news

జగన్ పార్టీ బరి తెగిస్తుంది... ఎన్నికలు దగ్గర పడే కొద్దీ మరింతగా రెచ్చిపోతుంది... ఏకంగా మంత్రినే చంపేస్తామంటూ బెదిరిస్తున్నారు... వైసిపీ నేత వసంత నాగేశ్వర రావు ఆడియో టేప్ బయటకు రావటంతో, ఒక్కసారి స్టేట్ అంతా ఆశ్చర్యపోయారు. విషయం తెలుసుకున్న ముఖ్యమంత్రి చంద్రబాబు కూడా, ఒకింత ఆశ్చర్యానికి లోనయ్యారు. ఇదేనా రాజకీయం అంటూ, దుయ్యబట్టారు. దేవినేని ఉమాను హత్య చేస్తామనే రీతిలో బెదిరింపులకు దిగిన మాజీ మంత్రి, వైకాపా నేత వసంత నాగేశ్వరరావు వ్యాఖ్యలపై ముఖ్యమంత్రి చంద్రబాబు తీవ్ర ఆగ్రహం వ్యక్తం చేశారు. రెండ్రోజుల క్రితం గుంటుపల్లి పంచాయతీ కార్యదర్శికి ఫోన్‌ చేసిన వసంత నాగేశ్వరావు బెదిరింపులకు పాల్పడ్డారు.

అసెంబ్లీ వ్యూహ కమిటీ సభ్యులతో ముఖ్యమంత్రి నిర్వహించిన టెలీ కాన్ఫరెన్స్‌లో ఈ అంశం ప్రస్తావనకు వచ్చింది. దీనిపై సీరియస్‌గా స్పందించిన సీఎం బెదిరింపులను ఎట్టి పరిస్థితుల్లోనూ సహించేది లేదని స్పష్టం చేశారు. బెదిరింపులు, హత్యలతో ఎవరూ ఏమీ సాధించలేరని.. ఇలాంటి చర్యలను ఎంతటివారు ప్రోత్సహించినా తీవ్రస్థాయిలో చర్చలుంటాయని హెచ్చరించారు. మంత్రిని హత్య చేస్తాం అనే ధోరణిలో చేసిన వ్యాఖ్యలను తీవ్రంగా పరిగణించాలని వ్యూహ కమిటీ సమావేశంలో సీఎం తెలిపారు. అయితే ఈ వ్యవహారంలో వసంత నాగేశ్వరరావుపై ఇప్పటికే కేసు నమోదైందని అని నేతలు ముఖ్యమంత్రి దృష్టికి తీసుకెళ్లారు. అసెంబ్లీ లోను ఈ విషయం ప్రస్తావన కు తీసుకురావాలని నిర్ణయించారు.

గ్రామంలో ఫ్లెక్సీల తొలగింపు విషయంలో ఈ నెల 7న సాయంత్రం విధుల్లో ఉన్న తనకు వసంత నాగేశ్వరరావు ఫోన్‌ చేసి తెలుగుదేశం ఏజెంటుగా పనిచేస్తున్నావంటూ బెదిరించారని గుంటుపల్లి పంచాయతీ కార్యదర్శి పోలీసులకు ఫిర్యాదు చేశారు. మీ మంత్రిని (దేవినేని ఉమాను) ఏమైనా చేస్తామని, అవసరమైతే కడప నుంచి మనుషులను తెప్పిస్తామని మాట్లాడారని కార్యదర్శి తన ఫిర్యాదులో పేర్కొన్నారు. తన పిల్లలు ఎక్కడ చదువుతున్నారంటూ ఆరా తీశారని.. తనకు, తన కుటుంబానికి ప్రాణహాని ఉందని వివరించారు. ఫిర్యాదును పరిగణనలోకి తీసుకున్న పోలీసులు ఆడియో టేప్‌ను విన్నారు. ప్రభుత్వ ఉద్యోగి విధులకు ఆటంకం కలిగించారని, పరుష పదజాలంతో బెదిరించారన్న అంశంపై వసంత నాగేశ్వరరావుపై కేసు నమోదు చేసినట్లు సీఐ పవన్‌కిషోర్‌ తెలిపారు.

కాపులకు రిజర్వేషన్ అంటూ హడావిడి చేస్తున్న ముద్రగడ, మరో మారు చంద్రబాబుని ఇబ్బంది పెట్టటానికి, మరో తిక్క కోరికతో ముందుకు వచ్చారు... చంద్రబాబు కాపులకి రిజర్వేషన్ ప్రకటిస్తూ, ఇప్పటికీ కమిటి వేసి, రిపోర్ట్ తెచ్చుకుని, అసెంబ్లీలో తీర్మానం చేసి, కేంద్రానికి పంపించిన సంగతి తెలిసిందే. కేంద్రం మాత్రం ఈ బిల్ పక్కన పడేసింది. అయితే చంద్రబాబు, ఈ విషయం పై కూడా కేంద్రం పై పోరాటం చెయ్యాలని నిర్ణయించారు. ఏ కారణం చేతనో కాని, ముద్రగడ మాత్రం కేంద్రం పై పోరాటం చెయ్యటానికి కాని, కేంద్రాన్ని ఒక్క మాట అనటానికి సిద్ధంగా లేరు. ఇప్పుడు చంద్రబాబు పోరాటం చేస్తే, తనను ఇంకా ఎవరూ పట్టించుకోరు అనే ఉద్దేశంతో, చంద్రబాబుని మరో ఇబ్బంది పెట్టటానికి రెడీ అయ్యారు ముద్రగడ...

కాపు రిజర్వేషన్లకు సంబంధించి కేంద్రానికి పంపిన బిల్లును చంద్రబాబు ఉపసంహరించుకుని, కొత్తగా 10 శాతం రిజర్వేషన్లు కల్పిస్తూ అసెంబ్లీలో బిల్లు పెట్టి, గవర్నర్ ఆమోదంతో వాటిని అమలు చేయాలని ముద్రగడ పద్మనాభం డిమాండ్ చేశారు. మాకు చంద్రబాబు చెప్తున్నట్టు 5కాదు 10శాతం కావలి, అందుకే ఢిల్లీకి పంపించిన బిల్ వెనక్కు తీసుకురండి అని, దాదాపు కేంద్రానికి బిల్ పంపించిన సంవత్సరం తరువాత కోరుతున్నాడు ముద్రగడ. విశాఖలో ఆదివారం నిర్వహించిన కాపు నాయకుల ఆత్మీయ సమావేశంలో ఆయన మాట్లాడారు. ఈ విషయమై ఇప్పటికే తాను సీఎం చంద్రబాబుకు లేఖ రాసానని, ఈ అసెంబ్లీ సమావేశాలు ముగిసేలోగా తన లేఖకు పరిష్కారం చూపాలని ఆయన స్పష్టం చేశారు. సీఎం సానుకూలంగా స్పందించని పక్షంలో కాపు సత్తా చాటేందుకు ఒక్క గర్జన చాలంటూ హెచ్చరించారు.

అంటే ముద్రగడకు కాపులకు రిజర్వేషన్లు వస్తే, తన ఉనికి ఇంకా ఉండదు అని తెలుసు. అందుకే చంద్రబాబు 5 శాతం అంటే, ఈయన 10 అంటాడు. చంద్రబాబు 10 అంటే ఈయన 20 అంటాడు. ఈ 5 శాతం కూడా, ఎంతో క్లిష్టంగా వర్తింప చెయ్యాల్సిన పరిస్థితి. సుప్రీం కోర్ట్ దీనికి ఓకే చెప్పాలి అంటే, మన వాదన ఎంతో బలంగా ఉండాలి, అందుకే చంద్రబాబు కమిటి వేసి రిపోర్ట్ తెప్పించారు. అలాంటిది 10 శాతం కాపులకే మాత్రమే రిజర్వేషన్ అంటే అది జరిగే పనేనా ? ముద్రగడకు ఈ విషయం తెలిసినా, కేవలం రాజకీయం కోసం, ఎన్నికలు దగ్గర పడుతూ ఉండటంతో, రాష్ట్రంలో అలజడి రేపటానికి, కుట్రలు చేస్తున్నాడు. కాపు సోదరులు, విజ్ఞతతో ఆలోచించి, వీళ్ళ కుట్రల్లో పడకుండా, రాష్ట్ర శ్రేయస్సు కోసం అలోచించి, ఇప్పటికే పమించిన 5 శాతం రిజర్వేషన్ల కోసం, కేంద్రంతో పోరాడాలి.

ముద్రగడ, ఇప్పుడు ఇలాటి పిచ్చి కోరికతో ముందుకు రావటానికి కారణం, తన జాతి కోసం కాదు, జగన్ కోసం, తన మనుగడ కోసం అనే అభిప్రాయాలు వ్యక్తం అవుతున్నాయి. ముద్రగడ కోరిక చుసిన తరువాత, చంద్రబాబు కనుక కాపులకు రిజర్వేషన్ ఇస్తే, ఇక తన పని అయిపోయినట్టే అని, తనని నమ్ముకున్న జగన్ నట్టేట మునుగుతాడని, అందుకే ముద్రగడ ఈ కొత్త డ్రామాకు తెర లేపారని, ఈయన నిజంగా రిజర్వేషన్ కోసం పోరాడుతున్నాడా లేక వాటిని అడ్డుకోవడం ద్వారా ఎవరికో మేలు చేసే ప్రయత్నం చేస్తున్నాడా అని కాపులలో కూడా ఆందోళన మొదలైంది... తన రాజకీయ పబ్బం కోసం, మమ్మల్ని బలి చేసే ప్రయత్నం ఎదో జరుగుతుంది అని కాపులు గ్రహిస్తున్నారు... ఇలాంటి జటిలమైన సమస్య పరిష్కార దశలో ఉన్న సమయంలో, ముద్రగడ ఇలా చెయ్యటంతో, ఆయన నైజం బయట పడింది అని, జాతి కోసం కాకుండా, జగన్ కోసమే ముద్రగడ పని చేస్తున్నారని అంటున్నారు...

ప్రజాభిప్రాయం, అనుచరులు, అభిమానుల సూచన మేరకు త్వరలోనే ఏ పార్టీలో చేరేది ప్రకటిస్తానని మాజీ మేయర్‌ సబ్బం హరి ప్రకటించారు. ఇప్పటికిప్పుడు రాష్ట్ర అసెంబ్లీకి ఎన్నికలు నిర్వహిస్తే తెలుగుదేశం పార్టీదే విజయమని మాజీ ఎంపీ సబ్బం హరి అన్నారు. ఆదివారం మండలంలోని కంచుగమ్మల పంచాయతీ శివారు భోగాపురంలో మాజీ సర్పంచ్‌ బండారు రాజేశ్వరి ఇంటి వద్ద ఏర్పాటు చేసిన కార్యకర్తలు, అభిమానుల సమావేశంలో ఆయన మాట్లాడారు. చంద్రబాబు కన్నా మంచి నాయకత్వం ఇస్తామన్న భరోసాను ప్రజల్లోకి తీసుకువెళ్లడంలో ప్రతిపక్షాలు పూర్తిగా విఫలమయ్యాయని పేర్కొన్నారు.

రాష్ట్ర విభజన తరువాత నవ్యాంధ్రప్రదేశ్‌ కుక్కలు చింపిన విస్తరిగా తయారైందని, పార్లమెంట్‌లో ప్రజాసామ్యానికి చోటు లేదని ఆవేదన వ్యక్తం చేశారు. ఏపీలో బీజేపీ ఉనికే లేదని, కేంద్ర ప్రభుత్వం ఏపీకి చేసిన అన్యాయం, మోసాల గురించి ప్రజలకు వివరించడంలో ముఖ్యమంత్రి చంద్రబాబు పూర్తిగా సఫలమయ్యారన్నారు. మోదీ గ్రాఫ్‌ పడిపోతున్నదని, బీజేపీకి ప్రజాదరణ తగ్గిపోతున్నదని హరి తెలిపారు. క్రమశిక్షణ, అభివృద్ధి, ప్రజోపయోగం లక్ష్యాలుగా తాను రాజకీయ పదవులు నిర్వహించానని, భవిష్యత్తులోనూ అదే ఉద్దేశంతో తన నిర్ణయం ఉంటుందని చెప్పారు. మేయర్‌గా నగరాభివృద్ధికి ఎంతో కృషి చేశానని, శివాజీపాలెం డంపింగ్‌ యార్డును తరలించి అక్కడ పార్క్‌ అభివృద్ధి ఇందుకు ఓ ఉదాహరణ అన్నారు.

గ్రంథాలయం అభివృద్ధి, బీచ్‌ రోడ్డులో విగ్రహాల ఏర్పాటు తన హయాంలో జరిగినవేనని గుర్తు చేశారు. 2019లో జరిగే ఎన్నికల్లో తప్పకుండా పోటీ చేస్తానని, అయితే ఏ పార్టీ తరపున అనేది త్వరలో తెలియజేస్తానన్నారు. అంతకన్నా ముందు రెండు నెలలపాటు జిల్లా అంతటా పర్యటించి, తన అభిమానుల సమావేశాలు నిర్వహిస్తానని చెప్పారు. తరువాత ఏ పార్టీలో చేరాలో నిర్ణయించుకుని వెల్లడిస్తానని పేర్కొన్నారు. ఈ సమావేశంలో టీడీపీ నాయకులు బండారు శ్రీనివాసరావు, బోళెం నరసింహమూర్తి, తదితరులు పాల్గొన్నారు. విలువలు లేని రాజకీయాలు ప్రస్తుతం నడుస్తున్నాయని, తాను మాత్రం ప్రజా సంక్షేమం దిశగా అడుగులు వేస్తానని చెప్పారు.