news

నవ్యాంధ్రలో మెల్లమెల్లగా ఐటీ రంగం జోరందుకుంటోంది. ఐటీ కంపెనీలతో పాటు... వాటిని పెట్టాలనుకునేవారికి పెట్టుబడులు సమకూర్చే సంస్థలు, వాటిలో పనిచేయాలనుకునే యువతకు శిక్షణ ఇచ్చే ఏజెన్సీలు... ఇలా అన్నింటితో కూడిన సమగ్రమైన ‘ఐటీ వాతావరణం’ వస్తోంది. అలాగే రాజధాని అమరావతి ప్రాంతంలో ఐటీ సంస్థల సందడి మరింత పెరగనుంది. ఈ క్రమంలో, అమరావతిలో మరో ఆరు ఐటీ స్టార్టప్ కంపెనీలు కొలువుదీరనున్నాయి. ఆంధ్రప్రదేశ్‌ నాన్‌ రెసిడెంట్‌ తెలుగు సొసైటీ(ఎపీఎన్‌ఆర్‌టీ) ఆధ్వర్యంలో ఐదు సంస్థలను అమెరికాకు చెందిన ప్రవాసాంధ్రుల సహకారంతో, ఆంధ్రప్రదేశ్‌ ఎలక్రానిక్స్‌ అండ్‌ ఇన్ఫర్మేషన్‌ టెక్నాలజీ ఏజెన్సీ (ఏపీఈఐటీఏ) ఆధ్వర్యంలో మరో సంస్థను అందుబాటులోకి తెస్తున్నారు.

ఈ నెల 19న ఐటీ మంత్రి నారా లోకేశ్‌ వీటిని ప్రారంభించనున్నారు. వీటిలో నాలుగు సంస్థలను విజయవాడలో, మరో రెండింటిని మంగళగిరిలోని ఎన్‌ఆర్టీ టెక్‌ పార్క్‌లో ఏర్పాటు చేయనున్నారు. ఈ సంస్థలు మొత్తం 530 ఉద్యోగాలు కల్పించనుండగా ప్రారంభం నాటికి 150 ఉద్యోగాలు అందుబాటులోకి రానున్నాయి. కంపెనీల వివరాలు.... జీటీ కనెక్ట్ ఇండియా ప్రైవేటు లిమిటెడ్, 100 ఉద్యోగాలు; పరికారమ్ ఇటీ సొల్యూషన్స్ ప్రైవేటు లిమిటెడ్, 100 ఉద్యోగాలు; టెక్ స్పేస్, 100 ఉద్యోగాలు; ట్రెండ్ సాఫ్ట్ టెక్నాలజీస్, 100 ఉద్యోగాలు; డయాగ్నో, స్మార్ట్ సోలుషన్స్, 30 ఉద్యోగాలు; ఏపి ఆన్లైన్ , 100 ఉద్యోగాలు... మొత్తం 530 ఉద్యోగాలు...

కృష్ణా, గుంటూరుల్లో ఇప్పటికే ఐటీ కంపెనీలు గత ఏడాది కాలంలో 35 వరకూ ప్రారంభమయ్యాయి. వీటిలో 2300కు పైగా కొలువులు స్థానిక యువతకు లభించాయి. మరో ఆరు నెలల్లో గన్నవరంలోని ఐటీ పార్కులో రెండో టవర్‌ నిర్మాణం పూర్తి చేయనున్నారు. దీనిలో మరో 25 కంపెనీల వరకూ రానున్నాయి. ప్రస్తుతం ఉన్న మేధాటవర్స్‌లో 12 కంపెనీలు ఉండగా.. మరికొన్ని కంపెనీలకు త్వరలో స్థలం కేటాయించనున్నారు. గుంటూరు పరిధిలోని మంగళగిరిలోనూ ప్రస్తుతం ఓ ఐటీ టవర్‌ ఏర్పాటు చేశారు. దీనిలో 50వేల చదరపు అడుగుల స్థలం అందుబాటులోనికి వచ్చింది. మూడు అంతస్థుల్లో పైకేర్‌ సంస్థ కార్యాలయం ఏర్పాటు చేసింది. మరో అంతస్తులో ఇతర కంపెనీలు ప్రారంభమయ్యాయి. ఈ ఐటీ టవర్‌లో మొత్తం 400మంది వరకూ ఉద్యోగులు ప్రస్తుతం ఉన్నారు. ఇక్కడే మరికొన్ని కూడా ఏర్పాటు కానున్నాయి.. మంగళగిరి పరిధిలోనూ మరో 30 ఐటీ కంపెనీల వరకూ ఏర్పాటు చేసేందుకు ఏపీఎన్‌ఆర్‌టీ ప్రయత్నాలు చేస్తోంది. అలాగే మంగళగిరిలో హెల్త్‌క్లస్టర్‌ ఏర్పాటుకు చర్యలు చేపడుతున్నారు. మెడికల్‌ కోడింగ్‌, బిల్లింగ్‌, బీమా కంపెనీల ప్రొసీజర్స్‌ వంటి కంపెనీలు దీనిలో రానున్నాయి. గన్నవరం ఐటీపార్క్‌లో మేధాటవర్స్‌కు వెనుకవైపు రెండో ఐటీ టవర్‌ నిర్మాణం ప్రారంభమైంది.

ఏపీ పాలిటిక్స్‌లో వేలు పెడతాం, ముక్కు పెడతాం అంటూ హడావిడి చేస్తున్న కేసీఆర్ ఎంట్రీ కోసం, జగన్ మోహన్ రెడ్డి తపించిపోతున్నారు. ఆంధ్రప్రదేశ్ రాష్ట్రానికి ప్రత్యేక హోదా ఇవ్వద్దు అని చెప్పిన కేసీఆర్ ని, ఎలా సమర్ధిస్తారు అంటూ చంద్రబాబు ప్రశ్నిస్తే, జగన్ దానికి సమాధానం చెప్తూ, కేసీఆర్ ను వెనకేసుకుని వస్తున్నారు. శ్రీకాకుళం జిల్లాలో పాదయాత్ర కొనసాగిస్తున్న జగన్‌ ఆదివారం నరసన్నపేటలోని బహిరంగ సభలో ప్రసంగించారు. ఈ సందర్భంగా, ఆంధ్రా ప్రజలను కుక్కలతో, రాక్షసులతో పోల్చిన కేసీఆర్ గెలుపుని, ఏపిలో సంబరాలు చేస్తుకుంటున్నారని, చంద్రబాబు చేసిన వ్యాఖల పై జగన్ స్పందించారు. తెలంగాణ ఎన్నికల ఫలితాల అనంతరం ఆంధ్రప్రదేశ్‌లోనూ తాము పర్యటిస్తామని టీఆర్‌ఎస్‌ ప్రకటించడంతో చంద్రబాబు ఉలిక్కిపడ్డారని, అందుకే ప్రత్యేకహోదాను వ్యతిరేకించిన టీఆర్‌ఎస్‌ ఏపీలోకి రావడం ఏంటని వంక పెట్టారన్నారు.

చంద్రబాబు అడిగిన దానికి సమాధానం ఇవ్వకుండా, కేసీఆర్ అంటే భయపడుతున్నాడు అంటూ జగన్ చెప్పుకొచ్చాడు. తెలంగాణా ఎన్నికల్లో కనీసం మాట కూడా మాట్లాడని జగన్, అక్కడకు వెళ్లి కేసీఆర్ తో పోరాడిన చంద్రబాబుని భయపడుతున్నాడు అంటే కామెడీగా ఉంది. ఏపికి అన్యాయం చేసిన నరేంద్ర మోడీ, ఏపి ప్రజలను కుక్కలు అంటున్న కేసీఆర్ తో కలిసి, జగన్ మోహన్ రెడ్డి ఏపిలో ఏమి చేస్తారో కాని, ప్రజలకు మాత్రం వేరే భావం ఉంది. కేసీఆర్ కు తోడుగా, మేము వేలు పెడతాం.. జగన్ తో కలిసి ఏపి రాజకీయాల్లో వేలు పెడతాం అంటున్నడు ఒవైసీ.. ఏపీకి వెళ్లి జగన్‌కు మద్దతిస్తానని ఎంఐఎం అధ్యక్షుడు అసదుద్దీన్‌ ఒవైసీ కూడా అన్నారు. కేసీఆర్, జగన్, నేను కలిసి చంద్రబాబుకు చుక్కలు చూపిస్తాం అంటున్నారు.

ఆంద్రాలో వేలు పెడతాం అనే పోటుగాళ్ళు అందరూ, ఇప్పుడు రండి, వేలు కాలు పెట్టి, మా రాష్ట్ర ప్రజలను తుఫాను నుంచి ఆదుకోండి. సహాయక చర్యల్లో పాల్గుని ప్రజల మన్ననలు పొందండి. కష్టకాలంలో ఉన్నప్పుడు ఒక్కడు రాడు, కాని రాజకీయం చెయ్యటానికి, రాష్ట్రాన్ని నాశనం చెయ్యటానికి మాత్రం అందరూ వేలు పెడతారు, కాళ్ళు పెడతారు. పక్క రాష్ట్రంలో నివాసం ఉంటూ, ఇక్కడ రాజకీయలు చేస్తున్న జగన్, పవన్ కు, ఆంధ్రా మీద ప్రేమ ఉంటుంది అనే నమ్మే వారికి ఉండాలి. అక్కడ ఆస్థులు, నివాసాలు ఉంచుకుని, అవి కాపాడుకుంటానికి, పెన్ డ్రైవ్ లు, చేసిన స్కాంలు బయట పడకుండా ఉండటానికి, అక్కడ ప్రభుత్వాలకు భజన చేస్తూ, ఏపిని నాశనం చేసి, తెలంగాణాకు లబ్ది చేకూర్చాలని చూస్తారు కాని, వీళ్ళకు ఏపి అభివృద్ధి చెందుతుంది అంటే ఏడుపేగా ఉండేది.

రాష్ట్రంలో బీజేపీ నిర్వహించనున్న ప్రధానమంత్రి నరేంద్రమోదీ రెండు బహిరంగ సభల్లో తొలి సభకు వేదికను ఖరారు చేసినట్లు సమాచారం. నాగార్జున యూవర్సిటీ ఎదుట బైబిల్‌ మిషన్‌ గ్రౌండ్స్‌లో జనవరి 6న మొదటి సభ నిర్వహించేందుకు ఆ పార్టీ నాయకులు నిర్ణయించినట్లు సమాచారం. జాతీయ రహదారికి సమీపంలో ఉండడం, జన సమీకరణకు రాష్ట్రం మధ్యలో ఉండడం, అటు రాయలసీమ, ఇటు ఉత్తర కోస్తా నుంచి జన సమీకరణకు అవకాశం ఉండడంతో ఈ ప్రదేశాన్ని ఖరారు చేసినట్లు తెలిసింది. 5 లక్షల మందికి పైగా జన సమీకరణ చేయాలని నిర్ణయించినట్లు పార్టీ వర్గాలు చెప్తున్నాయి. రెండు రోజుల క్రితం ఢిల్లీలో ఆ పార్టీ జాతీయ అధ్యక్షుడు అమిత్‌షాతో సమావేశమైన రాష్ట్ర అగ్రనేతలు ఈ మేరకు నిర్ణయం తీసుకున్నట్లు తెలిసింది.

మొదట గుంటూరులో మీటింగ్ పెడితే, అమరావతి పై మోడీ చెప్పిన విషయాల పై ప్రజలు నిలదీస్తారని, అందుకే గోదావరి జిల్లాలో ఈ సభ ఏర్పాటు చేయాలని నిర్ణయం తీసుకున్నారు. కాని, గుంటూరు, కన్నా లక్ష్మీనారాయణ సొంత జిల్లా కావడంతో ఆయన సత్తా చాటుకోవడానికి, అధిష్టానాన్ని ఒప్పించి ఈ నిర్ణయం తీసుకున్నట్లు భావిస్తున్నారు. దీనికి తోడూ, ఏపిలో, ప్రధాని మోదీ రెండు సభలకు అనుమతి ఇచ్చారు. ఈ మేరకు ఈ సమాచారాన్ని ఆదివారం సాయంత్రం రాష్ట్ర నేతలకు చేరవేశారు. ఈ సభ ద్వారా బీజేపీ రాష్ట్రానికి చేస్తున్న సహాయ సహకారాలను ప్రజల్లోకి తీసుకెళ్లాలని నిర్ణయించారు. ఇప్పటికే వేల కోట్లు ఇచ్చామని బీజేపీ ప్రచారం చేస్తుంది. ఇక మోడీ గారు వచ్చి, లక్షల లక్షల కోట్లు ఇచ్చామని ప్రచారం చేస్తారేమో చూడాలి.

ప్రత్యేక హోదా ఇవ్వకపోవడం.. దాని బదులు ప్రకటించిన ప్రత్యేక ప్యాకేజీ ఊసే ఎత్తకపోవడం.. రాజధాని, పోలవరం నిర్మాణాలకు అడ్డంకులు.. విభజన చట్టంలోని హామీలు అమలు చేయకపోవడం, రైల్వే జోన్‌, కడప ఉక్కు కర్మాగారంపై దాటవేతలపై రాష్ట్ర ప్రజల్లో తీవ్ర ఆగ్రహం నెలకొన్న సంగతి తెలిసిందే. ఈ నేపథ్యంలో గడచిన నాలుగున్నరేళ్లలో ఆంధ్రప్రదేశ్‌కు కేంద్రం ఏమిచ్చిందో ప్రధాని సదరు సభలో వివరిస్తారని బీజేపీ వర్గాలు తెలిపాయి. కొద్దిరోజుల క్రితం తెలంగాణ ఎన్నికల ప్రచారానికి వచ్చిన మోదీని కొందరు రాష్ట్ర బీజేపీ నేతలు హైదరాబాద్‌లో కలిశారు. ఈ సందర్భంగా ఏపీ వచ్చేందుకు ఆయన సుముఖత వ్యక్తం చేయడంతో ఏపి బీజేపీ ఈ మీటింగ్లు ప్లాన్ చేసింది.