news

కొడంగల్‌లో అర్థరాత్రి హై డ్రామా నెలకొంది. తీవ్ర ఉద్రిక్తత పరిస్థితులు కనిపించాయి. వికారాబాద్‌ జిల్లా కొడంగల్‌లో మండల కాంగ్రెస్‌ పార్టీ అధ్యక్షుడు యూసుఫ్‌ నివాసంలో ఫ్లయింగ్‌ స్క్వాడ్‌ అధికారులు సోదాలు నిర్వహించారు. నగదు ఏమీ లభించకపోవడంతో వారు వెనుదిరిగారు. రేవంత్‌ రెడ్డికి యూసుఫ్‌ ప్రధాన అనుచరుడు కాబట్టే యూసుఫ్‌కు సంబంధించిన వారి ఇళ్లల్లో దాడులు చేశారని కాంగ్రెస్‌ కార్యకర్తలు ఆందోళనకు దిగారు. ఈ ఆందోళనకు మద్దతుగా కాంగ్రెస్‌ పార్టీ వర్కింగ్‌ ప్రెసిడెంట్‌ రేవంత్‌ రెడ్డి రోడ్డుపై బైఠాయించి నిరసన తెలిపారు. సెర్చ్‌ వారెంట్‌ చూపించకుండానే ఇళ్లల్లోకి చొరబడ్డారని, మహిళలతో దురుసుగా ప్రవర్తించారని కాంగ్రెస్‌ కార్యకర్తలు ఆరోపించారు. సోదాలు జరిపినా ఏమీ లభించలేదని రాసి ఇవ్వాలని వారు డిమాండ్‌ చేశారు.

ఎస్‌ఐ కాశికి సమాచారం అందడంతో, ఆయన వచ్చి అదుపుచేసేందుకు యత్నించారు. అదే సమయంలో రేవంత్‌రెడ్డి తన ప్రచారం ముగించుకొని అక్కడికి చేరుకున్నారు. తమ కార్యకర్తలను పోలీసులు భయాందోళనకు గురిచేసేలా ప్రవర్తిస్తున్నారంటూ రోడ్డుపై బైఠాయించారు. అదే సమయంలో బొంరాస్‌పేటలోనూ పోలీసులు, ఆబ్కారీ సిబ్బంది రేవంత్‌ అనుచరుడైన రాంచందర్‌రెడ్డి ఇంట్లో సోదాలు జరిపారు. ఏమీ లభించకపోవడంతో వెనుదిరుగుతుండగా కాంగ్రెస్‌ కార్యకర్తలు పోలీసుల వాహనాన్ని చుట్టుముట్టారు. కావాలనే రాత్రిపూట వచ్చి భయాందోళనలు సృష్టిస్తున్నారంటూ అక్కడే బైఠాయించారు. రేవంత్‌ సోదరుడు తిరుపతిరెడ్డి అక్కడికి వచ్చి మద్దతు పలికారు. అర్ధరాత్రి వరకు కొడంగల్‌, బొంరాస్‌పేటలలో ధర్నా కొనసాగింది. ఉద్రిక్త పరిస్థితులు నెలకొనడంతో, రెండుచోట్లా పోలీసులు అప్రమత్తమయ్యారు.

గత సోమవారం గజ్వేల్‌ కాంగ్రెస్‌ అభ్యర్థి ఒంటేరు ప్రతా్‌పరెడ్డి తనయుడి ఇంట్లోనూ పోలీసులు చొరబడి సోదాలు చేశారు. ఈ సందర్భంగా తనను పోలీసులు వేధిస్తున్నారంటూ ప్రతా్‌పరెడ్డి ఒంటిపై పెట్రోల్‌ పోసుకుని ఆత్మహత్యయత్నం చేశారు. ఆయన ఇంట్లో ఏమీ దొరక్కపోవడంతో పోలీసులు ఒట్టి చేతులతో వెళుతుంటే ఇంట్లో ఏం దొరికిందో చెప్పాలంటూ కార్యకర్తలు అడ్డుపడి నిలదీశారు. ‘‘ఎవరు ఫిర్యాదు చేశారో చెప్పరు. సోదాలు ఎందుకు చేస్తున్నారో చెప్పరు. ఎందుకు అరెస్టు చేస్తున్నారో చెప్పరు. అయినా ఎన్నికల సమయంలో పోలీసులు సోదాలు చేయడం ఏమిటి? గతంలో ఎన్నడూ ఇలా జరగలేదు’’ అంటూ విపక్ష నాయకులు విమర్శిస్తున్నారు. ఒంటేరు ప్రతా్‌పరెడ్డి గజ్వేల్‌లో ముఖ్యమంత్రి కేసీఆర్‌ను ఢీకొంటుండగా, రేవంత్‌రెడ్డి రాజకీయంగా కేసీఆర్‌ కుటుంబాన్ని ఢీకొంటున్నారు.

నిన్నటి నుంచి టీఆర్ఎస్ పార్టీ పూర్తిగా చేతులు ఎత్తేసినట్టు కనిపిస్తుంది. అది కూడా సెల్ఫ్ గోల్స్ వేసుకుంటూ. నిన్న లగడపాటి రాజగోపాల్ తిరుపతి దర్శనానికి వెళ్లి బయటకు రాగానే మీడియా చుట్టుముట్టింది. తెలంగాణా విషయం అడగగా, నేను ఇప్పుడే చెప్పను అని చెప్పారు, కాని బలవంతంగా వాళ్ళు అడగగా, లగడపాటి మాట్లాడుతూ, ఈ సారి ఒక 8 మంది వరకు ఇండిపెండెంట్లు గెలుస్తారు అంటూ చెప్పారు. ప్రతి రోజు కేసీఆర్ నేను వంద సీట్లు గెలుస్తా అని ఎలా చెప్పారో, అలాగే లగడపాటి కూడా చెప్పారు. నేను సర్వే చేసాను, ఇది దాని రిజల్ట్ అని చెప్పలేదు. నా అభిప్రాయం ఇది అంటూ, అందరూ చెప్పినట్టే చెప్పారు. ఇక్కడే తెరాస వాళ్ళు సెల్ఫ్ గోల్స్ వెయ్యటం మొదలు పెట్టారు.

రెండు నెలల క్రితం లగడపాటి సర్వేలో తెరాస గెలుస్తుంది అంటే చంకలు గుద్దుకున్న కేసీఆర్, నిన్నటి నుంచి మాత్రం లగడపాటి పై మండి పడుతున్నారు. నిజానికి లగడపాటి తెరాస ఓడిపోతుంది అని ఎక్కడా చెప్పలేదు. కాని కేసీఆర్ నిన్న బహిరంగ సభలో, ఆడెవడో సన్నాసి సర్వే అంటూ వస్తున్నాడు అంటూ, తిట్ల దండకం అందుకున్నాడు. ఈ రోజు తెరాస వాళ్ళు, లగడపాటి పై ఎలక్షన్ కమిషన్ కు ఫిర్యాదు చేసారు. వారం రోజుల్లో జరగబోయే ఎన్నికలను ప్రభావితం చేసేలా లగడపాటి వ్యాఖ్యలు ఉన్నాయని టీఆర్ఎస్ ఎన్నికల సమన్వయ కమిటీ తరపున దండె విఠల్ తన ఫిర్యాదులో పేర్కొన్నారు. ఇలా వ్యాఖ్యలు చేయడం ఎన్నికల కమిషన్ నిబంధనలకు విరుద్ధమని, ఈ వ్యాఖ్యలను టీవీల్లో ప్రసారం చేశారని అన్నారు. అయితే ఇది సర్వే కాదు, తన అభిప్రాయం ఆయన చెప్పారు. అలాగైతే, వంద సీట్లు గెలుస్తాం అంటున్న కేసీఆర్ పైన కూడా చర్యలు తీసుకోవాలి కదా ?

మరో పక్క, తెలంగాణ ఎన్నికల్లో పది మంది స్వతంత్ర అభ్యర్థులు విజయం సాధిస్తారని ప్రకటించిన మాజీ ఎంపీ లగడపాటి రాజగోపాల్ పై మంత్రి హరీశ్ రావు విమర్శలు గుప్పించారు. లగడపాటి.. చంద్రబాబుకు సీక్రెట్ ఏజెంటా ఏంటీ? అని ప్రశ్నించారు. చంద్రబాబు, లగడపాటి కుట్రలను ప్రజలు తిప్పికొట్టాలని పిలుపు నిచ్చారు. అసలు లగడపాటి తిరుపతిలో ఇండిపెండెంట్లు 8 మంది గెలుస్తారు అని చెప్తే, దానికి హరీష్ రావుకు భయం ఎందుకు ? ఈ మాత్రం దానికే లగడపాటి, చంద్రబాబు సీక్రెట్ ఏజెంట్ అయిపోతాడా ? మరో పక్క కేటీఆర్, చంద్రబాబు అంతు చూస్తున్నాం అంటాడు. అసలు ఇంత చిన్న విషయం పట్టుకుని నిన్నటి నుంచి కేసీఆర్, కేటీఆర్, హరీష్ రావు, ఎందుకు ఇలా సెల్ఫ్ గోల్స్ వేసుకుంటూ, వాళ్ళ బలహీనత వాళ్ళే బయట పెట్టుకుంటారు ? ఒక్క లగడపాటి కోసం, ఫ్యామిలీ ఫ్యామిలీ నిన్నటి నుంచి ఇంతలా టెన్షన్ పడుతుంది.

తెలుగుదేశం పార్టీ అధ్యక్షుడు చంద్రబాబు ఈ రోజు కూకట్‌పల్లిలో రోడ్‌షో నిర్వహించారు. ప్రజా కూటమి తరుపున ఆయన ఈ రోజు కూకట్‌పల్లిలో నిర్వహించిన రోడ్‌షోకు ప్రజలు పోటెత్తారు. ఈ ప్రజలను చూసిన కడుపు మంటో ఏమో కాని, చంద్రబాబు స్పీచ్ మొదలు పెట్టిన అయిదు నిమషాల తరువాత, అక్కడకు టీఆర్ఎస్ కూకట్‌పల్లి అభ్యర్థి మాధవరం కృష్ణారావుకు సంబంధించిన ప్రచార వాహనం వచ్చింది. ఆ వాహనాన్ని చూసిన టీడీపీ కార్యకర్తలంతా దాన్ని ఆపే ప్రయత్నం చేస్తూ పెద్ద ఎత్తున నినాదాలు చెయ్యగా, చంద్రబాబుకలుగ చేసుకుని, వద్దు తమ్ముళ్లూ..ఏం చెయ్యొద్దు వదిలేయండి అన్నారు. వాళ్ళే వెళ్ళిపోతారు వాళ్ళని ఏమి అనద్దు, వదిలెయ్యండి అని అన్నారు.

అంతేకాకుండా ఆయన(మాధవరం కృష్ణారావు) కూడా టీడీపీ నుంచి గెలిచి, టీడీపీకే ద్రోహం చేసి టీఆర్ఎస్‌లోకి వెళ్లిన మనిషేనని, ఆయన గురించి కూడా మనం చెప్పుకుందాం అంటూ చంద్రబాబు అన్నారు. అయితే చంద్రబాబు మాటలకు అక్కడున్న కార్యకర్తలందరూ ఉత్తేజంగా కేరింతలు కొట్టారు. చంద్రబాబు ప్రసంగిస్తూ, ‘సైబరాబాద్‌ నా మానస పుత్రిక’ అని అన్నారు. సైబరాబాద్‌ నగరాన్ని అంచెలంచెలుగా అభివృద్ధి చేసి ప్రపంచ పటంలో పెట్టానని గుర్తుచేశారు. సైబరాబాద్‌ నిర్మాణంలో కేసీఆర్‌, కేటీఆర్‌ పాత్ర లేదని చెప్పారు. అలాగే టీడీపీ హయాంలోనే హైదరాబాద్‌లో ఉద్యోగాలు కల్పించామని వివరించారు. తానెందుకొచ్చానో ఈ సభలు చూస్తే టీఆర్‌ఎస్‌ నేతలకు అర్థమవుతుందన్నారు. కేసీఆర్‌ గుండెళ్లో రైళ్లు పరుగెత్తించాలని పిలుపు ఇచ్చారు.

మీ గుండెల్లో నాకున్న స్థానాన్ని ఎవరూ తొలగించలేరన్నారు. ఈ గడ్డపైనే ఎన్టీఆర్‌ టీడీపీని స్థాపించారని తెలిపారు. మోదీ, అమిత్‌షా దేశాన్ని భ్రష్టుపట్టించారని ధ్వజమెత్తారు. మా హైదరాబాద్‌కు... మీ అహ్మదాబాద్‌కు పోలికా? అని అడిగారు. మోదీ, అమిత్‌షా దేశాన్ని భ్రష్టుపట్టించారని మండిపడ్డారు. పెద్దనోట్ల రద్దుతో ఆర్థిక వ్యవస్థ దెబ్బతిందని ధ్వజమెత్తారు. రెండు రాష్ట్రాలకు ప్రధాని మోదీ అన్యాయం చేశారని వివరించారు. అందుకోసమే దేశం కోసం టీడీపీ, కాంగ్రెస్‌ కలిసి పనిచేస్తున్నాయని చెప్పుకొచ్చారు. టీఆర్‌ఎస్‌కు కోడికత్తి పార్టీ మద్దతిస్తోందని సీఎం చంద్రబాబు అన్నారు. బెదిరింపులకు దిగుతున్నారని, బెదిరిస్తే భయపడేది లేదన్నారు. గ్రేటర్‌ హైదరాబాద్‌లో 10 మంది ఎమ్మెల్యేలను గెలిపిస్తే.. స్వార్థం కోసం పార్టీ మారారని మండిపడ్డారు. రాజేంద్రనగర్‌, కూకట్‌పల్లి, జూబ్లీహిల్స్‌ లాంటి ప్రాంతాల్లో టీడీపీ పౌరుషం చూపిద్దాం... మోసం చేసినవాళ్లకు బుద్ధి చెప్పాలని పిలుపునిచ్చారు. నందమూరి ఆడబిడ్డను ఆఖండ మెజార్టీతో గెలిపించాలని కోరారు.