news

పార్లమెంట్ లో మొన్న మనం గల్లా ఇంగ్లీష్ లో, రామ్మోహన్ నాయుడు హిందీలో, ఢిల్లీ పాలకుల పై విరుచుకుపడటం చూసాం.. కాని, 2013లో స్వచ్చమైన తెలుగులో, హరికృష్ణ ఢిల్లీ పాలకుల పై విరుచుకుపడిన తీరు, చాలా కొద్ది మందికే గుర్తుండి ఉంటుంది. తెలుగుభాష ప్రాచుర్యాన్ని ఖండాంతరాలకు చాటిచెప్పిన దివంగత నేత ఎన్టీ రామారావుకు తగ్గ తనయుడిగా హరికృష్ణ భాషాభిమానాన్ని అనేక సందర్భాల్లో చాటుకున్నారు. రాజ్యసభలో సైతం ఆసాంతం తెలుగులోనే ప్రసంగాన్ని కొనసాగించి రాజకీయ ఉద్ధండులను సైతం ఔరా అనిపించారు. రాష్ట్ర విభజనపై రాజ్య సభలో చర్చకు వచ్చిన సందర్భంలో తెలుగులోనే ప్రసంగిస్తానని తేల్చి చెప్పారు.

అయితే దీనిపై నాటి రాజ్యసభ ఉపసభాపతి కురియన్ అభ్యంతరం వ్యక్తంచేస్తూ ముందుగా అనుమతి తీసుకోవాలని, అనుమతి తీసుకుంటే అనువాదకులను నియమించే వారమని వారిస్తున్నా ఉద్విగ్నభరితంగా మాట్లాడుతూ ‘ తెలుగుప్రజలను విడదీసే చర్చ’లో మాట్లాడటం బాధాకరంగా ఉందని ప్రసంగాన్ని ప్రారంభించారు. దీనిపై ఉపసభాపతితో సహా పలువురు సభ్యుల నుంచి అభ్యంతరాలు వ్యక్తమయ్యాయి. ట్రాన్స్‌లేషన్ అని కురియన్ ఉటంకించిన పదానికి స్పందిస్తూ ట్రాన్స్‌లేషన్ కాదని ఎక్స్‌ప్రెషన్ ముఖ్యమని హరికృష్ణ స్పష్టంచేశారు. దీంతో మీరు మాట్లాడేది నాకైనా అర్థం కావాలి కదా అని కురియన్ స్పందించారు. ఈ క్రమంలో నాటి రాజ్యసభ సభ్యుడు, నేటి ఉపరాష్టప్రతి వెంకయ్యనాయుడు కలుగజేసుకుని ఏ భాషలో మాట్లాడాలో ఆదేశించే అధికారం సభాపతులకు లేదని వివరించారు.

దీంతో హరికృష్ణ ప్రసంగాన్ని కొనసాగిస్తూ ‘తాంబాలులిచ్చాం..తన్నుకు చావమంటారా’ అని యూపీఏ ప్రభుత్వాన్ని నిలదీశారు. ఒక తండ్రికి పుట్టిన బిడ్డలకు సమాన న్యాయం చేయకుండా అన్యాయం చేస్తారా’ తెలుగు ప్రజలంటే అంత చులకనా.. ఎవరినడిగి మీరు ఈ నిర్ణయం తీసుకున్నారు.. రెండు ప్రాంతాల ప్రజల మనోభావాలు తెలుసుకున్నారా.. రాజకీయ లబ్ధి కోసం ప్రాంతాల మధ్య చిచ్చుపెడతారా అని ధ్వజమెత్తారు. రాష్ట్ర విభజనతో ఏం సాధించాలనుకున్నారో తేల్చాలని పట్టుపట్టారు. అధికారం ఉందికదా అని ఇష్టారాజ్యంగా వ్యవహరిస్తారా అని ప్రశ్నించారు. ఢిల్లీ పెద్దలు చేస్తున్న కుయుక్తులకు తగిన మూల్యం చెల్లించాల్సి వస్తుందని హెచ్చరించారు. కాగా భాషాభిమాన కుటుంబంలో జన్మించిన హరికృష్ణ మాతృభాషా దినోత్సవం రోజునే ఆకస్మిక మృతిచెందడం పట్ల తెలుగు ప్రజలు జీర్ణించుకోలేక పోతున్నారు.

దేశంలో నల్ల ధనం పెరిగిపోయింది కాంగ్రెస్ జమానా అవినీతి ఖజానా అని ఊదరగొట్టే ఎన్నికల్లో గెలిచిన మోడీ నల్లధనాన్ని విదేశాల నుంచి వెనక్కి తెప్పించలేక, దేశంలో నల్లధనం గుట్టలు గుట్టలుగా పెరిగిపోయిందని చెప్పి పెద్ద నోట్ల రద్దు అనే ప్రహసనానికి తెరతీశారు. దేశంలో భారీగా నల్లధనం ఉంటది 3 లక్షల కోట్లు దాకా నల్లధనం వెనక్కి రాదు, మేము నల్లధనాన్ని దేశం నుంచి రూపుమాపాము అది చెప్పాలనుకున్నారు. తనకు తెలిసిన నాటకీయ ధోరనిలో ఒక రాత్రి హఠాత్తుగా పెద్ద నోట్లు రద్దు చేశారు మూడు నెలలు ప్రజలను రోడ్ల మీద నిలబెట్టి కష్టాల పాలు చేసారు, ఆర్థిక వ్యవస్థను తీవ్రంగా దెబ్బతీశారు.

అనేక లక్షల మంది ఉపాధి కోల్పోటానికి కారణం అయ్యారు. ఆ తర్వాత వంద రోజులు ఓపికపట్టండి అప్పటికి మంచి రోజులు రాకపోతే నన్ను తగలబెట్టండి అని మరో నాటకానికి తెరతీశారు. రెండేళ్ల గడిచిన తర్వాత రిజర్వు బ్యాంకు తీరికగా అసలు విషయం వెల్లడి చేసింది. బ్యాంకులకు తిరిగిరాని నల్లధనం కేవలం 10, 700 కోట్లు, కానీ రద్దయిన పెద్ద నోట్ల స్థానంలో కొత్త నోట్లు ప్రవేశపెట్టడానికి రిజర్వ్ బ్యాంకు ఖర్చు చేసిన మొత్తం 7,800 కోట్లు. ఇది మన ఘనత వహించిన ప్రధాని, చేసిన అతి పెద్ద ఘనకార్యం. పెద్ద నోట్ల రద్దు అట్టర్‌ ఫ్లాప్‌ అని గణాంకాలు తేల్చాయి. ప్రధాని రద్దు చేసిన సొమ్ములో 99.3 శాతం తిరిగి తెల్లధనమై బ్యాంకులకు చేరింది. రద్దయిన మొత్తం రూ.15.41 లక్షల కోట్లలో కనీసం ఐదు లక్షల కోట్ల నల్లధనం తేలుతుందని మోదీ సర్కారు భావించగా, కేవలం రూ.10,727 కోట్లు మాత్రమే బ్యాంకులకు చేరలేదని ఆర్‌బీఐ తేల్చింది.

అంటే, కనీసం ఒక్క శాతం కూడా మిగల్లేదు. కొత్త నోట్ల ముద్రణకు అయిన రూ.21 వేల కోట్ల ఖర్చులన్నా పెద్ద నోట్ల రద్దులో మిగల్లేదు. ఇదికాక నోట్ల రద్దు తర్వాత ఏడాదిలో ఆర్థిక వ్యవస్థకు కలిగిన నష్టం రూ.2.25 లక్షల కోట్లని ఆర్థిక నిపుణులు తేల్చారు. నాడు మోదీ చెప్పిన పెద్ద నోట్ల రద్దు లక్ష్యాలు... సమాంతర ఆర్థిక వ్యవస్థను అరికట్టడం, నకిలీ నోట్లకు సమాధి కట్టడం, ఉగ్రవాదాన్ని అణచివేయడం... ఏవీ పూర్తిగా సాధించలేదు. ఆ విషయం గ్రహించే ప్రభుత్వం డిజిటల్‌ చెల్లింపుల లక్ష్యాన్ని కొత్తగా చేర్చి ప్రచారం చేసింది. మొదట్లో డిజిటల్‌ చెల్లింపులు పెరిగినా తర్వాత కాలంలో నగదు సరఫరా పెరగడంతో యథాస్థితికి చేరుకున్నాయి. ఇప్పుడు లోక్‌సభ ఎన్నికల ముందు ఈ గణాంకాలన్నీ బయటకు వస్తుండటంతో పెద్ద నోట్ల రద్దు విషయంలో మోదీ ఆత్మరక్షణలో పడ్డారు.

ముఖ్యమంత్రి చంద్రబాబునాయుడు నేటి చెన్నై పర్యటనను రద్దు చేసుకున్నారు. తమిళనాడు మాజీ ముఖ్యమంత్రి కరుణానిధి సంతాప సభ గురువారం చెన్నైలో జరగుతోంది. అయితే... ఆ సభకు చంద్రబాబు వెళ్లాల్సి ఉండగా... తన బావమరిది, రాజ్యసభ మాజీ సభ్యుడు నందమూరి హరికృష్ణ అకాల మరణంతో చెన్నై పర్యటనను రద్దు చేసుకున్నారు. కాగా... చంద్రబాబుకు బదులుగా కేంద్ర మాజీమంత్రులు అశోకగజపతిరాజు, సుజనా చౌదరి, రాజ్యసభ సభ్యుడు సీఎం రమేష్‌ తదితరులు చెన్నై వెళ్ళనున్నారు.

నందమూరి-నారా కుటుంబ సభ్యులకు డీఎంకే అధ్యక్షుడు స్టాలిన్ సానుభూతిని తెలిపారు. ఈమేరకు గురువారం ఓ లేఖను చంద్రబాబునాయుడికి రాశారు. చంద్రబాబు బావమరిది, సీనియర్ టీడీపీ నేత నందమూరి హరికృష్ణ మృతి నన్ను తీవ్రంగా కలిచివేసిందని, అలాగే దిగ్ర్భాంతికి గురిచేసిందని స్టాలిన్ పేర్కొన్నారు. నందమూరి-నారా కుటుంబ సభ్యులకు సానుభూతి తెలుపుతున్నట్లు స్టాలిన్‌ పేర్కొన్నారు.