news

గవర్నర్‌ నరసింహన్‌తో ప్రజాకూటమి నేతలు భేటీ అయ్యారు. ప్రజాకూటమిని ఒక పార్టీగా గుర్తించాలంటూ గవర్నర్‌ను కలిసి కోరారు. ఈ ఎన్నికల్లో కాంగ్రెస్‌, తెలుగుదేశం, తెలంగాణ జనసమితి, సీపీఐలు కలసి పోటీ చేసినందున ఈ కూటమిని అంతా ఒకటిగానే గుర్తించాలని విన్నవించనున్నాయి. ఈ భేటీలో కాంగ్రెస్ నేత ఉత్తమ్‌కుమార్‌రెడ్డి‌, షబ్బీర్అలీ‌, భట్టి విక్రమార్క, మధుయాష్కి, అజారుద్దీన్‌, టీడీపీ నుంచి ఎల్‌.రమణ, రావుల చంద్రశేఖర్‌రెడ్డి, టీజేఎస్ అధినేత కోదండరామ్‌, సీపీఐ నేత చాడ వెంకట్‌రెడ్డి, ఎమ్మార్పీఎస్ నేత మందకృష్ణ మాదిగ పాల్గొన్నారు. కూటమి భాగస్వామ్య పక్షాలను ఒక పార్టీగా పరిగణించాలని గవర్నర్‌ను నేతలు కోరారు. కూటమికి అత్యధిక స్థానాలు వస్తే ప్రభుత్వం ఏర్పాటు చేసే అవకాశం తమకే ఇవ్వాలని నేతలు కోరారు.

మరోవైపు అసెంబ్లీ ఎన్నికల్లో ఏ పార్టీకి మెజార్టీరాని పరిస్థితి ఏర్పడితే పోలింగ్‌కు ముందే పొత్తు కుదుర్చుకున్న ప్రజాకూటమికి ఎక్కువ సీట్లు వచ్చినట్లయితే వారినే ప్రభుత్వ ఏర్పాటుకు ఆహ్వానించాల్సి ఉంటుంది. ఈ విషయంలో అతిపెద్ద పార్టీని ప్రభుత్వం ఏర్పాటుకు పరిగణలోకి తీసుకోవాల్సిన అవసరం లేదు. రాష్ట్రంలో జరిగిన అసెంబ్లీ ఎన్నికల్లో హంగ్ ఫలితాలకు అవకాశం ఉన్నట్లు సమాచారం అందుతున్నది. అదే జరిగితే గవర్నర్ ఏ పార్టీని ప్రభుత్వ ఏర్పాటుకు ఆహ్వానిస్తారన్న చర్చ జరుగుతోంది. ఈ అంశంపై గతంలోనే సుప్రీంకోర్టు స్పష్టమైన ఆదేశాలు జారీ చేసింది. ఎన్నికలకు ముందు పొత్తు కుదుర్చుకున్న కూటమికే అవకాశం ఇవ్వాలని సుప్రీంకోర్టు స్పష్టం చేసింది. ఫలితాల అనంతరం రాజ్యాంగబద్ధంగా అవసరమైన అన్ని చర్యలు తీసుకోవాలని కోరుతూ ప్రజాకూటమి ముఖ్య నేతలుగవర్నర్‌ నరసింహన్‌ను కలసి వినతిపత్రం అందచేసారు. ఫలితాల తరవాత తెరాసకు మద్దతిస్తామని భాజపా ప్రకటించడం పై చర్చిస్తూ ముందుముందు తలెత్తబోయే ఇలాంటి పరిణామాల గురించి గవర్నర్‌కు ముందే వివరించారు.

ఫలితాల తరవాత ప్రత్యర్థులు రాజ్యాంగ విరుద్ధంగా వ్యవహరించే అవకాశాల పై ఆయన దృష్టికి తీసుకువెళ్ళారు. రేవంత్‌రెడ్డి ఇంటి తలుపులు పగలగొట్టి అర్ధరాత్రి అరెస్టు చేయడం, పోలింగ్‌ రోజున వంశీచంద్‌రెడ్డిపై భౌతిక దాడి చేయడం, వేలాదిమంది ఓటర్ల పేర్లను ఉద్దేశపూర్వకంగా జాబితాల నుంచి తొలగించడం వంటి అంశాలన్నింటిపైనా గవర్నర్‌కు వివరించారు. ఫలితాలు వెలువడిన వెంటనే ఎన్నికైన ఎమ్మెల్యేలందరితో హైదరాబాద్‌లో సమావేశం ఏర్పాటుచేయాలని కాంగ్రెస్ పార్టీ నిర్ణయించారు. అమిత్ షా, మోడీ కలిసి వివధ రాష్ట్రాల్లో చేస్తున్న పనులు చూసి, ప్రజా కూటమి నేతలు ఈ నిర్ణయం తీసుకున్నారు. గోవా, జమ్మూ, నాగాలాండ్, కర్ణాటక రాష్ట్రాల్లో గవర్నర్ లను అడ్డు పెట్టుకుని, అమిత్ షా చేసిన అరాచకం అందరికీ తెలిసిందే. మరి ఇప్పుడు తెలంగాణా రాష్ట్రంలో ఎన్నికల ఫలితాలు తరువాత, మన గవర్నర్ గారు ఏమి చేస్తారో చూడాలి.

పార్లమెంటు సమావేశాలకు సరిగ్గా ఒక్కరోజు ముందు కేంద్రంలో అధికార పార్టీ బీజేపీకి ఇవాళ ఊహించని షాక్ తగిలింది. రాష్ట్రీయ లోక్ సమతా పార్టీ (ఆర్ఎల్ఎస్పీ) చీఫ్ ఉపేంద్ర కుశ్వాహ ఎన్డీయే ప్రభుత్వానికి గుడ్‌బై చెప్పేశారు. కేంద్ర మానవ వనరుల అభివృద్ధి శాఖ సహాయమంత్రి పదవికి రాజీనామా చేస్తున్నట్టు ఆయన ప్రకటించారు. ఇవాళ ఢిల్లీలోజరుగుతున్న ఎన్డీయే మిత్రపక్షాల సమావేశానికి తాను హాజరు కావడం లేదంటూ కుశ్వాహ చెప్పిన కొద్దిసేపటికే... ఆయన ఎన్డీయేలో కొనసాగుతారా, లేదా అన్నదానిపై ఊహాగానాలు వెల్లువెత్తాయి.

ఈ నేపథ్యంలోనే కుశ్వాహ ఎన్డీయే నుంచి వైదొలుగుతున్నట్టు ప్రకటించడం గమనార్హం. వచ్చే ఏడాది జరిగే లోక్‌సభ ఎన్నికల్లో ఆర్ఎల్ఎస్పీకి ఒక్క సీటు కంటే ఎక్కువ ఇచ్చేందుకు బీజేపీ తిరస్కరించడంతో.. కుశ్వాహ ఇటీవల ఆ పార్టీపై విమర్శలు గుప్పిస్తున్న సంగతి తెలిసిందే. మరోవైపు బీహార్‌లో కుశ్వాహ పార్టీకి ఒక్క సీటుకంటే ఎక్కువ ఇవ్వబోమని చెప్పిన కాషాయ పార్టీ... సీఎం నితీశ్ సారథ్యంలోని జేడీయూతో మాత్రం సమాన సంఖ్యలో సీట్లు పంచుకోవాలని నిర్ణయించింది. దీంతో తమకు గౌరవనీయ సంఖ్యలో సీట్లు కేటాయించని పక్షంలో 2019 ఎన్నికల్లో ఎన్డీయే మూల్యం చెల్లించక తప్పదని కుశ్వాహ ముందే చెప్పారు.

బీహార్‌లోని రాష్ట్రీయ లోక్ స‌మ‌తా పార్టీకి చెందిన ఆయ‌న‌.. మోదీ ప్ర‌భుత్వ వ్య‌వ‌హార‌శైలిపై ఆగ్ర‌హంతో ఉన్నారు. అయిదేళ్ల క్రితం ఎన్డీఏలో క‌లిశామ‌ని, ఎన్నో ఆశ‌ల‌తో చేరామ‌ని, బీహార్ ప్ర‌జ‌ల‌కు ఎన్నో హామీలు ఇచ్చారు, కానీ వాటిని అమ‌లు చేయ‌లేక‌పోయార‌ని, అందుకే రాజీనామా చేస్తున్న‌ట్లు త‌న లేఖ‌లో తెలిపారు. ఆర్ఎల్ఎస్పీ పార్టీకి బీహార్ లో తొక్కేయటానికి మోడీ, అమిత్ షా ప్రయత్నాలు చెయ్యటం కూడా తెలిసిందే. దీంతో కేంద్ర‌మంత్రి ఉపేంద్ర ఎన్డీఏకు గుడ్‌బై చెప్పారు. ఇవాళ ఉద‌యం కాంగ్రెస్ పార్టీ అధ్య‌క్షుడు రాహుల్ గాంధీని కూడా క‌లిశారు. బీజేపీతో క‌లిసి ప‌నిచేస‌ది లేద‌న్న విష‌యాన్ని ఉపేంద్ర ఇవాళ వెల్ల‌డించ‌నున్నారు.

తెలంగాణలో ఎన్నికలపై ఆంధ్రప్రదేశ్‌లో సర్వత్రా ఉత్కంఠ నెలకొంది. కాంగ్రెస్, తెలుగుదేశం, తెలంగాణ జనసమితి, సీపీఐ కలయికతో పోటీచేసిన ప్రజా కూటమికి విజయావకాశాలు ఉన్నాయని మాజీ ఎంపీ లగడపాటి రాజగోపాల్ వెలువరించిన సర్వేలతో కాంగ్రెస్‌తో పాటు టీడీపీ శ్రేణుల్లో ఉత్సాహం నింపింది. జాతీయ సంస్థల ఎగ్జిట్ పోల్స్ సర్వేలపై ఒకింత గందరగోళం నెలకొన్నప్పటికీ కూటమి విజయావకాశాలపై ఎడతెగని చర్చ జరుగుతోంది. ఈ ఎన్నికలు తెలుగుదేశం పార్టీకి ప్రతిష్టాత్మకం కావడంతో పాటు వచ్చే ఏడాది మేలో జరిగే సార్వత్రిక ఎన్నికల్లో ప్రభావం చూపుతుందని భావిస్తున్నారు. హైదరాబాద్‌తో సహా తెలంగాణ లోని పలు జిల్లాల్లో సెటిలర్లు ఏ పార్టీకి ఓటు వేశారనే విషయం ప్రధాన పార్టీల్లో చర్చనీయాంశంగా మారింది.

ఈ సారి పోలింగ్ ఏ పార్టీకి మొగ్గు చూపుతుందనే విషయమై కాంగ్రెస్, టీడీపీలు అంచనా వేస్తున్నాయి. ఇదిలా ఉండగా రాష్టవ్య్రాప్తంగా 70 శాతానికి మించి పోలింగ్ జరగటంతో అది ప్రభుత్వ వ్యతిరేక ఓటుగానే టీడీపీ వర్గాలు భావిస్తున్నాయి. గత ఎన్నికల్లో టీడీపీ, బీజేపీ కలిసి పోటీ చేసి 20 సీట్లు గెలుచుకున్నప్పటికీ టీడీపీ తరఫున గెలిచిన 15 మంది ఎమ్మెల్యేల్లో పలువురు టీఆర్‌ఎస్ తీర్థం పుచ్చుకోవటంతో దాదాపు తెలంగాణలో టీడీపీ ఖాళీ అయ్యే పరిస్థితి ఏర్పడింది. తాజాగా కాంగ్రెస్ పొత్తుతో తక్కువ సీట్లలో పోటీ చేసినప్పటికీ పార్టీ అధినేత చంద్రబాబునాయుడు జాతీయ స్థాయిలో బీజేపీ ప్రత్యామ్నాయ ఫ్రంట్ దిశగా అడుగులు వేస్తున్నందున కూటమి విజయంపైనే ప్రధానంగా దృష్టి సారించారు. ఇక్కడ కనుక గెలిస్తే, జాతీయ స్థాయిలో చంద్రబాబు మాటకు తిరుగు ఉండదు. ఇదే విన్నింగ్ ఫార్ములాగా, మోడీని దించే ఫార్ములాగా ప్రచారం చేస్తారు. ఇక జగన్, పవన్ ల సంగతి సరే సరి. చంద్రబాబు గ్రాఫ్ పెరిగితే, ఇక వీళ్ళ మాటకు విలువ ఉండదు. ఏపిలో జరిగే ఎన్నికలు చంద్రబాబు - మోడీ మధ్య యుద్ధంలా ఏపి ప్రజలు చూస్తారు. ఈ ఆటలో జగన్, పవన్, అరటిపండులు అవుతారు. రేపు ఈ సమయానికి మొత్తం తెలిసిపోతుంది.

కాగా శుక్రవారం తెలంగాణలో జరిగిన ఎన్నికలు, అనంతర పరిణామాలపై చంద్రబాబు టీటీడీపీ నేతలతో ఫోన్‌లో చర్చించారు. వివిధ నియోజకవర్గాల్లో కూటమి అభ్యర్థులపై టీఆర్‌ఎస్, బీజేపీ కార్యకర్తలు చేసిన దాడికి సంబంధించి వీడియో క్లిప్పింగ్‌లతో సహా ఎన్నికల సంఘానికి ఫిర్యాదు చేయాలని సూచించారు. ఈ మేరకు సనత్‌నగర్ నియోజకవర్గంలోని ఓ పోలింగ్ కేంద్రంలో అధికారులు కారు గుర్తుకు వేయాల్సిందిగా ఓటర్లను ప్రలోభపెట్టడంతో పాటు టీఆర్‌ఎస్ ముఖ్యనేత కేటీఆర్ తిరిగి తామే అధికారంలోకి వస్తామని పోలింగ్ ముగియకముందే ప్రచారం చేయటం, సూర్యాపేట శాసనసభ స్థానంలో పోలింగ్ కేంద్రాల వద్ద తెలంగాణ మాజీ మంత్రి, టీఆర్‌ఎస్ అభ్యర్థి జగదీష్‌రెడ్డి ప్రచారం నిర్వహించటం, కల్వకుర్తిలో కాంగ్రెస్ అభ్యర్థి వంశీచంద్‌రెడ్డిపై బీజేపీ కార్యకర్తల దాడి తదితర అంశాలన్నింటిపై విచారణ జరపాల్సిందిగా టీటీడీపీ ఈసీకి ఫిర్యాదు చేసింది.