news

ఆంధ్రప్రదేశ్ సాంప్రదాయాలు, సంస్కృతికి అద్దంపట్టేలా విశాఖ ఉత్సవ్ పేరుతో ఏటా ఏపీ ప్రభుత్వం వేడుకలను నిర్వహిస్తోంది. అందులో భాగంగా ఈ ఏడాది కూడా విశాఖ ఉత్సవాలు శుక్రవారం నుంచి (డిసెంబరు 28) ప్రారంభంకానున్నాయి. ఈ ఉత్సవాలను అంగరంగా వైభవంగా నిర్వహించేందుకు పర్యటక శాఖ భారీ ఏర్పాట్లను చేసింది. శుక్రవారం సాయంత్రం సీఎం చంద్రబాబు ముఖ్యఅతిథిగా హాజరై ఉత్సవ్‌ను ప్రారంభిస్తారు. వేడుకల్లో భాగంగా సెంట్రల్‌ పార్క్‌లో భారీ పుష్ప ప్రదర్శన నిర్వహిస్తున్నారు. ఇందుకోసం బెంగళూరు, కడియం సహా వివిధ ప్రాంతాల నుంచి పూల మొక్కలను తీసుకొచ్చారు. అలాగే సంగీత, సాంస్కృతిక, జానపద కళారూపాల నిర్వహణ, ప్రదర్శన కోసం బీచ్‌రోడ్డులో రెండు ప్రధాన వేదికలను ఏర్పాటుచేశారు. అలాగే చిన్నారుల కోసం అమ్యూ‌జ్‌మెంట్ జోన్ కూడా ఏర్పాటు చేశారు.

అయితే ఇదే ఉత్సవాల్లో, ఈ రోజు నిర్వహించే విశాఖ ఉత్సవ్ లో విశాఖ తీరంలో 9 యుద్ద విమానాలతో చేసే ఎయిర్ షోను కేంద్రం రద్దు చేసింది. ఈ కార్యక్రమంలో పాల్గొనాల్సిన 90 మంది వాయుసేన సిబ్బందిని వెనక్కు రావాలని ఆదేశించింది. ఎయిర్‌ షోకు మొదట అనుమతి ఇచ్చిన కేంద్రం ఆ తరువాత వెనక్కి తీసుకుంది. విశాఖ చేరుకున్న సిబ్బందిని రక్షణ శాఖ వెనక్కి రప్పించింది. మోదీ ప్రభుత్వం కక్ష సాధింపులో భాగంగానే ఎయిర్‌ షోకు అనుమతి ఇవ్వలేదంటూ టీడీపీ ఎంపీలు ఆగ్రహం వ్యక్తం చేశారు. సమన్వయ లోపాలే కేంద్రం నుంచి అనుమతులు రాకపోవడానికి ముఖ్య కారణంగా కనిపిస్తున్నాయి. గత వారం ఎయిర్‌ షో నిర్వాహకులు విశాఖపట్నం వచ్చి ఆర్కే బీచ్‌, ఇతర ప్రాంతాలను పరిశీలించి నిర్వహణ ఏర్పాట్లను పరిశీలించారు. అయితే అన్ని ఏర్పాట్లు చేసి, వాయుసేన సిబ్బందిని రిహార్సల్స్ పూర్తి చేశాక వెనక్కు పిలిపించింది కేంద్రం.

వాయుసేన సిబ్బంది విశాఖ ఉత్సవ్ లో పాల్గొనకుండా వెళ్లిపోవడానికి కేంద్రమే కారణమని మంత్రి గంటా శ్రీనివాసరావు ఆరోపించారు. ఇదే విషయం పై పార్లమెంట్ ఆవరణలో, ఎంపీలు ఆందోళన చేసారు. ఈ ఉత్సవాలు మూడు రోజుల పాటు జరగనున్నాయి. జానపద నృత్యాలు, ట్రైబల్ జోన్, అడ్వెంచర్లు, కార్నివాల్ పెరేడ్ తదితర కార్యక్రమాలను మూడు రోజుల పాటు నిర్వహిస్తారు. ధాన వేదికను ఒకేసారి 50 మంది కళాకారులు ప్రదర్శన ఇచ్చేలా తీర్చిదిద్దారు. విద్యుత్తు, రేడియం దీపాలతో దీనిని అలంకరించారు. ప్రజాప్రతినిధులు, ఉన్నతాధికారులు, ప్రత్యేకాధికారులకు ప్రత్యేక గ్యాలరీ మినహా మిగతా ప్రాంతాన్ని ప్రజలు వీక్షించేందుకు వీలుగా ఉంచారు. ప్రత్యేక స్టాళ్ల కోసం 200కుపైగా డేరాలను ఏర్పాటు చేశారు. బీచ్‌లో పదికిపైగా దేవాలయాల నమూనాలను తీర్చిదిద్దారు. సింహాచలం వరాహలక్ష్మీనర్సింహస్వామి, అన్నవరం సత్యనారాయణస్వామి, కన్యకాపరమేశ్వరి, ఇతర ఆలయాల నమూనాలను సిద్ధం చేశారు.

అమరావతి నిర్మాణంలో మరొక కిలక ఘట్టం ఆవిష్కృతమైంది. సచివాలయం ఐదు టవర్ల నిర్మాణంలో భాగంగా ర్యాఫ్ట్ ఫౌండేషన్ పనులను ముఖ్యమంత్రి చంద్రబాబు గురువారం ఉదయం ప్రారంభించారు. శాంతి హోమం నిర్వహించిన తర్వాత సరిగ్గా ముహూర్త సమయం 8-50 గంటలకు ర్యాప్ట్ ఫౌండేషన్ పనులు ప్రారంభించారు. ఈ కార్యక్రమానికి స్పీకర్‌ కోడెల శివప్రసాదరావు, మంత్రులు నారాయణ, ప్రత్తిపాటి, దేవినేని ఉమ, నక్కా ఆనందబాబు, ఎమ్మెల్యే శ్రవణ్‌, స్థానిక నేతలు తదితరులు హాజరయ్యారు. దేశంలోనే తొలిసారి అమరావతిలో ర్యాప్ట్‌ ఫౌండేషన్‌ పనులను చంద్రబాబు ప్రారంభించారు.

11వేల క్యూబిక్‌ మీటర్ల కాంక్రీట్‌తో సచివాలయ టవర్లకు ర్యాప్ట్‌ ఫౌండేషన్‌ వేస్తున్నారు. 13 అడుగుల లోతులో 4 మీటర్ల ఎత్తున ర్యాప్ట్‌ ఫౌండేషన్‌ నిర్మాణం జరుగుతోంది. 72 గంటలపాటు ఏకధాటిగా ఈ పనులు జరగనున్నాయి. ఐదు టవర్లలో సచివాలయం, హెచ్‌వోడీల భవనాలు, డయాగ్రిడ్‌ నమూనాలో ఫ్రేమ్‌ ఆధారంగా టవర్ల నిర్మాణం జరగనుంది. 41 ఎకరాల్లో 69 లక్షల చదరపు అడుగుల విస్తీర్ణంలో సచివాలయ నిర్మాణం జరుగుతుంది. 50 అంతస్థులతో ఐకానిక్‌గా జీఏడీ టవర్‌ నిర్మాణం జరుగుతుంది. 225 మీటర్ల ఎత్తుతో ప్రపంచంలోనే అతి ఎత్తయిన సచివాలయ భవనం నిర్మించనున్నారు. భూకంపాలు, పెనుగాలుల వంటి ప్రకృతి వైపరీత్యాలను తట్టుకునేలా డిజైన్‌ రూపొందించారు.

ఇది ఇలా ఉండగా, ఈ పనులు 72 గంటల పాటు నిర్విరామంగా కొనసాగనున్నాయి. ఈ రోజు రాత్రి పూట కూడా పనులు వేగంగా సాగుతున్నాయి. అమరావతిలో ఒక్క ఇటుక కుడా పేర్చకుండా గ్రాఫిక్స్ లో చూపిస్తున్నారని అడ్డమైనా వాగుడు వాగుతున్న వాళ్ళంతా అటువైపు పోయి ఒకసారి చూసిరండి. అక్కడ ఒక అద్భుతమైన మహనగరం రూపుదిద్దుకుంటుంది! 10గుజరాత్ లు కలిపిన ఈ మహనగరాన్ని తలదన్నలేవ్! అంతలా పనులు జరుగుతున్నాయి. ఇది ఒక్కటే కాదు, ఇంకా అనేక బిల్డింగ్ ల పని జరుగుతుంది. ఒక పక్క హైకోర్ట్ పనులు చివరిలో ఉండగా, ఐఏఎస్, ఐపీఎస్, ఉద్యోగస్తులు హౌసింగ్, పేదల హౌసింగ్ పనులు వేగంగా జరుగుతున్నాయి. మరో పక్క రోడ్లు, డ్రైనేజీ లాంటి మౌలిక వసతుల పనులు జరుగుతున్నాయి. ఇలా ఎదో ఒక పనితో, 24/7 అమరావతి బిజీగా ఉంటే, కొంత మంది ఇంకా గ్రాఫిక్స్ అంటూ ఎందుకు అంటున్నారో వాళ్ళకే తెలియాలి.

ఏపికి లక్షల లక్షల కోట్లు ఇచ్చాం, మీరు బ్రతుకుతుందే, మా బిక్షతో అని ఫేక్ ప్రాపగాండా చెయ్యటం కోసం, ప్రధాని మోడీ వచ్చే నెలలో గుంటూరుకు వస్తున్న సంగతి తెలిసిందే. అయితే నరేంద్ర మోదీ జవనరి నెల 6వ తేదీ గుంటూరు పర్యటన వాయిదా పడే అవకాశాలు కనిపిస్తున్నాయి. షడ్యుల్ లో నిర్ణయించిన ప్రకారం మోడీ, జనవరి 6న కేరళ, ఆంధ్రప్రదేశ్ రాష్ట్రాల్లో పర్యటన ఉంది. అయితే మోడీ కేరళ పర్యటన పై సందిగ్ధం ఉండటంతో, గుంటూరు పర్యటనా కూడా వాయిదా పడే అవకాసం ఉంది. ఈ విషయం పై ఈ రోజు స్పష్టత వచ్చే అవకాశం ఉందని తెలుస్తుంది. ముందుగా అనుకున్న ప్రకారం, కేరళ బీజేపీ వర్గాలు నిర్ణయించిన ప్రకారం తిరువనంతపురంలో జరిగే బహిరంగ సభలో పాల్గుని, మధ్యాహ్నం నుంచి గుంటూరు పర్యటనకు మోడీ బయలుదేరాల్సి ఉంది. దీనికి తగ్గట్టుగా, గుంటూరు నగరంలో బహిరంగ సభ నిర్వహణకు బీజేపీ నేతలు, ఏర్పాట్లు చురుగ్గా చేస్తున్నారు.

అయితే ఇప్పుడు కేరళ బీజేపీ నేతలు, సభా వేదికను తిరువనంతపురంలో కాకుండా శబరిమలై సమీపంలోని పట్టణంతిట్టకు మార్చాలని, కేరళ బీజేపీ వర్గాలు బీజేపీ అధిష్టానం పై ఒత్తిడి తెస్తున్నాయి. ప్రధాని సభ తిరువనంతపురంలో కాకుండా పట్టణంతిట్టలో జరిగితే మోదీ సకాలంలో గన్నవరం విమానాశ్రయానికి చేరుకోలేరని, జనవరి 6న గుంటూరులో జరగాల్సిన సభ వాయిదా పడక తప్పదని పార్టీ వర్గాలు చెబుతున్నాయి. కేరళ సభ నిర్వహణ ప్రాంతం పై ఇవాళ స్పష్టత వచ్చే అవకాశం ఉంది. దీనికి అనుగుణంగా ప్రధాని పర్యటన పై అధికారిక ప్రకటన వచ్చే ఛాన్స్ ఉంది.

మరోవైపు పార్టీ జాతీయ కౌన్సిల్ సమావేశాలు జనవరి 12, 13 తేదీల్లో ఢిల్లీలో నిర్వహించాలని బీజేపీ అధిష్టానం తొలుత నిర్ణయించింది. సంక్రాంతి పండుగ దృష్ట్యా ఈ సమావేశాలను ముందుకు జరపాలనే తర్జనభర్జనలు పార్టీలో సాగుతున్నాయి. ఈ ప్రభావం కూడా సభ వాయిదాకు దారి తీయవచ్చునని పార్టీ వర్గాలు తెలిపాయి. కేరళలో మోదీ సభను శబరిమలై సమీపంలోని పట్టణంతిట్టకు మార్చాలని ఆ రాష్ట్ర కమలనాథులు కోరుకుంటున్నారు. ఎందుకంటే శబరిమలై ఆలయానికి సంబంధించి సుప్రీంకోర్టు తీర్పు తర్వాత ఆ ప్రాంతంలో నిరసనలు తీవ్రంగా జరుగుతున్నాయి. వీటితో తమకు ఆ ప్రాంతంలో సానుకూల వాతావరణం ఉందని కేరళ బీజేపీ భావిస్తోంది. ఇలాంటి సందర్భంగా అక్కడ మోదీ సభ జరిగితే తమకు అడ్వాంటేజ్ అవుతుందని భావిస్తున్నారు.