కరిస్తున్నాం. చుక్కల భూముల సమస్యను పరిష్కరించాం. భూ రికార్డులను టాంపర్ చేసే పరిస్థితే లేకుండా చేశాం. మఠం రుణం రైతులు తీర్చుకోవాలి.

రైతుల ఆశలను మఠం నెరవేర్చాలి. రైతుకు చేసే మేలుకన్నా గొప్ప ఆధ్యాత్మిక, థార్మిక కార్యక్రమం మరొకటిలేదు. ఇది 3వేల రైతు కుటుంబాల సమస్య. ఆరేడు దశాబ్దాలుగా రగులుతున్న సమస్య. వివాదం వల్ల రుణాలు పొందేవీలు లేక రైతుల ఇక్కట్లు. ఈ భూమిపై ఆదాయం రాక పీఠం ఆవేదన. స్పీకర్ చొరవతో, పెద్దలు పొత్తూరి, అరవింద్‌రావు సలహాలతో సమస్య పరిష్కారం. పుష్పగిరి పీఠం, రాష్ట్ర ప్రభుత్వం, రైతులు ఉమ్మడిగా అఫిడవిట్ హైకోర్టులో దాఖలు చేద్దాం. స్థానిక ధర ప్రకారం 13శాతం చెల్లించేందుకు రైతులు ముందుకు వచ్చారు. అందుకు పుష్పగిరి పీఠం కూడా అంగీకరించింది. ఉభయ కుశలోపరిగా ఇరువర్గాలు సామరస్యంగా సమస్య పరిష్కరించుకోవడం మంచిపని. రాష్ట్రప్రభుత్వ తరఫున పూర్తి సహకారం ఇస్తాం. రైతులకు,పీఠానికి అనుకూల నిర్ణయం తీసుకుంటున్నాం. రేపు జరిగే కలెక్టర్ల కాన్ఫరెన్స్‌లో దీనిపై కూడా చర్చిస్తాం. రాష్ట్రంలో ఏ రైతుకు భూ వివాదం అనేది ఉండరాదు.

అందుకే రెవిన్యూ శాఖలో వినూత్న సంస్కరణలు. తన భూమికి ఏమి అవుతుందనే చింత ఏ రైతు పడరాదు. మనకు ఇన్ని ఇచ్చిన రైతుకు మనం ఏమిచ్చినా రుణం తీర్చుకోలేం. అందుకే రూ.16 వేల ఆర్ధిక లోటులో కూడా రైతులకు రూ.24వేల కోట్ల రుణ ఉపశమనం కల్పించాం. దేశం మొత్తం రైతాంగం అశాంతితో రగిలిపోతుంటే మన రైతులు మాత్రం గుండెల్లో పూర్తి భరోసాతో సేద్య పనుల్లో నిమగ్నం అయ్యారు. కేంద్రంలో బిజెపి నేతల రైతాంగ వ్యతిరేక విధానాలు బాధాకరం. మధ్యప్రదేశ్, మహారాష్ట్ర, తమిళనాడు తదితర రాష్ట్రాల‌న్నింటిలో రైతులు రోడ్డెక్కి ఆందోళనలకు దిగడం కేంద్ర ప్రభుత్వ ఘోరవైఫల్యం. ఎక్కడ రైతు సంతోషంగా ఉంటాడో అక్కడే సిరి, సంపద ఉంటాయ‌ని సీఎం చంద్ర‌బాబు వ్యాఖ్యానించారు. ఈ సంద‌ర్భంగా పీఠం పెద్ద‌లు, రైతులు సీఎం చంద్ర‌బాబును స‌త్క‌రించారు.