news

ఎప్పుడు ఆగష్టు 14న, మేనిఫెస్టో విజన్ డాక్యుమెంట్ అని ఎదో రిలీజ్ చేసి, గోదావరి జిల్లా నుంచి తాను నివాసం ఉండే హైదరాబాద్ చెక్కేసాడు, జగనసేన పార్టీ అధినేత పవన్ కళ్యాణ్. అంతే, ఏమైందో తెలియదు, ఏమైపోయాడో తెలియదు. మధ్యలో కంటి మీద కురుపుకు ఆపరేషన్ అన్నారు, రెండో రోజే ఎవరినో చేర్చుకుంటూ ఉన్న వీడియో బయటకు వదిలారు. తరువాత తన సామాజికవర్గంతో టీ మీటింగ్ అని చెప్పి, ఒక్కొక్కడి దగ్గర 10 లక్షల వసూలు చేసి, గంటలో 15 కొట్లు వెనకేసిన వీడియో మీడియాలో రావటంతో, కలకలం రేగింది. మరోసారి, అత్తగారి ఇంటికి రష్యా కూడా వేల్లరనే ప్రచారం జరిగింది. ఒక పక్క తెలంగాణా ఎన్నికల హడావిడి..

అన్ని పార్టీలో తెలంగాణా ఎన్నికల హడావిడిలో ఉంటే, జగన్, పవన్ మాత్రం, తెలంగాణా ఎన్నికల పై ఒక్క మాట కూడా చెప్పలేదు. ముందుగా సిపిఐ, సిపిఎం పార్టీలు, పవన్ తో కలిసి తెలంగాణా ఎన్నికలకు వెళ్దాం అనుకున్నారు. సిపిఐ మొదట్లోనే, మనోడు కెసిఆర్ తొత్తు అని గ్రహించి, ఒక నమస్కారం పెట్టి బయటకు వచ్చింది. ఇక సిపిఎం పార్టీ మాత్రం, పవన్ తో కలిసి వెళ్తాం అంటూ ప్రకటించింది. ఎన్ని రోజులకి పవన్ అప్పాయింట్మెంట్ దొరక్క పోవటంతో, వారికి కూడా సినిమా అర్ధమైంది. కెసిఆర్ తో పోరాటం చెయ్యటానికి, పవన్ సిద్ధంగా లేరనుకుంటా అని సిపిఎం కూడా చెప్పేసింది. ఇంత గోల జరుగుతున్నా, మనోడు ఒక ట్వీట్ కూడా లేదు..

ఇంతకీ అసలు రాజకీయాలు అంటే ఇంట్రెస్ట్ ఉందో లేదో అంటూ, సొంత సినిమా ఫాన్స్ కి కూడా ఆలోచన మొదలైంది. ఎప్పటిలాగే ఎన్నికల ముందు హడావిడే ఇదంతా అని అందరూ అనుకుంటున్న టైంలో, మనోడు అజ్ఞాతం వీడి బయటకు రానున్నాడు. దాదాపు 40 రోజుల తరువాత తనకి ఎంతో ఇష్టమైన హైదరాబాద్ వదిలి, ఆంధ్రప్రదేశ్ వస్తున్నాడు. అయితే, 22 రాత్రికి నెల్లూరుకు చేరుకుని, 23వ తేదీ ఉదయం బారాషాహిద్‌ దర్గాను దర్శించుకుని, 2019 ఎన్నికల్లో గెలుపొందేందుకు స్వర్ణాల చెరువులో తమ పార్టీ ముఖ్యనేతల ద్వారా ‘గెలుపు రొట్టె’ పట్టుకోనున్నారు. మరి ఇక్కడే పర్యటన కొనసాగుతుందా, లేకపోతే మళ్ళీ హైదరాబాద్ చెక్కేసి ఫార్మ్ హౌస్ కి వేల్లిపోతాడా అనేది తెలియాల్సి ఉంది. 40 రోజుల తరువాత బయటకు వస్తూ ఉండటంతో, పవన్ అభిమానులు కేరింతలు కొడుతున్నారు. ఇక మా అన్నే కాబోయే సియం అంటూ, హుషారుగా ఉన్నారు.

విజయవాడ సెంట్రల్‌ స్థానికి సంబంధించి వైకాపాలో ఇంకా సస్పెన్స్ కొనసాగుతోంది. ఈ సీటును ఆశిస్తున్న వంగవీటి రాధాతో మాజీ మంత్రి, వైసీపీ నేత పార్థసారథి ఇవాళ భేటీ అయ్యారు. ఇద్దరి మధ్య సుమారు గంట పాటు ఏకాంతంగా చర్చలు జరిగాయి. సెంట్రల్ సీటును మల్లాది విష్ణుకు ఎందుకు ఇవ్వాలని అనుకుంటున్నారు, ఆ మార్పు కారణాలను రాధాకు పార్థసారథి వివరించారు. విజయవాడ తూర్పు నుంచి పోటీ చేసే అంశంపై రాధాకు ఆయన వివరించారు. అధిష్టానం ఆలోచనలను ఆయన రాధా ముందు ఉంచినా ఫలితం కన్పించలేదని తెలుస్తోంది.

సెంట్రల్ సీటు విషయంలో రెండో ఆలోచన లేదని రాధా తేల్చి చెప్పినట్లు సమాచారం. తొందరపాటు నిర్ణయాలు వద్దని రాధాకి పార్థసారథి నచ్చ చెప్పినట్లు తెలుస్తోంది. సెంట్రల్ సీటు విషయంలో ఎట్టి పరిస్థితుల్లో తగ్గేది లేదని, రెండో ఆలోచన లేదని రాధా, పార్థసారథికి తేల్చి చెప్పారు. మొన్నటి దాక సీట్ నాదే అని నమ్మించి, ఇప్పుడు హ్యాండ్ ఇస్తే, క్యాడర్ కు ఏమని సమాధానం చెప్పను అంటూ, రాధా పార్ధసారధిని కడిగేస్తినట్టు సమాచారం. దీంతో చేసేది ఏమి లేక, పార్ధసారధి వెనుతిరిగి వచ్చేసారు. వంగవీటి రాధాతో జరిగిన చర్చల సారాంశాన్ని ఆయన పార్టీ అధినేత వైయస్ జగన్‌కు తెలపనున్నారు.

తనకు విజయవాడ సెంట్రల్ సీటు కేటాయించకపోవడంపై వంగవీటి రాధా తీవ్ర అసంతృప్తితో ఉన్న విషయం తెలిసిందే. ఆయన రంగా రాధా మిత్రమండలి, తన మద్దతుదారులతో వరుసగా భేటీ అవుతున్నారు. మూడు రోజుల పాటు వేచి చూసి ఆ తర్వాత నిర్ణయం తీసుకుందామని రెండు రోజుల క్రితం అనుచరులకు సూచించారు. ఈ నేపథ్యంలో పార్థసారథి మధ్యవర్థిగా వచ్చారు.సెంట్రల్ సీటును ఇప్పటికే మల్లాది విష్ణుకు కేటాయిస్తున్నట్లు సంకేతాలు ఇచ్చారు. ఆయనను ఇంచార్జిగా నియమించారు. మరోవైపు సీటు విషయంలో వంగవీటి రాధా తగ్గడం లేదు. ఈ నేపథ్యంలో రాధా పార్టీ మారే అవకాశాలు లేదా స్వతంత్రంగా పోటీ చేసే అవకాశాలు ఉన్నాయి. ఆయన చూపు జనసేన వైపు ఉందనే వాదనలు కూడా వినిపిస్తున్నాయి.

బాబ్లీ కేసులో రేపు చంద్రబాబు తరుపున ధర్మాబాద్ కోర్టుకు లాయర్లు హజరుకానున్నారు. ఆయన తరుపున నాన్ బెయిల్ పై అడ్వకేట్ సుబ్బారావు రీకాల్ పిటీషన్ వేయనున్నారు. వారెంట్లు అందుకున్న మిగిలిన ఏపీ నేతల తరపునా రీకాల్ పిటిషన్లు వేసే అవకాశం ఉంది. ఇదే కేసులో వారెంట్లు అందుకున్న తెలంగాణ నేతలు ప్రకాశ్ గౌడ్, గంగుల కమలాకర్, కేఎస్ రత్నం ధర్మాబాద్ కోర్టుకు హజరవుతున్నట్లు సమాచారం. బాబ్లీ కేసులో చంద్రబాబుతో సహా 15 మందికి మహారాష్ట్రలోని ధర్మాబాద్ కోర్టు అరెస్ట్ వారెంట్ జారీ చేసిన సంగతి తెలిసిందే.

పెండింగ్‌లో ఉన్న నాన్ బెయిల్ వారెంట్‌లో ఈనెల 21న ధర్మాబాద్ కోర్టుకు హాజరుకావాల్సిందిగా నోటీసులు జారీ చేసింది. గోదావరి పై మహరాష్ట్ర నిర్మిస్తున్న బాబ్లీ ప్రాజెక్టుకు వ్యతిరేకంగా 2010 సంవత్సరంలో ప్రతిపక్ష నేతగా ఉన్న చంద్రబాబు నేతృత్వంలో 40మంది ఎమ్మెల్యేలు బాబ్లీ సందర్శనకు వెళ్లారు. ఎత్తిపోతల పధకాల నిర్మాణాలు చేపట్టడం వల్ల గోదావరిలో నీటి ప్రవాహం తగ్గి, ఉత్తర తెలంగాణా ఎడారిగా మారుతుందని తెలుగుదేశం ఆందోళన చేపట్టింది.

విధి నిర్వహణలో ఉన్న పోలీసులను అడ్డుకోవడం, 144సెక్షన్ ను అమలులో ఉన్నా పట్టించుకోకపోవడం, వంటి కారణలతో చంద్రబాబు పై కేసు నమోదయ్యాయి. ఇటీవలే చంద్రబాబు కోర్టుకు హజరుకాకపోవడంతో నాన్ బెయిలబుల్ వారెంట్ జారీ చేసింది. దీనికి సంబంధించి చంద్రబాబు పార్టీ నేతలు, న్యాయవాదులో తర్జనభర్జనలు సాగించారు. ఈ నెల 22న ఐక్యరాజ్యసమితిలో పాల్గొనే అరుదైన అవకాశం ఉన్నందున తన బదులు న్యాయవాదులను కోర్టుకు పంపాలని చంద్రబాబు నిర్ణయించారు.