news

ఆంధ్రప్రదేశ్ మంత్రివర్గ ప్రమాణ స్వీకారం, ఈ రోజు జరగనుంది. సచివాలయం దగ్గర ఉన్న పార్కింగ్ ప్లేస్ లో ఈ కార్యక్రమం జరగనుంది. ఇది ఇలా ఉంటే, మంత్రి పదవి దక్కని వారు, ఎప్పుడూ లేని విధంగా జగన్ పై భగ్గుమన్నారు. ముఖ్యంగా జగన్ బంధువు అయిన బాలినేని శ్రీనివాస్ రెడ్డి, తీవ్ర ఆగ్రహంగా ఉన్నారు. విజయమ్మ వైపు నుంచి బాలినేనితో జగన్ కు చుట్టరికం ఉంది. బాలినేనిని తప్పించటం పైన, కుటుంబంలో కూడా అసంతృప్తి వ్యక్తం అవుతుంది. ముఖ్యంగా బాలినేని శ్రీనివాస్ రెడ్డి, తీవ్ర అసంతృప్తిలో ఉన్నారు. రెడ్డి సమాజికవర్గం నుంచి నలుగురికి స్థానం కల్పించి, తనకు ఇవ్వకపోవటం పై బాలినేని సీరియస్ అయ్యారు. నిన్న మధ్యానం సజ్జల రామకృష్ణా రెడ్డి, బాలినేని ఇంటికి వెళ్లి, ఆయాన్ను బుజ్జగించే ప్రయత్నం చేసారు. ప్రకాశం జిల్లా నుంచి ఎవరూ మంత్రులు లేరని, ఆదిమూలపు సురేష్ ని కూడా తొలగిస్తున్నాం అని చెప్పారు. అయితే సాయంత్రానికి చివరి నిమిషంలో, మళ్ళీ ఆదిమూలపు సురేష్ పేరు లిస్టు లోకి రావటంతో, బాలినేని ఫైర్ అయ్యారు. తనను మోసం చేసారని బాలినేని తీవ్ర స్థాయిలో విరుచుకు పడ్డారు. పార్టీ కోసం ముందు నుంచి కష్టపడిన తనను పక్కన పెట్టారు అంటూ, బాలినేని తీవ్ర భావోద్వేగానికి గురి కావటంతో, బాలినేనికి హై బీపీ రావటంతో, డాక్టర్లు వచ్చారు.

అయితే గత రాత్రి మళ్ళీ సజ్జల రామకృష్ణా రెడ్డి బాలినేని ఇంటికి వెళ్లారు. శ్రీకాంత్ రెడ్డి, కరణం బలారం తో కలిసి, సజ్జల బాలినేని ఇంటికి వచ్చారు. ఎంత బుజ్జగించినా బాలినేని మాత్రం మెత్తబడలేదు. దీంతో చేసేది ఏమి లేక సజ్జల వెనుదిరిగారు. అయితే సజ్జల బయటకు వెళ్ళే సమయంలో, బాలినేని అనుచరులు సజ్జల పై విరుచుకు పడ్డారు. అయితే బాలినేని మాత్రం, ఈ రోజు రాజీనామా చేస్తారు అంటూ వార్తలు వస్తున్నాయి. హైదరాబాద్ వెళ్లి, షర్మిలతో కూడా బాలినేని భేటీ అవుతారు అంటూ వార్తలు వస్తున్నాయి. కేవలం కుటుంబ కలహాల వల్లే, బాలినేనిని జగన్ దూరం పెట్టారు అనే ప్రచారం కూడా జరుగుతుంది. ఇప్పటికే విజయమ్మ తాను అధ్యక్ష పదవికి రాజీనామా చేస్తానని చెప్పటం, అలాగే షర్మిల దూరం అవ్వటం, ఈ పరిణామాల నేపధ్యంలో, విజయమ్మ వైపు చుట్టరికం ఉన్న బాలినేనిని కూడా దూరం పెట్టారు అంటూ ప్రచారం జరుగుతుంది. అయితే బాలినేని ఈ రోజు హైదరాబాద్ వెళ్లి, షర్మిలను కలిసిన తరువాత, మీడియాతో మాట్లడతారనే వార్తలు వస్తున్నాయి.

ఈ రోజు జగన్ మోహన్ రెడ్డి ప్రకటించిన కొత్త మంత్రివర్గం పై, అటు సామాజికవర్గంగా, అలాగే ఇటు సొంత పార్టీలోనూ తీవ్ర అసంతృప్తి వ్యక్తం అవుతుంది. కొన్ని సామాజికవర్గాలకు అసలు మంత్రి పదవి లేకండా చేయటం, కమ్మ , వైశ్య, క్షత్రియ, బ్రాహ్మణ సామజికవర్గాలకు, అసలు చోటు లేక పోవటం, అలాగే ప్రకాశం జిల్లా నుంచి ఒక్కరికీ కూడా మంత్రి పదవి ఇవ్వకపోవటం పై, తీవ్ర విమర్శలు వచ్చాయి. దీంతో ప్రకాశం జిల్లాలో మార్పులు చేసారు. మళ్ళీ ప్రకాశం జిల్లా నుంచి ఆదిమూలపు సురేశ్‍కు అవకాసం ఇచ్చారు. అయితే ఇప్పటికే కొత్త మంత్రివర్గంలో ప్రకటించిన తిప్పేస్వామికి షాక్ ఇస్తూ, ఆయన్ను మంత్రి పదవి నుంచి తప్పించారు. చివరి నిమిషంలో చేసిన మార్పులతో ఆదిమూలపు సురేశ్‍కు చోటు దక్కింది. తిప్పేస్వామికి నిరాశ ఎదురైంది.

ఆంధ్రప్రదేశ్ రాష్ట్ర మంత్రి వర్గ విస్తరణ కొత్త చిచ్చుకి తెర లేపింది. నిన్నటి వరకు పాత మంత్రుల్ని అందరినీ తీసి వేస్తారని, కేవలం ఇద్దరు సీనియర్ మంత్రులు ఉంటారాని ప్రచారం జరిగింది. దీంతో మంత్రులు అందరూ, మనతో పాటు అందరూ పోతున్నారు కదా అని ఫిక్స్ అయ్యారు. అయితే, ఈ రోజు మాత్రం సీన్ రివర్స్ అయ్యింది. ఏకంగా 11 మంది పాత మంత్రులు కంటిన్యూ అయ్యారు. దీంతో ఇప్పటికే మంత్రులుగా ఉన్న వారు, తమకు వాళ్ళకు తేడా ఏమిటి అంటూ అలక పాన్పు ఎక్కారు. ఇందులో ముఖ్యంగా బాలినేని శ్రీనివాస్ రెడ్డి ఉదయం నుంచి ఆగ్రహంగా ఉన్నారని వార్తలు వచ్చాయి. ఆయనకు బీపీ కూడా పెరిగి, డాక్టర్లు వచ్చే దాకా అయ్యింది. ఇక ఇప్పుడు కొద్ది సేపటి క్రితం, మాజీ హోం మంత్రి మేకతోటి సుచరిత తీవ్ర ఆగ్రహంగా ఉన్నారు. ఈ ఆగ్రహం ఎక్కడి వరకు వెళ్ళింది అంటే, తాను రాజీనామా చేస్తాను అనే దాకా ఈ ఆగ్రహం వెళ్ళింది. ముఖ్యంగా సజ్జల రామకృష్ణా రెడ్డితో ,మాట్లాడటానికి ప్రయత్నం చేసినా, ఆయన పట్టించుకాలేదని, కనీసం అపాయింట్మెంట్ కూడా ఇవ్వలేదని, ఆమె రగిలిపోతున్నారు. దీంతో సుచరిత ఇంటికి భారీగా అభిమానులు, దళిత సంఘాలు చేరుకున్నాయి. రెండు రోజులుగా సుచరిత కలిసేందుకు ప్రయత్నించినా సజ్జల అవకాశం ఇవ్వలేదని సుచరిత వర్గీయుల ఆవేదన వ్యక్తం చేస్తున్నారు.

ఈ నేపధ్యంలో ఆమె వర్ఘీయులు కౌన్సిలర్లు, ప్రజాప్రతినిధులు, రాజీనామాకు సిద్ధ పడ్డారు. అయితే సుచరిత కూడా రాజీనామా చేస్తారని, స్పీకర్ ఫార్మాట్‍లో రాజీనామాకు సిద్ధం అయ్యారని వార్తలు వస్తున్నాయి. ఆమె స్వయంగా ప్రెస్ మీట్ పెట్టి ఈ విషయం చెప్తారు అంటూ వార్తలు వస్తున్నాయి. మరి ఏమి అవుతుందో చూడాలి. బాలినేని శ్రీనివాస్ రెడ్డి, కోటం రెడ్డి, ప్రసన్నకుమార్ రెడ్డి, శిల్పా చక్ర పాణి రెడ్డి, పిన్నెల్లి రామకృష్ణా రెడ్డి, ఉదయభాను, పార్ధసారధి, ఇప్పుడు సుచరిత ఈ లిస్టు లో చేరారు. ఇంకా ఈ లిస్టు లో ఎంత మంది వచ్చి చేరతారో చూడాలి. చాలా మంది ఇప్పటికే తీవ్ర ఆగ్రహంతో రగిలిపోతున్నారు. మరో పక్క, ఈ అసంతృప్తులు ఈ స్థాయిలో ఉంటాయని, వైసీపీ అధిష్టానం ఊహించలేక పోయింది. దీంతో సీనియర్ నేతలు రంగంలోకి దిగారు. మరోసారి బాలినేనిని బుజ్జగించటానికి సజ్జల ఆయన ఇంటికి వెళ్లారు. ఇక మిగతా జిల్లాల్లో రీజనల్ కో-ఆర్డినేటర్లకు బుజ్జగింపు బాధ్యతలు అప్ప చెప్పారు. అసంతృప్తులతో మాట్లాడి తనవద్దకు తీసుకురావాలని జగన్ ఆదేశించారని సమాచారం.