news

ఒకడికి మించినోడు మరొకడు అని, జగన్, పవన్ భాష రోజు రోజుకీ దిగజారిపోతుంది. జగన్, పవన్ రోజు రోజుకీ దిగజారి మాట్లాడుతున్నారు. నలుగురు నలుగురు పెళ్ళాలు అని జగన్ అనటం, నువ్వు జైలుకు వెళ్లి చిప్ప కూడు తింటావ్ అని పవన్ అనటం.. ఏపి రాజకీయం ఇలా మారిపోయింది. జగన్‌ నేరాలు చేశాడని ఎప్పటికైనా లాలూప్రసాద్‌ యాదవ్‌లా జైలుకు వెళ్లడం ఖాయమని పవన్ ఎద్దేవాచేసిన విషయం తెలిసిందే. ప్రతిపక్ష నేతగా ప్రజా సమస్యలను అసెంబ్లీలో ప్రస్తావించకుండా పారిపోయాడని, పాపం.. ముద్దులు పెట్టుకుంటూ పాదయాత్ర చేసుకుంటున్నాడని పవన్‌‌కల్యాణ్‌ ఆరోపించారు. దీని పై జగన్, పవన్ మగతనం ఇదేనా అని స్పందించారు.

“ఈ పెద్ద మనిషి ఈ మధ్య కాలంలో మగతనం గురించి మాట్లాడాడు. ఇప్పటికి నలుగురిని పెళ్లి చేసుకున్నాడు. నాలుగేళ్లకోసారి భార్యలను మారుస్తారు. పెళ్లి అనే పవిత్రమైన వ్యవస్థను రోడ్డు మీదకు తీసుకొచ్చాడు ఈ పెద్ద మనిషి. నిత్య పెళ్లికొడుకులా నాలుగేళ్ళ కొసరి భార్యలను మార్చడం మగతనమా అని అడుగుతున్నా. ఆయన రెండో భార్య రేణు దేశాయ్ మేము కలిసి ఉండగానే వేరే ఆవిడతో సంసారం చేసి పిల్లాడిని ఇంటికి తీసుకోచ్చాడని మీడియాలో చెప్పారు. అటువంటి ఆడపడచును ఆయనకు వ్యతిరేకంగా మాట్లాడారని వారి కార్యకర్తలు వేధిస్తుంటే వేడుక చూసాడు ఈ పెద్ద మనిషి,” అన్నారు జగన్.

“ఈయన్ని ఎవరైనా అంటే వారి ఇంట్లోని ఆడవారిపై సోషల్ మీడియాలో దారుణంగా విమర్శిస్తారు. ఒకపక్క ల్యాండ్ పోలింగ్ కు వ్యతిరేకం అంటూ చంద్రబాబు బినామీ లింగమనేని దగ్గర ఆయనని కాపాడటానికి 20 5 కోట్ల భూమిని 20 లక్షలకే తీసుకుని నీతులు చెప్తాడు. ఈయన సినిమా అజ్ఞ్యాతవాసికి ఏ సినిమాకు ఇవ్వని రాయతీలు చంద్రబాబు నాయుడు ఇస్తే ఆయనకు ఏమీ కనపడవు. చంద్రబాబు చేసిన ప్రతీ అన్యాయానికి నాలుగున్నర ఏళ్లగా భాగస్వామిగా ఉండి ఇప్పుడు వ్యతిరేకం అయినట్టు నాటకాలు ఆడుతున్నాడు. దీనికి స్క్రిప్టు డైరెక్షన్ చంద్రబాబు అయితే లింగమనేని నిర్మాత. నేను అవినీతిపరుడని అంటున్నావు. నువ్వు చూసావా నేను అవినీతి చెయ్యడం?,” అని తీవ్ర ఆరోపణలు చేసారు జగన్.

తెలంగాణ ఎన్నికల నేపథ్యంలో డిసెంబర్ 5వ తారీఖు దాకా అక్కడే మకాం వేయాలని ముఖ్యమంత్రి చంద్రబాబునాయుడు భావిస్తున్నారు. నిజానికి చంద్రబాబు రెండు రోజులు మాత్రమే ప్రచారం చేద్దామని అనుకున్నారు. కాని కేసీఆర్, కేటీఆర్ రెచ్చగొట్టే మాటలతో, చివరి వారం రోజులు కీలకమని చంద్రబాబు భావించారు. వీరు చేసే తప్పుడు ప్రచారాలు, అక్కడే తిప్పికొట్టాలని, వ్యూహం మార్చుకుని, మరో అయిదు రోజులు పాటు, తెలంగాణా ఎన్నికల ప్రచారంలో పాల్గునాలని నిర్ణయం తీసుకున్నారు. ఈ దెబ్బతో కేసీఆర్ కి కూసాలు కదులుతున్నాయి. అదీ చంద్రబాబు హైదరబాద్ పరిధిలోనే తిరుగుతూ ఉండటంతో, హైదరాబాద్ నియోజకవర్గాల పై కేసీఆర్ పెట్టుకున్న ఆశలు, రోజు రోజుకీ పోతున్నాయి. అనవసరంగా చంద్రబాబుని రెచ్చగొట్టి, ఇక్కడ దాకా తెచ్చుకున్నాం అనే భావాన తెరాసలో ఉంది. తెలంగాణ ఎన్నికలు మహాకూటమికి ప్రతిష్టాత్మకం కావడంతో అవసరమైతే కాంగ్రెస్ అభ్యర్థుల తరుపున కూడా ప్రచారం చేయాలని యోచిస్తున్నారు. కేంద్రంలోని బీజేపీ, కేసీఆర్ టార్గెట్‌గా ఎన్నికల్లో కూటమి గెలుపు కోసం వ్యూహరచన చేస్తున్నారు.

రాహుల్ గాంధీతో కలసి పాల్గొన్న బహిరంగసభలతో పాటు స్వయంగా రోడ్‌షోలు నిర్వహిస్తూ పార్టీ అభ్యర్థుల విజయానికి ప్రచారం చేస్తున్నారు. అంతకు ముందు తెలంగాణకు చంద్రబాబు వస్తే ప్రతిఘటించాల్సిందిగా టీఆర్‌ఎస్ శ్రేణులకు కేసీఆర్ పిలుపు ఇచ్చిన విషయం తెలిసిందే. ఈ నేపథ్యంలో చంద్రబాబు అక్కడే మకాంవేసి పార్టీ విజయావకాశాలను బేరీజు వేస్తున్నారు. ప్పటి వరకు ఖమ్మం జిల్లాతో పాటు సనత్‌నగర్, నాంపల్లిలో పర్యటన పూర్తిచేసిన చంద్రబాబు శేరిలింగంపల్లి, కూకట్‌పల్లి, రాజేంద్రనగర్ నియోజకవర్గాల్లో నిర్వహించిన రోడ్‌షోలు సక్సెస్ కావడంతో టీఆర్‌ఎస్ వ్యతిరేక పవనాలు వీస్తున్నాయని కూటమి గెలుపు ఖాయమనే ధీమాతో ఉన్నారు.

సెటిలర్లు అధికంగా ఉన్న కూకట్‌పల్లి, శేరిలింగంపల్లి, ఎల్బీనగర్, రాజేంద్రనగర్‌లో కూటమి అభ్యర్థుల విజయం తథ్యమని చెప్తున్నారు. ఇదిలా ఉండగా జూబ్లీహిల్స్ నియోజకవర్గంలో గెలుపు నల్లేరు పై బండినడకే అని భావిస్తున్నారు. కూకట్‌పల్లితో పాటు ఈ నియోజకవర్గంలోనూ సెటిలర్లు అధికంగానే ఉన్నందున టీడీపీకి విజయావకాశాలపై అంచనా వేస్తున్నారు. తెలంగాణలో కూటమి పొత్తులో భాగంగా టీడీపీ పోటీచేస్తున్న 13 నియోజకవర్గాల్లో పార్టీ అభ్యర్థుల విజయం సాధించేందుకు అవసరమైన ఏర్పాట్లను పర్యవేక్షించేందుకు ఏపీ మంత్రులు, ఎమ్మెల్యేల్లో సీనియర్లను నియమించారు. గత కొద్దిరోజులుగా పార్టీ నేతలు, ఎమ్మెల్యేలు, పలువురు మంత్రులు హైదరాబాద్‌లో మకాంవేసి ఎన్నికల ప్రచార కార్యక్రమాన్ని ముమ్మరం చేస్తున్నారు.

ఇప్పటికే లగడపాటి పై తెరాస కారాలు మిరియాలు నూరుతూ ఉండగా, తాజాగా లగడపాటి, కరీంనగర్‌ జిల్లాలోని చొప్పదండి కాంగ్రెస్‌ అభ్యర్థి మేడిపల్లి సత్యంకు లగడపాటి ఫోన్‌ చేసి తన అంచనా వెల్లడించారని కథనాలు సోషల్‌ మీడియాలో వైరల్‌ అవుతున్నాయి. లగడపాటి రాజగోపాల్‌, మేడిపలిసత్యంలు తెలంగాణ ఉద్యమంలో హోరాహోరీ తలపడిన నాయకులు. ఇలాంటి సందర్భంలో లగడపాటి నేరుగా మేడిపల్లి సత్యంకు ఫోన్‌చేసి చిన్న వయస్సులోనే పెద్ద ఫాలోయింగ్‌ సంపాదించావు.. ప్రజల గుండెల్లో గూడుకట్టుకున్నావు.. ఇది ఎలా సాధ్యమయిందని అడిగారట. తాను చేసిన సర్వే వివరాలతో పాటు, ఈ ఎన్నికల్లో సత్యంకు ఎన్ని ఓట్లు వస్తాయి అనేది తెలిపారట. దీంతో ఉబ్బితబ్బిబ్బయిన సత్యం తాను విద్యార్థి ఉద్యమం నుంచి ప్రస్తుత స్థితి వరకు వివరించినట్టు సమాచారం.

మరో పక్క, మహాకూటమి చొప్పదండి ఎమ్మెల్యే అభ్యర్థి మేడిపల్లి సత్యం చొప్పదండి నియోజక వర్గంలో కాంగ్రెస్ పార్టీ గెలుపే లక్ష్యంగా ఊరూరా ప్రచారం ఉదృతంగా నిర్వహిస్తున్నారు.చొప్పదండి నియోజకవర్గంలో ప్రచారం నిర్వహిస్తున్న సమయంలో కాంగ్రెస్ పార్టీ అభ్యర్థికి నియోజక వర్గ ప్రజలనుండి విశేష స్పందన లబిస్తుండటంతో కాంగ్రెస్ పార్టీ,మహా కూటమి నాయకుల్లో నయ జోష్ కనబడుతున్నది. కాంగ్రెస్ పార్టీ ఎమ్మెల్యే అభ్యర్థి మేడిపల్లి సత్యం సోమవారం రోజు బోయినిపల్లి మండలం దేశాయిపల్లి,జగ్గరావు పల్లి, వరదవెల్లి,కొదురుపాక, నీలోజిపల్లి, వెంకట్రావుపల్లి,మల్లాపూర్, మానువాడ, కొత్తకోట, నర్సింగపూర్ గ్రామాలలో ఎన్నికల ప్రచారం నిర్వహించారు.

ఈ సందర్బంగా భారీగా తరలి వచ్చిన ప్రజలను ఉద్దేశించి మాట్లాడుతూ చొప్పదండి ఎమ్మెల్యేగా తనను ఆశీర్వదించండి బోయినిపల్లి మండలాన్ని అన్ని రంగాలలో అభివృద్ది చేస్తానని,గడిచిన నాలుగున్నర సంవత్సరాల టిఆర్‌ఎస్ పాలనలో ప్రజల సంక్షేమాన్ని పూర్తిగా విస్మరించారని,కాంగ్రెస్ పార్టీ అధికారంలోకి వచ్చిన మరుక్షణం రాష్ట్రంలో పేదల సంక్షేమానికి,పేద ప్రజల అభ్యున్నతికి అధిక ప్రాధాన్యం ఇస్తుందన్నారు. చొప్పదండి నియోజకవర్గంలో పలు స్వచ్చంద సేవా కార్యక్రమాలు నిర్వహిస్తు,బలమైన వేలాది మంది కార్యకర్తలు కలిగి ఉన్న గంగాధర సింగిల్ విండో ఛైర్మన్ కొత్త జైపాల్ రెడ్డి మిత్రమండలి సభ్యులు సుమారు 3వేల మంది ఆదివారం రోజు కాంగ్రెస్ పార్టీలో చేరడంతో ఒక్కసారిగా కాంగ్రెస్ శ్రేణుల్లో నయా జోష్ నింపింది.