news

ఆంధ్రప్రదేశ్ ప్రజల పై మరో భారం వేయడానికి ప్రభుత్వం సిద్దమైంది. ఈ రోజు నుంచే ఏపిలో ఉన్న 13 జిల్లాలు 26 కొత్త జిల్లాలగా ఎర్పాటైన సంగతి తెలిసిందే. కొత్త జిల్లాలు ఏర్పాడ్డాయని ఆనందం తీరక ముందే , మరో భారాన్ని ప్రజల పై వేస్తూ జగన్ ప్రభుత్వం షాక్ కు గురిచేసింది. ప్రభుత్వానికి ఆదాయం పెరగాలంటే పన్నుల భారం పెంచటం, ఒకటే మార్గమన్నట్లు ప్రభుత్వం వ్యవహరిస్తుంది. దీనిలో భాగంగా కొత్తగా ఏర్పడిన ఏర్పడిన 13 జిల్లాల పరిధిలో భూముల ధరలను భారీగా పెంచాలని వైసిపి ప్రభుత్వం నిర్ణయించింది. దీనికి సంభందించి ఇప్పటికే నిర్ణయం తీసుకున్నపటికీ , ఈ భూముల పెరుగుదల ఏ మేరకు ఉంటుందని అనే విషయం పై ఇంకా స్పష్టత రావాల్సి ఉంది. దీనికి సంబంధించి అన్ని విషయాలపై మరి కొన్ని గంటల్లోనే సమాచారం వెల్లడయ్యే అవకాసం ఉంది. ఈరోజే కొత్త జిల్లాలు ఏర్పటు కావటంతో ఈ రోజు , రేపు వదిలేసి, ఈ నెల 6 వ తారీఖు నుంచి భూముల ధరలను పెంచాలని నిర్ణయించారని సమాచారం. దీనిలో భాగంగానే భూముల రిజిస్ట్రేషన్ ధరలు కూడా భారీగా పెరుగుతాయని తెలుస్తుంది. ఈ మేరకు ఇప్పటికే ఉత్తర్వులు జారీ చేసారు. అయితే పాతగా ఉన్న పదమూడు జిల్లాల్లో మాత్రం పాత రేట్లకే విక్రయాలు జరుగుతాయని తెలుస్తుంది.

అయితే ఇప్పటి వరకు ప్రభుత్వానికి పన్నుల ద్వారా వచ్చేఆదాయం భారీగా ఉన్నట్టు తెలుస్తుంది..మళ్ళి కొత్త జిల్లాల్లో పెంచిన ఈ ధరల వలన ప్రభుత్వానికి మరింత భారీ ఆదాయం వచ్చి పడనుంది. ప్రభుత్వం తీసుకున్న ఈ నిర్ణయం మాత్రం ప్రజలను షాక్ కు గురిచేసింది. ఇప్పటికే రకరకాల పన్నులతో ప్రజలను ప్రభుత్వం పీల్చి పిప్పి చేస్తుంది. మొన్నే కరెంటు చార్జీలు కూడా పెంచారు. ఇప్పటికే ఏడు సార్లు కారెంటు చార్జీలు పెంచారు. మరో పక్క ఇంటి పన్ను చార్జీలు పెరిగాయి. పెట్రోల్, డీజిల్ రేట్లు మనమే టాప్ లో ఉన్నాం. ఇక మరో పక్క గ్యాస్ ధర వెయ్యి రూపాయలు దాటింది. మరో పక్క ఈ దేశంలోనే ఎక్కడా లేని విధంగా చెత్త పన్ను కూడా విధించారు. చెత్తకు పన్ను ఏంటి అని ప్రజలు అడుగుతుంటే, ఆ చెత్త తెచ్చి ఇంట్లో పడేస్తున్నారు. మరో పక్క మరుగుదొడ్డు పన్ను కూడా బాదేస్తున్నారు. ఇలా ఒకటి కాదు రెండు, ఏ రకంగా ప్రజల నుంచి డబ్బులు వసూలు చేయాలి అంటే, ఆ రకంగా ప్రజల నుంచి పిందేస్తున్నారు.

ఆంధ్రప్రదేశ్ లో కొత్తగా జిల్లాలను ఏర్పాటు చేస్తున్న సంగతి తెలిసిందే. జగన్ ప్రభుత్వం ఇప్పటివరకు ఏపి లో ఉన్న 13 జిల్లాలను 26 జిల్లాలుగా విస్తరిస్తుంది. ఈ 26 జిల్లాలకు సంభందించి కలక్టర్ ఆఫీసులు, ఎస్పి కార్యాలయాలు కూడా ఏర్పాటు చేసారు. ఈ జిల్లాలకు అధికారులను కూడా నియమించేసారు.. అయితే రాష్ట్రం లో ఇంత పెద్ద ఎత్తున జిల్లాల విభజన కార్యక్రమం జరుగుతుంటే కనీసం ప్రతిపక్ష నేతలకు ఆహ్వానం కూడా అందలేదు. ఎక్కడ చూసినా వైసిపి నేతల హడావిడే కనిపిస్తుంది కాని ఏ ఒక్క జిల్లాలో కూడా ప్రతిపక్ష నేతలు కనిపించలేదు. దీని పై వారు స్పందిస్తూ రాష్ట్రంలో ఇంత పెద్ద కార్యక్రమానికి కనీసం తమకు ఆహ్వానం కూడా అందలేదని, టిడిపి నేతలు మండిపడుతున్నారు. అందుకే తామంతా ఈ కార్యక్రమానికి హాజరు కాలేదని చెప్పారు. ఇంత పెద్ద కార్యక్రమం రాష్ట్రంలో జరుగుతున్నా తమ పార్టీ అధినేత ప్రతిపక్ష నేత అయిన చంద్రబాబు గారికి కనీసం ఈ విషయం పై చెప్పలేదని మండి పడ్డారు. అయితే ఈ రోజు నుంచి కొత్త జిల్లాలకు సంభందించిన అన్ని పనులు అధికారికం గానే జరగనున్నాయి. అయితే జిల్లాల్లో కేంద్రాలు మార్పు, డివిజన్లు మార్చడం , అన్ని జరిగిపోతున్నాయి. ఇలాంటి ఒక రాష్ట్ర స్థాయి కార్యక్రమంలో విపక్షాలను భాగస్వామ్యం చేయకపోవడం పై వైసిపి ప్రభుత్వం తీవ్ర విమర్శలు ఎదుర్కుంటుంది. ఇది ఏదో వైసిపి పార్టీ కార్యక్రమం లాగా ఉంది కాని, ఒక రాష్ట్రస్ధాయి కార్యక్రమం లాగా లేదని విమర్శిస్తున్నారు.

ఇలాంటి రాష్ట్రస్ధాయి కార్యక్రమాలు చేసేటప్పుడు అదికార పక్షంలో ఎవరు ఉన్నా ప్రతిపక్షాలను ఆహ్వానించడం సాంప్రదాయం. జగన్ ప్రభుత్వం మాత్రం కనీసం టిడిపి వారికి ఆహ్వానం కూడా పంపలేదు. పైగా ఈ జిల్లాల విభజనకు సంభందించి పత్రికల్లో పెద్ద పెద్ద యాడ్స్ కూడా వేయించారు. ఇంత హంగామా చేసిన వైసిపి కి ప్రతిపక్షాలను ఆహ్వానిచలేక పోవడం పై దారుణమైన విమర్శలు ఎదుర్కుంటుంది. అయితే మరో వైపు, జగన్ మాత్రం ఇంత పెద్ద కార్య క్రమాన్ని తన కాంపు ఆఫీస్ నుంచి వర్చువల్ గా ప్రారంభించారు. ఈ రోజు ఉదయం 9 గంటల నుంచి 9:45 మద్యలో ప్రారంభించారు. అయితే ఈ కొత్త జిల్లాల ఏర్పాటు కార్యక్రమం బహిరంగ సభలో ఏర్పాటు చెయ్యకపోవడం పై , అందులోను కనీసం విపక్షాలకు ఆహ్వానం ఇవ్వకుండా , కేవలం కాంపు ఆఫీసులో వర్చువల్ ఏర్పాటు చేయడం , ప్రతిపక్ష్లాలకే కాకుండా సొంత పార్టీ నేతలు కూడా అయోమయంలో గురిచేసింది. గతంలో చంద్రబాబు అమరావతి రాజధాని శంకుస్థాపనకు పిలిచినా, జగన్ రాలేదు. అప్పట్లో అలా వ్యవహరించి, ఇప్పుడు ఇలా వ్యవహరిస్తూ, తానేదో గొప్ప అనే విధంగా జగన్ ప్రవర్తిస్తున్న తీరు, అప్పుడు, ఇప్పుడు కూడా విమర్శల పాలు అవుతుంది.

ఆంధ్రప్రదేశ్ లో జగన్ మోహన్ రెడ్డి ప్రబుత్వం చేస్తున్న రాజ్యాంగ ఉల్లంఘనలు, న్యాయ వ్యవస్థలపై చేస్తున్న దా-డు-లు , వీటన్నిటికి సంబంధించి ప్రధాని మోడీకి ఎంపి రఘురామ కృష్ణం రాజు ఒక సుదీర్గమైన లేఖను రాసారు. అందులో భాగంగా ఏపిలో రాష్ట్రపతి పాలన విదించాల్సిన సమయం ఆసన్నమయిందని, ఏపిలో జరుగుతున్న రాజ్యంగా ఉల్లంఘనలపై కేంద్రం దృష్టి సారించాలని, అక్కడ పరిస్థితులను వెంటనే ఆరా తీయాలని, ఆయన లేఖలో పేర్కొన్నారు. ఏపిలో పరిస్థితులు రోజురోజుకు దిగజారి పోతున్నాయని వెంటనే రాష్ట్రపతి పాలన విదించాలని, దీని గురించి వెంటనే, రాష్ట్రపతి కోవింద్ కూడా ఆదేశాలు జారీ చేయాలని రఘురామ కృష్ణం రాజు లేఖలో విన్నవించారు. అంతే కాకుండా అమరావతి నిర్మాణం జరగాలని ఇటీవల హైకోర్ట్ ఇచ్చిన తీర్పు గురించి అసెంబ్లీలో ప్రస్తావించడం కూడా రాజ్యంగ ఉల్లంఘన కిందకే వస్తుందని ,ఇది న్యాయ వ్యవస్థను కించపరచడమే అవుతుందని , అసలు హైకోర్ట్ తీర్పు ఇచ్చిన తరువాత దాని గురించి మళ్ళి చర్చ జరపడం సరికాదని కూడా ఆయన లేఖలో పేర్కొన్నారు. కావాలంటే వాళ్ళు మళ్ళీ ఈ తీర్పు గురించి పిటీషన్ దాఖలు చేసుకోవాలే కాని, అసెంబ్లీలో దీని గురించి చర్చించడం దారుణమని, న్యాయవ్యవస్థ పై దా-డి-కి ఇదే నిదర్శనమని ఆయన మోడీ కి రాసిన లేఖలో పేర్కొన్నారు.

అంతే కాకుండా అమరావతి నిర్మాణం 6 నెలల్లో పూర్తి చేయాలని హైకోర్ట్ ఆదేశిస్తే, దీనికి విరుద్దంగా 60 నెలలు సమయం కోరడం అనేది ప్రబుత్వ నిర్లక్ష్య ధోరణికి ఇది అడ్డం పడుతుందని ఆయన అన్నారు. ఇప్పటికే కోర్ట్ లో ప్రభుత్వానికి 150 పైన కేసుల్లో చుక్కు ఎదురైందని , అంతకంటే ఎక్కువే కోర్ట్ దిక్కరణకేసులున్నాయని, అంతేకాకుండా ఏ రాష్ట్రంలో లేని విదంగా ఏపి లో 8 మంది IAS లకు కోర్ట్ దిక్కారణ కింద ఇటీవల శిక్ష కూడా విదించడం జరిగిందదని ఆయన చెప్పారు. దేశ చరిత్రలో లేని విధంగా ఒకేసారి ఎనిమిది మంది ఐఏఎస్ ల పైన, కోర్టు శిక్ష విధించిందని ఆ లేఖలో తెలిపారు. ఐఏఎస్, ఐపిఎస్ వ్యవస్థను నిర్వీర్యం చేసి పెట్టారని ఆ లేఖలో తెలిపారు. ఇలాంటి అంశాలన్నీ పరిగణలోకి తీసుకుని ఏపి లో రాష్ట్రపతి పాలన విదించాలని రఘురాం కృష్ణం రాజు ప్రధాని మోడీకి రాసిన లేఖలో పేర్కొన్నారు. రేపు జగన్ ఢిల్లీ పర్యటన ఉన్న నేపధ్యంలో, ప్రధానిని జగన్ కలుస్తారు అన్న టైంలోనే, రఘురామరాజు లేఖ రాయటంతో, వైసీపీ ఉలిక్కి పడింది.