news

ఒక ఎమ్మల్యే హోదాలో ఉండి కూడా, నోటి వెంట బూతులు తప్ప, మంచి మాటలు మాట్లాడని జగన్ పార్టీ ప్రియ శిష్యురాలు రోజా పై మహిళలు తిరగబడ్డారు. మగ వారు కూడా భరించలేని బూతులు మాట్లాడే రోజా, ఈ సారి పెనమలూరు ఎమ్మల్యే బోడె ప్రసాద్ ను టార్గెట్ చేసింది. అప్పట్లో విజయవాడలో వచ్చిన కాల్ మనీ కేసు పై, అప్పట్లోనే చంద్రబాబును ఉద్దేశిస్తూ కామ సియం అంటూ, పిచ్చి పిచ్చి వాగుడు వాగి, ఆ వాగుడు భరించలేక, అసెంబ్లీలో ఉన్న ఎమ్మల్యేలు అందరి విజ్ఞప్తి మేరకు, సంవత్సరం పాటు, అసెంబ్లీ నుంచి బహిష్కరణకు గురైంది రోజా. అసెంబ్లీ వేదికగానే, సాక్షాత్తు ఒక ముఖ్యమంత్రినే కామ సియం అంటూ సంభోదించిన ఇలాంటి మహిళకు, మిగతా వారు అంటే ఒక లెక్కా ? అందుకే పెనమలూరు ఎమ్మల్యే పై తాజాగా ఇలాంటి వ్యాఖ్యలే చేసింది.

వారం రోజుల క్రితం రోజా కంకిపాడు వచ్చింది. అక్కడ ఈ సారి టికెట్ ఆసిస్తున్న పార్ధసారధి, తన మొఖం చూపిస్తే ఎవరూ ఓట్లు వెయ్యరని, రోజాని తీసుకువచ్చి ఒక మీటింగ్ పెట్టించారు. ఇంకేముంది, చాలా రోజుల తరువాత మైక్ దొరకటంతో రోజా రెచ్చిపోయింది. పార్ధసారధి ఎంతో గొప్ప వాడు అని, బోడె ప్రసాద్ 'సెక్స్ కుంభకోణంలో' ఉన్నాడు అంటూ, తీవ్ర వ్యాఖ్యలు చేసింది. అసలు బోడె ప్రసాద్ కు సెక్స్ కుంభకోణం ఏంటో అర్ధం కాలేదు. రోజా నోరు తెరిస్తే నన్ను రేప్ చేసే దమ్ము ఉందా లాంటి మాటలు తప్పితే, వేరే మాటలు రావు. ఈ మాటలకు మగ వారు కూడా భయపడి రోజా నోటికి దూరంగా ఉంటారు. అయితే, రోజా పదే పదే తనను 'సెక్స్ కుంభకోణంలో' ఉన్నాడు అని చెప్తూ ఉండటంతో, బోడె ప్రసాద్ తీవ్రంగా స్పందించారు.

నేను సెక్స్ 'కుంభకోణంలో' ఉన్నానని నీకు ఎలా తెలుసు, నువ్వు ఎమన్నా కంపెనీ నడిపావా ? నేను ఎక్కడన్నా తగిలనా అంటూ తీవ్రంగా స్పందించారు. నేను నాలుగేళ్ల నుంచి, రోజా ఇలా అంటున్నా రాజకీయ విమర్శలు అని ఊరుకున్నా అని, ఇప్పుడు నా ప్రజల ముందుకు వచ్చి, మళ్ళీ ఇలాంటి మాటలే రోజా మాట్లాడుతుంటే, చూస్తూ ఊరుకోను అంటూ, బోడె ప్రసాద్ తీవ్రంగా స్పందించారు. అయితే, బోడె ప్రసాద్ వ్యాఖ్యల పై, రోజా పెనమలూరు పోలీస్ స్టేషన్ లో ఫిర్యాదు చేసారు. దీంతో రోజా పై అక్కడ మహిళలు విరుచుకుపడ్డారు. 'సెక్స్ కుంభకోణం' చేసాడు అంటూ బోడె పై వ్యాఖ్యలు చేసింది కాక, మళ్ళీ ఎదురు కేసు పెట్టిన రోజా పై, కంకిపాడు పోలీస్‌స్టేషన్లో ఫిర్యాదు చేశారు. ప్రశాంతంగా ఉన్న నియోజకవర్గంలో, రోజాను పంపించి, ఇలాంటి రెచ్చగొట్టే వ్యాఖ్యలు చేపిస్తున్నారని, రోజా వ్యాఖ్యలు అసభ్యకరంగా ఉన్నాయని.. సినిమాలో చేసిన విధంగా రాజకీయాల్లో ప్రవర్తిస్తే సహించేది లేదని, ఇలాంటి రోజాను లోపల వెయ్యాలని కోరుతూ కంకిపాడు పోలీస్‌స్టేషన్లో ఫిర్యాదు చేశారు.

ఈ నెల 11న ప్రాజెక్టు ప్రాంతంలో పర్యటించిన కేంద్ర జలవనరుల మంత్రి నితిన్‌ గడ్కరీ.. ప్రాజెక్టు నిర్మాణ డిజైన్లు, ఇతర సాంకేతిక సమస్యల పరిష్కారానికి ఢిల్లీకి రావాలని, తన సమక్షంలోనే అధికారులతో సమావేశమై చర్చల ద్వారా సమస్యలను పరిష్కరించుకోవడం బావుంటుందని ఆయన పేర్కొన్నారు. తదనుగుణంగా ఢిల్లీ వెళ్లి వెంటనే సమస్య పరిష్కారం చేసి, పోలవరంలో అన్ని అనుమతులు పొందటానికి, రేపే అధికారులని హుటాహుటిన ఢిల్లీకి పంపిస్తున్నారు చంద్రబాబు. నవ్యాంధ్రకు గుండెకాయ లాంటి పోలవరం ప్రాజెక్టుకు తాజాగా ఏర్పడిన అవాంతరాలను అధిగమించేందుకు చంద్రబాబునాయుడు అధికారులతో కూడిన ఒక ప్రతినిధి బృందాన్ని సోమవారం ఢిల్లీకి పంపించాలని నిర్ణయించారు. ప్రాజెక్టును నిర్దేశిత గడువులో పూర్తి చేయడమే లక్ష్యంగా ముందుకు సాగుతూ అహో రాత్రులు శ్రమిస్తున్న ముఖ్యమంత్రి ఆదేశాలతో ఈ ప్రతినిధి బృందం సోమవారం ఢిల్లీకి బయలు దేరి వెళ్లేందుకు రంగం సిద్ధమైంది. ఈమేరకు ముఖ్యమంత్రి శనివారం సంబంధిత అధికారులను ఆదేశించినట్లు సమాచారం.

కేంద్ర జలవనరుల శాఖా మంత్రి నితిన్ గడ్కరీ ఇటీవల పోలవరం వచ్చిన సందర్భంలో ప్రాజెక్టుకు సంబంధించిన తాజా డీపీఆర్ తో పాటు భూసేకరణ, ఆర్ ఆర్ ప్యాకేజీ, పరిహారం, పునరావాసం, సవరించిన అంచనాల విషయంలో కొన్ని ప్రశ్నలు లేవనత్తిన సంగతి తెలిసిందే. ముందస్తు నిధుల విడుదల గురించి కూడా సీఎం ఆరోజు నితిన్ గడ్కరీని అడిగారు. కానీ ఆయన సానుకూలంగా స్పందించలేదు. పైగా ఆ డాక్యుమెంట్లు లేవు.. ఈ డాక్యుమెంట్లు లేవు. తాజా డీపీఆర్ సక్రమంగా లేవంటూ కొర్రీలు పెట్టారు. పైగా రాష్ట్రప్రభుత్వ పెద్దలు ఎంత త్వరగా ఢిల్లీ వచ్చి, రెండో డీపీఆర్ కు సంబంధించిన లెక్కలతో కూడిన సంబంధిత దస్త్రాలను ఆర్థిక మంత్రిత్వ శాఖకు అందజేయాలని ఆ రోజు నితిన్ గడ్కరీ ముఖ్యమంత్రిని ప్రాజెక్టు సైట్లోనే కోరారు. దీంతో ముఖ్యమంత్రి ఈ విషయాన్ని ఎంతో ప్రతీష్టాత్మకంగా తీసుకుని, రెండో డీపీఆర్ కు సంబంధించిన లెక్కలుతో కూడిన అన్ని దస్త్రాలను తాజాగా సిద్దం చేయించారు.

దీంతో ముఖ్యమంత్రి ఆదేశాలతో అన్ని దస్త్రాలతో అధికార బృందాన్ని సోమవారం ఢిల్లీకి పంపించేందుకు ఏర్పాట్లు చేశారు. జలవనరుల శాఖాధికారులతో పాటు ఆర్థిక శాఖ, రెవిన్యూ శాఖ నుంచి పలువురు అధికారులు సోమవారం ఢిల్లీ వెళ్లేందుకు ఏర్పాట్లు జరుగుతున్నాయి. నితిన్ గడ్కరీ లేవనెత్తిన అన్ని అంశాలను ఢిల్లీలో ఈ అధికారుల బృందం ఆర్ధిక మంత్రిత్వ శాఖాధికారులను కలిసి, సందేహాలను నివృత్తి చేయనున్నది. ఈ బృందం ఢిల్లీలో పెద్దలను కలిసి మాట్లాడి వచ్చిన తర్వాత రాష్ట్రానికి చెందిన ఎంపీలు, ఎమ్మెల్యేలు, ఇతర పేద్దలంతా ఢిల్లీకి తరలి వెళ్లేందుకు కూడా పక్కా ప్రణాళికను రూపొందిస్తున్నారు. ముందస్తు నిధులతో పాటు రాష్ట్రానికి రావాల్సిన పెండింగ్ నిధులను ఇంతవరకు కేంద్రం విడుదల చేయకపోగా బీజేపీ నేతలు ఎదురుదాడికి దిగడంతో ముఖ్యమంత్రి ఈ విషయాన్ని ఎంతో ప్రతిష్టాత్మకంగా తీసుకున్నారు. ప్రాజెక్టు పనులను అనేక ప్రతికూల పరిస్థితుల్లో నిర్వహిస్తున్న క్రమంలో కేంద్రం రకరకాల కారణాలతో అడ్డుపుల్లలు వేస్తుండడంతో ప్రాజెక్టు పనులకు ఇబ్బందికర పరిస్థితి తలెత్తింది. ఒక వేళ చర్చల్లో కేంద్రం ఏమన్నా ఇబ్బందులు పెడితే, ముఖ్యమంత్రి చంద్రబాబు కూడా ఢిల్లీ వెళ్లేందుకు సిద్ధమవుతున్నారని తెలుస్తుంది.బాబు.

టీడీపీ ఎంపీలతో ముఖ్యమంత్రి చంద్రబాబు నాయుడు శుక్రవారం సమావేశం అయిన విషయం తెలిసిందే. ఆ సమావేశంలో పార్లమెంట్ సమావేశాల్లో అనుసరించాల్సిన వైఖరిపై నిశితంగా చర్చించారు. సుమారు అరగంటపాటు జరిగిన ఈ సమావేశంలో ఎంపీలకు.. సీఎం పలు కీలక సూచనలు చేశారు. ఏపీకి తీవ్ర అన్యాయం జరిగిందని.. పార్లమెంట్‌లో గతం కంటే ఉధృతంగా పోరాటం చేయాలని ఎంపీలకు సీఎం సూచించారు. కేంద్రంపై అన్ని వైపుల నుంచి ఒత్తిడి తీసుకురావాలన్నారు. ఢిల్లీ వేదికగా ప్రతిపక్షాల నేతలను కలిసి ఏపీకి జరిగిన అన్యాయంపై మద్దతు కోరాలని ఎంపీలకు సీఎం సూచించారు. బీజేపీ, కాంగ్రెస్ మినహా అన్ని పార్టీల మద్దతు కోరి.. రాష్ట్ర ప్రయోజనాలే లక్ష్యంగా పోరాటం చేయాలన్నారు. అవిశ్వాస తీర్మానం మళ్లీ పెట్టి.. తీర్మానానికి మిగిలిన ప్రతిపక్షాల మద్దతు కోరాలని ఎంపీలకు చంద్రబాబు సూచించడం జరిగింది. ఏపీకి బీజేపీ చేసిన నమ్మకద్రోహంపై పార్లమెంట్ సాక్షిగా నిలదీయాలన్నారు.

చంద్రబాబు సూచనల మేరకు, ఎంపీలు రెడీ అయ్యారు. కాంగ్రెస్‌, బీజేపీ యేతర పార్టీల నేతలను తెలుగుదేశం పార్టీ ఎంపీలు కలవనున్నారు. ఏపీకి ప్రత్యేకహోదా, ఆంధ్రప్రదేశ్‌కు జరిగిన అన్యాయాన్ని వివరించనున్నారు. ఆదివారం సాయంత్రం ముంబైలో శరద్‌పవార్, ఉద్ధవ్‌థాకరేలను ఎంపీలు తోట నరసింహం, రవీంద్ర బాబు కలవనున్నారు. అలాగే డీఎంకే, అన్నాడీఎంకే నేతలను టీడీపీ రాజ్యసభ సభ్యుడు సీఎం రమేష్ కలవనున్నారు. తెలంగాణ ముఖ్యమంత్రి కేసీఆర్‌ని అశోక్‌గజపతి రాజు, కొనకళ్ళ నారాయణ, శివప్రసాద్ కలవనున్నారు. ఆంధ్రప్రదేశ్ రాష్ట్రానికి కేంద్రం చేస్తున్న అన్యాయం, కేంద్రం పై తెలుగుదేశం పార్టీ చేస్తున్న పోరాటం గురించి వివరించనున్నారు. తమ పోరాటానికి, పార్లమెంట్ లో సహకారం అందించాలని కోరనున్నారు.

మరో పక్క, ఈ నెల 18 నుంచి జరిగే పార్లమెంట్ సమావేశాల్లో, కేంద్ర ప్రభుత్వంపై మళ్లీ అవిస్వాస తీర్మానం పెట్టాలని తెలుగుదేశం పార్టీ నేతలకు టీడీపీ అధినేత నారా చంద్రబాబు నాయుడు దిశానిర్దేశనం చేశారు. బీజేపీకి లబ్ధి చేకూర్చేందుకే వైయస్సార్ కాంగ్రెస్ పార్టీ రాజీనామా చేసిందని తెలుగుదేశం పార్టీ ఆరోపిస్తుంది. కేంద్ర ప్రభుత్వంపై మళ్లీ అవిశ్వాసం పెట్టాలని, అలాగే, రాజ్యసభ డిప్యూటీ చైర్మన్ ఎన్నికల్లో బీజేపీ అభ్యర్థికి వ్యతిరేకంగా ఓటు వేయాలని నిర్ణయం తీసుకున్నారు. లోకసభలో ప్రస్తుతం బీజేపీ బలం తగ్గిపోయిందని, మిత్రపక్షాల కారణంగా బీజేపీకి ఆధిక్యత ఉందని, కాంగ్రెస్‌, బీజేపీ యేతర పార్టీలను ఏకం చేసి, కేంద్రం పై పోరాటం కొనసాగిస్తామని తెలుగుదేశం పార్టీ నేతలు అంటున్నారు.