news

నవ్యాంధ్రకు ప్రత్యేక హోదా హామీని నెరవేరుస్తానన్న హామీ ఏమైందని కేంద్రప్రభుత్వాన్ని రాష్ట్ర ప్రభుత్వం ప్రశ్నించింది. పార్లమెంటు సాక్షిగా ఇచ్చిన ఈ హామీని నెరవేర్చాలని విజ్ఞప్తి చేసింది. ఇదే సమయంలో పోలవరం తుది అంచనాలను త్వరితగతిన ఆమోదించాలని డిమాండ్‌ చేసింది. రాష్ట్రంలోని ఏడు వెనుకబడిన జిల్లాల అభివృద్ధికి రూ.350 కోట్లు రాష్ట్ర ఖాతాలో వేసినట్లే వేసి వెనక్కి తీసుకున్నారని.. ఈ నిధులు ఏమయ్యాయని నిలదీసింది. మళ్లీ తిరిగి ఎందుకివ్వలేదని ప్రశ్నించింది. వాటిని తక్షణం విడుదల చేయాలని కోరింది. రాష్ట్ర పునర్విభజన సమయంలో ఇచ్చిన హామీలన్నీ నెరవేర్చాలంటూ రాష్ట్ర ప్రభుత్వ ప్రధాన కార్యదర్శి ద్వారా ప్రభుత్వం కేంద్ర హోంశాఖ కార్యదర్శికి మంగళవారం లేఖ పంపించింది. 

రాష్ట్ర విభజన నాటికి రెవెన్యూ లోటు రూ.16 వేల కోట్లుగా లెక్క తేలిందని, దీనిలో రూ.3,979 కోట్లే ఇచ్చిన కేంద్రం.. మిగతా నిధులనూ విడుదల చేయాలని అందులో పేర్కొన్నారు. ప్రతిష్ఠాత్మక విద్యాసంస్థలను రాష్ట్రంలో స్థాపించేందుకు అనుమతులు ఇచ్చారని.. కానీ భవన నిర్మాణాలకు నిధులు విడుదలలో జాప్యం జరుగుతోందని గుర్తుచేశారు. విదేశీ సాయంతో నడిచే ప్రాజెక్టులు(ఈఏపీలు)కు భారీగా సాయం అందిస్తామన్న కేంద్రం.. కేవలం రూ.15కోట్లు ఇచ్చి సాయం చేసినట్లు చూపిస్తోందని తెలిపారు. లేఖలోని మరిన్ని అంశాలు... స్పెషల్‌ పర్పస్‌ వెహికిల్‌ (ఎస్‌పీవీ) ఏర్పాటు చేస్తే ప్రత్యేక హోదా/ప్యాకేజీ ప్రయోజనాలు కల్పిస్తామని.. ఇందుకు రాష్ట్రం సహకరించడం లేదని గతంలో ఆరోపించిన కేంద్రం.. తన నోట్‌లో ఆ ప్రస్తావన ఎందుకు తీసుకురాలేదు?

వెనుకబడిన జిల్లాలకు ఇచ్చిన రూ.350 కోట్లు వెనక్కి తీసుకున్న అంశంపైనా ఎందుకు సమాధానమివ్వలేదు? విభజన తర్వాత నవ్యాంధ్రకు ఏర్పడిన రూ.16 వేల కోట్ల రెవెన్యూ లోటులో ఇంకా రూ.12 వేల కోట్లు కేంద్రం రాష్ట్రానికి ఇవ్వాలి. ఈ మొత్తాన్ని ఇస్తామని, ఇచ్చేది లేదని గానీ స్టేటస్‌ నోట్‌లో స్పష్టత ఇవ్వలేదు. రెవెన్యూ లోటు కోసం రూ.3979 కోట్లే ఇచ్చామని చెప్పింది. మిగిలిన మొత్తంపై మీ నిర్ణయమేంటి? రాష్ట్ర ప్రజల జీవనాడి అయిన పోలవరం ప్రాజెక్టు నిర్మాణంపై లేనిపోని కొర్రీలు వేస్తూ తుది అంచనాలను ఆమోదించకుండా కాలహరణం చేస్తున్నారు. రాష్ట్ర తాగునీరు, సాగునీరు సమస్యను తీర్చే పోలవరం నిర్మాణానికి కేంద్రం అనుకూలమో కాదో కేంద్రం తేల్చాలి. రాష్ట్రానికి జాతీయ విద్యాసంస్థలు మంజూరు చేశారు సరే.. వాటి నిర్మాణానికి నిధులు ఎందుకివ్వడం లేదు? అందుకు కారణాలేంటో స్పష్టంగా చెప్పాలి.

విజయవాడ మాజీ ఎంపీ లగడపాటి రాజగోపాల్‌ అంటే, తెలంగాణా నేతలకు ఎంత కోపమో అందరికీ తెలిసిందే. 2014కి ముందు, తెలంగాణా నేతలు, ముఖ్యంగా తెరాస నేతల ఆగడాలను, ఎదురుకునే వారు. ఆ కోపంతో, రాజగోపాల్ అంటే, తెరాస నాయకులు మండి పడే పరిస్థితి. అప్పట్లో, తెలంగాణా వస్తే నేను రాజకీయ సన్యాసం తీసుకుంటాను అని, అలాగే మాట మీద నిలబడి రాజకీయ సన్యాసం తీసుకున్నారు. రాజకీయాల నుంచి తప్పుకున్నా, అప్పుడప్పుడు వార్తల్లో వస్తూ ఉంటారు. దానికి కారణం రాజగోపాల్ సంస్థ చేసే రాజకీయ సర్వే. రాజగోపాల్ సర్వే అంటే 100 శాతం నిజం అవుతుంది అని రెండు తెలుగు రాష్ట్రాల్లో వాళ్ళు నమ్ముతారు. అందుకే ఆయన్ను ఆంధ్రా ఆక్టోపస్ అని కూడా పిలుస్తారు.

గతంలో ఆయన సర్వేలన్నీ నూటికి నూరుపాళ్లు నిజం కావడంతో... ఆయన నుంచి సమాచారం తెలుసుకునేందుకు పలువురు తెలంగాణా నేతలు ప్రయత్నిస్తున్నారు. ఎన్నికల్లో తమ పార్టీ గెలుస్తుందా, లేదా తెలుసుకోవాలని ప్రధాన పార్టీల అగ్ర నాయకులు ఆయనను సంప్రదిస్తున్నారు. వ్యక్తిగతంగా తాము విజయం సాధిస్తామా, లేదా సర్వే చేసి పెట్టాలని పలువురు అభ్యర్థులు అడుగుతున్నారు. వ్యాపారవేత్తలు, బడా కాంట్రాక్టర్లు ఎన్నికలప్పుడు అన్ని ప్రధాన పార్టీలకు ఎంతోకొంత విరాళాలు ఇస్తుంటారు. అయితే గెలిచే పార్టీతో ఎక్కువ అవసరం ఉంటుంది కాబట్టి ఆ పార్టీ నాయకులకు ఎక్కువగా, ఓడిపోయే పార్టీకి తక్కువగా ఇస్తుంటారు. అలాంటివారు కూడా లగడపాటి అంచనా ఏమిటో తెలుసుకునేందుకు ప్రయత్నిస్తున్నారు.

రాబోయే ప్రభుత్వంలో కీలక పదవుల కోసం ప్రయత్నిస్తున్న ఐఏఎస్‌, ఐపీఎస్‌ అధికారులు కూడా ఆయనను సంప్రదిస్తున్నారు. అయితే నామినేషన్ల ఘట్టం ముగిసిన వారం తర్వాతే తన సర్వే ప్రారంభమవుతుందని లగడపాటి చెబుతున్నారు. వ్యక్తిగతంగా ఒక్కో అభ్యర్థి గెలుపోటములపై సర్వే చేయబోమని, రాష్ట్ర స్థాయిలో మొత్తం ఫలితంపైనే తన సర్వే ఉంటుందని స్పష్టంచేస్తున్నారు. సర్వే ఫలితాలను డిసెంబరు 7న పోలింగ్‌ ముగియగానే సాయంత్రం 5 గంటలకు వెల్లడిస్తానని ఆయన తెలిపారు. తెలంగాణతో పాటు మధ్యప్రదేశ్‌ ఎన్నికలపైనా ఆయన సర్వే చేయిస్తున్నారు. సర్వేల్లో లగడపాటి ట్రాక్‌ రికార్డును బట్టి చూస్తే... ఎన్నికల ఫలితాల కోసం డిసెంబరు 11 వరకూ వేచి చూడనక్కర్లేదని, పోలింగ్‌ రోజునే ఫలితాలు కూడా వెల్లడవుతాయని భావించవచ్చని కొందరు వ్యాఖ్యానిస్తున్నారు.

ఇండియాలో, ఏపినే నెంబర్ వన్ అంటే కొంత మంది రాష్ట్రంలో ఉన్న వారికి తెగ బాధ వచ్చేస్తుంది. చంద్రబాబుకి మంచి పేరు వచ్చేస్తుంది కదా, అందుకే ఆ రకమైన ఏడుపు అనమాట. ఈ వార్తా చూడగానే, ఎల్లో మీడియా అలాగే రాస్తుందిలే అంటారు. కాని, ఇండియాలోనే ఏపి నెంబర్ వన్ అని చెప్పింది, ఒకటి కాదు, రెండు కాడి అయిదు సంస్థలు. ఉద్యోగాల కల్పనలో ఆంధ్రప్రదేశ్‌ దేశంలోనే మొదటి స్థానంలో ఉందని, ఐక్యరాజ్యసమితి అంతర్జాతీయ అభివృద్ధి కార్యక్రమాల సంస్థ (యూఎన్‌డీపీ), ఆలిండియా కౌన్సిల్‌ ఫర్‌ టెక్నికల్‌ ఎడ్యుకేషన్‌ (ఏఐసీటీయూ), పీపుల్‌ స్ర్టాంగ్‌, సీఐఐ, వీ-బాక్స్‌ సంస్థలు సంయుక్తంగా నిర్వహించిన సర్వేలో తెలిపాయి.

ఇండియా స్కిల్స్‌ నివేదిక-2019 నివేదికలో, ఇవన్నీ రాసారు. ఈ వివరాలను గురువారం (22న) లఖ్‌నవ్‌లో జరిగే ‘గ్లోబల్‌ స్కిల్స్‌ సమ్మిట్‌’లో అధికారికంగా వెల్లడించనున్నారు. ఈ సర్వే ప్రకారం ఉద్యోగాల కల్పనలో ఏపీ టాప్‌లో ఉంటే పశ్చిమ బెంగాల్‌, ఢిల్లీ తర్వాతి స్థానాలు దక్కించుకున్నాయి. నైపుణ్యాభివృద్ధిలోనూ ఏపీ అగ్రస్థానంలో ఉంది. ఇక నగరాల విషయానికొస్తే చురుకైన విద్యార్థులు కలిగిన వారిలో బెంగళూరు మొదటి స్థానంలో ఉంటే.. చెన్నయ్‌, గుంటూరు, లఖ్‌నవ్‌, ముంబై, ఢిల్లీ, నాసిక్‌, పుణె విద్యార్థులు వరసగా తర్వాతి స్థానాల్లో ఉన్నారు. ఏపీలోని గుంటూరు, విజయవాడ, విశాఖ విద్యార్థులు ఇంగ్లి్‌షలోనూ, విశ్లేషణాత్మక ఆలోచనల్లోనూ, లాజికల్‌ సమస్యలను పరిష్కరించడంలోనూ, నడవడికలోనూ ముందంజలో ఉన్నట్లు వెల్లడైంది.

ఏపీ యువతకు ఉద్యోగ కల్పన కోసం పలు అంతర్జాతీయ, జాతీయ ప్రఖ్యాత సంస్థలు ముందుకొస్తున్నాయి. రాష్ట్ర నైపుణ్యాభివృద్ధి సంస్థ ఏటా 3 లక్షల మందికి నైపుణ్యాభివృద్ధి శిక్షణను అందిస్తోంది. ప్రభుత్వ, ప్రైవేటు డిగ్రీ కాలేజీలు, ఎంబీఏ గ్రాడ్యుయేట్లు, ఇంజనీరింగ్‌ కాలేజీల్లో అందిస్తోన్న ఈ నైపుణ్యాభివృద్ధి శిక్షణ చక్కటి ఫలితాన్ని అందిస్తోందని సర్వేలో వెల్లడైంది. ఎంబీఏ కంటే ఇంజనీరింగ్‌ విద్యార్థులే రాష్ట్రంలో ఎక్కువగా, త్వరగా ఉద్యోగాలు పొందగలుగుతున్నారని తేలింది. వాస్తవానికి యూఎన్‌డీపీ, ఏఐసీటీయూ, సీఐఐ, ఏఐయూ, పీపుల్స్‌ స్ట్రాంగ్‌, వీ-బాక్స్‌ సంస్థలు గతేడాది నిర్వహించిన సర్వేలో ఏపీ టాప్‌-10లో నిలిచింది. ఈ ఏడాది మాత్రం ఉద్యోగాల కల్పనలో ఆంధ్రప్రదేశ్‌ అగ్రస్థానం దక్కించుకుంది.