news

ప్రజల ఆరోగ్యం కోసం రాష్ట్ర ప్రభుత్వం చేపడుతున్న వివిధ పథకాలు సత్ఫలితాలు ఇస్తున్నాయి. దాదాపు గత మూడు సంవత్సరాల్లో వైద్యం కోసం ప్రజలు తమ సొంత నిధులు ఖర్చు చేయడాన్ని గణనీయంగా తగ్గించగలిగింది. రాష్ట్రంలో ప్రజలకు 21 రకాల వైద్య సేవలు అందుబాటులోకి ప్రభుత్వం తీసుకువచ్చింది. 19 కార్యక్రమాలను పీపీపీ విధానంలో అమలు చేస్తోంది. తల్లీబిడ్డ ఎక్స్‌ప్రెస్, ఎన్టీఆర్ బేబీ కిట్, చంద్రన్న సంచార చికిత్స, మహిళా మాస్టర్ హెల్త్ చెకప్, ఎక్స్‌రే, ఎంఆర్ స్కాన్, సీటీ స్కాన్, వివిధ పరీక్షలు, మహాప్రస్థానం, ఉచిత అంబులెన్సు వంటి పథకాలను ప్రవేశపెట్టడం ద్వారా రోగులకు మెరుగైన సేవలు అందుతున్నాయి.

వైద్య సేవలు, పరీక్షల కోసం తమ సొంత నిధులను ఖర్చు చేయకుండా, ప్రభుత్వ సేవలు పొందుతున్నారు. ప్రభుత్వ ఆసుపత్రులు, ప్రాథమిక ఆరోగ్య కేంద్రాలకు వచ్చే రోగుల సంఖ్య గతంతో పోలిస్తే ఎక్కువ అవుతోంది. అక్కడ లభిస్తున్న వైద్య సేవలే ఇందుకు కారణంగా అధికార వర్గాలు పేర్కొంటున్నాయి. అధికారిక లెక్కల ప్రకారం 2015లో వైద్య ఖర్చుల కోసం సొంత నిధుల తలసరి ఖర్చు 5770 రూపాయలుగా ఉండేది. ఇది 2017 నాటికి 1205 రూపాయలకు తగ్గగా, ఈ ఏడాది నవంబర్ నాటికి 588 రూపాయలకు తగ్గింది. దాదాపు నాలుగు సంవత్సరాల్లో 90 శాతం మేర ప్రజలు వైద్య సేవల కోసం తమ సొంత నిధులు ఖర్చు చేయడం తగ్గింది.

మెడికల్ హెల్త్ కేర్‌పై 2015లో 5062 రూపాయలు ఖర్చు చేయగా, 2018 నాటికి 336 రూపాయలకు తగ్గించగలిగింది. వివిధ ప్రయోగశాల పరీక్షల నిమిత్తం తలసరి సగటున 860 రూపాయలు ఖర్చు చేయగా, అది 80 రూపాయలకు తగ్గింది. ఔషధాలు తదితరాల కోసం 2531 రూపాయలుగా ఉండే ఖర్చును 135 రూపాయలకు తగ్గించడంలో ప్రభుత్వం చేపట్టిన చర్యలు ఫలితాలను ఇచ్చాయి. ఔషధాల కోసం చేసే ఖర్చును 95 శాతం, ప్రయోగశాలల కోసం చేసే ఖర్చులో 91 శాతం మేర తగ్గించగలిగింది. ఇది ప్రభుత్వ వైద్య సేవల పట్ల ప్రజల్లో పెరుగుతున్న ఆదరణగా వైద్య, ఆరోగ్య శాఖ వర్గాలు భావిస్తున్నాయి.

కేసీఆర్ ఏపి రాజకీయాల్లో వేలు పెట్టటం ఏమో కాని, ఇక్కడ కొంత మంది మాత్రం, వీర లెవెల్లో రెచ్చిపోతున్నారు. అప్పట్లో స్వతంత్ర పోరాటం చేసే క్రమంలో, ఇక్కడ కొంత మని మన దేశంలో విష పురుగులు, బ్రిటీష్ వారితో కలిసి, సొంత మాతృభూమికే అన్యాయం చేసారు. ఇలాంటి విష పురుగులు, ఇప్పుడు ఏపిలో కూడా తయారయ్యాయి. ఏపి ప్రజలను ఛీ కొట్టి, కుక్కలు, రాక్షులు అని, చివరకు మనం తినేది పెంట అని సంభోదించినా, ఇక్కడ కొంత మందికి మాత్రం, కేసీఆర్ అంటే ప్రేమ కారిపోతుంది. మన కష్టంతో నిర్మించుకున్న హైదరాబాద్ నుంచి మనలను గెంటేసి, కనీసం రాజధాని కూడా లేకుండా, ప్రయాణం ప్రారంభించిన మన ధుస్తుతికి కారణం అయిన కేసిఆర్ ను నెత్తిన పెట్టుకుంటున్నారు.

ఇన్ని ఇబ్బందుల్లో రాష్ట్రం ఉన్నా, మనకు 5 వేల కోట్లు విద్యుత్ బకాయులు ఇవ్వని కేసీఆర్ అన్నా, దాదాపు 50 వేల కోట్ల ఉమ్మడి ఆస్థుల విభజన చేసి మన రాష్ట్రానికి ఇవ్వని కేసీఆర్ అన్నా, పోలవరం ఆపే కేసీఆర్ అన్నా, ఏపికి ప్రత్యేక హోదా వద్దు అంటున్న కేసీఆర్ అన్నా, ఏపిలో కొంత మందికి, ఇక్కడ ప్రతిపక్ష నాయకులకి, కేసీఆర్ అంటే ప్రేమ కారిపోతుంది. ఎందుకంటే వీళ్ళకి మన రాష్ట్రం, మన ప్రాంతం కంటే, కులం ముఖ్యం.. రాష్ట్రం మీద ప్రేమ కంటే, చంద్రబాబు మీద కోపం ఎక్కువ, అందుకే చంద్రబాబు ఏపిని అన్ని విధాలుగా ముందుకు తీసుకువెళ్తున్నా, ఏపిని అన్ని విధాలుగా చిన్న చూపు చూస్తున్న కేసీఆర్ అంటే, వీళ్ళకి ప్రేమ కారిపోతుంది. తెలంగాణా ఎన్నికల్లో చంద్రబాబు ప్రచారం చేసారు. ఎందుకంటే ఆయన అక్కడ 9 ఏళ్ళు ముఖ్యమంత్రిగా చేసారు, సైబరాబాద్ నిర్మాణం చేసారు, ఆ హక్కుతో అక్కడ ప్రచారం చేసారు. కాని, కేసీఆర్ మాత్రం, కేవలం రాజకీయ కక్షతో, ఏపికి వస్తున్నా అంటున్నారు. సంతోషం, ఎవరైనా రావచ్చు, ప్రజలు తేలుస్తారు.

ఇక్కడ కేసీఆర్ చెప్పే మాట పెద్ద విశేషం కాదు. ఆయన మొదటి నుంచి ఆంధ్రా ద్వేషి. కాని ఈ ఆంధ్రా ద్వేషిని, పవన్ కళ్యాణ్, జగన్ ఎలా పొగుడుతారు ? చంద్రబాబు మీద ద్వేషం ఒక్కటే కారణమా ? ఏపి ప్రజలు గురించి వీరి ఆలోచించరా ? ఇప్పుడు ముద్రగడ వంతు. కేసీఆర్ ఏపికి వస్తే సాదర స్వగతం పలుకుతారు అంట. ఇద్దరూ కలిసి, చంద్రబాబుని ఓడిస్తారు అంట. ఏ విధంగా ముద్రగడ ఇలా అంటారు ? అక్కడ కేసీఆర్ ఏ విధమైన కమిషన్ వెయ్యకుండా, అక్కడ ప్రజలను మభ్యపెట్టి ముస్లిం రిజర్వేషన్లు ఇస్తే, కోర్ట్ కొట్టేసింది. చంద్రబాబు ఇలా మభ్యపెట్టకుండా, కోర్ట్ కొట్టేస్తుంది అని తెలిసి, ఒక కమిషన్ వేసి, సైంటిఫిక్ గా రిపోర్ట్ తయారు చేసి, కాపులకు రిజర్వేషన్లు ఇవ్వమని తీర్మానం చేసి, కేంద్రానికి పంపారు. ఇక్కడ ఎవరికీ చిత్తశుద్ధి ఉంది ? కేవలం చంద్రబాబు మీద కోపంతో, ఏపి ప్రజల ఆత్మగౌరవాన్ని, సిగ్గు లేకుండా, ఈ బ్యాచ్ అంతా కలిసి కేసీఆర్ కాళ్ళ కింద పెడుతున్నారు.

శ్రీకాకుళం జిల్లాను అతలాకుతలం చేసిన తిత్లీ తుపాను బాధిత ప్రాంతాల పునరుద్ధరణ బాధ్యతలో కేంద్రం విఫలమైందని తెదేపా ఎంపీ రామ్మోహన్‌నాయుడు ఆరోపించారు. జాతీయ విపత్తుగా ప్రకటించాలని డిమాండు చేశారు. తుపాను కారణంగా రూ.3400 కోట్ల నష్టం వాటిల్లిందని, వ్యవసాయ రంగంలోనే సుమారు రూ.1800 కోట్ల నష్టం వచ్చిందని బుధవారం లోక్‌సభ దృష్టికి తీసుకొచ్చారు. ఏడు రోజుల పాటు సీఎం చంద్రబాబు, మంత్రులు, అధికారులు పునరుద్ధరణ కార్యక్రమాలు పర్యవేక్షించి బాధిత ప్రాంతాల పునర్‌ నిర్మాణానికి కృషి చేశారన్నారు. కేంద్ర హోంమంత్రి రాజ్‌నాథ్‌ సింగ్‌ గుంటూరు వచ్చిన సమయంలో రాష్ట్ర అవసరాలు తీరుస్తామని హామీ ఇచ్చారని గుర్తుచేశారు.

కానీ శ్రీకాకుళం వచ్చి వ్యక్తిగతంగా పర్యవేక్షించాల్సిన ఆవశ్యకతను గుర్తించలేకపోయారని విమర్శించారు. ఐక్యరాజ్యసమితి సెక్రటరీ జనరల్‌ కూడా తిత్లీ తుపానుపై ఆవేదన వ్యక్తం చేశారని, కేంద్రం మాత్రం తగిన రీతిలో స్పందించలేదని అన్నారు. తిత్లీ బాధిత ప్రాంతాల పునరుద్ధరనకు రూ.539.52 కోట్లు అనుమతిస్తూ ఈ నెల 6న అత్యున్నత స్థాయి కమిటీ నిర్ణయించిందని కేంద్ర హోంశాఖ సహాయమంత్రి కిరణ్‌రిజిజు తెలిపారు. రాష్ట్ర విపత్తు నిర్వహణ సంస్థకు విడుదల చేసిన రూ.458.10 కోట్లకు ఇది అదనమని వివరించారు. ప్రాథమిక అంచనా ప్రకారం రూ.1330.67 కోట్లు సాయం చేయాలని ఏపీ ప్రభుత్వం కోరిందని, ఇంటర్‌ మినిస్టీరియల్‌ సెంట్రల్‌ టీం (ఐఎంసీటీ) నివేదిక ప్రకారం అత్యున్నత స్థాయి కమిటీ రూ.539.53 కోట్లు అనుమతించిందని తెదేపా ఎంపీ టీజీ వెంకటేశ్‌ రాజ్యసభలో అడిగిన ప్రశ్నకు కేంద్ర సహాయమంత్రి రిజిజు లిఖితపూర్వకంగా సమాధానమిచ్చారు.

తిత్లీ తుపాను సహాయం కింద కేంద్రం ఇప్పటి వరకూ పైసా కూడా విడుదల చేయలేదని ముఖ్యమంత్రి కార్యాలయం స్పష్టం చేసింది. నిబంధనల మేరకు రాష్ట్ర విపత్తు సహాయ నిధి కింద రెండో కిస్తును మాత్రమే విడుదల చేసిందని వివరించింది. శ్రీకాకుళం తుపాను ప్రభావిత ప్రాంతాల్లో సహాయ, పునరావాస చర్యలకు నిధులు విడుదల చేయాలని కేంద్రానికి ఇప్పటికే ముఖ్యమంత్రి రెండు సార్లు లేఖ రాశారు. దానికి కేంద్రం స్పందించలేదు. తిత్లీ తుపాను వల్ల 3673 కోట్ల రూపాయల మేర నష్టం వాటల్లిందని కేంద్ర బృందానికి ముఖ్యమంత్రి వివరించడం తెలిసిందే. ప్రకృతి విపత్తుల సమయంలో ఏ ప్రధాని కూడా రాష్ట్రం పట్ల ఇంత కనికరం లేకుండా వ్యవహరించలేదని ముఖ్యమంత్రి ఆక్షేపించడం తెలిసిందే. హుదూద్ తుపాను సమయంలో 1000 కోట్ల సాయం ప్రకటించి, 600 కోట్ల రూపాయలు మాత్రమే విడుదల చేశారు.