news

తెలంగాణ అసెంబ్లీ ఎన్నికలతో ఆంధ్రప్రదేశ్‌ రాజకీయాల్లో కీలక మార్పులు వచ్చే అవకాశాలు కనిపిస్తున్నాయి. టీఆర్ఎస్‌కు బహిరంగంగా మద్దతిచ్చిన వైసీపీ మారుతున్న పరిణామాలతో మరో సెల్ఫ్ గోల్ చేసుకున్నామా అని మదనపడుతోంది. తెలంగాణలో వైసీపీ నేరుగా టీఆర్ఎస్‌కు మద్దతిచ్చింది. ఆ పార్టీకి చెందిన ప్రధాన మీడియా, సోషల్ మీడియా విభాగం కూడా కొన్నాళ్ల పాటు టీఆర్ఎస్ కోసమే పని చేసింది. కూకట్ పల్లి లాంటి నియోజకవర్గాల్లో.. టీఆర్ఎస్ కు మద్దతుగా.. వైసీపీ కార్యకర్తలు ప్రచారంలో పాల్గొన్నారు. అందుకే గెలిచిన తర్వాత మాధవరం కృష్ణారావు .. జగన్మోహన్ రెడ్డి మీడియా ముఖంగా కృతజ్ఞతలు తెలిపారు. దానికి తగ్గట్లుగానే టీఆర్ఎస్ గెలవగానే.. ఏపీలోని వైసీపీ శ్రేణులు ఫ్లెక్సీలు పెట్టుకుని.. కేకులు కట్ చేసుకుని సంబరాలు చేసుకున్నారు. టీఆర్ఎస్ విజయాన్ని జగన్ విజయంగా వైసీపీ కార్యకర్తలు భావించారు. అంత వరకూ బాగానే ఉన్నా.. ఇలా మద్దతు ఇవ్వడం వల్ల జగన్ సాధించేమిటన్న విమర్శలు ప్రారంభమయ్యాయి.

ఏపీకి ప్రత్యేకహోదాను వ్యతిరేకిస్తున్న కేసీఆర్ విజయంతో ఎలా వేడుకలు చేసుకుంటారని టీడీపీ నేతలు విమర్శలు ప్రారంభించారు. అదే సమయంలో ప్రజల్లో కూడా.. వైసీపీ తీరుపై చర్చ ప్రారంభమయింది. టీఆర్ఎస్ అధినేత కేసీఆర్ కూడా తాము ఏపీ రాజకీయాల్లో వేలు పెడతామని ప్రకటించడంతో.. వైసీపీకి తాము చేసిన తప్పు అర్థమయిందన్న ప్రచారం జరుగుతోంది. వెంటనే బొత్స లాంటి నేతలు.. తమకు టీఆర్ఎస్ తో సంబంధం ఏమిటని.. మీడియా మందుకు వచ్చి చెప్పడం ప్రారంభించారు. అదే సమయంలో మజ్లిస్ అధినేత అసదుద్దీన్ .. ఏపీకి వస్తా.. జగన్‌కు మద్దతిస్తానంటూ.. చేసిన ప్రకటన.. వైసీపీకి మరిన్ని ఇబ్బందులు తెచ్చి పెడుతున్నాయి. దీనిపై టీడీపీ నేతలు కౌంటర్ ఇచ్చారు. వరుసగా.. పొరుగు రాష్ట్రం నుంచి పార్టీలు దండయాత్రలా వచ్చి.. జగన్ కు మద్దతిస్తే.. ప్రజల్లో తప్పుడు సంకేతాలు వెళ్తాయని వారు బాధపడుతున్నారు. వారి మద్దతు వల్ల లాభం కన్నా ఎక్కువగా నష్టం జరుగుతుందని భావిస్తున్నారు. అందుకే.. వైసీపీ నేతలు ఎక్కువగా స్పందించకుండా.. సంయమనం పాటిస్తున్నారు.

ఏపీ రాజకీయాల్లో టీఆర్ఎస్ ఎలాంటి పాత్ర పోషిస్తుందన్నదే ఇప్పుడు ఆసక్తికరంగా మారింది. నేరుగా పోటీ చేసినా లేకపోతే.. జగన్ లేదా పవన్ లకు మద్దతిచ్చినా.. అదో సెంటిమెంట్ తరహా అస్త్రంగా టీడీపీ చేతికి చిక్కే అవకాశం ఉంది. అందుకే.. తెలంగాణ ఎపెక్ట్ ఏపీ రాజకీయాల్లో కీలకం కానుంది. తెలుగుదేశం పార్టీ తెలంగాణలో .. కాంగ్రెస్ తో పొత్త పెట్టుకుని 13 నియోజకవర్గాల్లో పోటీ చేసింది. రిటర్న్ గిఫ్ట్ ఇస్తానంటున్న కేసీఆర్ మాటల వెనుక అర్థం ఎన్నికల్లో పోటీ చేయడమేనని కొంత మంది చెబుతున్నారు. కానీ టీఆర్ఎస్ వైపు నుంచి ఈ విషయంలో క్లారిటీ లేదు కానీ వైసీపీ వర్గాలు టెన్షన్ పడుతున్నాయి. తెలంగాణలో మాదిరి.. చంద్రబాబు వర్సెస్ కేసీఆర్ అన్నట్లుగా.. ఏపీ ఎన్నికల ఎజెండా మారితే.. తాము సైడైపోవాల్సి వస్తుందనేది ఆ భయం. ఏ విధంగా చూసినా ఏపీలో జరగనున్న ఎన్నికల్లో తెలంగాణ ఎఫెక్ట్ కానుందని అంచనా వేస్తున్నారు.

హైదరాబాద్‌లో సైబరాబాద్‌ను సృష్టించినట్లుగానే ఆంధ్రప్రదేశ్‌లో సిలికాన్‌ సిటీని నిర్మించనున్నట్లు ముఖ్యమంత్రి చంద్రబాబు నాయుడు తెలిపారు. నెల్లూరు-తిరుపతి-చెన్నైలను కలుపుతూ ఏర్పాటు కానున్న పారిశ్రామిక నడవా (ఇండస్ట్రియల్‌ కారిడార్‌)కు సిలికాన్‌ సిటీ అని పేరు పెడుతున్నట్లు ముఖ్యమంత్రి ప్రకటించారు. తిరుపతిలో టీసీఎల్‌ సంస్థ ఏర్పాటుకు ముఖ్యమంత్రి గురువారం భూమి పూజ చేశారు. రూ.2,200 కోట్ల పెట్టుబడితో ఏడాదికి 60 లక్షల టీవీలు తయారు చేసే ప్రణాళికతో ఈ ప్లాంటును నిర్మిస్తున్నారు. 8 వేల మందికి ఇందులో ఉపాధి కల్పించనున్నారు. తిరుపతిలో ఏర్పాటు అవుతున్న, టీసీఎల్‌, రూ.2,200 కోట్ల పెట్టుబడి పెడుతూ, రూ.8 వేల మందికి ఉపాధి అవకాశాలు కల్పించనుంది.

ఈ సందర్భంగా ముఖ్యమంత్రి మాట్లాడుతూ.. ‘‘ఏపీ హార్డ్‌వేర్‌, ఎలక్ట్రానిక్స్‌ తయారీ హబ్‌గా మారబోతోంది. ఈ రంగంలో ఇప్పటి వరకూ 59 కన్నా ఎక్కువ కంపెనీలను రాష్ట్రానికి ఆహ్వానించాం. వీటి ద్వారా లక్ష ఉద్యోగాలు రానున్నాయి. ఒక్క చిత్తూరు జిల్లాలోనే 20 వేల ఉద్యోగాలు ఇస్తున్నాం. రాష్ట్రంలో ఎక్కువ ఉద్యోగాలు ఈ జిల్లాలోనే ఇస్తున్నాం. ప్రపంచంలోనే పారిశ్రామిక నగరంగా షెంజెన్‌ నగరానికి పేరుంది. ఇలాంటి పారిశ్రామిక వాతావరణాన్నే ఇప్పుడు మన రాష్ట్రంలో చిత్తూరు జిల్లాలో ప్రారంభించబోతున్నాం. భవిష్యత్తులో నెల్లూరు-తిరుపతి-చెన్నై మంచి ఇండస్ట్రియల్‌ కారిడార్‌గా మారబోతోంది. దీనికి సిలికాన్‌ సిటీగా నామకరణం చేస్తున్నాం. భవిష్యత్తులో షెంజెన్‌, సిలికాన్‌ సిటీ కలిసి పని చేస్తాయి. ఈ ప్రాంతంలో రూ.22వేల కోట్లు పెట్టుబడులు వస్తున్నాయి. మొత్తానికి ఇక్కడ లక్ష ఉద్యోగాలు సృష్టిస్తున్నాం.’’

‘‘టీసీఎల్‌ సంస్థ నిర్మాణం పూర్తి చేసేందుకు మేం తొమ్మిది నెలలు సమయం అడిగాం. కానీ ఎనిమిది నెలల్లోనే పూర్తి చేస్తామని టీసీఎల్‌ ఛైర్మన్‌ ముందుకొచ్చారు. ఇందుకు వారికి అభినందనలు. డిసెంబరు 2019 నాటికే ఉత్పత్తి చేసేలా సంస్థ నిర్మాణం చేస్తోంది. ఈ సిలికాన్‌ కారిడార్‌లోనే చక్కని వాతావరణ పరిస్థితులు, మౌలిక సదుపాయాలు ఉన్నాయి. రైల్వే స్టేషన్లు‌, విమానాశ్రయాలు, రోడ్డు మార్గాలు వంటి సకల సదుపాయాలు ఉన్నాయి. నాలుగేళ్లకు ముందు ఈ ప్రాంతంలో ఏమీ ఉండేది కాదు. ఇప్పుడు చూస్తే ఈ ప్రదేశం ఒక కారిడార్‌గా మారిపోయింది. త్వరలోనే ఇక్కడికి రిలయన్స్‌ సంస్థ వస్తుంది. తిరుపతి, చెన్నైలో ఇప్పటికే విమానాశ్రయం ఉంది. నెల్లూరులో త్వరలో రాబోతోంది. సిలికాన్‌ సిటీకి దగ్గరలోనే కృష్ణపట్నం, చెన్నై పోర్టులు ఉండగా.. దుగ్గరాజపట్నం, రామాయపట్నం పోర్టులు త్వరలో రానున్నాయి. సిలికాన్‌ కారిడార్‌ నుంచి ఏ వైపునకు వెళ్లాలన్నా రోడ్డు సౌకర్యం ఉంది. సమీపంలోనే జలాశయాలు కూడా ఉండడంతో జల వనరులు కూడా పుష్కలంగా ఉండనున్నాయి’’ అని ముఖ్యమంత్రి చంద్రబాబు అన్నారు.

మధ్యప్రదేశ్‌, రాజస్థాన్‌, ఛత్తీస్‌గఢ్‌ ఎన్నికల ఫలితాల నేపథ్యంలో భారతీయ జనతాపార్టీ, సంఘ్‌ పరివార్‌ వర్గాల్లో పార్టీ భవిష్యత్‌ గురించి అంతర్మథనం మొదలైంది. పలువురు నేతలు ఈ ఫలితాలపై పార్టీ సీనియర్‌ నేతలు లాల్‌ కృష్ణ ఆడ్వాణీ, మురళీ మనోహర్‌ జోషిలతో అంతర్గతంగా సమీక్షిస్తున్నట్లు సమాచారం. ఎన్నికలు జరిగిన రాష్ట్రాల్లో నరేంద్రమోదీ, అమిత్‌ షాల ప్రచారం వల్ల పెద్దగా ఒరిగిందేమీ లేదని, మధ్యప్రదేశ్‌, రాజస్థాన్‌ల్లో స్థానిక నాయకత్వాలు బలంగా పనిచేసినందువల్ల పరాజయం పాలైనప్పటికీ గౌరవం దక్కించుకున్నామని బీజేపీ నేతలు భావిస్తున్నారు. ఫలితాల తర్వాత పాత ఆడ్వాణీ వర్గం క్రియాశీలకంగా మారిందని విశ్వసనీయవర్గాలు తెలిపాయి. సార్వత్రిక ఎన్నికలు ఎప్పుడు జరిగినా బీజేపీకి 2009లో వచ్చినట్లు 116 సీట్లు మాత్రమే వస్తాయని ఒక వర్గం బలంగా భావిస్తోంది. మధ్యప్రదేశ్‌, రాజస్థాన్‌, ఛత్తీస్‌గఢ్‌ల్లో గతంలో వచ్చినట్ల్లు 62 సీట్లు రావనీ, సీట్ల సంఖ్య సగానికి తగ్గిపోవచ్చునని, ఉత్తరప్రదేశ్‌లో బీఎస్పీ- ఎస్పీ-కాంగ్రెస్‌ కలిసి పోటీ చేస్తే బీజేపీకి పాతిక సీట్లు రావడమూ కష్టమవుతుందని ఈ వర్గాలు అంటున్నాయి.

2014లో బీజేపీకి ఒక్క యూపీ నుంచే 71సీట్లు వచ్చాయి. అప్పుడు బిహార్‌ లో 22 సీట్లు గెలుచుకున్న బీజేపీ- ఈ సారి ఆర్జేడీ-కాంగ్రె్‌స-లెఫ్ట్‌ కూటమి వల్ల బలంగా దెబ్బతినే అవకాశాలు లేకపోలేదు. అలాగే గత ఎన్నికల్లో గుజరాత్‌లో 26కు 26 సీట్లు గెలుచుకున్న బీజేపీ ఈసారి సగానికి పడిపోయినా ఆశ్చర్యపోనక్కర్లేదని రాజకీయ వర్గాల అంచనా. ఇతర రాష్ట్రాల్లో చూస్తే తెలంగాణలో ఇటీవల వచ్చిన ఫలితాల ప్రకారం- బీజేపీకి ఒక్క సీటు కూడా దక్కే అవకాశాలు లేవు. అసోం, గోవా, హర్యానా, హిమాచల్‌, జమ్ముకాశ్మీర్‌, జార్ఖండ్‌, కర్ణాటక, పంజాబ్‌. ఢిల్లీ, ఉత్తరాఖండ్‌ రాష్ట్రాల్లో గత ఎన్నికల్లో కమలనాథులు అత్యధిక సీట్లు గెల్చుకున్నప్పటికీ ఈసారి 25 నుంచి 30కి మించవని అంటున్నారు. ఒడిషాలో కొంత మెరుగుపడినప్పటికీ నాలుౖగెదు సీట్ల కంటే ఎక్కువ రాకపోవచ్చునని చెబుతున్నారు. పశ్చిమ బెంగాల్‌ లో కూడా బీజేపీ సంఖ్యాబలం ఒకటి- రెండు సీట్లకంటే మించకపోవచ్చు. మొత్తం మీద- బీజేపీకి వచ్చే ఎన్నికల్లో 180-200 సీట్లక్లు మించి రావని, అపుడు ఒడిషాతో కలుపుకుని దక్షిణాదిలోనే 75 సీట్లు ప్రాంతీయ పార్టీలు గెలుచుకుంటాయని పార్టీ వర్గాల అంచనా.

వచ్చే ఎన్నికల్లో ప్రాంతీయ పార్టీల హవా వీస్తుందని అన్ని పార్టీలు కలిసి దాదాపు 200 పైగా సీట్లు దక్కించుకున్నా ఆశ్చర్యపోనక్కర్లేదని బీజేపీ సీనియర్‌ నాయకుడొకరు చెప్పారు. ఈ పరిస్థితుల్లో బీజేపీయేతర, కాంగ్రెసేతర పార్టీలన్నీ కలిపి ఒక ఫ్రంట్‌ గా ఏర్పడే అవకాశాలున్నాయని ఆయన అన్నారు. కాంగ్రెస్‌ కంటే బీజేపీ కనీసం 50 సీట్లు ఎక్కువ సంపాదిస్తే ప్రాంతీయ పార్టీలన్నీ తమకు మద్దతునిస్తాయని, కాని మెజారిటీ పక్షాలు మోదీ నేతృత్వాన్ని ఆమోదించకపోవచ్చని ఆయన అభిప్రాయపడ్డారు. అపుడు ప్రధానమంత్రి ఎవరన్న విషయం చర్చనీయాంశం అవుతుందని బీజేపీ నేతలంటున్నారు. ఒకప్పుడు ఆడ్వాణీకి విధేయులుగా ఉండే ద్వితీయ శ్రేణి నేతలు తలోదిక్కూ అయ్యారు. అరుణ్‌ ౖజెట్లీ, సుష్మా స్వరాజ్‌ అస్వస్థతకు గురయ్యారని, రాజ్‌నాథ్‌ సింగ్‌ కు కేవలం హిందీ బెల్డ్‌ లోనే ఆదరణ ఉన్నదని, వెంకయ్యనాయుడు ఉపరాష్ట్రపతిగా పదోన్నతి పొందగా, రవిశంకర్‌ప్రసాద్‌ వంటివారు శాఖాపరమైన పనులకు పరిమితమయ్యారనీ, ఉమాభారతి ఎన్నికల రాజకీయాలకు దూరమయ్యారనీ, అనంతకుమార్‌ మరణించారని వారు వివరిస్తున్నారు. ఈ పరిస్థితుల్లో మధ్యప్రదేశ్‌లో పార్టీని దాదాపు గెలుపు అంచుల దాకా తీసుకొచ్చి హుందాగా తప్పుకున్న మాజీ ముఖ్యమంత్రి శివరాజ్‌ సింగ్‌ చౌహాన్‌, కేంద్ర జలవనరుల మంత్రి, మహారాష్ట్ర నేత నితిన్‌ గడ్కరీల పేర్లు ముందుకు రావచ్చునని బిజెపి వర్గాలంటున్నాయి.