news

నోటికి వచ్చిన రాజకీయ ఆరోపణలు చేసి, ఇష్టం వచ్చినట్టు మాట్లాడేసి, తన ఫాన్స్ ని రంజింప చేస్తే చాలు అని అనుకునే, పవన్ కళ్యాణ్ కు, పశ్చిమ గోదావరి జిల్లా పోలీసులు గట్టి షాక్ ఇచ్చారు. నన్ను చంపటానికి ప్లాన్ చేసారు. ఎవరో ముగ్గురు నా హత్యకు ప్లాన్ చేసారు. ఆ వీడియో కూడా నా దగ్గర ఉంది. వాళ్ళు ఎవరో కూడా నాకు తెలుసు. అధికార పక్షం, ప్రతిపక్షం ఒకరి మీద ఒకరు తోసేసి, నన్ను చంపాలని చూస్తున్నారు అంటూ పవన్ కళ్యాణ్, రెండు రోజుల క్రిందట ఒక మీటింగ్ లో ఆరోపణలు చేసిన సంగతి తెలిసిందే. పవన్ ఎవరు చంపుతారు, ఆయనేమన్నా పెద్ద బలవంతుండా అనే చర్చ మొదలైంది. ఇదంతా సానుభూతి కోసం, పాతకాలపు నాటి ఐడియా అని అంటున్నారు.

ఇది ఇలా ఉంటే, దీని పై పశ్చిమ గోదావరి జిల్లా ఎస్పీ రవి ప్రకాష్‌ స్పందించారు. పవన్ కళ్యాణ్ కు లేఖ రాసారు. మిమ్మల్ని ఎవరో ముగ్గురు చంపటానికి ప్లాన్ చేస్తున్నారు అంటున్నారు, వీడియో ఉంది అంటున్నారు, ఆ ముగ్గురెవరో చెప్పాలని, ఆధారాలు ఏమైనా ఉంటే పోలీసులకు తెలియజేయాలన్నారు. తగు విచారణ జరిపి చర్యలు తీసుకుంటామని ఎస్పీ తెలిపినట్లు జిల్లా పోలీస్‌ కార్యాలయం ప్రకటనను విడుదల చేసింది. పవన్‌ కల్యాణ్‌ వ్యాఖ్యల నేపథ్యంలో ఆయన భద్రతను కూడా పెంచుతున్నామన్నారు. జిల్లాలో ఆయన పర్యటన జరిగినన్ని రోజులు వ్యక్తిగత భద్రతతో పాటు, ఆయన పాల్గొనే కార్యక్రమాలకు అదనపు భద్రత కల్పిస్తామని పేర్కొన్నారు. ఇప్పుడు పవన్ ఆ ముగ్గురు ఎవరో చెప్పాలి, వీడియో పోలీసులకి ఇవ్వాలి. లేకపోతే, తాను చేసినవి గాలి ఆరోపణలే అని ప్రజలు నమ్ముతారు.

దీని పై ముఖ్యమంత్రి చంద్రబాబు కూడా స్పందించారు. ప్రాణహాని ఉందని జనసేన అధినేత పవన్‌ కళ్యాణ్ చెప్పడం సరికాదని, ఆయనకు ప్రాణహాని ఉందని చెబితే భద్రత కల్పిస్తామని సీఎం చంద్రబాబు చెప్పారు. పోలీసు వ్యవస్థపై అందరికీ నమ్మకముండాలని చెప్పారు. ఇలా స్పందిస్తూ ఉండగానే, విలేకరి మరోసారి పవన్ మీద కుట్ర, దాడి అని చెప్పి ప్రశ్నలు అడుగుతుంటే, దానికి సమాధానం చెప్తూ, "నీకు ఏమైనా ఫండమెంటల్స్ తెలుసా. ఏదిబడితే అది మాట్లాడే వాళ్ళ మాటలు పట్టుకొని, అడగడం కరెక్ట్ కాదు ఆయన భద్రత వ్యవహారం పోలీసులు చూసుకుంటారు. ఆయనకు అనుమానాలుంటే చెప్పాలి" అంటూ పవన్ చేస్తున్న గాలి ఆరోపణల పై చంద్రబాబు బదులు ఇచ్చారు.

రెండు రోజుల నుంచి పవన్ కళ్యాణ్ ఎలా ఊగిపోతున్నాడో చూస్తున్నాం. చంద్రబాబుని ఒక చేతకాని ముఖ్యమంత్రి అంటూ, తనకు ఇష్టం వచ్చినట్టు హైదరబాద్ నుంచి వచ్చి మాట్లాడుతున్నాడు. ఇక చింతమనేని పై అయితే చెప్పే పనే లేదు. చివరకు నిన్న వింత వింతగా మాట్లాడారు. తనకి తాను ఎదో పెద్ద గొప్ప శక్తిగా ఊహించుకుంటూ, నన్ను చంపటానికి ప్లాన్ చేసారు, అది వీడియో తీసి నాకు పంపించారు, నేను భయపడును, చిన్నప్పుడే రౌడీలను కొట్టాను, మట్టి, మశానం అంటూ ఏదేదో మాట్లాడాడు పవన్. ఎలా అయినా టెన్షన్ వాతావరణం తీసుకురావటానికి, అన్ని విధాలుగా ప్రయత్నం చేస్తున్నాడు.

అయితే పవన్ ఇంత దాడి చేస్తున్నా, చంద్రబాబు మాత్రం, తన ట్రేడ్ మార్క్ స్టేట్స్ మెన్ స్టైల్ లో స్పందించారు. ప్రాణహాని ఉందని జనసేన అధినేత పవన్‌కల్యాణ్ చెప్పడం సరికాదని, ఆయనకు ప్రాణహాని ఉందని చెబితే భద్రత కల్పిస్తామని సీఎం చంద్రబాబు చెప్పారు. పోలీసు వ్యవస్థపై అందరికీ నమ్మకముండాలని చెప్పారు. ఇలా స్పందిస్తూ ఉండగానే, విలేకరి మరోసారి పవన్ మీద కుట్ర, దాడి అని చెప్పి ప్రశ్నలు అడుగుతుంటే, దానికి సమాధానం చెప్తూ, "నీకు ఏమైనా ఫండమెంటల్స్ తెలుసా. ఏదిబడితే అది మాట్లాడే వాళ్ళ మాటలు పట్టుకొని, అడగడం కరెక్ట్ కాదు ఆయన భద్రత వ్యవహారం పోలీసులు చూసుకుంటారు. ఆయనకు అనుమానాలుంటే చెప్పాలి" అంటూ పవన్ చేస్తున్న గాలి ఆరోపణల పై చంద్రబాబు బదులు ఇచ్చారు.

‘‘టీడీపీకి నేర చరిత్ర లేదు. నేర రాజకీయాలకు టీడీపీ నేతలు బలయ్యారు. రాజశేఖర్ రెడ్డి ఎంత మందిని చంపాడో అందరూ చూసారు. నక్సలిజాన్ని, ఫ్యాక్షనిజాన్ని నేనే నియంత్రించాను. నేరాలను ప్రోత్సహించడం టీడీపీ విధానం కాదు. నేరచరితులను ప్రోత్సహించే సమస్యే లేదు’’ అని చంద్రబాబు స్పష్టం చేశారు. రేవంత్ పై ఐటి దాడుల పై స్పందిస్తూ, "వీళ్ళు దొంగలు పట్టుకోలేరు, నేరస్తులు పట్టుకోలేరు ఇలాంటి పొలిటికల్ విక్టిమైజేషన్ చేస్తుంటారు. ఎప్పుడు ఎన్నికలు వచ్చినా ఇలానే చేస్తుంటారు. కర్ణాటక లో ఏం జరిగింది, యుపి ఏం జరిగింది, తమిళనాడులో ఏం జరిగింది, ఇప్పుడు ఏం చేస్తున్నారు. ఎప్పుడు ఎన్నికలు వచ్చినా ఇదే పని చేస్తున్నారు.
ఇది సమాజానికి మంచిది కాదు దేశానికి మంచిది కాదు" అని చంద్రబాబు అన్నారు.

జగన్ మోహన్ రెడ్డి చేసిన అక్రమాలకు గాను, ఇప్పటికే 11 సిబిఐ కేసుల్లో A1గా, 5 ఈడీ కేసుల్లో A1గా ఉన్న సంగతి తెలిసిందే. దీనికి గాను ఇప్పటికే 16 నెలలు జైలు జీవితం అనుభవించి, కండీషనల్ బెయిల్ పై బయట తిరుగుతున్నాడు. ప్రతి శుక్రవారం కోర్ట్ కి కూడా వెళ్తున్నాడు. అయితే, జగన్ మీద అనేక కేసులు ఉన్నా, చాలా కేసుల పై స్టే ఉంది. దాదపు 8 కేసుల పై స్టే ఉంది. అయితే తాజగా సుప్రీం కోర్ట్ ఇచ్చిన తీర్పుతో, ఈ స్టే నిన్నటితో అయిపొయింది. దీంతో నిన్న సిబిఐ కోర్ట్ స్పష్టమైన ఆదేశాలు ఇచ్చింది. స్టే పొడిగించుకోక పొతే, అన్ని కేసుల పై విచారణ మొదలు పెడతామని, దీని పై అక్టోబర్ 5 న నిర్ణయం ప్రకటిస్తామని చెప్పింది. అన్ని కేసుల పై విచారణ మొదలు పెడితే, ఇక జగన్ వారానికి 2-3 రోజులు కోర్ట్ లోనే ఉండాల్సిన పరిస్థితి వస్తుంది.

జగన్‌కు సంబంధించిన అక్రమాస్తుల కేసుల్లో గతంలో హైకోర్టు స్టే ఇచ్చింది. జగన్ కేసులే కాదు, ఎమ్మార్‌ ప్రాపర్టీస్‌, ఓఎంసీ కేసుల్లోనూ కోర్టు విచారణ వేగం పుంజుకుంటుందని సమాచారం. జగన్‌ కేసుల్లో పలువురు నిందితులు సీబీఐ కోర్టు విచారణను నిలిపివేయాలని కోరుతూ హైకోర్టును ఆశ్రయించగా.. విచారణను నిలిపివేస్తూ మధ్యంతర ఉత్తర్వులు ఇచ్చింది. అయితే క్రిమినల్‌ కేసులో కింది కోర్టుల్లో విచారణ ప్రక్రియను నిలిపివేస్తూ హైకోర్టు ఇచ్చిన మధ్యంతర ఉత్తర్వుల గడువు ఆరు నెలలు దాటితే.. ఆయా కేసుల్లో తాజాగా స్టే పొడిగిస్తూ ఉత్తర్వులు లేకపోతే ఆ కేసుల విచారణ ప్రక్రియను కొనసాగించాలని సుప్రీంకోర్టు ఆదేశించింది. జగన్‌, ఎమ్మార్‌, ఓఎంసీ కేసులకు సంబంధించి ఆ 6 నెలల గడువు ముగిసిపోయింది. ఈ నేపథ్యంలో మళ్లీ నిందితులు తాజాగా హైకోర్టు నుంచి స్టే పొడిగింపు ఉత్తర్వులు తెచ్చుకుంటేనే విచారణ నిలిపివేస్తామని.. లేదంటే విచారణను కొనసాగిస్తామని సీబీఐ కోర్టు తేల్చిచెప్పింది.

తదుపరి విచారణలోగా స్టేను పొడిగిస్తూ హైకోర్టు ఉత్తర్వులు జారీచేయకపోతే.. సీబీఐ కోర్టులో విచారణ ముందుకు సాగనుంది. ఇంకోవైపు.. అక్రమాస్తుల కేసుల్లో శుక్రవారం కోర్టులో జగన్‌, పలువురు నిందితులు హాజరయ్యారు. తదుపరి విచారణ వచ్చే నెల 12కు వాయిదాపడింది. అయితే ఈ విషయం పై జగన్ మల్లగుల్లాలు పడుతున్నారు. పాదయాత్రకు రాత్రే తిరిగి రావాల్సి ఉన్నా, లాయర్లతో రాత్రి అంతా చర్చలు జరిపి, ఉదయమే తిరిగి వచ్చారు. ఈ విషయం పై ఇక హై కోర్ట్ లో స్టే తెచ్చుకోవటం కష్టమని లాయర్లు చెప్పటంతో, జగన్ తీవ్ర డిప్రెషన్ లో ఉన్నారు. ఇదే విషయం పై సమాలోచనలకు, విజయసాయి రెడ్డిని ఢిల్లీ వెళ్లి, ఎదో ఒకటి చెయ్యాలని ఆదేశించారు.