news

రాష్ట్రంలో బీజేపీ నిర్వహించనున్న ప్రధానమంత్రి నరేంద్రమోదీ రెండు బహిరంగ సభల్లో తొలి సభకు వేదికను ఖరారు చేసినట్లు సమాచారం. నాగార్జున యూవర్సిటీ ఎదుట బైబిల్‌ మిషన్‌ గ్రౌండ్స్‌లో జనవరి 6న మొదటి సభ నిర్వహించేందుకు ఆ పార్టీ నాయకులు నిర్ణయించినట్లు సమాచారం. జాతీయ రహదారికి సమీపంలో ఉండడం, జన సమీకరణకు రాష్ట్రం మధ్యలో ఉండడం, అటు రాయలసీమ, ఇటు ఉత్తర కోస్తా నుంచి జన సమీకరణకు అవకాశం ఉండడంతో ఈ ప్రదేశాన్ని ఖరారు చేసినట్లు తెలిసింది. 5 లక్షల మందికి పైగా జన సమీకరణ చేయాలని నిర్ణయించినట్లు పార్టీ వర్గాలు చెప్తున్నాయి. రెండు రోజుల క్రితం ఢిల్లీలో ఆ పార్టీ జాతీయ అధ్యక్షుడు అమిత్‌షాతో సమావేశమైన రాష్ట్ర అగ్రనేతలు ఈ మేరకు నిర్ణయం తీసుకున్నట్లు తెలిసింది.

మొదట గుంటూరులో మీటింగ్ పెడితే, అమరావతి పై మోడీ చెప్పిన విషయాల పై ప్రజలు నిలదీస్తారని, అందుకే గోదావరి జిల్లాలో ఈ సభ ఏర్పాటు చేయాలని నిర్ణయం తీసుకున్నారు. కాని, గుంటూరు, కన్నా లక్ష్మీనారాయణ సొంత జిల్లా కావడంతో ఆయన సత్తా చాటుకోవడానికి, అధిష్టానాన్ని ఒప్పించి ఈ నిర్ణయం తీసుకున్నట్లు భావిస్తున్నారు. దీనికి తోడూ, ఏపిలో, ప్రధాని మోదీ రెండు సభలకు అనుమతి ఇచ్చారు. ఈ మేరకు ఈ సమాచారాన్ని ఆదివారం సాయంత్రం రాష్ట్ర నేతలకు చేరవేశారు. ఈ సభ ద్వారా బీజేపీ రాష్ట్రానికి చేస్తున్న సహాయ సహకారాలను ప్రజల్లోకి తీసుకెళ్లాలని నిర్ణయించారు. ఇప్పటికే వేల కోట్లు ఇచ్చామని బీజేపీ ప్రచారం చేస్తుంది. ఇక మోడీ గారు వచ్చి, లక్షల లక్షల కోట్లు ఇచ్చామని ప్రచారం చేస్తారేమో చూడాలి.

ప్రత్యేక హోదా ఇవ్వకపోవడం.. దాని బదులు ప్రకటించిన ప్రత్యేక ప్యాకేజీ ఊసే ఎత్తకపోవడం.. రాజధాని, పోలవరం నిర్మాణాలకు అడ్డంకులు.. విభజన చట్టంలోని హామీలు అమలు చేయకపోవడం, రైల్వే జోన్‌, కడప ఉక్కు కర్మాగారంపై దాటవేతలపై రాష్ట్ర ప్రజల్లో తీవ్ర ఆగ్రహం నెలకొన్న సంగతి తెలిసిందే. ఈ నేపథ్యంలో గడచిన నాలుగున్నరేళ్లలో ఆంధ్రప్రదేశ్‌కు కేంద్రం ఏమిచ్చిందో ప్రధాని సదరు సభలో వివరిస్తారని బీజేపీ వర్గాలు తెలిపాయి. కొద్దిరోజుల క్రితం తెలంగాణ ఎన్నికల ప్రచారానికి వచ్చిన మోదీని కొందరు రాష్ట్ర బీజేపీ నేతలు హైదరాబాద్‌లో కలిశారు. ఈ సందర్భంగా ఏపీ వచ్చేందుకు ఆయన సుముఖత వ్యక్తం చేయడంతో ఏపి బీజేపీ ఈ మీటింగ్లు ప్లాన్ చేసింది.

పెథాయ్‌ తుపాను ప్రభావిత ప్రాంతాల్లో ముఖ్యమంత్రి చంద్రబాబునాయుడు పర్యటించేందుకు సిద్ధమవుతున్నారు. ఉదయం తుఫాను పై సమీక్ష చేసి, తగు ఆదేశాలు ఇచ్చి, రాజస్థాన్‌లో అశోక్‌ గహ్లోత్‌ ప్రమాణస్వీకార కార్యక్రమానికి చంద్రబాబు హాజరయ్యారు. తుపాను నేపథ్యంలో చంద్రబాబు వెంటనే తిరుగు ప్రయాణం అయ్యారు. రాజమహేంద్రవరం లేదా విశాఖలో విమానం దిగే అవకాశాలను అధికారులు పరిశీలిస్తున్నారు. అయితే ప్రతికూల వాతావరణం దృష్ట్యా సీఎం నేరుగా అమరావతి రానున్నట్లు సమాచారం. సీఎం ప్రత్యేక విమానం ల్యాండింగ్‌కు ఏటీసీ అనుమతి ఇవ్వలేదు. సాయంత్రం 4.30కి చంద్రబాబు గన్నవరం ఎయిర్‌పోర్టు చేరుకోనున్నారు. మంగళవారం సీఎం కాకినాడ, విశాఖ వెళ్లే అవకాశం ఉంది. ముందుగా అమరావతిలో మంత్రులు, అధికారులతో సమీక్ష నిర్వహించనున్నారు. సమీక్ష అనంతరం మంగళవారం క్షేత్రస్థాయి వెళ్తారు.

విశాఖ, తూర్పుగోదావరి జిల్లాలకు ఎక్కువ నష్టం ఉంటుందన్న అంచనాలతో కీలకశాఖల మంత్రులను విశాఖ రావాల్సిందిగా ఆదేశించారు. మరోవైపు ఉన్నతాధికారులు ఇప్పటికే విశాఖకు బయలుదేరారు. మరో వైపు ఇప్పటికే చినరాజప్ప, నారాయణ, గంటా, గ్రౌండ్ జీరోలో ఉండి పరిస్థతి సమీక్షిస్తున్నారు. 18 మండలాల్లోని 295 గ్రామాల్లో పునరావాస చర్యలు చేపట్టారు. ఇప్పటికే 84 జేసీబీలు, 83 జనరేటర్లు, 87 వాటర్‌ ట్యాంకర్లు, 5 లక్షల వాటర్‌ ప్యాకెట్లు సిద్ధం చేసినట్లు మంత్రి తెలిపారు. అలాగే 1,978 మెట్రిక్‌ టన్నుల బియ్యం, 677 మెట్రిక్‌ టన్నుల చక్కెర, 1,335 మెట్రిక్‌ టన్నుల పప్పు, పామాయిల్‌ సిద్ధం చేసినట్లు నారాయణ వెల్లడించారు.

వ్యవసాయం, పౌరసరఫరాలు, పశుసంవర్ధకశాఖ, విపత్తు సహాయదళం, అగ్నిమాపకశాఖ, ఎన్డీఆర్‌ఎఫ్‌, ఆర్‌అండ్‌బీ, పంచాయతీరాజ్‌, పాఠశాల విద్య, గ్రామీణ నీటిసరఫరా, విద్యుత్‌, పైబర్‌నెట్‌, వాటర్‌గ్రిడ్‌ ఉన్నతాధికారులు వెంటనే కాకినాడకు వెళ్లాలని ఆదేశాలు జారీ చేశారు. అలాగే కృష్ణా జిల్లాలోని ఐదు మండలాల్లో సహాయ చర్యలను పర్యవేక్షించేందుకు ఐదుగురు సబ్‌కలెక్టర్లను నియమించారు. నాగాయలంక, కోడూరు, మచిలీపట్నం రూరల్‌, అర్బన్‌.. కృత్తివెన్ను మండలాల్లో సబ్‌కలెక్టర్లు సహాయ చర్యలను పర్యవేక్షించనున్నారు. పెథాయ్‌ తుపాను తూర్పుగోదావరి జిల్లా కాట్రేనికోన వద్ద తీరం తాకింది. అక్కడి నుంచి పెథాయ్‌ తన దిశ మార్చుకుని ఈశాన్య మార్గంలో పయనించే అవకాశాలున్నాయని వాతావరణ శాఖ అధికారులు తెలిపారు. మరోవైపు ఈ తుపాను ఒడిశా, పశ్చిమ్‌బంగా రాష్ట్రాల్లోనూ తన ప్రభావం చూపిస్తోంది.

ఏపీ పాలిటిక్స్‌లో వేలు పెడతాం, ముక్కు పెడతాం అంటూ హడావిడి చేస్తున్న కేసీఆర్ ఎంట్రీ కోసం, జగన్ మోహన్ రెడ్డి తపించిపోతున్నారు. ఆంధ్రప్రదేశ్ రాష్ట్రానికి ప్రత్యేక హోదా ఇవ్వద్దు అని చెప్పిన కేసీఆర్ ని, ఎలా సమర్ధిస్తారు అంటూ చంద్రబాబు ప్రశ్నిస్తే, జగన్ దానికి సమాధానం చెప్తూ, కేసీఆర్ ను వెనకేసుకుని వస్తున్నారు. శ్రీకాకుళం జిల్లాలో పాదయాత్ర కొనసాగిస్తున్న జగన్‌ ఆదివారం నరసన్నపేటలోని బహిరంగ సభలో ప్రసంగించారు. ఈ సందర్భంగా, ఆంధ్రా ప్రజలను కుక్కలతో, రాక్షసులతో పోల్చిన కేసీఆర్ గెలుపుని, ఏపిలో సంబరాలు చేస్తుకుంటున్నారని, చంద్రబాబు చేసిన వ్యాఖల పై జగన్ స్పందించారు. తెలంగాణ ఎన్నికల ఫలితాల అనంతరం ఆంధ్రప్రదేశ్‌లోనూ తాము పర్యటిస్తామని టీఆర్‌ఎస్‌ ప్రకటించడంతో చంద్రబాబు ఉలిక్కిపడ్డారని, అందుకే ప్రత్యేకహోదాను వ్యతిరేకించిన టీఆర్‌ఎస్‌ ఏపీలోకి రావడం ఏంటని వంక పెట్టారన్నారు.

చంద్రబాబు అడిగిన దానికి సమాధానం ఇవ్వకుండా, కేసీఆర్ అంటే భయపడుతున్నాడు అంటూ జగన్ చెప్పుకొచ్చాడు. తెలంగాణా ఎన్నికల్లో కనీసం మాట కూడా మాట్లాడని జగన్, అక్కడకు వెళ్లి కేసీఆర్ తో పోరాడిన చంద్రబాబుని భయపడుతున్నాడు అంటే కామెడీగా ఉంది. ఏపికి అన్యాయం చేసిన నరేంద్ర మోడీ, ఏపి ప్రజలను కుక్కలు అంటున్న కేసీఆర్ తో కలిసి, జగన్ మోహన్ రెడ్డి ఏపిలో ఏమి చేస్తారో కాని, ప్రజలకు మాత్రం వేరే భావం ఉంది. కేసీఆర్ కు తోడుగా, మేము వేలు పెడతాం.. జగన్ తో కలిసి ఏపి రాజకీయాల్లో వేలు పెడతాం అంటున్నడు ఒవైసీ.. ఏపీకి వెళ్లి జగన్‌కు మద్దతిస్తానని ఎంఐఎం అధ్యక్షుడు అసదుద్దీన్‌ ఒవైసీ కూడా అన్నారు. కేసీఆర్, జగన్, నేను కలిసి చంద్రబాబుకు చుక్కలు చూపిస్తాం అంటున్నారు.

ఆంద్రాలో వేలు పెడతాం అనే పోటుగాళ్ళు అందరూ, ఇప్పుడు రండి, వేలు కాలు పెట్టి, మా రాష్ట్ర ప్రజలను తుఫాను నుంచి ఆదుకోండి. సహాయక చర్యల్లో పాల్గుని ప్రజల మన్ననలు పొందండి. కష్టకాలంలో ఉన్నప్పుడు ఒక్కడు రాడు, కాని రాజకీయం చెయ్యటానికి, రాష్ట్రాన్ని నాశనం చెయ్యటానికి మాత్రం అందరూ వేలు పెడతారు, కాళ్ళు పెడతారు. పక్క రాష్ట్రంలో నివాసం ఉంటూ, ఇక్కడ రాజకీయలు చేస్తున్న జగన్, పవన్ కు, ఆంధ్రా మీద ప్రేమ ఉంటుంది అనే నమ్మే వారికి ఉండాలి. అక్కడ ఆస్థులు, నివాసాలు ఉంచుకుని, అవి కాపాడుకుంటానికి, పెన్ డ్రైవ్ లు, చేసిన స్కాంలు బయట పడకుండా ఉండటానికి, అక్కడ ప్రభుత్వాలకు భజన చేస్తూ, ఏపిని నాశనం చేసి, తెలంగాణాకు లబ్ది చేకూర్చాలని చూస్తారు కాని, వీళ్ళకు ఏపి అభివృద్ధి చెందుతుంది అంటే ఏడుపేగా ఉండేది.