news

ఆపరేషన్ గరుడ... ఈ ప్లాన్ మొట్టమొదట బయట పెట్టింది, సినీ హీరో శివాజీ.. అన్నీ కాకపోయినా, ఆయన చెప్పిన దాంట్లో, 90 శాతం నిజం అయింది. ప్రధాన ప్రతిపక్ష నాయకుడు మీద దాడి మినహా, శివాజీ చెప్పిన ప్రతి పాయింట్ నిజం అయింది. గవర్నర్ జోక్యం చేసుకోవటం, పవన్ కళ్యాణ్ తెలుగుదేశం పార్టీకి ఎదురు తిరగటం, కులాల మధ్య గొడవలకి ప్లాన్ చెయ్యటం, ఇవన్నీ గత నాలుగు నెలలుగా చూస్తూనే ఉన్నాం. చంద్రబాబు, ఢిల్లీ పై యుద్ధం మొదులు పెట్టిన దగ్గర నుంచి, అన్ని వైపుల నుంచి, చంద్రబాబుని ఇబ్బంది పెట్టే ప్రయత్నం చేస్తున్నారు. ఈ క్రమంలో, బీజేపీ, జనసేన, జగన్, కెసిఆర్ కుమ్మక్కు కళ్ళారా చూస్తున్నాం.

ఒక పక్క చంద్రబాబు మోడీ, అమిత్ షా లను, దేశమంతా చూసేలా ఉతికి ఆరేస్తున్నారు. అవిశ్వాస తీర్మానంలో, మోడీ గాలి తీసి పడేసారు తెలుగుదేశం ఎంపీలు. అప్పటి నుంచి,మోడీ, షా పగతో రగిలిపోతున్నారు. చంద్రబాబుని అన్ని విధలుగా ఇబ్బంది పెట్టటానికి రెడీ అయ్యారు. అయితే ఈ రోజు హీరో శివాజీ ప్రెస్ మీట్ పెట్టి మరో బాంబ్ పేల్చారు. చంద్రబాబును ముఖ్యమంత్రి పదవి నుంచి దించేందుకు బీజేపీ పెద్దలు కుట్రలు చేస్తున్నారని ఆరోపించారు. ఆదినుంచీ ఆంధ్రప్రదేశ్ ప్రభుత్వాన్ని తీవ్రంగా ఇబ్బంది పెడుతున్న కేంద్ర ప్రభుత్వం.. అందుకోసం రూపొందించిన ఆపరేషన్ గరుడను మరో రూపంలో అమలు చేయబోతున్నారంటూ సంచలన వ్యాఖ్యలు చేశారు.

ఈ ఆపరేషన్‌లో భాగంగా సోమవారం సీఎం చంద్రబాబుకు కేంద్రం నోటీసులు జారీ చేస్తున్నట్లు తనకు సమాచారం అందిందన్నారు. ఇదే అంశంపై శనివారం మీడియా సమావేశంలో మాట్లాడిన శివాజీ.. ప్రస్తుతం విషయం బయటపడింది కాబట్టి.. నాలుగు రోజులు ఆలస్యమైనా నోటీసులు ఇస్తారని చెప్పారు. నిన్న అర్ధరాత్రి తనకు ఢిల్లీ నుంచి ఓ ఫోన్ కాల్ వచ్చిందని... ఆ ఫోన్ ద్వారా తనకు ఈ విషయం తెలిసిందని చెప్పారు. ఇది అత్యంత విశ్వసనీయమైన వర్గాల నుంచి వచ్చిన సమాచారమని చెప్పారు. రాష్ట్ర ప్రభుత్వాన్ని ఇంతగా ఇబ్బంది పెట్టిన కేంద్రం మరోటి లేదన్నారు. సీఎంను ఇబ్బంది పెట్టడమంటే భావితరాలకు నష్టం చేయడమేనని వ్యాఖ్యానించారు.

బీజేపీ నేతలు పొలిటికల్ టెర్రరిస్టులుగా మారారని విమర్శించారు. ఒక ముఖ్యమంత్రి వల్ల తమకు జాతీయ స్థాయిలో ఇబ్బంది ఏర్పడే అవకాశం ఉందనే భావనతో... ఆయన అడ్డుతొలగించేందుకు మరోసారి బీజేపీ పంజా విసురుతోందని మండిపడ్డారు. ఒకవేళ ఎవరైనా తప్పు చేసి ఉంటే వారిని శిక్షించేందుకు ఇంత సమయం తీసుకోవాల్సిన అవసరం ఏమొచ్చిందని ఆయన ప్రశించారు. సమయం చూసి, దెబ్బతీసేందుకు యత్నించడం చాలా దుర్మార్గమని అన్నారు. ఇది ప్రజాస్వామ్య స్ఫూర్తికి విరుద్ధమని చెప్పారు.

రాష్ట్రంలోని వివిధ జిల్లాల్లో వ్యాధులు ప్రబలడం పై ముఖ్యమంత్రి చంద్రబాబు నాయుడు, ఈ రోజు హైదరాబాద్ వెళ్ళే ముందు పర్యవేక్షించారు. అసెంబ్లీ సమావేశాల్లో బిజీగా ఉంటూనే అంటువ్యాధుల పై నిశితంగా దృష్టి సారించారు చంద్రబాబు. అంటువ్యాధులపై అధికారులతో టెలికాన్ఫరెన్స్‌లు, రియల్ టైమ్ గవర్నెన్స్ ద్వారా సమీక్షలు చేపట్టారు. టెలికాన్ఫరెన్స్‌ల ద్వారా అధికారులకు పలు మార్గదర్శకాలు చేసారు. ప్రజల్లో సంతృప్తి నిన్న ఎక్కువ ఉండి, ఈరోజు తగ్గడంపై’ ప్రశ్నల వర్షం కురిపించారు. ఈ నేపథ్యంలో చంద్రబాబు నేరుగా ప్రజల నుంచే రోజువారీ ఫీడ్ బ్యాక్ తీసుకుంటున్నారు. 

అలాగే వైద్య, ఆరోగ్య శాఖ అధికారులు, కలెక్టర్లకు ఎప్పటికప్పుడు దిశానిర్దేశం చేస్తున్నారు. వైద్య, పట్టణాభివృద్ధి, గ్రామీణాభివృద్ధిశాఖలు సమన్వయంగా పనిచేయాలని చంద్రబాబు ఆదేశించారు. అంటువ్యాధులు ప్రబలడం పై అధికారులతో సమీక్షలు చేపట్టిన చంద్రబాబు, డెంగీ, మలేరియా వ్యాధుల తీవ్రతపై నిశితంగా దృష్టి సారించాలని, తన కార్యాలయ సిబ్బందికే చెప్పారు. ఈ వారం రోజులు అత్యవసర పరిస్థితి, సీరియస్‌గా పనిచేయాలని, సోమవారానికల్లా మార్పు రాకపోతే స్పాట్‌లోనే సస్పెండ్ చేస్తానని అధికారులను సీఎం హెచ్చరించారు. అసమర్ధతను, నిర్లక్ష్యాన్ని సహించే ప్రసక్తేలేదని స్పష్టం చేశారు.

కిందిస్థాయి నుంచి పైస్థాయి వరకు పూర్తి బాధ్యతగా వ్యవహరించాలని ఆదేశించారు. ‘మనం ఉన్నది ప్రజల కోసమే, వారికి సేవలు అందించడం కోసమే’ అని అన్నారు. ఎమ్మెల్యేలు, ఎంపీలు క్షేత్రస్థాయిలో పర్యటించాలని తెలిపారు. వ్యాధిగ్రస్తులకు వైద్యసేవలు అందేలా శ్రద్ధ వహించాలని.. విశాఖలో 72వార్డులకు ఒక్కో సీనియర్ అధికారిని నియమించాలని అధికారులను చంద్రబాబు ఆదేశించారు. ప్రజారోగ్యానికి ప్రభుత్వం అత్యంత ప్రాధాన్యత ఇస్తోందని సియం చంద్రబాబు స్పష్టం చేశారు. నిర్లక్ష్యంగా వ్యవహరించే అధికారులు, సిబ్బందిపై చర్యలు తప్పవని హెచ్చరించారు. వైద్యం, ఆరోగ్య రంగంపై ప్రత్యేక శ్రద్ధ చూపుతూ భారీగా నిధులు కేటాయిస్తున్నప్పటికీ వైద్యులు, నర్సులు ఇతర సిబ్బంది, మౌలిక సదుపాయాల కొరతతో ఆశించిన ఫలితాలు రాకపోతే సహించేది లేదని, అధికారులకి తేల్చి చెప్పారు.

పశ్చిమగోదావరి జిల్లా పర్యటన ముగిసిన తరువాత జనసేనాని పవన్ కళ్యాణ్ జనం నుంచి కనుమరుగయ్యారు. జనసేన పార్టీ రోజు రోజుకి అగమ్యగోచరంగాతయారవుతుంది అనటంలో సందేహం లేదు. ఇదిలా ఉంటే బిజెపి, పవన్ కళ్యాణ్, జగన్ ని కలుపుకొని ఆంద్రాలో పట్టు బిగించాలని చూస్తోంది. పశ్చిమగోదావరి జిల్లాలో జగన్ మోహన్ రెడ్డి, పవన్ పర్యటన ముగిసిన తరువాత ఉత్తర భారతీయ జనతా పార్టీ జరిపించుకున్న సర్వే ఫలితాలు, మూడు పార్టీలకు నిద్రను దూరం చేశాయి. ఎందుకంటే ఆ సర్వేలో, పశ్చిమగోదావరి జిల్లాలో తెలుగుదేశం బలం గట్టిగా ఉందని ప్రస్తుతం ఉన్న తెలుగుదేశం స్థానాలు యధావిధిగా ఉంటాయని ఎటువంటి మార్పులు చేర్పులు జరగవని ఆ సర్వే స్పష్టం చేసింది.

దీనితో కంగుతిన్న బిజెపి అర్జెంటుగా పవన్ ను, జగన్ ని కలిసి కూర్చోబెట్టాలని నిర్ణయించుకుంది. ఆ దిశగా కొందరు కాపు కుల పెద్దలు, రెడ్డి కుల పెద్దలు ను పురమాయించింది. వీరి ఇద్దరి రహస్య భేటీ త్వరలోనే ఎక్కడైనా జరగవచ్చు. ఈ భేటీ ముగిసిన తరువాత అంటే సుమారు నవంబర్ నెలలో మరొక సారి రాష్ట్ర రాజకీయ వాతావరణాన్ని వేడెక్కించే కార్యక్రమాలు బిజెపి ఆధ్వర్యంలో ఈ రెండు పార్టీలు చేయవచ్చు. గత నాలుగేళ్లలో మనం ఒకసారి పరిశీలిస్తే తెలుగుదేశంతో సఖ్యత గా ఉంటూనే, పొత్తు నడుపుతూనే, రాష్ట్రంలో బలపడాలనే తన కోరికకు అనుగుణంగా బిజెపి చేసిన ప్రయత్నాలను ఈ రోజు మనం అర్థం చేసుకోవాల్సి ఉంది. రాజకీయంగా బలపడితే, ఎవరికీ ఎటువంటి సమస్య ఉండేది కాదు. కానీ బిజెపి తన బలపడాలనే కోరికతో రాష్ట్రంలో, కులాలను కదిలించడానికి జగన్ తో కలిసి ముందుకు అడుగులు వేసింది.

మొదటి రెండు సంవత్సరాలు కమ్మ కులం మీద, మిగతా కులాల విద్వేష పూరిత వాతావరణం కలిగేలాగా వైసిపి ద్వారా ప్రయత్నం చేసింది. తమకు సహజసిద్ధమైన ఓటు బ్యాంకుగా ఉండే బ్రాహ్మణ, వైశ్య కులాలను తెలుగుదేశం కి వ్యతిరేకంగా మార్చే క్రమం కోసం ఐవైఆర్ కృష్ణారావు ద్వారా ప్రభుత్వానికి వ్యతిరేకంగా మాట్లాడించింది. రాష్ట్రానికి ప్రధమ ప్రధాన కార్యదర్శి ఐవైఆర్ కృష్ణారావు గారిని చంద్రబాబు నియమించారు. ఆయన రిటైర్ అయిన తరువాత కూడా కొత్తగా ఏర్పాటు చేసిన బ్రాహ్మణ కార్పొరేషన్ ఆయనను చైర్మన్ గా నియమించారు. కానీ బిజెపి వైసిపి ఆటలో ఐవైఆర్ కృష్ణరావు పావుగా మారారు. ఎంతో ఉన్నతంగా ప్రజలు భావించే స్థానం నుంచి కృష్ణారావు పడిపోయాడు. ఐవైఆర్ కృష్ణారావు మాటకు విలువ లేదని తెలిసిన క్షణం నుంచి కృష్ణారావు పక్కనపెట్టి, రమణ దీక్షితులుని ముందుకు తీసుకువచ్చింది బిజెపి.

శ్రీవారి సేవ, తిరుమల తిరుపతి దేవస్థాన ప్రధాన అర్చకులుగా ఎంతో గురుతరమైన బాధ్యతను నిర్వహించిన రమణ దీక్షితులు, ఈ రాజకీయ వైకుంఠపాళిలో తన పదవిని పోగొట్టుకుని, రాష్ట్ర ప్రజల దృష్టిలో దోషిగా నిలబడ్డాడు. ముఖ్యంగా తెలుగుదేశం ప్రభుత్వాన్ని చంద్రబాబు నాయుడును హిందూ వ్యతిరేకిగా ముద్ర వేయాలని తీవ్రంగా ప్రయత్నం చేసిన బిజెపి, వైసిపి ఆ దిశగా బ్రాహ్మణ, వైశ్య కులాలను ఉపయోగించుకోవాలి అని నిర్ణయించాయి. కానీ పటిష్టమైన పునాది ఉన్న తెలుగుదేశం పార్టీ, రాజకీయంగా అపార అనుభవం ఉన్న చంద్రబాబు నాయుడు ఈ కుట్రను ముందుగానే పసి గట్టి, నష్ట నివారణ చర్యలు తీసుకోవటం ద్వారా వారి ప్రయత్నం ఫలించలేదు.

ఈ విషయాన్ని కాసేపు పక్కన పెడితే, మళ్ళీ మన జనసేన దగ్గరకు వద్దాం. పవన్ జనసేన పార్టీ పెట్టి ప్రభుత్వం మీద దాడి చేస్తూ ప్రభుత్వానికి వ్యతిరేకంగా మాట్లాడటం వల్ల తెలుగుదేశం సాధించిన ఓట్లల్లో కోత పడుతుందని, ప్రభుత్వ వ్యతిరేక ఓటు ఎటు తిరిగి జగన్ కి పడుతుంది, తద్వారా తెలుగుదేశం రెండు విధాల నష్టపోయి అధికారంకి దూరమవుతుందని, అప్పుడు తమ కసి తీరుతది అని జగన్, మోడీ షా లు కలగన్నారు. కానీ పవన్ రంగంలోకి వచ్చిన తరువాత చిత్రవిచిత్ర పరిణామాలు చోటు చేసుకున్నాయి. పవన్ ప్రసంగాలు పేలవంగా సాగడం, తన అవగాహనారాహిత్యాన్ని బయట పెట్టుకోవడం మొదలైన సంఘటనలే కాకుండా పవన్ ఎవరు ఓట్లు చీల్చుతున్నాడు అని భారతీయ జనతా పార్టీ ఒక సర్వే నిర్వహించింది.

ఆ సర్వే ఫలితాలు ఏ విధంగా ఉన్నాయంటే, పవన్, జగన్మోహన్ రెడ్డి ఓట్లు కొల్లగొడుతున్నారని తేలింది. జగన్ ఓట్ల శాతం 28 పడిపోయింది. అదే సమయంలో తెలుగుదేశం పార్టీ తన ఓట్ల శాతాన్ని గణనీయంగా పెంచుకుందని సదరు బిజెపి సంస్థ తేల్చి చెప్పింది. అనుకున్నది ఒక్కటి అయినది ఒక్కటి, బోల్తా కొట్టింది లే బుల్ బుల్ పిట్ట అన్నట్టు తయారయింది మోడీ షా ల పరిస్థితి. ఇక ఇలా కాదులే అనుకోని జగన్ ను, పవన్ ను కలిపితే కానీ, చంద్రబాబుని ఆపలేమని, ఇద్దరి మధ్య సయోధ్య కు ప్రయత్నాలు మొదలెట్టారు ఈ గుజరాతీ గాయకులు. ఈ సయోధ్య అయ్యే దాకా, పవన్ బయటకి రాడు. అందుకే తెలంగాణా ఎన్నికల్లో అన్ని పార్టీలు బిజీగా ఉన్నా, జగన్, పవన్ మాత్రం, తెలంగాణా ఊసే ఎత్తటం లేదు. మొత్తానికి ఒక్క సర్వేతో పవన్, అజ్ఞాతంలోకి వెళ్లి దాదాపు నెల రోజులు అయ్యింది. మళ్ళీ ఎప్పుడు బయటకి వస్తాడో, ఢిల్లీలో ఉన్న ఆ అమిత్ షా కే తెలియాలి.